[1] ᐃᐢᐱ ᒫᑲ ᑳ ᐋᐸᐊᕽ ᑯᑕᐠ ᐊᑯᐢᑭᐊᐧᓯᑲᐣ, ᐁᑲᐧ ᑌᐸᑯᑊ, ᓇᒪ ᑫᑲᐧᐩ ᐯᐦᑖᑲᐧᐣ ᑭᐦᒋ ᑭᓯᑯᕽ ᓈᐣᑕᐤ ᐋᐱᑕᐤ ᑎᐸᐃᑲᐣ ᐃᔨᑯᕽ.
[2] ᐁᑯᓯ ᓂ ᐋᐧᐸᒫᐊᐧᐠ ᐊᓂᑭ ᑌᐸᑯᑊ ᐅᑭᓯᑯᐊᐧᐠ ᑳ ᐅᑎᐢᑲᐃᐧᑳᐸᐃᐧᐢᑕᐋᐧᒋᐠ ᑭᓭᒪᓂᑐᐊᐧ; ᑭ ᒥᔮᐊᐧᐠ ᒫᑲ ᑌᐸᑯᑊ ᐱᐱᑲᐧᓇ.
[3] ᐁᑯᓯ ᑯᑕᐠ ᐅᑭᓯᑯ ᑭ ᐯ ᓇᑕᐃᐧ ᓂᐸᐃᐧᐢᑕᑦ ᐸᑭᑎᓈᓱᐃᐧᓈᐱᐢᐠ, ᐁ ᐊᔭᐟ ᐅᓵᐃᐧᓱᓂᔮᐃᐧ ᐃᐧᑭᒫᓯᑲᓈᐱᐢᐠ; ᒥᐢᑕᐦᐃ ᒫᑲ ᑭ ᒥᔮᐤ ᐃᐧᑭᒫᓯᑲᐣ, ᑭᑕ ᑭᑭᓇᕽ ᐅᐟ ᐊᔭᒥᐦᐋᐃᐧᓂᔨᕽ ᑲᐦᑭᔭᐤ ᐅᑲᓈᑎᓯᐊᐧ ᐅᓵᐃᐧᓱᓂᔮᐃᐧ ᐸᑭᑎᓈᓱᐃᐧᓈᐱᐢᑯᕽ ᑳ ᐊᔮᔨᐠ ᑎᐱᐢᑯᐨ ᑭᐦᒋ ᐊᐱᐃᐧᓂᕽ.
[4] ᐁᑯᓯ ᐁ ᑲᐢᑳᐸᑌᐠ ᐊᓂᒪ ᐃᐧᑭᒫᓯᑲᐣ, ᑭᑭ ᐅᐟ ᐊᔭᒥᐦᐋᐃᐧᓂᐋᐧᐊᐧ ᐅᑲᓈᑎᓴᐠ ᑭ ᐃᐢᐹᑫᐸᔨᔨᐤ ᐁ ᐋᐧᐸᐦᑕᕽ ᑭᓭᒪᓂᑐ ᐅᑭᓯᑯᐊᐧ ᐅᒋᐦᒋᔨᕽ ᐅᐦᒋ.
[5] ᐁᑯᓯ ᐊᓇ ᐅᑭᓯᑯ ᐅᑎᓇᑦ ᐃᐧᑭᒫᓯᑲᓈᐱᐢᐠ; ᑭ ᒧᐢᑭᓀ ᐊᓯᐊᐧᑖᐤ ᒫᑲ ᐃᐢᑯᑌᐤ ᐸᑭᑎᓈᓱᐃᐧᓈᐱᐢᑯᕽ ᐅᐦᒋ, ᐁᑯᓯ ᐊᐢᑭᕽ ᑭ ᐃᓯ ᐁᐧᐱᓇᑦ; ᐁᑲᐧ ᓈᐊᐧᐩ ᐁ ᑭᑐᒋᐠ, ᒥᓇ ᐁ ᐸᐯᑖᑯᓯᕽ, ᒥᓇ ᐁ ᐊᐧᐋᐧᓴᐢᑯᑌᐸᔨᐠ, ᒥᓇ ᐁ ᑭᑲᐧᕽ.
[6] ᐊᓂᑭ ᒫᑲ ᑌᐸᑯᑊ ᐅᑭᓯᑯᐊᐧᐠ ᑳ ᐊᔮᒋᐠ ᑌᐸᑯᑊ ᐱᐱᑲᐧᓇ ᑭ ᐊᐧᐁᐧᔨᐊᐧᐠ ᑭᑕ ᑭᑐᐦᑖᒋᐠ.
[7] ᐊᓇ ᒫᑲ ᓂᐢᑕᑦ ᑭ ᑭᑐᐦᑖᐤ, ᐁᑲᐧ ᒫᑲ ᓭᓭᑲᐣ ᒥᓇ ᐃᐢᑯᑌᐤ ᐁ ᑭᔨᑲᐃᐧ ᐊᔮᐠ ᒫᑲ ᒥᐦᑯ, ᐁᑯᓯ ᐊᐢᑭᕽ ᑭ ᐃᓯ ᐁᐧᐱᓂᑳᑌᐊᐧ; ᐯᔭᐠ ᒫᑲ ᐁ ᑭ ᓂᐢᑐᑖᕽ ᐊᐢᑭ ᑭ ᑭᓯᑌᐤ, ᒥᓇ ᐯᔭᐠ ᐁ ᑭ ᓂᐢᑐᐃᐦᒋᐠ ᒥᐢᑎᑳᐧᐠ ᑭ ᑭᓯᓱᐊᐧᐠ, ᒥᓇ ᑲᐦᑭᔭᐤ ᐁ ᐊᓯᐢᑳᑭ ᒪᐢᑯᓯᔭ ᑭ ᑭᓯᑌᐊᐧ.
[8] ᐊᓇ ᒫᑲ ᑯᑕᐠ ᐅᑭᓯᑯ, ᐁᑲᐧ ᓂᓱ, ᑭ ᑭᑐᐦᑖᐤ. ᐁᑲᐧ ᑖᐱᐢᑯᐨ ᑭᐦᒋ ᐊᐧᒋ ᐁ ᑳᐧᑯᑌᐠ ᐃᐢᑯᑌᐤ ᐅᐦᒋ ᑭᐦᒋᑲᒥᕽ ᑭ ᐃᓯ ᐁᐧᐱᓂᑳᑌᐤ; ᐁᑯᓯ ᐯᔭᐠ ᐁ ᑭ ᓂᐢᑐᑖᕽ ᑭᐦᒋᑲᒥ ᒥᐦᑯ ᑭ ᐃᓯ ᐊᔮᐤ;
[9] ᑭ ᓂᐱᐊᐧᐠ ᒫᑲ ᐯᔭᐠ ᐁ ᑭ ᓂᐢᑐᐃᐦᒋᐠ ᐅᓯᐦᒋᑲᓇᐠ ᑭᐦᒋᑲᒥᕽ ᑳ ᐊᔮᒋᐠ, ᐊᓂᑭ ᐅᑎ ᑳ ᐱᒫᑎᓯᒋᐠ; ᒥᓇ ᐯᔭᐠ ᐁ ᑭ ᓂᐢᑐᑖᕽ ᓈᐱᑳᐧᓇ ᑭ ᓂᓯᐊᐧᓈᑕᓇᐧ.
[10] ᐊᓇ ᒫᑲ ᑯᑕᐠ ᐅᑭᓯᑯ, ᐁᑲᐧ ᓂᐢᑐ, ᑭ ᑭᑐᐦᑖᐤ, ᐁᑯᓯ ᑭ ᐸᐦᑭᓯᐣ ᑭᓯᑯᕽ ᐅᐦᒋ ᑭᐦᒋ ᐊᒐᐦᑯᐢ, ᐁ ᑳᐧᑯᓱᐟ ᑖᐱᐢᑯᐨ ᐋᐧᓴᐢᑯᑌᓂᑲᐣ ᑭ ᐸᐦᑭᓯᐣ ᒫᑲ ᐯᔭᑲᐧᔭᐠ ᐁ ᑭ ᓂᐢᑐᑖᕽ ᓯᐱᔭ ᒥᓇ ᐁ ᒧᑭᒍᐊᐧᓂᐯᑯᐊᐧᑭ ᓂᐱᔭ;
[11] ᐁᑯᓯ ᐊᓇ ᐊᒐᐦᑯᐢ ᐃᐧᓴᑳᐦᑎᐠ ᑭ ᐃᓯᔨᐦᑳᓱ; ᐯᔭᐠ ᒫᑲ ᐁ ᑭ ᓂᐢᑐᑖᕽ ᓂᐱᔭ ᑭ ᐃᐧᓴᑳᑎᑯᐊᐧᓇᐧ; ᒥᐦᒉᐟ ᒫᑲ ᐊᔨᓯᔨᓂᐊᐧᐠ ᑭ ᓂᐸᐃᑲᐧᐠ ᓂᐱᔭ ᒋᑫᒫ ᐁ ᐃᐧᓴᑲᑭ.
[12] ᐊᓇ ᒫᑲ ᑯᑕᐠ ᐅᑭᓯᑯ, ᐁᑳᐧ ᓀᐤ, ᑭ ᑭᑐᐦᑖᐤ, ᐁᑯᓯ ᐯᔭᐠ ᐁ ᑭ ᓂᐢᑐᐃᐦᐟ ᐱᓯᑦ ᑭ ᐸᑲᒪᐋᐧᐤ, ᒥᓇ ᐯᔭᐠ ᐁ ᑭ ᓂᐢᑐᐃᐦᐟ ᑎᐱᐢᑳᐃᐧ ᐱᓯᑦ, ᒥᓇ ᐯᔭᐠ ᐁ ᑭ ᓂᐢᑐᐃᐦᒋᐠ ᐊᒐᐦᑯᓴᐠ; ᐯᔭᑲᐧᔭᐠ ᐁ ᑭ ᓂᐢᑐᐃᐦᒋᐠ ᑭᑕ ᐊᐧᓂᑎᐱᐢᑭ ᐊᔮᒋᐠ, ᒥᓇ ᑭᓯᑳᐤ ᐁᑳ ᑭᑕ ᐋᐧᓭ ᐊᔮᐠ ᐯᔭᐠ ᐯ ᑭ ᓂᐢᑐᑖᕽ ᐃᔨᑯᕽ, ᒥᓇ ᐁ ᑎᐱᐢᑳᐠ ᒥᓇ ᐁᑯᓯ ᐃᓯ.
[13] ᐁᑲᐧ ᓂ ᐋᐧᐸᒫᐤ ᒥᓇ ᓂ ᐯᑕᐋᐧᐤ ᒥᑭᓯᐤ ᐁ ᐱᒥᔮᐟ ᓇᔦᐊᐧᒋᑭᓯᑯᕽ ᐁ ᐃᑌᐧᐟ ᐁ ᑭᐦᒋ ᑭᓯᐁᐧᐟ, ᑯᑕᑭᑖᐃᐧᐣ, ᑯᑕᑭᑖᐃᐧᐣ, ᑯᑕᑭᑖᐃᐧᐣ, ᑭᑕ ᐊᔮᐊᐧᐠ ᐊᓂᑭ ᐊᐢᑭᕽ ᑯᑕᐢᑭᒋᐠ ᐊᓂᐦᐃ ᐅᐦᒋ ᑯᑕᑲ ᑫ ᐯᑖᑲᐧᓂᔨᑭ ᐅ ᐱᐱᑲᐧᓂᐋᐧᐊᐧ ᐊᓂᑭ ᓂᐢᑐ ᐅᑭᓯᑯᐊᐧᐠ ᑫᔮᐱᐨ ᑫ ᑭᑐᐦᑖᒋᐠ.