[1] ᐁᑯᓯ ᑭ ᐯ ᑕᑯᓯᐣ ᐯᔭᐠ ᐊᓂᑭ ᑌᐸᑯᑊ ᐅᑭᓯᑯᐊᐧᐠ ᑳ ᑭ ᐊᔮᒋᐠ ᑌᐸᑯᑊ ᐊᓯᐊᐧᒋᑲᓇ ᓂ ᑭ ᐃᐧᒋ ᐊᔭᒥᒥᐠ ᒫᑲ ᐁ ᐃᑌᐧᐟ, ᐯ ᐃᑐᐦᑌ ᐅᑕ, ᑭ ᑲ ᐋᐧᐸᐦᑕᐃᑎᐣ ᐅᔭᓱᐋᐧᑎᑯᐃᐧᐣ ᐊᓇ ᑭᐦᒋ ᐱᓯᑳᐧᑎᓯᐃᐧᐢᑫᐧᐤ ᑳ ᐊᐱᐢᑕᕽ ᒥᐦᒉᐟ ᓂᐱᔭ;
[2] ᑳ ᑭ ᐃᐧᒋ ᐱᓯᑳᐧᑎᓯᒥᑯᐟ ᑭᐦᒋ ᐅᑭᒫᐊᐧ ᐊᐢᑭᕽ ᑳ ᐊᔮᔨᐟ, ᐁᑯᓯ ᐊᓂᑭ ᐊᐢᑭᕽ ᑳ ᐊᔮᒋᐠ ᑭ ᑭᐢᑫᐧᐸᐃᑲᐧᐠ ᐁ ᓱᒥᓈᐳᐊᐧᓂᔨᐠ ᐅ ᐱᓯᑳᐧᑎᓯᐃᐧᐣ.
[3] ᓂ ᑭ ᓯᐯᐧᑕᐃᐠ ᒫᑲ ᐊᐦᒑᐦᑯᕽ ᐱᑲᐧᑕᐢᑭᕽ; ᐁᑯᓯ ᓂ ᑭ ᐋᐧᐸᒫᐤ ᐃᐢᑫᐧᐤ ᐁ ᑌᑕᐱᐟ ᐁ ᒥᐦᑯᓯᔨᐟ ᐱᓯᐢᑭᐊᐧ, ᒥᓯᐁᐧ ᐁ ᐊᔮᔨᑭ ᐹᐢᑖᒧᐃᐧ ᐃᐧᔪᐃᐧᓇ, ᑌᐸᑯᑊ ᐁ ᐃᑕᑎᓂᔨᑭ ᐅᐢᑎᑳᐧᓇ ᒥᓇ ᒥᑖᑕᐟ ᐁ ᐃᑕᑐᐃᐧᑌᐟ.
[4] ᐁᑯᓯ ᐊᓇ ᐃᐢᑫᐧᐤ ᑭ ᑭᑭᐢᑲᑦ ᒋᐯᑕᑫᐧᑭᐣ ᒥᓇ ᒥᐦᑫᐧᑭᐣ, ᒥᓇ ᑭ ᐊᐧᐁᐧᓯᐅᐋᐧᑫᐤ ᐅᓵᐃᐧ ᓱᓂᔮᐊᐧ ᒥᓇ ᓱᓂᔮᐊᐧᓯᓂᔭ ᒥᓇ ᓱᓂᔮᐁᐧᓴ, ᐁ ᒥᒋᒥᓇᕽ ᐅᒋᐦᒋᕽ ᐅᓴᐃᐧ ᓱᓂᔮᐃᐧ ᒥᓂᑳᐧᑲᐣ ᐁ ᒧᐢᑭᓀᔨᐠ ᑳ ᐸᑳᐧᑎᑲᐧᑭ, ᐊᓂᐦᐃ ᐅᑎ ᐁᑳ ᑳ ᐯᑲᓂᔨᑭ ᐅ ᐱᓯᑳᐧᑎᓯᐃᐧᐣ,
[5] ᐅᐢᑲᑎᑯᕽ ᒫᑲ ᐃᐧᔪᐃᐧᐣ ᑭ ᒪᓯᓇᐃᑳᑌᔨᐤ, ᒫᒪᐢᑳᐨ, ᐹᐱᓬᐊᐣ ᑳ ᑭᐦᒑᔨᐊᐧᕽ, ᐅᑳᐃᐧᐋᐧᐊᐧ ᐱᓯᑳᐧᑎᐢᑫᐧᐊᐧᐠ ᒥᓇ ᑳ ᐸᑳᐧᑎᑲᐧᑭ ᐅᑕ ᐊᐢᑭᕽ.
[6] ᓂ ᑭ ᐋᐧᐸᒫᐤ ᒫᑲ ᐊᐊᐧ ᐃᐢᑫᐧᐤ ᐁ ᑭᐢᑫᐧᐯᐢᑳᑯᐟ ᐅ ᒥᐦᑯᔨᐤ ᐅᑲᓈᑎᓯᐊᐧ, ᒥᓇ ᐅ ᒥᐦᑯᔨᐤ ᒋᓴᓴ ᐅᐦᒋ ᑳ ᑭ ᓂᐸᐃᒥᐦᐟ. ᐃᐢᐱ ᒫᑲ ᐃᐧᔮᐸᒪᐠ ᓂ ᒫᒪᐢᑳᑖᐤ ᑭᐦᒋ ᒫᒪᐢᑳᑕᒧᐃᐧᓂᕽ.
[7] ᐅᑭᓯᑯ ᒫᑲ ᓂ ᑭ ᐃᑎᐠ, ᑖᓀᑭ ᑳ ᒫᒪᐢᑳᑕᐟ? ᑭ ᑲ ᐃᐧᐦᑕᒫᑎᐣ ᐅ ᒫᒪᐢᑳᑌᔨᑖᑯᓯᐃᐧᐣ ᐊᓇ ᐃᐢᑫᐧᐤ ᒥᓇ ᐊᓂᐦᐃ ᐱᓯᐢᑭᐊᐧ ᑳ ᐱᒥᐃᐧᔨᑯᐟ, ᑌᐸᑯᑊ ᑳ ᐃᑕᑎᓂᔨᑭ ᐅᐢᑎᑳᐧᓇ ᒥᓇ ᒥᑖᑕᐟ ᑳ ᐃᑕᑐᐃᐧᑌᐟ.
[8] ᐊᓇ ᐱᓯᐢᑭᐤ ᑳ ᑭ ᐋᐧᐸᒪᐟ ᑭ ᐃᐦᑖᐤ ᐁᑯᓯ ᓇᒪᐃᐧᔭ ᐃᐦᑖᐤ; ᐁᑯᓯ ᐁᑲᐧ ᐃᐧ ᐯ ᐅᐦᐱᐢᑳᐤ ᐁᑳ ᑳ ᒥᓴᐢᑫᔮᐠ ᐅᐦᒋ, ᑭᑕ ᐃᑐᐦᑌᐟ ᒫᑲ ᓂᓯᐊᐧᓈᑎᓯᐃᐧᓂᕽ. ᐊᓂᑭ ᒫᑲ ᑳ ᐊᔮᒋᐠ ᐊᐢᑭᕽ ᑭᑕ ᒫᒪᐢᑳᑖᒪᐧᐠ, ᐊᓂᑭ ᐅ ᐃᐧᔪᐃᐧᓂᐋᐧᐊᐧ ᐁᑳ ᑳ ᑭ ᒪᓯᓇᐃᑳᑌᔨᑭ ᐱᒫᑎᓯᐃᐧᓂ ᒪᓯᓇᐦᐃᑲᓂᕽ ᐁ ᐯ ᐅᔭᐢᑌᐠ ᐊᐢᑭ ᐅᐦᒋ, ᐃᐢᐱ ᐋᐧᐸᒫᑖᐧᐃᐧ ᐊᓂᐦᐃ ᐱᓯᐢᑭᐊᐧ, ᐊᓂᒪ ᐁ ᑭ ᐃᐦᑖᔨᐟ ᒥᓇ ᐁᑳ ᐁ ᐃᐦᑖᔨᐟ, ᐁᑯᓯ ᑭᑕ ᑕᑯᓯᓂᔨᐟ,
[9] ᐁᐊᐧᑯ ᒫᑲ ᐅᒪ ᒥᑐᓀᔨᒋᑲᐣ ᑳ ᐊᔮᐠ ᐃᔨᓂᓯᐃᐧᐣ. ᐊᓂᐦᐃ ᑌᐸᑯᑊ ᐅᐢᑎᑳᐧᓇ ᐁᐊᐧᑯᓂ ᑌᐸᑯᑊ ᐊᐧᒋᔭ, ᐊᓇ ᐃᐢᑫᐧᐤ ᑳ ᑌᑕᐱᐟ;
[10] ᐁᑯᓯ ᑌᐸᑯᑊ ᐃᑕᓯᐊᐧᐠ ᑭᐦᒋ ᐅᑭᒫᐊᐧᐠ; ᓂᔮᓇᐣ ᑭ ᐸᐦᑭᓯᓇᐧᐠ, ᐊᓇ ᐯᔭᐠ ᐃᐦᑖᐤ ᑯᑕᐠ ᓇᒣᐢᑲᐧ ᑕᑯᓯᐣ; ᐃᐢᐱ ᒫᑲ ᑕᑯᓯᑭ, ᐊᒋᔭᐤ ᐱᑯ ᑭᑕ ᐊᔮᐟ.
[11] ᐊᓇ ᒫᑲ ᐱᓯᐢᑭᐤ ᑳ ᑭ ᐃᐦᑖᐟ ᐁᑳ ᒫᑲ ᑳ ᐃᐦᑖᐟ ᐃᐧᔭ ᐁᐊᐧᑯ ᐊᔨᓈᓀᐤ, ᐃᐧᒉᐁᐧᐤ ᒫᑲ ᐊᓂᐦᐃ ᑌᐸᑯᑊ; ᐁᑯᓯ ᐃᑐᐦᑌᐤ ᓂᓯᐊᐧᓈᑎᓯᐃᐧᓂᕽ.
[12] ᐊᓂᐦᐃ ᒫᑲ ᒥᑖᑕᐟ ᐁ ᐃᑕᑐᐃᐧᑌᐟ ᑳ ᑭ ᐋᐧᐸᐦᑕᒪᐣ ᐁᐊᐧᑯᓂᐠ ᒥᑖᑕᐟ ᑭᐦᒋ ᐅᑭᒫᐊᐧᐠ ᐁᑳ ᒉᐢᑲᐧ ᐁ ᒥᔨᐦᒋᐠ ᑭᐦᒋ ᐅᑭᒫᐃᐧᐃᐧᐣ; ᒫᑲ ᐊᔮᐊᐧᐠ ᑎᐯᔨᐦᒋᑫᐃᐧᐣ ᑖᐱᐢᑯᐨ ᑭᐦᒋ ᐅᑭᒫᐊᐧᐠ, ᐊᓯᒋ ᐊᓂᐦᐃ ᐱᓯᐢᑭᐊᐧ, ᐯᔭᐠ ᑎᐸᐃᑲᐣ ᐃᔨᑯᕽ.
[13] ᐅᑭ ᐯᔭᑲᐧᓂᔨᐤ ᐁᓯ ᐅ ᒥᑐᓀᔨᒋᑲᓀᒋᐠ, ᐁᑯᓯ ᐊᓂᐦᐃ ᐱᓯᐢᑭᐊᐧ ᒥᔦᐊᐧᐠ ᐅ ᑲᐢᑭᐦᐁᐃᐧᓯᐃᐧᓂᐋᐧᐤ ᒥᓇ ᐅ ᑎᐯᔨᐦᒋᑫᐃᐧᓂᐋᐧᐤ.
[14] ᐅᑭ ᑭᑕ ᓄᑎᓀᐊᐧᐠ ᐊᓂᐦᐃ ᒫᔭᑎᐦᑯᓯᓴ, ᒥᓇ ᐊᓂᐦᐃ ᒫᔭᑎᐦᑯᓯᓴ ᑭᑕ ᓵᑯᒋᐃᑲᐧᐠ. ᒋᑫᒫ ᐁᐊᐧᑯ ᑳ ᑎᐯᔨᒫᐟ ᐅᑎᐯᔨᒋᑫᐊᐧ, ᒥᓇ ᑳ ᐅ ᑭᐦᒋ ᐅᑭᒫᒥᒋᐠ ᑭᐦᒋ ᐅᑭᒫᐊᐧᐠ; ᐊᓂᐦᐃ ᒥᓇ ᑳ ᐃᐧᒉᐃᐧᑯᐟ ᑭᑕ ᓵᑯᑖᐧᔨᐊᐧ, ᐁ ᓇᑐᒥᐦᒋᐠ ᒥᓇ ᐁ ᓇᐊᐧᓱᓂᐦᒋᐠ ᒥᓇ ᐁ ᐊᔮᑳᐧᒥᓯᒋᐠ.
[15] ᐁᑯᓯ ᓂ ᑭ ᐃᑎᐠ, ᓂᐱᔭ ᑳ ᑭ ᐋᐧᐸᐦᑕᒪᐣ ᐃᑕ ᐅᐱᓯᑳᐧᑎᐢᑫᐧᐤ ᑳ ᐊᐱᐟ, ᐁᐊᐧᑯᓂᐠ ᐊᔨᓯᔨᓂᐊᐧᐠ, ᒥᓇ ᐅᓵᒣᔭᑎᐊᐧᐠ ᒥᓇ ᓇᓈᑐᑯᐢᑳᐣ ᒥᓇ ᓇᓈᑐᕽ ᐁ ᐃᓯ ᐅ ᐱᑭᐢᑫᐧᐃᐧᓀᒋᐠ.
[16] ᐊᓂᐦᐃ ᒫᑲ ᒥᑖᑕᐟ ᐁ ᐃᑕᑐᐃᐧᑌᐟ ᑳ ᑭ ᐋᐧᐸᐦᑕᒪᐣ, ᒥᓇ ᐊᓇ ᐱᓯᐢᑭᐤ, ᐁᐊᐧᑯᓂᐠ ᐅᑭ ᑭᑕ ᐸᑳᐧᑌᐊᐧᐠ ᐊᓂᐦᐃ ᐱᓯᑳᐧᑎᐢᑫᐧᐊᐧ, ᐁᑯᓯ ᑭᑕ ᒥᑖᑫᐧᐁᐊᐧᐠ ᒥᓇ ᑭᑕ ᒧᓭᐢᑲᑌᓀᐊᐧᐠ, ᑭᑕ ᒥᒋᐊᐧᐠ ᒫᑲ ᐅ ᐃᐧᔮᓯᔨᐤ ᒥᓇ ᒥᑐᓂ ᑭᑕ ᑭᓯᓭᐧᐊᐧᐠ ᐃᐢᑯᑌᐤ ᐅᐦᒋ.
[17] ᒋᑫᒫ ᑭᓭᒪᓂᑐᐊᐧ ᑳ ᑭ ᐊᐢᑖᔨᐟ ᐅᑌᐃᐋᐧᕽ ᑭᑕ ᐃᑐᑕᐦᑭᐠ ᐁ ᐃᓯ ᐅ ᒥᑐᓀᔨᒋᑲᓀᔨᐟ, ᒥᓇ ᑭᑕ ᐯᔭᑯᑖᒋᐠ ᐅ ᒥᑐᓀᔨᒋᑲᓂᐋᐧᐤ, ᒥᓇ ᑭᑕ ᒥᔮᒋᐠ ᐅ ᑭᐦᒋ ᐅᑭᒫᐃᐧᐃᐧᓂᐋᐧᐤ ᐊᓂᐦᐃ ᐱᓯᐢᑭᐊᐧ, ᐃᐢᑯ ᐅᐟ ᐃᑌᐧᐃᐧᓇ ᑭᓭᒪᓂᑐ ᑭᑕ ᑎᐱᐸᔨᔨᑭ.
[18] ᐊᓇ ᐃᐢᑫᐧᐤ ᒫᑲ ᑳ ᑭ ᐋᐧᐸᒪᐟ ᐁᐊᐧᑯ ᐊᓂᒪ ᑭᐦᒋ ᐅᑌᓇᐤ ᑳ ᑎᐯᔨᒥᑯᒋᐠ ᑭᐦᒋ ᐅᑭᒫᐊᐧᐠ ᐊᐢᑭᕽ ᑳ ᐊᔮᒋᐠ.