[1] Garrubu, ya umam wa asmaʼo ! Ya chaʼab, khuttu adaanku ! Al-ard wa kulla cheyy al-foogha, aywa, al-dunya wa kulla cheyy // al-fiiha, asmaʼo.
[2] Achaan khadab Allah muwajjah // didd kulla l-umam wa zaʼalah didd kulla duyuuchhum. Hu yidammirhum damaar kaamil wa yiwaddiihum le l-juzur.
[3] Maytiinhum mudaffigiin wa min janaazaathum tatlaʼ afana wa l-jibaal yinballo min dammuhum.
[4] Wa kulla khuwwaat al-sama yiʼaffunu wa l-sama yatwuuh // misil kitaab malfuuf. Wa kulla l-khuwwaat yidaffugu misil warag al-inab al-yaabis wa misil warag al-tiin al-yibis.
[5] Wa Allah gaal : «Fi l-samaawaat, seefi rawyaan be l-khadab wa daahu yanzil didd balad Adoom, didd al-chaʼab al-ana khassastuhum // le l-damaar.»
[6] Wa seef Allah malaan be damm wa chabʼaan be chaham be damm al-khurfaan wa l-tuyuus wa be chaham kalaawe al-kubchaan. Achaan fiyah dahiiye le Allah // fi madiinat Busra wa fi katil katiir fi balad Adoom.
[7] Wa fi nafs al-wakit, yagaʼo maʼaahum al-jawaamiis wa l-ajjaal wa l-tiiraan. Arduhum tarwa be l-damm wa turaabhum yiddahhan // be l-chaham.
[8] Wa da yoom taar Allah wa di sanit hisaab fi chaan Sahyuun.
[9] Wa wudyaan Adoom yikhayyuru wa yinmalu gutraan wa turaabha yabga kibriit wa l-balad tabga misil gutraan muhrig.
[10] Wa l-gutraan da, naarah ma tumuut wa la leel wa la nahaar wa dukhkhaanah taaliʼ kulla yoom. Wa l-balad tagood kharaab // min zurriiye le zurriiye wa naadum ma yufuut beeha battaan.
[11] Wa l-bajaʼ wa abungineefit yawrusuuha wa amguggum wa l-khurbaat yaskunuuha. Wa yawzinha be miizaan al-faadi wa yikiilha be mikyaal al-kharaab.
[12] Wa ma fi kubaaraat al-yidarruju malik wa kulla masaaʼiilha // yabgo ma fiihum.
[13] Wa gusuurha al-gawiyiin // yugumm fooghum chook wa mudunha al-gawiyiin yinmalu // be andireesa wa haskaniit. Wa hi tabga margad hana baʼaachiim wa dungur naʼaam.
[14] Wa l-gitat yillaago maʼa l-maraafʼiin wa l-tuyuus yinnaado // al-waahid le l-aakhar. Wa amguggum talga bakaan tinjamma aywa, hi talga bakaan al-raaha.
[15] Wa fi l-bakaan da, al-daabi yisawwi uchchah wa yalda beedah wa yiraggid foogah wa yifaggiʼah wa yahmiih. Wa akiid fi l-bakaan da, al-suguura yilimmu ayyi waahid maʼa l-aakhar.
[16] Fattuchu fi kitaab Allah wa agru. Ayyi waahid min al-haywaanaat // ma gassar wa ayyi waahid yagood // maʼa rafiigah. Achaan Allah kallam wa anta izin wa ruuhah bas tilimmuhum.
[17] Hu bas sawwa leehum gisim // be amʼiyeedaat wa iidah gassamat leehum al-balad // be magaas. Wa humman yawrusuuha daayman wa yaskunu foogha // min zurriiye le zurriiye.