[1] ᓂ ᑭ ᐋᐧᐸᑌᐣ ᒫᑲ ᑯᑕᐠ ᒫᒫᑖᐊᐧᐱᓯᓄᐃᐧᐣ ᑭᐦᒋ ᑭᓯᑯᕽ, ᐁ ᑭᐦᒑᔨᐊᐧᕽ ᒥᓈ ᐁ ᒫᒪᐢᑳᑌᔨᑖᑲᐧᕽ, ᑌᐸᑯᑊ ᐅᑭᓯᑯᐊᐧᐠ ᐁ ᐊᔮᒋᐠ ᑌᐸᑯᑊ ᑯᑕᑭᐦᐃᐁᐧᐃᐧᓇ, ᐁᐊᐧᑯᓂ ᐃᐢᑳᐧᔮᐨ, ᒋᑫᒫ ᐁᑯᑕ ᑭᓯᒋᑳᑌᔨᐤ ᐅ ᑭᓯᐋᐧᓯᐃᐧᐣ ᑭᓭᒪᓂᑐ.
[2] ᓂ ᑭ ᐋᐧᐸᑌᐣ ᒫᑲ ᒫᓇ ᐱᑯ ᐋᐧᐸᒧᓈᐱᐢᑯᐃᐧ ᑭᐦᒋᑲᒥ ᐃᐢᑯᑌᐤ ᐁ ᑭᔨᑲᐃᐧ ᐊᔮᐠ; ᐊᓂᑭ ᒫᑲ ᑳ ᑭ ᓵᑯᒋᐋᒋᐠ ᐊᓂᑭ ᐱᓯᐢᑭᐊᐧ ᒥᓇ ᐅ ᓇᐢᐱᓯᒋᑲᓂᔨᐤ, ᒥᓇ ᐁ ᐃᑕᑕᐧᑭᑌᔨᐠ ᐅ ᐃᐧᔪᐃᐧᐣ ᐁ ᓂᐸᐃᐧᒋᐠ ᒋᑭ ᐊᓂᒪ ᐋᐧᐸᒧᓈᐱᐢᑯᐃᐧ ᑭᐦᒋᑲᒥ, ᐁ ᐊᔮᒋᐠ ᐅ ᑭᑐᒋᑲᓂᔨᐊᐧ ᑭᓭᒪᓂᑐᐊᐧ.
[3] ᐁᑯᓯ ᓂᑲᒧᐊᐧᐠ ᐅ ᓂᑲᒧᓂᔨᐤ ᒧᓯᓴ ᐅᐟ ᐊᑐᐢᑫᔮᑲᓇ ᑭᓭᒪᓂᑐ, ᒥᓇ ᐅ ᓂᑲᒧᓂᔨᐤ ᒫᔭᑎᐦᑯᓯᓴ, ᐁ ᐃᑌᐧᒋᐠ, ᑭᐦᒑᔨᐊᐧᓇᐧ ᒥᓇ ᒫᒪᐢᑳᑌᔨᑖᑲᐧᓇᐧ ᑭᐟ ᐃᓯᐦᒋᑫᐃᐧᓇ ᑳ ᑎᐯᔨᐦᒋᑫᔭᐣ ᑭᓭᒪᓂᑐ, ᒫᒪᐁᐧᔭᐢ ᓯᔪᑳᑎᓯᔭᐣ; ᑲᐧᔭᐢᑲᐧᓇᐧ ᒥᓇ ᑖᐯᐧᐃᐧᓂᐊᐧᓇᐧ ᑭᐟ ᐃᑖᑎᓯᐃᐧᓇ ᑭᔭ ᐅ ᑭᐦᒋ ᐅᑭᒫᒥᐋᐧᐊᐧ ᐅᑲᓈᑎᓯᐊᐧᐠ.
[4] ᐊᐁᐧᓇ ᐁᑳ ᑫ ᑯᓯᑫᐧᔨᑕᕽ, ᑌᐯᔨᐦᒋᑫᔭᐣ, ᒥᓇ ᑫ ᑭᐢᑕᑭᑕᕽ ᑭ ᐃᐧᔪᐃᐧᐣ ᒋᑫᒫ ᑭᔭ ᐱᑯ ᑭ ᑲᓈᑎᓯᐣ; ᐃᐧᔭ ᑲᐦᑭᔭᐤ ᐁ ᐃᑕᑐᐢᑳᓀᓯᕽ ᑭ ᑲ ᐯ ᓇᑕᐃᐧ ᐋᔭᒥᐁᐢᑖᑲᐧᐠ; ᐊᔨᐢ ᑳ ᑲᐧᔭᐢᑲᐧᑭ ᑭᐟ ᐃᓯᐦᒋᑫᐃᐧᓇ ᑭ ᓄᑯᑖᓂᐊᐧᓇᐧ.
[5] ᒣᐧᐢᑕᐢ ᐃᔨᑯᕽ ᒫᑲ ᐅᐦᐃ ᓂ ᑭ ᐋᐧᐸᑌᐣ, ᐁᑯᓯ ᐁ ᑭᐦᒋ ᐊᔭᒥᐦᐁᐃᐧᑲᒥᑯᐊᐧᕽ ᐊᓂᒪ ᐋᒋᒧᐃᐧᓂ ᐊᔭᒥᐦᐁᐃᐧᒥᑭᐋᐧᐦᑊ ᑭᐦᒋ ᑭᓯᑯᕽ ᑭ ᔪᑌᓂᑳᑌᐤ;
[6] ᐁᑯᑕ ᒫᑲ ᑭᐦᒋ ᐊᔭᒥᐦᐁᐃᐧᑲᒥᑯᕽ ᑭ ᐯ ᐅᐦᒋ ᐊᐧᔭᐃᐧᐊᐧᐠ ᐊᓂᑭ ᑌᐸᑯᑊ ᐅᑭᓯᑯᐊᐧᐠ ᑳ ᐊᔮᒋᐠ ᐊᓂᐦᐃ ᑌᐸᑯᑊ ᑯᑕᑭᐦᐃᐁᐧᐃᐧᓇ, ᐁ ᑭᑭᐢᑲᐋᐧᒋᐠ ᓱᓂᔮᐊᐧᓯᓂᔭ, ᐁ ᐯᑭᓯᔨᐟ ᒥᓇ ᐁ ᐋᐧᓯᑲᐧᑭᓯᔨᐟ, ᐁᑯᓯ ᐁ ᐸᑲᐧᑌᐦᐅᒋᐠ ᐋᐧᐢᑭᑲᓂᐋᐧᕽ ᐅᓵᐃᐧᓱᓂᔭᐃᐧ ᐸᑲᐧᑌᐦᐅᓇ.
[7] ᐯᔭᐠ ᒫᑲ ᐊᓂᑭ ᓀᐅ ᑳ ᐱᒫᑎᓯᒋᐠ ᐅᓯᐦᒋᑲᓇᐠ ᑭ ᒥᔦᐤ ᐊᓂᐦᐃ ᑌᐸᑯᑊ ᐅᑭᓯᑯᐊᐧ ᑌᐸᑯᑊ ᐅᓵᐃᐧ ᓱᓂᔮᐃᐧ ᐊᓯᐊᐧᒋᑲᓇ ᐁ ᒧᐢᑭᓀᑭ ᐅ ᑭᓯᐋᐧᓯᐃᐧᐣ ᑭᓭᒫᓂᑐ, ᐊᓇ ᑳ ᐱᒫᑎᓯᐟ ᑳᑭᑫ ᒥᓇ ᑳᑭᑫ,
[8] ᑭᐦᒋ ᐊᔭᒥᐦᐁᐃᐧᑲᒥᐠ ᒫᑲ ᑭ ᒧᐢᑭᓀᐤ ᐁ ᑲᐢᑳᐸᑌᐠ ᐅ ᒪᓂᑐᐋᐧᐢᑌᐃᐧᓂᕽ ᐅᐦᒋ ᑭᓭᒪᓂᑐ, ᒥᓇ ᐅ ᑲᐢᑭᐦᐁᐃᐧᓯᐃᐧᓂᕽ; ᓇᒪᐃᐧᔭ ᒫᑲ ᐊᐃᐧᔭᐠ ᑲᐢᑭᑖᐤ ᑭᑕ ᐱᐦᑐᑫᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ ᐹᑎᒫ ᐃᔨᑯᕽ ᐊᓂᐦᐃ ᑌᐸᑯᑊ ᐅ ᑯᑕᑭᐦᐃᐁᐧᐃᐧᓂᐋᐧᐊᐧ ᐊᓂᑭ ᑌᐸᑯ ᐅᑭᓯᑯᐊᐧᐠ ᐁ ᐳᓂᐸᔨᑭ.