<Matthew ᓭᐣᐟ ᒫᐟᔪ 1

[1] ᒪᓯᓇᐦᐃᑲᐣ ᐃᑕ ᐁ ᐋᑐᑕᒥᕽ ᐃᑕ ᑳ ᐅᐦᒋ ᓂᐦᑖᐃᐧᑭᐟ ᒋᓴᐢ ᙭, ᑌᐱᐟ ᐅᑯᓯᓴ, ᐁᑊᕒᐊᐦᐊᑦ ᐅᑯᓯᓴ.

[2] ᐁᑊᕒᐊᐦᐊᑦ ᑭ ᓂᐦᑖᐃᐧᑭᐦᐁᐤ ᐊᐃᓴᑲ; ᒥᓇ ᐊᐃᓴᐠ ᑭ ᓂᐦᑖᐃᐧᑭᐦᐁᐤ ᒉᑲᐸ; ᒥᓇ ᒉᑲᑊ ᑭ ᓂᐦᑖᐃᐧᑭᐦᐁᐤ ᒍᑕᓴ ᒥᓇ ᐅᒋᐋᐧᒥᔨᐊᐧ;

[3] ᒥᓇ ᒍᑕᐢ ᑭ ᓂᐦᑖᐃᐧᑭᐦᐁᐤ ᐯᕒᐃᓴ, ᒥᓇ ᓯᕒᐊᐊᐧ, ᑌᒪᕒ ᐅᐦᒋ; ᒥᓇ ᐯᕒᐃᐢ ᑭ ᓂᐦᑖᐃᐧᑭᐦᐁᐤ ᐁᐢᕒᐊᒪ; ᒥᓇ ᐁᐢᕒᐊᑦ ᑭ ᓂᐦᑖᐃᐧᑭᐦᐁᐤ ᐁᕒᐊᒪ;

[4] ᒥᓇ ᐁᕒᐊᑦ ᑭ ᓂᐦᑖᐃᐧᑭᐦᐁᐤ ᐊᒥᓇᑖᐸ; ᒥᓇ ᐊᒥᓇᑖᑊ ᑭ ᓂᐦᑖᐃᐧᑭᐦᐁᐤ ᓀᐋᓴᓇ; ᒥᓇ ᓀᐋᓴᐣ ᑭ ᓂᐦᑖᐃᐧᑭᐦᐁᐤ ᓵᓬᒪᓇ;

[5] ᓵᓬᒪᐣ ᑭ ᓂᐦᑖᐃᐧᑭᐦᐁᐤ ᐳᐊᓴ ᕒᑲᑊ ᐅᐦᒋ; ᒥᓇ ᐳᐊᐢ ᑭ ᓂᐦᑖᐃᐧᑭᐦᐁᐤ ᐅᐱᑕ ᕒᐅᐟ ᐅᐦᒋ; ᒥᓇ ᐅᐱᐟ ᑭ ᓂᐦᑖᐃᐧᑭᐦᐁᐤ ᒉᓯᐊᐧ;

[6] ᒥᓇ ᒉᓯ ᑭ ᓂᐦᑖᐃᐧᑭᐦᐁᐤ ᑌᐱᑕ ᑳ ᑭ ᑭᐦᒋ ᐅᑭᒫᐃᐧᔨᐟ; ᒥᓇ ᑌᐱᐟ ᑭ ᓂᐦᑖᐃᐧᑭᐦᐁᐤ ᓴᓬᐅᒪᓇ ᐊᓂᐦᐃ ᐅᐦᒋ ᑳ ᑭ ᐃᐧᐃᐧᔨᐟ ᔪᕒᐋᔭᓴ:

[7] ᒥᓇ ᓴᓬᐅᒪᐣ ᑭ ᓂᐦᑖᐃᐧᑭᐦᐁᐤ ᕒᐃᐅᐳᐊᒪ; ᒥᓇ ᕒᐃᐅᐳᐊᑦ ᑭ ᓂᐦᑖᐃᐧᑭᐦᐁᐤ ᐊᐹᔭᐊᐧ; ᒥᓇ ᐊᐹᔭ ᑭ ᓂᐦᑖᐃᐧᑭᐦᐁᐤ ᐁᓴᐊᐧ;

[8] ᒥᓇ ᐁᓴ ᑭ ᓂᐦᑖᐃᐧᑭᐦᐁᐤ ᒋᐦᐋᓴᐹᑕ; ᒥᓇ ᒋᐦᐋᓴᐹᐟ ᑭ ᓂᐦᑖᐃᐧᑭᐦᐁᐤ ᒍᕒᐊᒪ; ᒥᓇ ᒍᕒᐊᑦ ᑭ ᓂᐦᑖᐃᐧᑭᐦᐁᐤ ᐅᓴᔭᐊᐧ;

[9] ᒥᓇ ᐅᓴᔭ ᑭ ᓂᐦᑖᐃᐧᑭᐦᐁᐤ ᒍᑕᒪ; ᒥᓇ ᒍᑕᑦ ᑭ ᓂᐦᑖᐃᐧᑭᐦᐁᐤ ᐁᐦᐋᓴ; ᒥᓇ ᐁᐦᐋᐢ ᑭ ᓂᐦᑖᐃᐧᑭᐦᐁᐤ ᐦᐁᓯᑳᔭᐊᐧ;

[10] ᒥᓇ ᐦᐁᓯᑳᔭ ᑭ ᓂᐦᑖᐃᐧᑭᐦᐁᐤ ᒪᓈᓯᐊᐧ; ᒥᓇ ᒪᓈᓯ ᑭ ᓂᐦᑖᐃᐧᑭᐦᐁᐤ ᐋᒪᓇ; ᒥᓇ ᐋᒪᐣ ᑭ ᓂᐦᑖᐃᐧᑭᐦᐁᐤ ᒍᓵᔭᓴ;

[11] ᒥᓇ ᒍᓵᔭᐢ ᑭ ᓂᐦᑖᐃᐧᑭᐦᐁᐤ ᒉᑯᓈᔭᐊᐧ ᒥᓇ ᐅᒋᐋᐧᒥᔨᐊᐧ, ᓈᓂᑕᐤ ᐃᐢᐱ ᑳ ᑭ ᓯᐯᐧᑕᐃᐦᒋᐠ ᐹᐱᓬᐊᓂᕽ;

[12] ᓵᓴᐩ ᒫᑲ ᑳ ᐯᓯᒋᐠ ᐹᐱᓬᐊᓂᕽ, ᒉᑯᓈᔭ ᑭ ᓂᐦᑖᐃᐧᑭᐦᐁᐤ ᓴᓬᐁᑎᔭᓬᐊ; ᒥᓇ ᓴᓬᐁᑎᔭᓬ ᑭ ᓂᐦᑖᐃᐧᑭᐦᐁᐤ ᓭᕒᐊᐸᐸᓬᐊ;

[13] ᓭᕒᐊᐸᐸᓬ ᑭ ᓂᐦᑖᐃᐧᑭᐦᐁᐤ ᐊᐹᔭᑕ; ᒥᓇ ᐊᐹᔭᐟ ᑭ ᓂᐦᑖᐃᐧᑭᐦᐁᐤ ᐃᓬᐋᔭᑭᒪ; ᒥᓇ ᐃᓬᐋᔭᑭᑦ ᑭ ᓂᐦᑖᐃᐧᑭᐦᐁᐤ ᐁᓱᕒᐊ;

[14] ᒥᓇ ᐁᓱᕒ ᑭ ᓂᐦᑖᐃᐧᑭᐦᐁᐤ ᓭᑕᑲ; ᒥᓇ ᓭᑕᐠ ᑭ ᓂᐦᑖᐃᐧᑭᐦᐁᐤ ᐁᑭᒪ; ᒥᓇ ᐁᑭᑦ ᑭ ᓂᐦᑖᐃᐧᑭᐦᐁᐤ ᐃᓬᐋᔭᑕ;

[15] ᒥᓇ ᐃᓬᐋᔭᐟ ᑭ ᓂᐦᑖᐃᐧᑭᐦᐁᐤ ᐃᓬᐃᐁᓴᕒᐊ: ᒥᓇ ᐃᓬᐃᐁᓴᕒ ᑭ ᓂᐦᑖᐃᐧᑭᐦᐁᐤ ᒫᑖᓇ: ᒥᓇ ᒫᑖᐣ ᑭ ᓂᐦᑖᐃᐧᑭᐦᐁᐤ ᒉᑲᐸ;

[16] ᒥᓇ ᒉᑲᑊ ᑭ ᓂᐦᑖᐃᐧᑭᐦᐁᐤ ᒍᓯᐸ, ᐅ ᓈᐯᒪ ᒣᕒᐃ, ᐊᓇ ᑳ ᑭ ᐅᐦᒋ ᓂᐦᑖᐃᐧᑭᐟ ᒋᓴᐢ; ᙭ ᑳ ᐃᓯᔨᐦᑳᓱᐟ.

[17] ᐁᑯᓯ ᒫᑲ ᑲᐦᑭᔭᐤ ᐋᓂᐢᑳᐨ ᑳ ᐱᒫᑎᓯᒋᐠ ᐁᑊᕒᐁᐋᑦ ᐅᐦᒋ ᐱᔨᐢ ᑌᐱᐟ ᒥᑖᑕᐦᐟ ᓀᐅᓵᑊ ᑕᐦᑖᐧᐤ ᐋᓂᐢᑳᐨ ᑭ ᐱᒫᑎᓯᐊᐧᐠ; ᒥᓇ ᑌᐱᐟ ᐅᐦᒋ, ᐱᔨᐢ ᐁ ᑭ ᓯᐯᐧᑕᐦᐃᐦᒋᐠ ᐹᐱᓬᐊᓂᕽ ᒥᑖᑕᐟ ᓀᐅᓵᑊ ᑕᐦᑖᐧᐤ ᐋᓂᐢᑳᐨ ᑭ ᐱᒫᑎᓯᐊᐧᐠ; ᒥᓇ ᐊᓂᒪ ᐅᐦᒋ ᐁ ᑭ ᓯᐯᐧᑕᐃᐦᒋᐠ ᐹᐱᓬᐊᓂᕽ ᐱᔨᐢ ᙭ ᒥᑖᑕᐟ ᓀᐅᓵᑊ ᑕᐦᑖᐧᐤ ᐋᓂᐢᑳᐨ ᑭ ᐱᒫᑎᓯᐊᐧᐠ.

[18] ᐅᒥᓯ ᒫᑲ ᑭ ᐃᑭᓂᔨᐤ ᐅ ᓂᐦᑖᐃᐧᑭᐃᐧᐣ ᒋᓴᐢ ᙭; ᐃᐢᐱ ᐊᓂᐦᐃ ᐅᑳᐃᐧᔭ ᒣᕒᐃᐊᐧ ᐁ ᑭ ᐊᓱᑕᒪᐋᐧᔨᐟ ᑭᑕ ᐃᐧᒉᐋᐧᔨᐟ ᒍᓯᐸ, ᒪᐧᔦᐢ ᐁ ᑭ ᓈᑎᑐᒋᐠ, ᑭ ᑭᐢᑫᔨᒫᐤ ᐁ ᐊᔮᐋᐧᐟ ᐊᐋᐧᓯᓴ ᑲᓈᒋ ᐊᐦᒑᑲᐧ ᐅᐦᒋ.

[19] ᐁᑯᓯ ᒍᓯᑊ ᐅ ᓈᐯᒪ, ᐁ ᑲᐧᔭᐢᐠ ᐃᓯᐁᐧᐱᓯᐃᐧ ᐊᔨᓯᔨᓂᐃᐧᐟ, ᒥᓇ ᐁᑳ ᐁ ᐃᑌᔨᑕᕽ ᑭᑕ ᒫᒪᐃᐧ ᑭᐢᑫᔨᑖᑯᐦᐋᐟ ᑭ ᐃᑌᔨᑕᑦ ᑭᒧᐨ ᑭᑕ ᐸᑭᑎᓈᐟ.

[20] ᒫᑲ ᐃᐢᐱ ᐁ ᒫᒥᑐᓀᔨᑕᕽ ᐅᐦᐃ, ᒋᐢᐟ, ᐅᑭᓯᑯᒪ ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑖᐠ ᐸᐋᐧᒧᐃᐧᓂᕽ, ᐁ ᐃᑌᐧᔨᐟ, ᒍᓯᑊ, ᑭᔭ ᐅᑯᓯᓴ ᑌᐱᐟ ᐁᑳᐃᐧᔭ ᑯᐢᑕ ᑭᑕ ᐅᑎᓇᐟ ᒣᕒᐃ ᑭᐊᐧ; ᒋᑫᒫ ᐊᓂᐦᐃ ᑳ ᐊᔮᐋᐧᐟ ᑲᓈᒋ ᐊᐦᒑᐦᑲᐧ ᐅᐦᒋᔨᐊᐧ.

[21] ᑭᑕ ᓂᐦᑖᐃᐧᑭᐦᐁᐤ ᒫᑲ ᑫ ᐅᑯᓯᓯᐟ, ᒋᓴᐢ ᒫᑲ ᑭ ᑲ ᐃᓯᔨᐦᑳᑖᐤ: ᒋᑫᒫ ᑭᑕ ᐱᒫᒋᐦᐁᐤ ᐅᐟ ᐊᔨᓯᔨᓂᒪ ᐅ ᒪᒑᔨᐃᐧᓂᔨᕽ ᐅᐦᒋ.

[22] ᐁᑲᐧ ᒫᑲ ᑲᐦᑭᔭᐤ ᐅᒪ ᑭ ᐃᐦᑭᐣ, ᑭᑕ ᑎᐱᐸᔨᐠ ᑳ ᑭ ᐃᑌᐧᐟ ᑳ ᑎᐯᔨᐦᒋᑫᐟ ᐅᑭᐢᑭᐁᐧᐦᐃᑫᐊᐧ ᐅᐦᒋ ᐁ ᐃᑌᐧᐟ,

[23] ᒋᐢᐟ, ᐅᐢᑭᓂᑭᐢᑫᐧᐤ ᐊᐋᐧᓯᓴ ᑭᑕ ᐊᔮᐁᐧᐤ, ᐁᑯᓯ ᑭᑕ ᓂᐦᑖᐃᐧᑭᐦᐁᐤ ᐅᑯᓯᓴ, ᐃᒫᐣᔪᐁᓬ ᒫᑲ ᑭᑕ ᐃᓯᔨᐦᑳᑌᐊᐧᐠ; ᐁᐊᐧᑯ ᐊᓂᒪ ᐁ ᐃᑌᐧᐢᑕᒪᐋᐧᑕᒥᕽ ᑭᓭᒪᓂᑑ ᑭ ᐃᐧᒉᐃᐧᑯᓇᐤ.

[24] ᐁᑯᓯ ᒍᓯᑊ ᐁ ᐊᐧᓂᐢᑳᐟ ᐅ ᓂᐹᐃᐧᓂᕽ ᐅᐦᒋ, ᑭ ᑐᑕᑦ ᐊᓂᒪ ᑳ ᑎᐯᔨᐦᒋᑫᔨᐟ ᐅᑭᓯᑯᒥᔨᐊᐧ ᑳ ᑭ ᐃᑎᑯᐟ, ᐁ ᑭ ᐅᑎᓈᐟ ᐃᐧᐊᐧ.

[25] ᓇᒪᐃᐧᔭ ᒫᑲ ᑭ ᐅᐦᒋ ᑭᐢᑫᔨᒣᐤ ᐹᑐᐢ ᐃᔨᑯᕽ ᑳ ᑭ ᓂᐦᑖᐃᐧᑭᐦᐋᔨᐟ ᐅᑯᓯᓯᔨᐊᐧ; ᒋᓴᐢ ᒫᑲ ᑭ ᐃᓯᔨᐦᑳᑌᐤ.