<Revelation ᑭᐢᑫᔨᑖᑯᑫᐃᐧᐣ 10

[1] ᐁᑯᓯ ᓂ ᑭ ᐋᐧᐸᒫᐤ ᑯᑕᐠ ᐁ ᒪᐢᑲᐃᐧᓯᐟ ᐅᑭᓯᑯ ᑭᐦᒋ ᑭᓯᑯᕽ ᐁ ᐯ ᐅᐦᒋ ᔮᓯᐟ ᐊᐧᐢᑯ ᐁ ᑭᑭᐢᑲᕽ; ᒥᓇ ᐱᓯᒣᐧᔮᐱ ᐅᐢᑎᑳᐧᓂᕽ, ᐁᑯᓯ ᐅᑳᐧᑲᓂᕽ ᑭ ᐃᓯᓈᑯᓯᐤ ᑖᐱᐢᑯᐨ ᐱᓯᑦ ᒥᓇ ᐅᓯᑕ ᑖᐱᐢᑯᐨ ᐁ ᒋᒪᑌᑭ ᐃᐢᑯᑌᐊᐧ;

[2] ᐅᒋᐦᒋᕽ ᒫᑲ ᒥᒋᒥᓇᑦ ᒪᓯᓇᐦᐃᑲᓂᐢ ᐁ ᐹᐢᑫᑭᓂᑳᑌᔨᐠ; ᐁᑯᓯ ᐅᓯᐟ ᑭᐦᒋᓂᐢᑭᕽ ᐃᑌᑫ ᑭ ᑕᑯᐢᑫᐤ ᑭᐦᒋᑲᒥᕽ, ᒥᓇ ᐊᓂᒪ ᓇᒪᑎᓂᕽ ᐃᑌᑫ ᐊᐢᑭᕽ;

[3] ᐁᑯᓯ ᑭ ᒥᐢᑕᐦᐃ ᑌᐯᐧᐤ ᑖᐱᐢᑯᐨ ᒥᐢᑕᑫᓯᐤ ᐁ ᔭᑲᑖᒧᐟ; ᐃᐢᐱ ᒫᑲ ᑳ ᑌᐯᐧᐟ, ᑌᐸᑯᑊ ᐅᓂᒥᐢᑭᐊᐧᐠ ᑭ ᑭᑐᐊᐧᐠ.

[4] ᐃᐢᐱ ᒫᑲ ᐊᓂᑭ ᑌᐸᑯᑊ ᐅᓂᒥᐢᑭᐊᐧᐠ ᑳ ᑭᑐᒋᐠ, ᓂ ᐃᐧ ᐊᑎ ᒪᓯᓇᐃᑳᐣ; ᒫᑲ ᓂ ᐯᐦᑌᐣ ᐃᑌᐧᐃᐧᐣ ᑭᐦᒋ ᑭᓯᑯᕽ ᐅᐦᒋ ᐁ ᐃᑎᑯᔮᐣ, ᑭᐸᐊ ᐊᓂᐦᐃ ᑳ ᑭ ᐃᑌᐧᒋᐠ ᐊᓂᑭ ᑌᐸᑯᑊ ᐅᓂᒥᐢᑭᐊᐧᐠ, ᒥᓇ ᐁᑳᐃᐧᔭ ᒪᓯᓇᐦᐊ.

[5] ᐊᓇ ᒫᑲ ᐅᑭᓯᑯ ᑳ ᐋᐧᐸᒪᐠ ᐁ ᓂᐸᐃᐧᐟ ᑭᐦᒋᑲᒥᕽ ᒥᓇ ᐊᐢᑭᕽ ᐃᐢᐱᒥᕽ ᑭᐦᒋ ᑭᓯᑯᕽ ᑭ ᐃᓯᓂᐢᑫᔨᐤ ᐅ ᑭᐦᒋᓂᐢᐠ,

[6] ᒥᓇ ᑭ ᑭᐦᒋ ᐃᑌᐧᐤ ᐁ ᐊᐢᐱᒧᐟ ᐊᓂᐦᐃ ᑳ ᐱᒫᑎᓯᔨᐟ ᑳᑭᑫ ᒥᓇ ᑳᑭᑫ, ᑳ ᑭ ᐅᓯᑖᔨᐟ ᑭᐦᒋ ᑭᓯᐠ ᒥᓇ ᑲᐦᑭᔭᐤ ᑫᑲᐧᐩ ᐁᑯᑕ ᑳ ᐊᔮᐠ, ᒥᓇ ᐊᐢᑭ ᐊᓯᒋ ᐊᓂᐦᐃ ᐁᑯᑕ ᑳ ᐊᔮᑭ, ᒥᓇ ᑭᐦᒋᑲᒥ ᐊᓯᒋ ᐊᓂᐦᐃ ᐁᑯᑕ ᑳ ᐊᔮᑭ, ᐁᑳ ᐁᑲᐧ ᑭᑕ ᐃᑕᓯ ᐯᐅᕽ;

[7] ᒫᑲ ᐊᓂᐦᐃ ᑭᓯᑳᐊᐧ ᐃᑕ ᑭᑕ ᐯᐦᑖᑯᓯᐟ ᐊᓇ ᑌᐸᑯᑊ ᐅᑭᓯᑯ, ᐃᐢᐱ ᑭᑕ ᓯᐯᐧ ᑭᑐᐦᑖᐟ, ᐁᑲᐧ ᑭᓯᐸᔨᔨᐤ ᐅ ᒪᒫᑖᐃᐧᑐᑕᒧᐃᐧᐣ ᑭᓭᒪᓂᑐ, ᑳ ᐃᑕᐢᑌᑭ ᒥᔮᐧᒋᒧᐃᐧᓇ ᑳ ᑭ ᐃᐧᐦᑕᒪᐋᐧᐟ ᐅᐟ ᐊᑐᐢᑫᔮᑲᓇ ᐅᑭᐢᑭᐁᐧᐦᐃᑫᐊᐧ.

[8] ᐊᓂᒪ ᒫᑲ ᑳ ᑭ ᐯᑕᒫᐣ ᑭᐦᒋ ᑭᓯᑯᕽ ᐅᐦᒋ ᓂ ᑭ ᐯᐦᑌᐣ ᒥᓇ ᐁ ᑭᑐᑎᑯᔮᐣ ᐁ ᐃᑎᑯᔮᐣ, ᓂᔮ, ᐅᑎᓇ ᐊᓂᒪ ᒪᓯᓇᐦᐃᑲᐣ ᑳ ᐹᐢᑫᑭᓂᑳᑌᐠ ᐁ ᑕᐦᑯᓇᕽ ᐊᓇ ᐅᑭᓯᑯ ᑳ ᓂᐸᐃᐧᐟ ᑭᐦᒋᑲᒥᕽ ᒥᓇ ᐊᐢᑭᕽ.

[9] ᐁᑯᓯ ᓂ ᑭ ᓈᑖᐤ ᐊᓇ ᐅᑭᓯᑯ, ᐁ ᐃᐧᐦᑕᒪᐊᐧᐠ ᑭᑕ ᒥᔨᐟ ᐊᓂᒪ ᒪᓯᓇᐦᐃᑲᓂᐢ. ᐁᑯᓯ ᓂ ᑭ ᐃᑎᐠ, ᐅᑎᓇ, ᒥᓇ ᑭᑖ; ᐁᑯᓯ ᑲᑖᕽ ᑭᑕ ᐃᐧᓴᑲᐣ, ᒫᑲ ᐃᐧᔭ ᑭᑐᓂᕽ ᑭᑕ ᐃᐧᑲᓯᐣ ᑖᐱᐢᑯᐨ ᐋᒧᐅᓯᒋᑲᐣ.

[10] ᓂ ᑭ ᐅᑎᓀᐣ ᒫᑲ ᒪᓯᓇᐦᐃᑲᓂᐢ ᐅᑭᓯᑯ ᐅ ᒋᐦᒋᕽ ᐅᐦᒋ, ᒥᓇ ᓂ ᑭ ᒥᒋᐣ; ᐁᑯᓯ ᓂᑐᓂᕽ ᑭ ᐃᐧᑲᓯᐣ ᑖᐱᐢᑯᐨ ᐊᒧᐅᓯᒋᑲᐣ; ᒫᑲ ᐃᐢᐱ ᑳ ᒥᒋᔮᐣ ᓇᑖᕽ ᑭ ᐃᐧᓴᑲᐣ.

[11] ᐁᑯᓯ ᓂ ᑭ ᐃᑎᑲᐧᐠ, ᐱᑯ ᑭᑕ ᑭᐢᑭᐁᐧᐊᒪᐊᐧᒋᐠ ᒥᓇ ᒥᐦᒉᐟ ᐊᔨᓯᔨᓂᐊᐧᐠ ᒥᓇ ᐁ ᓇᓈᑐᑯᐢᑳᓀᓯᒋᐠ ᒥᓇ ᐁ ᐃᓯ ᐱᑭᐢᑫᐧᒋᐠ ᒥᓇ ᑭᐦᒋ ᐅᑭᒫᐊᐧᐠ.