[1] Al-saalih yiddammar wa ma fi naadum al-yihimm be damaarah. Naas al-kheer yumuutu wa ma fi naadum yafham kadar wakit al-saalih yumuut da le yibaʼʼidah min al-charr.
[2] Laakin al-yamchu be l-hagg yumuutu wa yinjammo be l-salaam.
[3] Kan leeku intu, garrubu taʼaalu hini ! Ya iyaal al-mara al-tihajji // be ilim al-kheeb ! Ya intu zurriiyit al-zaaniye al-charmuuta !
[4] Tichchammato le yaatu ? Didd yaatu taftaho khuchuumku wa taburtu chalaaliifku ? Intu ma iyaal al-aasiyiin wa zurriiyit al-kaddaabiin walla ?
[5] Chahwitku le asnaamku takrubku jamb chadar al-balluut wa tihit ayyi chadara khadra. Intu tadbaho leehum iyaal fi l-wudyaan wa fi chuguug al-jibaal.
[6] Wa fi l-asnaam hana l-hujaar al-mulus fi l-waadi talge nasiibki, ya Madiinat al-Khudus wa humman dool bas gisimki ! Achaan leehum inti sabbeeti hadaaya charaab wa gaddamti hadaaya hana dagiig. Hal narda be l-achya dool walla ?
[7] Wa fi jabal tawiil wa aali, inti farrachti le l-charmata. Aywa, fi l-bakaan da bas, inti talaʼti le tigaddimi dahaaya le asnaamki.
[8] Wa fi madkhal beetki, // chaʼagti sihirki wa allabbadti minni baʼiid wa assallabti wa talaʼti fi sariirki wa farrachtiih. Wa kaffeeti rujaal waahidiin le yarugdu maʼaaki wa tichiifi ireehum.
[9] Wa inti gaddamti hadiiye hana dihin // le l-sanam Muulak wa sabbeeti itir katiir fi jilidki. Rassalti samsaariyiinki ale buldaan baʼiidiin wa rassaltiihum lahaddi bakaan al-maytiin.
[10] Min katarat charmatatki, ayyeeti nafiski wa be da kula, ma gulti : // «Ana khalleetah.» Wa ligiiti battaan gudritki wa ayaaki bigi ma fiih.
[11] «Yaatu khawwafki ziyaada lahaddi takdibi leyi wa ma tizzakkareeni wa ma tifakkiri foogi ? Ana sakatt mudda tawiile wa fi chaan da bas, // ma takhaafe minni walla ?
[12] Inti tahsibi nafiski adiile wa laakin ana nikhabbir // be kulla aʼmaalki wa be da, ma talge minhum // ayyi faayde.
[13] Wakit tasrakhe, hal asnaamki al-lammeetiihum yinajjuuki walla ? La ! Al-riih tichiilhum wa l-hawa yiwaddiihum ! Wa laakin le l-yaljaʼ leyi ana kamaan, nantiih al-ard warasa wa yawris jabali al-mukhaddas.»
[14] Wa l-Rabb yuguul : «Addulu ! Addulu wa jahhuzu al-derib ! Amurgu al-hajar min derib chaʼabi.»
[15] Achaan daahu kalaam Allah al-Aali al-gaaʼid foog, hu al-gaaʼid ila l-abad wa usmah al-Khudduus. Hu gaal : «Ana gaaʼid fi bakaan aali wa mukhaddas wa gaaʼid battaan maʼa naas al-guluubhum taʼbaaniin wa ruuhhum mutawaadiʼa le nahayi ruuh al-mutawaadiʼiin wa nahayi guluub al-taʼbaaniin.
[16] Achaan ana ma nahrij daayman wa ma nakhdab ila l-abad. La ! Ma nidoor yakhmar giddaami kulli makhluug hayy // al-ana khalagtah.
[17] «Wa be khataahum hana l-tamaʼ, ana khidibt wa darabt chaʼabi wa ma wajjaht aleehum. Ana khidibt wa humman macho fi isyaanhum wa taabaʼo chahwaat guluubhum.
[18] Ana chift duruubhum wa nachfiihum wa nuguudhum wa nihannishum battaan humman wa l-naas al-hizno fi chaanhum.
[19] Wa ana nukhutt al-hamd fi khuchuumhum. Al-salaam le l-gariib ! Al-salaam le l-baʼiid ! Aywa ana nachfiihum. Wa da, Allah bas gaalah.
[20] Wa l-aasiyiin misil al-bahar al-haayij // al-ma yagdar yagood saakit wa moojah yilizz al-tiine wa l-wasakh.»
[21] Wa Ilaahi gaal : «Le l-aasiyiin, ma fi salaam !»