[1] ᑭᐦᒋ ᒪᒫᑖᐋᐧᐱᓯᓄᐃᐧᐣ ᒫᑲ ᑭ ᓄᑲᐧᐣ ᑭᐦᒋ ᑭᓯᑯᕽ; ᐃᐢᑫᐧᐤ ᐱᓯᒪᐧ ᐁ ᐅ ᑭᑭᐢᑳᒋᑲᓂᐟ ᐁᑯᓯ ᑎᐱᐢᑳᐃᐧ ᐱᓯᒪᐧ ᓯᐹ ᐅᓯᑎᕽ, ᐅᐢᑎᑳᐧᓂᕽ ᒫᑲ ᐁ ᐅ ᑭᐦᒋ ᐅᑭᒫᐊᐧᐢᑐᑎᓂᐟ ᒥᑖᑕᐟ ᓂᓱᓵᑊ ᐊᒐᐦᑯᓴ;
[2] ᐁᑯᓯ ᐊᐋᐧᓯᓴ ᑭ ᑭᑭᐢᑲᐁᐧᐤ; ᑭ ᐯᐦᑖᑯᓯᐤ ᒫᑲ ᐁ ᐃᐧ ᐋᐧᐸᒫᐊᐧᓱᐟ, ᐁ ᐃᐧᓴᑫᔨᑕᕽ ᐁ ᐃᐧ ᓄᑯᓯᔨᐟ.
[3] ᐁᑯᓯ ᑯᑕᐠ ᒪᒫᑖᐋᐧᐱᓯᓄᐃᐧᐣ ᑭ ᓄᑲᐧᐣ ᑭᐦᒋ ᑭᓯᑯᕽ; ᐳᑎ ᒫᑲ ᑭᐦᒋ ᑕᕒᐋᑲᐣ ᐁ ᒥᐦᑯᓯᐟ, ᑌᐸᑯᑊ ᐁ ᐃᑕᑎᓂᔨᑭ ᐅᐢᑎᑳᐧᓇ ᒥᓇ ᒥᑖᑕᐟ ᐁ ᐃᑕᑐᐃᐧᑌᐟ, ᐁᑯᓯ ᐁ ᑭᑲᐢᑐᑎᓀᐟ ᑌᐸᑯᑊ ᐅᑭᒫᐊᐧᐢᑐᑎᓇ.
[4] ᐁᑯᓯ ᐅᓱᕽ ᐅᐦᒋ ᐅᑖᐯᑭᓀᐤ ᐯᔭᑲᐧᔭᐠ ᐁ ᑭ ᓂᐢᑐᐃᐦᒋᐠ ᐊᒐᐦᑯᓴᐠ ᑭᓯᑯᕽ, ᒥᓇ ᐊᐢᑭᕽ ᑭ ᐃᓯᐁᐧᐱᓀᐤ; ᐁᑯᓯ ᐊᓇ ᑕᕒᐋᑲᐣ ᑭ ᐅᑎᐢᑲᐃᐧᑳᐸᐃᐧᐢᑕᐁᐧᐤ ᐊᓂᐦᐃ ᐃᐢᑫᐧᐊᐧ ᑳ ᐃᐧ ᐋᐧᐸᒫᐊᐧᓱᔨᐟ, ᐃᐢᐱ ᐁ ᓄᑯᓯᔨᐟ ᑭᑕ ᑭᑕᒫᐧᔨᐟ ᐅᐟ ᐊᐋᐧᓯᒥᓯᔨᐊᐧ.
[5] ᑭ ᓄᑯᓯᔨᐊᐧ ᒫᑲ ᐁ ᐅᑯᓯᓯᐟ, ᓈᐯᐤ ᐊᐋᐧᓯᓴ, ᐊᓇ ᑫ ᐅᔭᓱᐋᐧᑖᐟ ᐁ ᐃᑕᑐᐢᑳᓀᓯᔨᐟ ᐊᔨᓯᔨᓂᐊᐧ ᐱᐋᐧᐱᐢᑯ ᐸᓴᐢᑌᐃᑲᐣ ᐅᐦᒋ; ᐁᑯᓯ ᐅᐟ ᐊᐋᐧᓯᒥᓴ ᑭ ᐅᑎᑎᓂᒫᐊᐧ ᐃᑕ ᑭᓭᒪᓂᑐ ᐁ ᐊᔮᐟ ᒥᓇ ᐅ ᑭᐦᒋ ᐊᐱᐃᐧᓂᕽ.
[6] ᐊᓇ ᐃᐢᑫᐧᐤ ᒫᑲ ᐱᑲᐧᑕᐢᑭᕽ ᑭ ᐃᑖᒧ, ᐁᑯᑕ ᐁ ᑭ ᑲᐧᔮᒋᑕᒫᑯᐟ ᑭᓭᒪᓂᑐᐊᐧ ᐃᑕ ᑭᑕ ᐊᔮᐟ, ᐁᑯᑕ ᑭᑕ ᑲᓇᐁᐧᔨᒫᒋᐠ ᑭᐦᒋ ᒥᑖᑕᐦᑐᒥᑕᓇᐤ ᐊᔨᐋᐧᐠ ᓂᓵᐧᐤ ᒥᑖᑕᐦᑐᒥᑕᓇᐤ ᒥᓇ ᓂᑯᑖᐧᓱᒥᑕᓇᐤ ᑭᓯᑳᐊᐧ.
[7] ᑭ ᓄᑎᓂᑐᓈᓂᐊᐧᐣ ᒫᑲ ᑭᐦᒋ ᑭᓯᑯᕽ, ᒫᐃᑫᓬ ᒥᓇ ᐅᑭᓯᑯᒪ ᐁ ᓇᑕᐃᐧ ᓄᑎᓈᒋᐠ ᐊᓂᐦᐃ ᑕᕒᐋᑲᓇ; ᐁᑯᓯ ᐊᓇ ᑕᕒᐋᑲᐣ ᑭ ᓄᑎᓂᑫᐤ ᐃᐧᔭ ᒥᓇ ᐅᑭᓯᑯᒪ;
[8] ᓇᒪᐃᐧᔭ ᒫᑲ ᑭ ᓵᑯᑖᐧᐊᐧᐠ ᓇᒪᐃᐧᔭ ᒥᓇ ᐃᐧᑳᐨ ᑭ ᐃᐦᑕᑲᐧᓂᔨᐤ ᐃᑕ ᑭᑕ ᐊᔮᒋᐠ ᑭᐦᒋ ᑭᓯᑯᕽ.
[9] ᐁᑯᓯ ᐊᓇ ᑭᐦᒋ ᑕᕒᐋᑲᐣ ᑭ ᐊᐧᔭᐃᐧᐁᐧᐱᓈᐤ, ᐊᓇ ᑲᔮᓯ ᑭᓀᐱᐠ ᐊᓇ ᒪᒑᔭ ᒥᓇ ᓭᑕᐣ ᑳ ᐃᓯᔨᐦᑳᓱᐟ, ᐊᓇ ᐅᐊᐧᔦᓯᐃᐁᐧᐤ ᒥᓯᐁᐧᐢᑲᒥᐠ; ᐊᐢᑭᕽ ᑭ ᐃᓯ ᓂᐦᒋᐁᐧᐱᓈᐤ ᒥᓇ ᐅᑭᓯᑯᒪ ᑭᑭ.
[10] ᐁᑯᓯ ᓂ ᐯᐦᑌᐣ ᐁ ᑭᐦᒋ ᑭᓯᐁᐧᐟ ᑭᐦᒋ ᑭᓯᑯᕽ ᐁ ᐃᑌᐧᐟ, ᐁᑲᐧ ᐅᑎᐦᒋᐸᔨᐤ ᐱᒫᒋᐦᐃᐁᐧᐃᐧᐣ, ᒥᓇ ᒪᐢᑲᐃᐧᓯᐃᐧᐣ, ᒥᓇ ᐅ ᑭᐦᒋ ᐅᑭᒫᐃᐧᐃᐧᐣ ᑭ ᑭᓭᒪᓂᑐᒥᓇᐤ, ᒥᓇ ᐅ ᑎᐯᔨᐦᒋᑫᐃᐧᓂᔨᐤ ᐅ ᙭ᐃᒪ; ᒋᑫᒫ ᐊᓇ ᑳ ᒪᒥᓯᒫᐟ ᑭᒋᐋᐧᒥᓇᐊᐧ ᓂᐦᒋᐁᐧᐱᓈᐤ ᑳ ᒪᒥᓯᒫᐟ ᐅᐟ ᐋᐢᑕᒥᐃᐧᓂᔨᕽ ᑭ ᑭᓭᒪᓂᑐᒥᓇᐊᐧ ᐁ ᑭᓯᑳᔨᐠ ᒥᓇ ᐁ ᑎᐱᐢᑳᔨᐠ.
[11] ᑭ ᓵᑯᒋᐁᐊᐧᐠ ᒫᑲ ᐅ ᒥᐦᑯᔨᐤ ᒫᔭᑎᐦᑯᓯᓴ ᐅᐦᒋ, ᒥᓇ ᐁ ᐃᑌᐧᒪᑲᓂᔨᐠ ᐅᐟ ᐋᒋᒧᐃᐧᓂᐋᐧᐤ; ᐁᑯᓯ ᓇᒪᐃᐧᔭ ᑭ ᓵᑭᑖᐊᐧᐠ ᐅ ᐱᒫᑎᓯᐃᐧᓂᐋᐧᐤ ᐊᐦᐳ ᓂᐳᐃᐧᓂᕽ ᐃᐢᑯ.
[12] ᐁᑯᓯ ᒫᑲ ᒪᒪᐦᑖᑯᓯᐠ ᑭᔭᐋᐧᐤ ᑭᓯᑲᐧ, ᒥᓇ ᑭᔭᐋᐧᐤ ᐁᑯᑕ ᑳ ᐊᔮᔦᐠ. ᑯᑕᑭᑖᐃᐧᐣ ᐃᐧᔭ ᐊᐢᑭᕽ ᒥᓇ ᑭᐦᒋᑲᒥᕽ; ᒋᑫᒫ ᒪᒑᔭ ᑭ ᓈᑎᑯᐋᐧᐤ ᐁ ᐊᔮᐟ ᑭᐦᒋ ᑭᓯᐋᐧᓯᐃᐧᐣ, ᐃᐧᔭ ᐁ ᑭᐢᑫᔨᑕᕽ ᐊᒋᔭᐤ ᐱᑯ ᑭᑕ ᐊᔮᐟ.
[13] ᐃᐢᐱ ᒫᑲ ᐊᓇ ᑕᕒᐋᑲᐣ ᐃᐧᔮᐸᐦᑕᕽ ᐊᐢᑭᕽ ᐁ ᐃᓯ ᓂᐦᒋᐁᐧᐱᓂᐦᐟ ᑭ ᑯᑕᑭᐁᐤ ᐊᓂᐦᐃ ᐃᐢᑫᐧᐊᐧ ᑳ ᑭ ᓂᐦᑖᐃᐧᑭᐋᔨᐟ ᐊᓂᐦᐃ ᓈᐯᓯᓴ.
[14] ᑭ ᒥᔮᐤ ᒫᑲ ᐊᓇ ᐃᐢᑫᐧᐤ ᐁ ᐃᓯ ᓂᓯᓂᔨᑭ ᑭᐦᒋ ᒥᑭᓯᐤ ᐅᑕᑕᑲᐧᓇ ᑭᑕ ᐃᐢᐱᔮᐟ ᐱᑲᐧᑕᐢᑭᕽ ᐃᑕ ᐁ ᐅᐟ ᐃᑖᐃᐧᓂᐟ, ᐁᑯᑕ ᑭᑕ ᑲᓇᐁᐧᔨᑖᑯᓯᐟ ᓇᐃᔨᑯᕽ ᒥᓇ ᑳᑭᑖᐧᑦ ᐃᔨᑯᕽ ᒥᓇ ᐋᐱᑕᐤ ᐃᔨᑯᕽ, ᐁᑳ ᑭᑕ ᐋᐧᐸᒥᑯᐟ ᐊᓂᐦᐃ ᑭᓀᐱᑲᐧ.
[15] ᐊᓇ ᑭᓀᐱᐠ ᒫᑲ ᑭ ᓄᓴᐃᐧ ᓯᓱᐹᑌᐤ ᐊᓂᐦᐃ ᐃᐢᑫᐧᐊᐧ ᐅᑐᓂᕽ ᐅᐦᒋ ᓂᐱ ᑖᐱᐢᑯᐨ ᓯᐱ, ᑭᑕ ᐁᐧᐹᐳᑯᔨᐟ ᐁ ᐱᒥᒋᐊᐧᓂᔨᐠ.
[16] ᒫᑲ ᐊᐢᑭ ᑭ ᐃᐧᒋᐃᐠ ᐊᓇ ᐃᐢᑫᐧᐤ ᐁᑯᓯ ᐊᐢᑭ ᑭ ᑖᐊᐧᑎᒪᑲᐣ ᒥᓇ ᑭ ᑰᒋᐸᔨᑖᒪᑲᐣ ᐊᓂᒪ ᓯᐱ ᐊᓇ ᑕᕒᐋᑲᐣ ᐅᑐᓂᕽ ᑳ ᑭ ᐅᐦᒋᒋᐊᐧᓂᑖᐟ.
[17] ᐊᓇ ᒫᑲ ᑕᕒᐋᑲᐣ ᒥᐢᑕᐦᐃ ᑭ ᑭᓯᐋᐧᐃᐠ ᐊᓂᐦᐃ ᐃᐢᑫᐧᐊᐧ ᐁᑯᓯ ᑭ ᓯᐯᐧᑌᐤ ᐁ ᓇᑕᐃᐧ ᓄᑎᓂᒫᐟ ᐊᓂᐦᐃ ᑯᑕᑲ ᐅᐟ ᐊᐋᐧᓯᒥᓯᔨᐊᐧ ᑳ ᑲᓇᐁᐧᔨᑕᒥᔨᐟ ᑭᓭᒪᓂᑐ ᐅᔭᓱᐁᐧᐃᐧᓇ ᒥᓇ ᑳ ᒥᒋᒥᓇᒥᔨᐟ ᐅᐟ ᐋᒋᒧᐃᐧᓂᔨᐤ ᒋᓴᓴ,