[1] “እንዳይፈረድባችሁ አትፍረዱ።
[2] በምትፈርዱት ፍርድ ይፈረድባችኋልና፥ በምትሰፍሩበትም መስፈሪያ ይሰፈርባችኋልና።
[3] በወንድምህ ዐይን ያለውን ጕuድፍ ለምን ታያለህ? በአንተ ዐይን ያለውን ምሰሶ ግን ለምን አታስተውልም?
[4] ወንድምህን በዐይንህ ያለውን ጕuድፍ ላውጣልህ ተወኝ እንዴት ትለዋለህ? እነሆም፥ በአንተ ዐይን ምሰሶ አለ።
[5] አንተ ግብዝ፥ አስቀድመህ በአንተ ያለውን ምሰሶ አውጣ፤ ከዚህ በኋላ በወንድምህ ዐይን ያለውን ጕuድፍ ለማውጣት አጥርተህ ታያለህ።
[6] “በእግራቸው እንዳይረግጡት፥ ተመልሰውም እንዳይነክሱአችሁ የተቀደሰውን ለውሾች አትስጡ፤ ዕንቐአችሁንም በዕሪያዎች ፊት አታኑሩ።
[7] ለምኑ፥ ይሰጣችኋልም፤ ፈልጉ፥ ታገኛላችሁም፤ ደጅ ምቱ፥ ይከፈትላችኋልም።
[8] የሚለምን ሁሉ ይቀበላልና፥ የሚፈልግም ያገኛልና፥ ደጅ ለሚመታም ይከፈትለታልና።
[9] ከእናንተ ልጁ ዳቦ ቢለምነው ድንጋይ የሚሰጠው ሰው ማነው?
[10] ወይስ ዓሣ ቢለምነው እባብ ይሰጠዋልን?
[11] እንግዲህ እናንተ ክፉዎች ስትሆኑ ለልጆቻችሁ መልካም ስጦታ መስጠትን ካወቃችሁ፥ በሰማያት ያለው አባታችሁማ ለሚለምኑት መልካሙን ነገር እንዴት አብልጦ ይሰጣቸው ይሆን?
[12] ሰዎች ሊያደርጉላችሁ የምትወዱትን ሁሉ እናንተም እንዲሁ አድርጉላቸው፤ ኦሪትም፥ ነቢያትም የሚያዝዙት ይህ ነውና።
[13] “በጠባቢቱ በር ግቡ፤ ወደ ጥፋት የምትወስድ ሰፊ በር፥ ሰፊ መንገድም አለችና፤ ወደ እርስዋም የሚገቡ ብዙዎች ናቸው።
[14] ወደ ሕይወት የምትወስደው በር እጅግ ጠባብ፥ መንገድዋም ቀጭን ናትና፤ የሚገቡባትም ጥቂቶች ናቸው።
[15] “የበግ ለምድ ለብሰው ወደ እናንተ ከሚመጡ ከሐሰተኟች ነቢያት ተጠንቀቁ፤ በውስጣቸው ግን ነጣቂዎች ተኵuላዎች ናቸው።
[16] ከፍሬያቸው ታውቌቸዋላችሁ፤ ከእሾህ ወይን፥ ከአሜከላም በለስ ይለቀማልን?
[17] እንዲሁ መልካም ዛፍ ሁሉ መልካም ፍሬን ያፈራል፤ ክፉ ዛፍም ክፉ ፍሬን ያፈራል።
[18] መልካምም ዛፍ ክፉ ፍሬን ማፍራት፥ ክፉ ዛፍም መልካም ፍሬን ማፍራት አይችልም።
[19] መልካም ፍሬ የማያፈራ ዛፍ ሁሉ ይቈረጣል፤ ወደ እሳትም ይጣላል።
[20] እንግዲህ ከፍሬያቸው ታውቌቸዋላችሁ።
[21] “በሰማያት ያለውን የአባቴን ፈቃድ ከሚያደርግ በቀር አቤቱ! አቤቱ! የሚለኝ ሁሉ ወደ መንግሥተ ሰማያት የሚገባ አይደለም።
[22] በዚያች ቀን ብዙዎች አቤቱ! አቤቱ! በስምህ ትንቢት አልተናገርንምን? በስምህስ አጋንንትን አላወጣንምን? በስምህስ ብዙ ተአምራትን አላደረግንምን? ይሉኛል።
[23] ያንጊዜ ከቶ አላውቃችሁም፤ ዐመፅን የምታደርጉ ሁላችሁ ከእኔ ራቁ እላቸዋለሁ።
[24] ይህን ቃሌን ሰምቶ የሚያደርገው ሁሉ ቤቱን በዐለት ላይ የሠራ ብልህ ሰውን ይመስላል።
[25] ዝናም ዘነመ፤ ጐርፍም ጐረፈ፤ ነፋስም ነፈሰ፤ ያንም ቤት ገፉት፤ ነገር ግን አልወደቀም፤ በዐለት ላይ ተመሥርቶአልና።
[26] ይህንም ቃሌን ሰምቶ የማያደርገው ሁሉ ቤቱን በአሸዋ ላይ የሠራ ሰነፍ ሰውን ይመስላል።
[27] ዝናም ዘነመ፤ ጐርፍም ጐረፈ፤ ነፋስም ነፈሰ፤ ያንም ቤት ገፉት፤ ወደቀም፤ አወዳደቁም ታላቅ ሆነ።”
[28] ጌታችን ኢየሱስም ይህን ነገር በፈጸመ ጊዜ ሕዝቡ በትምህርቱ ተደነቁ።
[29] እንደ ጻፎቻቸው ሳይሆን እንደ ባለሥልጣን ያስተምራቸው ነበርና።