[1] ᐁᑯᓯ ᐅᑭᓯᑯ ᐊᓂᒪ ᐊᔭᒥᐦᐁᐃᐧᑲᒥᐠ ᓵᕒᑎᓯᕽ ᒪᓯᓇᐦᐊᒪᐤ; ᐅᐦᐃ ᐃᑌᐧᐤ ᐊᓇ ᑳ ᐊᔮᐋᐧᐟ ᑌᐸᑯᑊ ᐅᐟ ᐊᐦᒑᐦᑯᔨᐋᐧ ᑭᓭᒪᓂᑐ ᒥᓇ ᑌᐸᑯᑊ ᐊᒐᐦᑯᓴ; ᓂ ᑭᐢᑫᔨᑌᐣ ᑭᐟ ᐃᓯᐦᒋᑫᐃᐧᓇ, ᐁ ᐊᔮᔭᐣ ᐃᐧᔪᐃᐧᐣ ᐁ ᐱᒫᑎᓯᔭᐣ ᒫᑲ ᑭ ᓂᐱᐣ.
[2] ᐊᓴᐋᐧᐱ, ᒥᓇ ᐋᔮᑕᐢᑖ ᐊᓂᐦᐃ ᑳ ᐃᐢᑯᐸᔨᑭ, ᑫᑳᐟ ᑳ ᑭ ᓂᐳᒪᑲᑭ; ᒋᑫᒫ ᓇᒪᐃᐧᔭ ᓄᐦᒋ ᒥᐢᑫᐣ ᑭᐟ ᐃᓯᐦᒋᑫᐃᐧᓇ ᐁ ᑎᐱᑐᑕᒪᐣ ᐁ ᐃᓯ ᐋᐧᐸᐦᑕᕽ ᓂ ᑭᓭᒪᓂᑐᑦ.
[3] ᑲᓄᑭᐢᑭᓯ ᒫᑲ ᑳ ᑭ ᐃᓯ ᒥᔨᑲᐃᐧᔭᐣ ᒥᓇ ᑳ ᑭ ᐃᓯ ᐯᑕᒪᐣ; ᐁᑯᓯ ᑲᓇᐁᐧᔨᑕ ᒥᓇ ᑫᐧᐢᑳᑎᓯ. ᑭᐢᐱᐣ ᒫᑲ ᐁᑳ ᐊᓴᐋᐧᐱᔭᓂ ᓂ ᑲ ᑕᑯᓯᓂᐣ ᑖᐱᐢᑯᐨ ᑭᒧᑎᐢᐠ, ᐁᑯᓯ ᓇᒪᐃᐧᔭ ᑭ ᑲ ᑭᐢᑫᔨᑌᐣ ᐊᓂᒪ ᑎᐸᐃᑲᐣ ᐃᑕ ᑫ ᐅᑎᑎᑖᐣ.
[4] ᒫᑲ ᑭᐟ ᐊᔮᐣ ᒐᑲᐋᐧᓯᐢ ᐃᐧᔪᐃᐧᓇ ᓵᕒᑎᓯᕽ ᐁᑳ ᑳ ᑭ ᐅᐦᒋ ᐃᐧᔨᐱᑖᒋᐠ ᐅ ᑭᑭᐢᑳᒋᑲᓂᐋᐧᐊᐧ; ᐁᑯᓯ ᓂ ᑲ ᐃᐧᒉᐃᐧᑲᐧᐠ ᐁ ᐋᐧᐱᐢᑭᐅᒋᐠ; ᒋᑫᒫ ᑌᐸᑫᔨᑖᑯᓯᐊᐧᐠ.
[5] ᐊᓇ ᑳ ᓵᑯᑖᐧᐟ ᐁᑯᓯ ᑫ ᐃᓯ ᐊᐧᐁᐧᓯᐃᐦᐟ ᐋᐧᐱᐢᑭ ᑭᑭᐢᑳᒋᑲᓂᕽ; ᒥᓇ ᓇᒪᐃᐧᔭ ᓈᐣᑕᐤ ᐃᓯ ᓂ ᑲ ᑳᓯᐊᒫᐧᐣ ᐅ ᐃᐧᔪᐃᐧᐣ ᐱᒫᑎᓯᐃᐧᓂ ᒪᓯᓇᐦᐃᑲᓂᕽ ᑳ ᐊᔮᔨᐠ, ᐁᑯᓯ ᓂ ᑲ ᐋᑐᑕᒫᐧᐣ ᐅ ᐃᐧᔪᐃᐧᐣ ᐅᐟ ᐋᐢᑕᒥᐃᐧᓂᔨᕽ ᓄᑖᐃᐧᔭ ᒥᓇ ᐅᐟ ᐋᐢᑕᒥᐃᐧᓂᔨᕽ ᐅᑭᓯᑯᒪ.
[6] ᐊᓇ ᑳ ᐅᑕᐊᐧᑳᐟ ᑭᔮᑦ ᑭᑕ ᐯᑕᑦ ᐊᐦᒑᐦᑲᐧ ᑳ ᐃᑖᔨᐟ ᐊᔭᒥᐦᐁᐃᐧᑲᒥᑲᐧ.
[7] ᐁᑯᓯ ᐅᑭᓯᑯ ᐊᓂᒪ ᐊᔭᒥᐦᐁᐃᐧᑲᒥᐠ ᐱᓬᐊᑌᓬᐱᔭᐃᕽ ᒪᓯᓇᐦᐊᒪᐤ; ᐅᐦᐃ ᐃᑌᐧᐤ ᐊᓇ ᑳ ᑲᓈᑎᓯᐟ, ᐊᓇ ᑳ ᑖᐯᐧᐟ, ᐊᓇ ᑳ ᐊᔮᐋᐧᐟ ᐅᐟ ᐋᐱᑯᑲᐃᑲᓂᔨᐤ ᑌᐯᑕ, ᐊᓇ ᑳ ᔪᑌᓇᕽ ᐁᑯᓯ ᓇᒪᐃᐧᔭ ᐊᐃᐧᔭᐠ ᑭᑕ ᑭᐸᐊᑦ ᒥᓇ ᑳ ᑭᐸᐊᕽ ᐁᑯᓯ ᓇᒪᐃᐧᔭ ᐊᐃᐧᔭᐠ ᑭᑕ ᔪᑌᓇᑦ;
[8] ᓂ ᑭᐢᑫᔨᑌᐣ ᑭᐟ ᐃᓯᐦᒋᑫᐃᐧᓇ (ᒫᑎᑲ ᑭ ᑭ ᐅᑎᐢᑲᐊᐧᐢᑖᐧᑎᐣ ᐁ ᔪᑌᑯᑌᐠ ᐃᐢᑳᐧᑌᑦ ᐁᑳ ᐊᐃᐧᔭᐠ ᑭᑕ ᑭ ᑭᐸᐊᕽ), ᐊᐱᓯᐢ ᒪᐢᑲᐃᐧᓯᐃᐧᐣ ᐁ ᐊᔮᔭᐣ ᐁᑯᓯ ᐁ ᑭ ᑲᓇᐁᐧᔨᑕᒪᐣ ᓂᐟ ᐃᑌᐧᐃᐧᐣ, ᒥᓇ ᐁᑳ ᐁ ᑭ ᐅᐦᒋ ᐋᓀᐧᑕᒪᐣ ᓂ ᐃᐧᔪᐃᐧᐣ.
[9] ᒫᑎᑲ, ᓂ ᒥᔮᐊᐧᐠ ᐊᓂᑭ ᐅ ᒫᐊᐧᒋᐃᑐᐃᐧᓂᔨᕽ ᓭᑕᓇ ᑳ ᐃᐧᒋᐃᐁᐧᒋᐠ, ᐊᓂᑭ ᓂ ᒍᐃᐧᓈᐣ ᑳ ᐃᑌᐧᒋᐠ, ᐁᑯᓯ ᓇᒪᐃᐧᔭ ᐁᑯᑐᐊᐧ ᒫᑲ ᐁ ᑭᔮᐢᑭᒋᐠ; ᒫᑎᑲ, ᐁᐊᐧᑯᓂᐠ ᓂ ᑲ ᐅᒋᐦᒋᑲᐧᓇᐱᐋᐊᐧᐠ ᑭᓯᑎᕽ ᒥᓇ ᑭᑕ ᑭᐢᑫᔨᑕᐦᑭᐠ ᐁ ᑭ ᓵᑭᐃᑖᐣ.
[10] ᒋᑫᒫ ᐁ ᑭ ᑲᓇᐁᐧᔨᑕᒪᐣ ᐃᑌᐧᐃᐧᐣ ᓂ ᓯᐯᔨᑕᒧᐃᐧᓂᕽ, ᓂᔭ ᒥᓇ ᑭ ᑲ ᑲᓇᐁᐧᔨᒥᑎᐣ ᐃᐢᐱ ᐅᑎᐦᒋᐸᔨᑭ ᑲᑫᐧᒋᐃᐁᐧᐃᐧᐣ, ᐊᓂᒪ ᑫ ᑕᑯᓯᓄᒪᑲᕽ ᒥᓯᐁᐧ ᐊᐢᑭᕽ, ᑭᑕ ᑲᑫᐧᒋᐃᑯᒋᐠ ᐊᓂᑭ ᐊᐢᑭᕽ ᑳ ᐅᐟ ᐃᑖᐃᐧᓂᒋᐠ.
[11] ᑭᔨᐸ ᓂ ᐯ ᐃᑐᐦᑖᐣ; ᒥᒋᒥᓇ ᐊᓂᒪ ᑳ ᐊᔮᔭᐣ ᐁᑳ ᐊᐃᐧᔭᐠ ᑭᑕ ᐅᑎᓇᕽ ᑭ ᑭᐦᒋ ᐅᑭᒫᐊᐧᐢᑐᑎᐣ.
[12] ᐊᓇ ᑳ ᓵᑯᑖᐧᐟ ᓂ ᑲ ᐃᓯᐋᐤ ᑭᑕ ᒋᒪᒋᑲᓂᐃᐧᐟ ᐅ ᑭᐦᒋ ᐊᔭᒥᐦᐁᐃᐧᑲᒥᑯᔨᕽ ᓂ ᑭᓭᒪᓂᑐᒪ, ᐁᑯᓯ ᓂ ᑲ ᒪᓯᓇᐋᐧᐤ ᐅ ᐃᐧᔪᐃᐧᓂᔨᐤ ᓂ ᑭᓭᒪᓂᑐᒪ, ᒥᓇ ᐁ ᐃᓯ ᐃᐧᒋᑳᑌᔨᐠ ᐅᐟ ᐅᑌᓇᐤ ᓂ ᑭᓭᒪᓂᑐᑦ, ᐊᓂᒪ ᐅᐢᑭ ᒉᕒᐅᓴᓬᐊᑦ, ᑭᐦᒋ ᑭᓯᑯᕽ ᑳ ᐯ ᐅᐦᒋ ᔮᓯᓇᕽ ᓂ ᑭᓭᒪᓂᑐᑦ, ᒥᓇ ᓂᔭ ᐅᐢᑭ ᐃᐧᔪᐃᐧᐣ ᑳ ᐊᔮᔮᐣ.
[13] ᐊᓇ ᑳ ᐅᑕᐊᐧᑳᐟ ᑭᔮᑦ ᑭᑕ ᐯᑕᑦ ᐊᐦᒑᐦᑲᐧ ᑳ ᐃᑖᔨᐟ ᐊᔭᒥᐦᐁᐃᐧᑲᒥᑲᐧ.
[14] ᐁᑯᓯ ᐅᑭᓯᑯ ᐊᓂᒪ ᐊᔭᒥᐦᐁᐃᐧᑲᒥᐠ ᓬᐁᐊᑎᓯᔭᐃᕽ ᒪᓯᓇᐦᐊᒪᐤ; ᐅᐦᐃ ᐃᑌᐧᐤ ᐊᓇ ᐋᒣᐣ, ᑳ ᐊᔭᑳᐧᒥᓯᐟ ᒥᓇ ᑳ ᑖᐯᐧᐟ ᐅᑖᒋᒧ, ᒥᒋᒫᐨ ᐅᐦᒋ ᐅᓯᒋᑫᐃᐧᐣ ᑭᓭᒪᓂᑐ;
[15] ᓂ ᑭᐢᑫᔨᑌᐣ ᑭᐟ ᐃᓯᐦᒋᑫᐃᐧᓇ, ᐁᑳ ᐃᐦᑕᐋᐧᐣ ᐁ ᑕᐦᑭᓯᔭᐣ ᐊᐦᐳ ᐁ ᑭᓯᓱᔭᐣ; ᐱᑕᓀ ᓂᑯᑖᐧ ᑭ ᑕᐦᑭᓯᔭᐣ ᐊᐦᐳ ᑭ ᑭᓯᓱᔭᐣ.
[16] ᐁᑯᓯ ᒫᑲ ᐁ ᐋᒋᐢᑕᐃᐧᓯᔭᐣ ᐁᑳ ᐃᐦᑕᐋᐧᐣ ᐁ ᑕᐦᑭᓯᔭᐣ ᐊᐦᐳ ᐁ ᑭᓯᓱᔭᐣ, ᑭ ᑲ ᐋᐳᑲᑌᒥᑎᐣ ᓂᑐᓂᕽ ᐅᐦᒋ.
[17] ᒋᑫᒫ ᐁ ᐃᑌᐧᔭᐣ, ᓂ ᐁᐧᔪᑎᓯᐣ ᒥᓇ ᓂ ᑭ ᒫᐊᐧᒋᑖᐣ ᐁᐧᔪᑎᓯᐃᐧᓇ ᐁᑯᓯ ᓇᒪᐃᐧᔭ ᑫᑲᐧᐩ ᓂ ᑭᐧᑕᒫᐣ; ᐁᑯᓯ ᒫᑲ ᐁᑳ ᐁ ᑭᐢᑫᔨᑕᒪᐣ ᐁ ᑯᑕᑭᑖᔭᐣ ᒥᓇ ᐁ ᑯᐹᑎᓯᔭᐣ ᒥᓇ ᐁ ᑭᑎᒫᑭᓯᔭᐣ;
[18] ᑭ ᑲᑫᐢᑭᒥᑎᐣ ᑭᑕ ᐊᑖᒥᔭᐣ ᐅᓵᐃᐧ ᓱᓂᔮᐤ ᐁ ᑭ ᐯᑭᐃᐦᐟ ᐃᐢᑯᑌᕽ ᑭᑕ ᑭ ᐁᐧᔪᑎᓯᔭᐣ; ᒥᓇ ᐋᐧᐱᐢᑭ ᑭᑭᐢᑳᒋᑲᓇ ᑭᑕ ᐃᐧᔮᒋᑫᔭᐣ ᐁᑯᓯ ᐁ ᓇᓀᐯᐃᐧᓈᑲᐧᕽ ᑭ ᒧᓭᐢᑲᑌᐃᐧᐣ ᐁᑳ ᑭᑕ ᓄᑲᐧᕽ; ᒥᓇ ᒥᐢᑭᓯᑯ ᑐᒥᓂᑲᐣ ᑭᑕ ᑐᒥᓇᒪᐣ ᑭᐢᑭᓯᑲᐧ ᑭᑕ ᐋᐧᐸᐦᑕᒪᐣ.
[19] ᑕᐦᑐ ᑳ ᓵᑭᐊᑭᐠ ᓂ ᑭᑐᑖᐊᐧᐠ ᒥᓇ ᓂ ᑲᑫᐢᑭᒧᐋᐊᐧᐠ; ᐋᑲᒣᔨᒧ ᒫᑲ ᒥᓇ ᑫᐧᐢᑳᑎᓯ.
[20] ᒫᑎᑲ, ᓂ ᓂᐸᐃᐧᐣ ᐃᐢᑳᐧᑌᒥᕽ ᒥᓇ ᓂ ᐹᐹᐊᐧᐃᑳᐣ; ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐯᐦᑕᐦᑭ ᓂᐟ ᐃᑌᐧᐃᐧᐣ ᒥᓇ ᔪᑌᓇᑭ ᐃᐢᑳᐧᑌᑦ, ᓂ ᑲ ᐱᑐᑲᐋᐧᐤ ᐁᑯᓯ ᓂ ᑲ ᐃᐧᒋ ᒥᒋᓱᒫᐤ ᒥᓇ ᓂ ᑲ ᐃᐧᒋ ᒥᒋᓱᒥᐠ.
[21] ᐊᓇ ᑳ ᓵᑯᑖᐧᐟ ᓂ ᑲ ᐃᓯ ᒥᔮᐤ ᑭᑕ ᐃᐧᑕᐱᒥᐟ ᓂ ᑭᐦᒋ ᐊᐱᐃᐧᓂᕽ ᑖᐱᐢᑯᐨ ᓂᐢᑕ ᑳ ᑭ ᐃᓯ ᓴᑯᑖᐧᔮᐣ ᐁᑯᓯ ᑳ ᐃᓯ ᐃᐧᑕᐱᒪᐠ ᓄᑖᐃᐧ ᐅ ᑭᐦᒋ ᐊᐱᐃᐧᓂᕽ.
[22] ᐊᓇ ᑳ ᐅᑕᐊᐧᑳᐟ ᑭᔮᑦ ᑭᑕ ᐯᑕᑦ ᐊᐦᒑᐦᑲᐧ ᑳ ᐃᑖᔨᐠ ᐊᔭᒥᐦᐁᐃᐧᑲᒥᑲᐧ.