[1] ᐁᑯᐢᐱ ᒫᑲ ᐅᒪ ᐁ ᑳᑭᓯᑳᐠ ᑳ ᐯ ᑕᑯᓯᕽ ᒑᐣ ᐹᑊᑎᐢᐟ, ᐁ ᑲᑫᐢᑭᒥᐁᐧᐟ ᒍᑎᐊ ᐱᑲᐧᑕᐢᑲᒥᑳᕽ,
[2] ᐅᒥᓯ ᒫᑲ ᐁ ᐃᑌᐧᐟ, ᑫᐧᐢᑳᑎᓯᐠ; ᒋᑫᒫ ᓵᓴᐩ ᐯᓭᐧᔨᑖᑲᐧᐣ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ.
[3] ᐁᐅᑯᓂ ᐅᐦᐃ ᑳ ᑭ ᐋᔨᒧᒫᐟ ᐅᑭᐢᑭᐁᐧᐦᐃᑫᐤ ᐊᐩᓵᔭ, ᐁ ᐃᑌᐧᐟ, ᐯᔭᐠ ᒪᑌᐧ ᐯᐦᑖᑯᓯᐤ ᐁ ᑌᐯᐧᐟ ᐱᑲᐧᑕᐢᑲᒥᑳᕽ, ᐊᐧᐁᐧᔨᑕᒫᕽ ᐅ ᒣᐢᑲᓈᒪ ᑳ ᑎᐯᔨᐦᒋᑫᐟ, ᑲᐧᔭᐢᑲᐧᒧᑖᐧᕽ ᐅ ᒣᐢᑲᓈᒪ.
[4] ᐁᐊᐧᑯ ᒫᑲ ᐊᐊᐧ ᒐᐣ ᑭ ᐃᐧᔮᑕᑦ ᐅᐱᐢᑳᐧᐃᐧᑲᓀᐃᐧᐱᓯᐢᑭᐤ ᐅ ᐱᐊᐧᔭ, ᒥᓇ ᐸᑫᑭᓄᐃᐧ ᐸᑲᐧᑌᐦᐅᐣ ᑭ ᐸᑲᐧᑌᐦᐅ, ᒥᓇ ᑳᐧᐢᑯᑎᓯᓴ ᒥᓇ ᐱᑲᐧᒋ ᐊᒧᓯᓯᐹᐢᑲᐧᐟ ᑭ ᐅ ᒥᒋᐃᐧᓂᐤ.
[5] ᐁᑯᓯ ᒫᑲ ᑭ ᐯ ᓈᑎᐠ ᒉᕒᐅᓴᓬᐊᑦ, ᒥᓇ ᑲᐦᑭᔭᐤ ᒍᑎᐊ, ᒥᓇ ᒥᓯᐁᐧ ᐊᐢᑭ ᐋᐧᓴᑳᑦ ᒑᕒᑕᓂᕽ,
[6] ᐁ ᑭ ᐹᑊᑖᓯᐃᐧᐦᐃᑯᒋᐠ ᐊᓂᑕ ᒑᕒᑕᐣ ᓯᐱᕽ, ᐁ ᐋᐧᐃᐧᑕᑭᐠ ᐅ ᒪᒑᔨᐃᐧᓂᐋᐧᐊᐧ.
[7] ᒫᑲ ᐃᐢᐱ ᐃᐧᔮᐸᒫᐟ ᒥᐦᒉᐟ ᐹᕒᐊᓯᔭ ᒥᓇ ᓵᐟᔪᓯᔭ ᐁ ᐯᒋ ᓈᑕᒥᔨᐟ ᐅ ᐹᑊᑖᓯᐃᐧᐦᐃᐁᐧᐃᐧᐣ, ᐅᒥᓯ ᑭ ᐃᑌᐤ, ᐅ ᑭᔮᐋᐧᐤ ᑭᓀᐱᑯᕽ ᐁᐧᑖᑎᓯᔦᐠ, ᐊᐁᐧᓇ ᑳ ᐃᐧᐦᑕᒫᑯᔦᐠ ᑭᑕ ᑕᐸᓯᑖᔦᐠ ᑭᓯᐋᐧᓯᐃᐧᐣ ᑫ ᐹᐸᔨᐠ?
[8] ᓄᑯᑖᐠ ᒫᑲ ᐁᓯᒥᓂᓯᐊᐧᕽ ᒥᑖᑕᒧᐃᐧᐣ:
[9] ᒥᓇ ᐁᑳᐃᐧᔭ ᐃᑌᔨᑕᒧᐠ ᑭᑕ ᐃᑎᓱᔦᐠ, ᓄᔪᑖᐃᐧᓈᐣ ᐁᑊᕒᐁᐋᑦ; ᒋᑫᒪ ᑭᐟ ᐃᑎᓈᐋᐧᐤ, ᑭᓭᒪᓂᑐ ᐁ ᑲᐢᑭᑖᐟ ᐅᐦᐃ ᐊᓯᓂᔭ ᐅᐦᒋ ᑭᑕ ᐊᐧᓂᐢᑳᓈᐟ ᑫ ᐅᐟ ᐊᐋᐧᓯᒥᓯᐟ ᐁᑊᕒᐁᐋᑦ.
[10] ᐋᓴᐩ ᐊᐦᐳ ᒋᑲᐦᐃᑲᐣ ᐋᐢᑖᓂᐃᐧᐤ ᐁ ᐅᒉᐱᑭᐃᐧᒋᐠ ᒥᐢᑎᑲᐧᐠ; ᐁᑯᓯ ᒫᑲ ᑕᐦᑐ ᒥᐢᑎᐠ ᐁᑳ ᐁ ᒥᔪ ᒥᓂᓯᐃᐧᐟ, ᑲᐊᐧᐋᐧᐤ ᒪᒍᐢᑌᐋᐧᐤ ᒫᑲ.
[11] ᑖᐯᐧ ᓂᔭ ᑭ ᐹᑊᑕᓯᐃᐧᐦᐃᑎᓈᐋᐧᐤ ᓂᐱ ᐅᐦᒋ ᒥᑖᑕᒧᐃᐧᓂᕽ ᐃᓯ; ᒫᑲ ᐃᐧᔭ ᑳ ᐯ ᐊᐢᑯᐃᐧᐟ ᐊᔨᐋᐧᐠ ᑭᐦᒑᔨᐃᐧᐤ ᐃᐢᐱᐨ ᓂᔭ, ᐅ ᒪᐢᑭᓯᓇ ᓇᒪᐃᐧᔭ ᓂᐟ ᐃᐢᐱᑌᔨᑖᑯᓯᐣ ᑭᑕ ᑕᑯᓇᒪᐧᐠ; ᐃᐧᔭ ᐃᓴ ᑭ ᑲ ᐅᐦᒋ ᐹᑊᑖᓯᐃᐧᐦᐃᑯᐋᐧᐤ ᑳ ᑲᓈᑎᓯᔨᐟ ᐊᐦᒑᐦᑲᐧ, ᒥᓇ ᐃᐢᑯᑌᐤ:
[12] ᐅ ᔪᔪᐁᐧᐊᒫᐣ ᐅ ᒋᐦᒋᕽ ᑳ ᑕᑯᓇᕽ, ᒥᑐᓂ ᐃᓴ ᑭᑕ ᐁᐧᐸᐦᐃᑫᐤ ᐅᐟ ᐊᓈᐢᑳᓂᕽ; ᐁᑯᓯ ᑭᑕ ᒫᐊᐧᒋᐦᐁᐤ ᐅ ᐸᑫᐧᓯᑲᓂᑳᓇ ᐅ ᒫᐊᐧᒋᒋᑫᐃᐧᑲᒥᑯᕽ; ᒫᑲ ᐃᐧᔭ ᑭᑕ ᑭᓯᓴᑦ ᓯᑲᐁᐧᐸᔨᒋᑲᓇ ᐃᐢᑯᑌᕽ ᐁᑳ ᑫ ᑭ ᐋᐢᑕᐁᐧᐦᐃᑳᑌᐠ.
[13] ᐁᑯᐢᐱ ᒫᑲ ᒋᓴᐢ ᑳᓬᐊᓬᐃᕽ ᑳ ᐯ ᐅᐦᒋ ᓈᑖᐟ ᒑᓇ, ᐊᓂᑕ ᒑᕒᑕᓂᕽ, ᑭᑕ ᐹᑊᑖᓯᐃᐧᐦᐃᑯᐟ.
[14] ᒫᑲ ᒑᐣ ᑭ ᐅᐦᒋᐁᐤ, ᐁ ᐃᑌᐧᐟ, ᓂᔭ ᐃᓴ ᐃᐧᔭ ᓂ ᑲ ᑭ ᓇᑕᐁᐧᔨᑌᑕᐩ ᑭᑕ ᐹᑊᑖᓯᐃᐧᐦᐃᔭᐣ, ᑕᔦᑲᐧᐨ ᒋ ᑭᔭ ᑭ ᐯ ᓈᓯᐣ?
[15] ᒫᑲ ᒋᓴᐢ ᑭ ᓇᐢᑫᐧᐊᐧᓯᒣᐤ, ᐁ ᑭ ᐃᑖᐟ, ᑭᔮᑦ ᐁᑯᓯ ᑲᑕ ᐃᐦᑭᐣ ᐊᓄᐦᐨ; ᒋᑫᒫ ᐁᑯᓯ ᑭ ᑲ ᐊᔨᑎᑖᓇᐤ ᑭᑕ ᑎᐱᐸᔨᑖᔭᕽ ᒥᓯᐁᐧ ᑲᐧᔭᐢᐠ ᐃᓯᐁᐧᐱᓯᐃᐧᐣ. ᐁᑯᓯ ᐱᔨᐢ ᑭᔮᑦ ᑳ ᑭ ᑖᐯᐧᑕᐋᐧᐟ.
[16] ᒋᓴᐢ ᒫᑲ, ᐃᐢᐱ ᑳ ᑭ ᐹᑊᑖᓯᐃᐧᐦᐃᐦᐟ, ᓭᒫᐠ ᐁ ᐊᑎ ᑲᐹᐟ ᓂᐱᕽ ᐅᐦᒋ; ᒋᐢᐟ, ᑭ ᐹᐢᑭᑌᐸᔨᐤ ᑭᐦᒋ ᑭᓯᐠ, ᑭ ᐋᐧᐸᒣᐤ ᒫᑲ ᑭᓭᒪᓂᑐᐊᐧ ᐅᐟ ᐊᐦᒑᐦᑯᔨᐊᐧ ᐁ ᐯ ᔮᓯᑐᑖᑯᐟ ᐋᐧᐱᐅᒥᒥᕽ ᐁ ᐃᓯᓈᑯᓯᔨᐟ, ᐁ ᐯ ᑌᐧᐦᐅᑐᑖᑯᐟ ᒫᑲ;
[17] ᒋᐢᐟ ᒥᓇ, ᑭᐦᒋ ᑭᓯᑯᕽ ᐅᐦᒋ ᐯᐦᑖᑲᐧᐣ ᐁ ᒪᑌᐧ ᐃᑌᐧᕽ, ᐁᐊᐧᑯ ᐊᐊᐧ ᑳ ᓵᑭᐦᐊᐠ ᓂ ᑯᓯᐢ, ᑳ ᓇᐦᐃᔭᐁᐧᐦᐃᐟ.