[1] ᓂ ᑭ ᐋᐧᐸᐦᑕᐃᐠ ᒫᑲ ᓯᐱ ᐱᒫᑎᓯᐃᐧᓂ ᓂᐱ, ᐁ ᐋᐧᓭᑲᒥᐠ ᑖᐱᐢᑯᐨ ᑳ ᓵᐳᐯᓯᑳᐧᐠ, ᐁ ᐅᐦᒋᒋᐊᐧᕽ ᐅ ᑭᐦᒋ ᐊᐱᐃᐧᓂᐋᐧᕽ ᑭᓭᒪᓂᑐ ᒥᓇ ᐊᓇ ᒫᔭᑎᐦᑯᓯᐢ,
[2] ᑖᐋᐧᔨᕽ ᐊᓂᒪ ᐱᒧᐦᑌᐢᑲᓇᐤ ᐁ ᐊᔮᐠ ᐁᑯᓯ ᐅᑌ ᐃᑕᑳᑦ ᒥᓇ ᐊᑳᒥᕽ ᐃᑕᑳᑦ ᑭ ᐃᑕᐢᑭᓱ ᐱᒫᑎᓯᐃᐧᓂ ᒥᓂᓵᑎᐠ, ᒥᑖᑕᐟ ᓂᓱᓵᑊ ᓇᓈᑐᕽ ᑐᐃᐧ ᒥᓂᓴ ᐁ ᐊᔮᐟ, ᑕᐦᑐ ᐱᓯᑦ ᐁ ᒥᓂᓯᐃᐧᐟ; ᐁᑯᓯ ᓂᐱᔭ ᐊᓇ ᒥᓂᓵᑎᐠ ᑭᑕ ᐅᐦᒋ ᐃᔨᓂᑲᐃᐦᒋᐠ ᑳ ᓇᓈᑐᑯᐢᑳᓀᓯᒋᐠ ᐊᔨᓯᔨᓂᐊᐧᐠ.
[3] ᓇᒪᐃᐧᑳᐨ ᒫᑲ ᒥᓇ ᑭᑕ ᐃᐦᑕᑲᐧᐣ ᓈᓂᐳᒥᐁᐧᐃᐧᐣ ᐁᑯᓯ ᐅ ᑭᐦᒋ ᐊᐱᐃᐧᓂᐋᐧᐤ ᑭᓭᒪᓂᑐ ᒥᓇ ᐊᓇ ᒫᔭᑎᐦᑯᓯᐢ ᐁᑯᑕ ᑭᑕ ᐊᔮᔨᐤ; ᒥᓇ ᐅᐟ ᐊᑐᐢᑫᔮᑲᓇ ᑭᑕ ᐊᑐᐢᑳᐠ;
[4] ᐁᑯᓯ ᑭᑕ ᐋᐧᐸᒥᐠ ᐅᑳᐧᑲᓂᕽ; ᒥᓇ ᐅ ᐃᐧᔪᐃᐧᐣ ᑭᑕ ᐊᔮᔨᐤ ᐅᐢᑲᑎᑯᐋᐧᕽ.
[5] ᓇᒪᐃᐧᑳᐨ ᒫᑲ ᒥᓇ ᑭᑕ ᑎᐱᐢᑳᐤ; ᓇᒪᐃᐧᔭ ᒫᑲ ᓇᑕᐁᐧᔨᑕᒪᐧᐠ ᐋᐧᓴᐢᑯᑌᓂᑲᐣ ᑭᑕ ᐋᐧᐢᑌᐠ, ᐊᐦᐳ ᐱᓯᑦ ᑭᑕ ᐅᐦᒋ ᐋᐧᐢᑌᐠ; ᒋᑫᒫ ᑳ ᑎᐯᔨᐦᒋᑫᔨᐟ ᑭᓭᒪᓂᑐᐊᐧ ᑭᑕ ᒥᔨᑲᐧᐠ ᐋᐧᐢᑌᐤ; ᐁᑯᓯ ᑭᐦᒋ ᐅᑭᒫᐃᐧᐃᐧᐣ ᑭᑕ ᐊᔮᐊᐧᐠ ᑳᑭᑫ ᒥᓇ ᑳᑭᑫ.
[6] ᓂ ᑭ ᐃᑎᐠ ᒫᑲ, ᐅᐦᐃ ᐃᑌᐧᐃᐧᓇ ᐊᔮᑳᐧᒥᓯᐃᐧᓂᐊᐧᓇᐧ ᒥᓇ ᑖᐯᐧᐃᐧᓂᐊᐧᓇᐧ; ᐁᑯᓯ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᔨᐊᐧ ᐅᐟ ᐊᐦᒑᑯᐋᐧᐊᐧ ᐅᑭᐢᑭᐁᐧᐦᐃᑫᐊᐧᐠ, ᑭ ᐃᓯᑎᓴᐁᐧᐤ ᐅᑭᓯᑯᒪ ᑭᑕ ᐋᐧᐸᐦᑕᐋᔨᐟ ᐅᐟ ᐊᑐᐢᑫᔮᑲᓇ ᐊᓂᐦᐃ ᑭᔨᐸ ᑫ ᐊᔨᑭᐦᑭ.
[7] ᒫᑲ ᒫᑎᑲ, ᑭᔨᐸ ᐊᓂ ᓂ ᐯ ᐃᑐᐦᑖᐣ. ᓴᐁᐧᔨᑖᑯᓯᐤ ᐊᓇ ᑳ ᑲᓇᐁᐧᔨᑕᕽ ᐁ ᐃᑌᐧᒪᑲᕽ ᑭᐢᑭᐁᐧᐦᐃᑫᐃᐧᐣ ᐅᒪ ᒪᓯᓇᐦᐃᑲᐣ.
[8] ᓂᔭ ᒫᑲ ᒑᐣ ᑳ ᑭ ᐯᐦᑕᒫᐣ ᒥᓇ ᑳ ᑭ ᐋᐧᐸᐦᑕᒫᐣ ᐅᐦᐃ. ᐃᐢᐱ ᒫᑲ ᑳ ᐯᐦᑕᒫᐣ ᒥᓇ ᑳ ᐋᐧᐸᐦᑕᒫᐣ, ᓂ ᑭ ᐸᑕᐱᐸᔨᐅᐣ ᑭᑕ ᐅᒋᐦᒋᑲᐧᓂᔮᐣ ᐅᓯᑎᕽ ᐊᓇ ᐅᑭᓯᑯ ᑳ ᑭ ᐋᐧᐸᐦᑕᐃᐟ ᐅᐦᐃ.
[9] ᐁᑯᓯ ᓂ ᑭ ᐃᑎᐠ, ᐁᑳᐃᐧᔭ ᐁᑯᓯ ᐃᑐᑕ; ᓂᔭ ᐅᒪ ᑭ ᐃᐧᒋ ᐊᑐᐢᑫᒫᑲᐣ ᒥᓇ ᓂ ᐃᐧᒋ ᐊᑐᐢᑫᒫᐊᐧᐠ ᑭᒋᐋᐧᒪᐠ ᐅᑭᐢᑭᐁᐧᐦᐃᑫᐊᐧᐠ ᒥᓇ ᐊᓂᑭ ᑳ ᑲᓇᐁᐧᔨᑕᐦᑭᐠ ᐃᑌᐧᐃᐧᓇ ᐅᑕ ᒪᓯᓇᐦᐃᑲᓂᕽ ᑳ ᐊᔮᑭ; ᐅᒋᐦᒋᑲᐧᓂᐢᑕᐤ ᑭᓭᒪᓂᑐ.
[10] ᓂ ᑭ ᐃᑎᐠ ᒫᑲ, ᐁᑳᐃᐧᔭ ᑭᐸᐊ ᐃᑌᐧᐃᐧᓇ ᑭᐢᑭᐁᐧᐦᐃᑫᐃᐧᐣ ᐅᑕ ᒪᓯᓇᐦᐃᑲᓂᕽ ᑳ ᐊᔭᐠ; ᒋᑫᒫ ᐯᓱᓈᑲᐧᐣ ᐃᔨᑯᕽ.
[11] ᐊᓇ ᐁᑳ ᑳ ᑲᐧᔭᐢᑳᐧᑎᓯᐟ ᑭᔮᑦ ᑭᑕ ᐃᑐᑕᑦ ᑫᔮᐱᐨ ᐁᑳ ᑳ ᑲᐧᔭᐢᑳᐧᑎᓯᐃᐧᓂᐊᐧᕽ; ᐊᓇ ᑳ ᐃᐧᓀᔨᑖᑯᓯᐟ ᑭᔮᑦ ᑫᔮᐱᐨ ᑭᑕ ᐃᐧᓀᔨᑖᑯᓯᐤ; ᐊᓇ ᒫᑲ ᑳ ᑲᐧᔭᐢᑳᐧᑎᓯᐟ ᑭᔮᑦ ᑫᔮᐱᐨ ᑭᑕ ᐃᑐᑕᑦ ᑲᐧᔭᐢᑳᐧᑎᓯᐃᐧᐣ; ᒥᓇ ᐊᓇ ᑳ ᑲᓈᑎᓯᐟ ᑭᔮᑦ ᑫᔮᐱᐨ ᑭᑕ ᑲᓈᑎᓯᐤ.
[12] ᒫᑎᑲ, ᑭᔨᐸ ᓂ ᐯ ᐃᑐᐦᑖᐣ; ᐁᑯᓯ ᓂ ᑎᐸᐦᐊᒫᑫᐃᐧᐣ ᓂ ᑭᑭᐣ, ᑭᑕ ᒥᔭᐠ ᑲᐦᑭᔭᐤ ᐊᔨᓯᔨᓂᐤ ᐁ ᐃᑕᐢᑌᔨᐠ ᐅᐟ ᐊᑐᐢᑫᐃᐧᐣ.
[13] ᓂᔭ ᐊᓇ ᐋᓬᐸ ᒥᓇ ᐊᓇ ᐋᒥᑲ, ᐊᓇ ᓂᐢᑕᑦ ᒥᓇ ᐊᓇ ᐃᐢᑳᐧᔮᐨ, ᐁ ᒫᒋ ᐊᔮᐠ ᒥᓇ ᐁ ᑭᓯᐱ ᐊᔮᐠ
[14] ᓴᐁᐧᔨᑖᑯᓯᐊᐧᐠ ᐊᓂᑭ ᑳ ᑭᓯᐯᑭᓇᑭᐠ ᐅ ᑭᑭᐢᑳᒋᑲᓂᐋᐧᐊᐧ, ᑭᑕ ᑌᐸᑫᔨᑖᑯᓯᒋᐠ ᑭᑕ ᑭ ᓈᑖᒋᐠ ᐱᒫᑎᓯᐃᐧᓂ ᒥᓂᓵᑎᑲᐧ, ᒥᓇ ᑭᑕ ᐱᐦᑐᑫᒋᐠ ᐃᐢᑳᐧᑌᒥᕽ ᐅᑌᓈᕽ.
[15] ᐊᐧᔭᐃᐧᑎᒥᕽ ᐊᔮᐊᐧᐠ ᐊᑎᒪᐧᐠ, ᒥᓇ ᒥᑌᐊᐧᐠ, ᒥᓇ ᐅᐱᓯᑳᐧᑎᓯᐊᐧᐠ, ᒥᓇ ᐅᓂᐸᑖᑫᐊᐧᐠ, ᒥᓇ ᐅᒪᓂᑐᑫᐊᐧᐠ, ᒥᓇ ᑲᐦᑭᔭᐤ ᐊᐃᐧᔭᐠ ᑳ ᓵᑭᑖᐟ ᒥᓇ ᑳ ᐅᓯᑖᐟ ᑭᔭᐢᑭᐃᐧᐣ.
[16] ᓂᔭ ᒋᓴᐢ ᓂ ᑭ ᐃᓯᑎᓴᐋᐧᐤ ᓄᑭᓯᑯᑦ ᑭᑕ ᐋᒋᒧᐢᑖᐢᐠ ᐅᐦᐃ ᐊᔭᒥᐦᐁᐃᐧᑲᒥᑲᐧ ᐅᐦᒋ. ᓂᔭ ᐅᒉᐱᑭᐃᐧᐃᐧᐣ ᒥᓇ ᐅ ᓂᐦᑖᐃᐧᑭᐋᑲᓇ ᑌᐱᐟ, ᑳ ᑭᐦᑳᔮᓯᑫᐟ ᐊᓇ ᐋᐧᐸᓇᒐᕽ.
[17] ᐊᐦᒑᕽ ᒫᑲ ᒥᓇ ᐅᐢᑭᐢᑫᐧᐋᐧᐣ ᐃᑌᐧᐊᐧᐠ, ᐯ ᐃᑐᐦᑌ. ᒥᓇ ᐊᓇ ᑳ ᐯᐦᑕᕽ ᑭᔮᑦ ᑭᑕ ᐃᑌᐧᐤ, ᐯ ᐃᑐᐦᑌ. ᒥᓇ ᐊᓇ ᑳ ᓄᑌᔮᐹᑫᐧᐟ ᑭᔮᑦ ᑭᑕ ᐯ ᐃᑐᐦᑌᐤ; ᐱᑯ ᐊᐃᐧᔭᐠ ᐁ ᐃᑌᔨᑕᕽ, ᑭᔮᑦ ᑭᑕ ᒧᐦᒋ ᐅᑎᓇᑦ ᐱᒫᑎᓯᐃᐧᓂ ᓂᐱ.
[18] ᓂ ᐃᐧᐦᑕᒪᐋᐧᐤ ᑲᐦᑭᔭᐤ ᐊᔨᓯᔨᓂᐤ ᑳ ᐯᐦᑕᕽ ᐃᑌᐧᐃᐧᓇ ᐊᓂᒪ ᑭᐢᑭᐁᐧᐦᐃᑫᐃᐧᐣ ᐅᒪ ᒪᓯᓇᐦᐃᑲᓂᕽ ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᑭᑕ ᑕᑯᑖᐤ, ᑭᓭᒪᓂᑐᐊᐧ ᑭᑕ ᑕᑯᑖᐧᐠ ᒥᓇ ᐊᓂᐦᐃ ᑯᑕᑭᑖᐃᐧᓇ ᑳ ᒪᓯᓇᐃᑳᑌᑭ ᐅᒪ ᒪᓯᓇᐦᐃᑲᓂᕽ;
[19] ᑭᐢᐱᐣ ᒫᑲ ᐊᐃᐧᔭᐠ ᐊᔨᓯᔨᓂᐤ ᑫ ᐊᒋᐃᐧᓇᒧᑫᐧ ᐃᑌᐧᐃᐧᓇ ᐅᑕ ᐅᒪ ᑭᐢᑭᐁᐧᐦᐃᑫᐃᐧ ᒪᓯᓇᐦᐃᑲᓂᕽ, ᑭᓭᒪᓂᑐᐊᐧ ᑭᑕ ᐅᑎᓇᒥᔨᐊᐧ ᐅ ᐃᐧᒋᐃᐁᐧᐃᐧᐣ ᐱᒫᑎᓯᐃᐧᓂ ᒥᓂᓵᑎᑯᕽ ᐅᐦᒋ, ᒥᓇ ᑲᓈᒋ ᐅᑌᓈᕽ ᐅᐦᒋ, ᐊᓂᐦᐃ ᑳ ᒪᓯᓇᐃᑳᑌᑭ ᐅᑕ ᒪᓯᓇᐦᐃᑲᓂᕽ.
[20] ᐊᓇ ᑳ ᐋᒋᒧᐟ ᐅᐦᐃ ᐃᑌᐧᐤ, ᐁᐦᐁ; ᑭᔨᐸ ᓂ ᐯ ᐃᑐᐦᑖᐣ. ᐋᒣᐣ; ᐯ ᐃᑐᐦᑌ, ᑌᐯᔨᐦᒋᑫᔭᐣ ᒋᓴᐢ.
[21] ᐅ ᑭᓭᐋᐧᑎᓯᐃᐧᐣ ᑳ ᑎᐯᔨᐦᒋᑫᐟ ᒋᓴᐢ ᑭᑕ ᐃᐧ ᐃᐧᒉᐃᐧᑲᐧᐠ ᐅᑲᓈᑎᓯᐊᐧᐠ. ᐋᒣᐣ.