[1] ᐁᑯᐢᐱ ᒫᑲ ᒣᐧᐦᒋ ᑭᐢᑭᓄᐦᐊᒪᐋᐧᑲᓇᐠ ᑳ ᐯ ᓈᑕᒋᐠ ᒋᓴᓴ, ᐅᒥᓯ ᐁ ᐃᑌᐧᒋᐠ, ᐊᐁᐧᓇ ᐊᐊᐧᓯᒣ ᑫᐦᒐᔨᐃᐧᐟ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ?
[2] ᒋᓴᐢ ᒫᑲ ᑭ ᓇᑐᒣᐤ ᐊᐱᐢᒐᐊᐧᓯᓴ, ᐁ ᑭ ᐊᐦᔮᐟ ᒫᑲ ᐊᓂᑕ ᑖᐊᐧᔨᕽ ᐃᑕ ᐁ ᐊᔭᔨᐟ.
[3] ᐅᒥᓯ ᒫᑲ ᐁ ᑭ ᐃᑌᐧᐟ, ᑖᐯᐧ ᑭᐟ ᐃᑎᓈᐋᐧᐤ, ᑭᐢᐱᐣ ᐁᑳ ᑫᐧᐢᑭᐱᒪᑎᓯᔦᑯ, ᒥᓇ ᐃᓯᓈᑯᓯᔦᑯ ᑖᐱᐢᑯᐨ ᐊᐱᐢᒐᐊᐧᓯᐢ, ᓇᒪᐃᐧᔭ ᑭ ᑲ ᐱᐦᑐᑳᓈᐋᐧᐤ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ.
[4] ᐁᐊᐧᑯ ᒫᑲ ᐅᐦᒋ, ᑭᐢᐱᐣ ᐊᐃᐧᔭᐠ ᑫ ᐃᓯ ᐊᐱᐢᑌᔨᒧᑫᐧ ᑕᐱᐢᑯᐨ ᐊᐊᐧ ᐊᐱᐢᒐᐊᐧᓯᐢ, ᐁᐊᐧᑯ ᒥᔭᐊᐧᒋ ᑭᐦᒐᔨᐃᐧᐟ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ.
[5] ᑭᐢᐱᐣ ᒫᑲ ᐊᐃᐧᔭᐠ ᑫ ᐅᑎᓇᑫᐧ ᐯᔭᐠ ᐅᒪ ᑐᐃᐧ ᐊᐱᐢᒐᐊᐧᓯᓴ ᓂᐟ ᐃᓯᔨᐦᑳᓱᐃᐧᓂᕽ, ᓂᔭ ᓂᐟ ᐅᑎᓂᐠ.
[6] ᐊᐃᐧᔭᐠ ᒫᑲ ᑫ ᓇᔦᑕᐃᐧᑐᑕᐊᐧᑫᐧ ᐯᔭᐠ ᐅᐦᐃ ᑳ ᐊᐱᓯᓯᓯᔨᐟ ᑳ ᑖᐯᐧᔦᔨᒥᔨᐟ, ᓇᐊᐧᐨ ᑭᑕ ᑭ ᐋᐸᒋᐅ ᐱᓂᐳᒋᑲᓇᓯᓂᔭ ᑭ ᑕᑯᐱᑎᒥᐟ ᐅ ᑲᐧᔭᕽ, ᐁᑯᓯ ᒫᑲ ᑭ ᓂᐢᑕᐸᐊᐧᔨᐟ ᑕᐃᐧᐨ ᑭᐦᒋᑲᒥᕽ.
[7] ᑲᑲᐧᑕᑭᓯᒪᑲᐣ ᐅᒪ ᐊᐢᑭ, ᐊᓂᐦᐃ ᓇᔦᑕᐃᐧᑐᑕᒧᐃᐧᓇ ᐅᐦᒋ! ᒋᑫᒪ ᑫᒋᓇᐨ ᑭᑕ ᐃᐦᑭᐣ ᓇᔦᑕᐃᐧᑐᑕᒧᐃᐧᓇ ᑭᑕ ᑕᑯᓯᓄᒪᑲᑭ; ᒫᑲ ᑲᑲᐧᑕᑭᓯᐤ ᐊᓇ ᐊᔨᓯᔨᓂᐤ ᓇᔦᑕᐃᐧᑐᑕᒧᐃᐧᐣ ᑳ ᐅᐦᒋᐸᔨᐠ!
[8] ᐁᐊᐧᑯ ᒫᑲ ᐅᐦᒋ, ᑭᐢᐱᐣ ᑭᒋᐦᒋ ᐊᐦᐳ ᑭᓯᐟ ᓇᔦᑕᐃᐧᑐᑕᒧᐃᑯᔭᓂ, ᑭᐢᑭᓴ, ᒥᓇ ᐁᐧᐱᓇ; ᓇᐊᐧᐨ ᑭ ᑲ ᐊᐸᒋᐃᑯᐣ ᑭᑕ ᐱᐦᑐᑫᔭᐣ ᐱᒫᑎᓯᐃᐧᓂᕽ ᑭᑭ ᒪᐢᑭᑲᑌᔭᓂ ᐊᐦᐳ ᒪᐢᑭᐱᑐᓀᔭᓂ, ᐃᐢᐱᐨ ᐃᐧᔭ ᐁ ᓂᓱ ᒋᐦᒉᔭᐣ ᐊᐦᐳ ᐁ ᓂᓱ ᓯᑌᔭᐣ, ᑭᑕ ᐃᓯ ᐁᐧᐱᓂᑲᐃᐧᔭᐣ ᑲᑭᑫ ᐃᐢᑯᑌᕽ.
[9] ᑭᐢᐱᐣ ᒫᑲ ᑭᐢᑭᓯᐠ ᓇᔦᑕᐃᐧᑐᑕᒧᐃᑯᔭᓂ, ᑫᒋᑯᐱᑕ, ᒥᓇ ᐁᐧᐱᓇ; ᓇᐊᐧᐨ ᑭ ᑲ ᐊᐸᒋᐃᑯᐣ ᑭᑕ ᐱᐦᑐᑫᔭᐣ ᐱᒫᑎᓯᐃᐧᓂᕽ ᐁ ᓇᐸᑌᔮᐱᔭᐣ, ᐃᐢᐱᐨ ᐁ ᓂᓯᐦᑭ ᑭᐢᑭᓯᑲᐧ, ᑭᑕ ᐃᓯ ᐁᐧᐱᓂᑲᐃᐧᔭᐣ ᑳᑭᑫ ᐃᐢᑯᑌᕽ.
[10] ᐊᔭᑲᐧᒥᓯᐠ ᐁᑳ ᑭᑕ ᐸᐱᓀᔨᒫᔦᐠ ᐯᔭᐠ ᐅᑯ ᑳ ᐊᐱᐢᑌᔨᑖᑯᓯᒋᐠ; ᒋᑫᒪ ᑭᐟ ᐃᑎᓈᐋᐧᐤ, ᑭᐦᒋ ᑭᓯᑯᕽ ᐅᑭᓯᑯᒥᐊᐧᐊᐧ ᑲᑭᑫ ᑲᓇᐊᐧᐸᒣᐊᐧᐠ ᓄᑖᐃᐧᔭ ᑭᐦᒋ ᑭᓯᑯᕽ ᑳ ᐊᔮᔨᐟ.
[11] ᒋᑫᒪ ᐃᔨᓂᐃᐧᑯᓯᓵᐣ ᐯ ᐃᑐᐦᑌᐤ ᑭᑕ ᐱᒪᒋᐋᐟ ᐊᓂᐦᐃ ᑳ ᐊᐧᓂᐦᐅᔨᐟ.
[12] ᑖᓂᓯ ᑭᔭᐋᐧᐤ ᐁᑌᔨᑕᒣᐠ? ᑭᐢᐱᐣ ᐊᔨᓯᔨᓂᐤ ᐊᔮᐋᐧᐟ ᒥᑖᑐᒥᑕᓇᐤ ᒫᔭᑎᐦᑲᐧ, ᐯᔭᐠ ᒫᑲ ᐊᐧᓂᓯᓂᔨᐟ, ᓇᒪ ᒋ ᑭᑕ ᓇᑲᑌᐤ ᐊᓂᐦᐃ ᑫᑳᐟ ᒥᑖᑐᒥᑕᓇᐤ ᒥᓇ ᑫᑲᐟ ᒥᑕᑕᐠ, ᑭᑕ ᐃᑐᐦᑌᐟ ᒫᑲ ᐊᓂᑌ ᐊᐧᒋᕽ, ᑭᑕ ᓇᓇᑐᓇᐋᐧᐟ ᐊᓂᐦᐃ ᑳ ᐊᐧᓂᓯᓂᔨᐟ?
[13] ᐁᑯᓯ ᒫᑲ ᑭᐢᐱᐣ ᑭ ᒥᐢᑲᐋᐧᒋ, ᑖᐯᐧ ᑭᐟ ᐃᑎᓈᐋᐧᐤ, ᐊᐊᐧᓯᒣ ᑭᑕ ᒥᔭᐊᐧᑕᑦ ᐊᓂᐦᐃ ᐯᔭᐠ ᒫᔭᑎᐦᑲᐧ ᐅᐦᒋ, ᐃᐢᐱᐨ ᐊᓂᐦᐃ ᑫᑳᐟ ᒥᑖᑐᒥᑕᓇᐤ ᑫᑳᐟ ᒥᑖᑕᐦᐟ ᐁᑳ ᑳ ᐊᐧᓂᓯᓂᔨᐟ.
[14] ᐁᑯᓯ ᒫᑲ ᒣᐧᐦᒋ ᐁᑳ ᐁᓯ ᓂᑕᐁᐧᔨᑕᕽ ᑯᑕᐃᐧᐋᐧᐤ ᑭᐦᒋ ᑭᓯᑯᕽ ᑳ ᐊᔮᐟ, ᐯᔭᐠ ᐅᐦᐃ ᑳ ᐊᐱᐢᑌᔨᑖᑯᓯᔨᐟ ᑭᑕ ᓂᓯᐊᐧᓈᑎᓯᔨᐟ.
[15] ᒥᓇ ᒫᑲ, ᑭᐢᐱᐣ ᑭᒋᐋᐧᑦ ᓇᔦᑕᐃᐧᑐᑕᐢᑫ, ᐃᑐᐦᑌ ᐃᓴ ᓇᑕᐃᐧ ᐃᐧᐦᑕᒪᐤ ᐅ ᐊᐧᓂᐃᓯᒋᑫᐃᐧᐣ ᐁ ᓂᓯᔦᐠ ᐱᑯ; ᑭᐢᐱᐣ ᒫᑲ ᓇᑐᑕᐢᑭ, ᑭ ᑭ ᑲᐢᑭᐋᐤ ᑭᒋᐋᐧᑦ.
[16] ᒫᑲ ᑭᐢᐱᐣ ᐁᑳ ᐃᐧ ᓇᑐᑖᐢᑭ, ᐅᑎᐣ ᑯᑕᐠ ᐯᔭᐠ ᐊᐦᐳ ᓈᓂᑕᐤ ᓂᓱ, ᐊᓂᒪ ᒫᑲ ᓂᓱ ᐊᐦᐳ ᓂᐢᑐ ᐁ ᐃᑕᒋᒧᒋᐠ ᐅ ᑐᓂᐊᐧᕽ ᑲᐦᑭᔭᐤ ᐊᔭᒥᐃᐧᐣ ᑭᑕ ᐅᐦᒋ ᒪᐢᑲᐊᐧᐢᑌᐠ.
[17] ᑭᐢᐱᐣ ᒫᑲ ᐁᑳ ᐃᐧ ᓇᑐᑕᐋᐧᒋ, ᐃᐧᐦᑕ ᐊᓂᑕ ᐊᔭᒥᐦᐁᐃᐧᑲᒥᑯᕽ; ᑭᐢᐱᐣ ᒫᑲ ᐁᑳ ᐃᐧ ᓇᑐᑕᐋᐧᒋ ᐅᑕᔭᒥᐦᐋᐊᐧ ᑭᔮᑦ ᑖᐱᐢᑯᐨ ᐁᑳ ᐁᔭᒥᐦᐋᐟ ᐊᔨᓯᔨᓂᐤ ᒥᓇ ᐸᑊᓬᐃᑲᐣ ᑭ ᑲ ᐃᑌᔨᒫᐤ.
[18] ᑖᐯᐧ ᑭᐟ ᐃᑎᓈᐋᐧᐤ, ᑭᐢᐱᐣ ᑫᑲᐧᐩ ᑫ ᒪᒪᒋᑲᐧᐱᑕᒧᐁᐧᑫᐧ ᐅᑕ ᐊᐢᑭᕽ, ᑭᑕ ᒪᒪᒋᑲᐧᐱᒋᑲᑌᐤ ᑭᐦᒋ ᑭᓯᑯᕽ; ᒥᓇ ᑫᑲᐧᐩ ᑫ ᐊᐸᐊᒧᐁᐧᑫᐧ ᐅᑕ ᐊᐢᑭᕽ, ᑭᑕ ᐊᐸᐃᑲᑌᐤ ᑭᐦᒋ ᑭᓯᑯᕽ.
[19] ᒥᓇ ᒫᑲ ᑭᐟ ᐃᑎᓈᐋᐧᐤ, ᑭᐢᐱᐣ ᓂᑯᑖᐧ ᐁ ᓂᓯᔦᐠ ᓂᓱᑲᒪᑐᔦᑯ ᐅᑕ ᐊᐢᑭᕽ ᐊᐧᐃᐧᑕᒣᑯ ᐊᓂᒪ ᑫ ᓇᑐᑕᒣᐠ ᑭ ᑲ ᑐᑕᒪᑯᐋᐧᐤ ᓄᑖᐃᐧ ᑭᐦᒋ ᑭᓯᑯᕽ ᑳ ᐊᔮᐟ.
[20] ᒋᑫᒪ ᐃᑕ ᓂᓱ ᐊᐦᐳ ᓂᐢᑐ ᒥᔭᐊᐧᒋᐃᑐᑖᐧᐃᐧ ᓂ ᐃᐧᔪᐃᐧᓂᕽ, ᐁᑯᑕ ᓂᐢᑕ ᒣᑳᐧ ᐊᔨᕽ ᐁᔮᔮᐣ.
[21] ᐁᑯᓯ ᒫᑲ ᐱᑕᕒ ᑭ ᐯ ᓇᑌᐤ, ᐅᒥᓯ ᐁ ᑭ ᐃᑌᐧᐟ, ᑌᐯᔨᐦᒋᑫᔭᐣ, ᑕᓂᑕᑖᐧᐤ ᐁ ᒪᒋᑐᑕᐃᐧᐟ ᓂᒋᐋᐧᑦ, ᐁᑯᓯ ᒫᑲ ᑭᑕ ᐳᓀᔨᑕᒪᐊᐧᐠ? ᑌᐸᑯᐦᐹᐧᐤ ᒋ ᐃᔨᑯᕽ?
[22] ᒋᓴᐢ ᒫᑲ ᐅᒥᓯ ᐃᑌᐤ, ᓇᒪᐃᐧᔭ ᐁᑯᓯ ᑭᐟ ᐃᑎᐣ, ᐃᔨᑯᕽ ᐱᑯ ᑌᐸᑯᑊ ᑕᐦᑖᐧᐤ; ᒫᑲ, ᑌᐸᑯᐦᐳᒥᑕᓇᐤ ᑕᐦᑖᐧᐤ ᑌᐸᑯᑊ ᐃᔨᑯᕽ.
[23] ᐁᐊᐧᑯ ᒫᑲ ᐅᐦᒋ, ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᐃᑌᔨᑕᑲᐧᐣ ᑖᐱᐢᑯᐨ ᐯᔭᐠ ᑭᐦᒋ ᐅᑭᒫᐤ, ᑳ ᐃᐧ ᓂᐱᑌ ᐊᑭᑕᒪᐋᐧᐟ ᐅᐟ ᐊᑐᐢᑫᔮᑲᓇ.
[24] ᐃᐢᐱ ᒫᑲ ᑳ ᓯᐯᐧᐊᑭᑕᒪᐋᐧᐟ, ᐯᔭᐠ ᑭ ᐯᓯᒫᐊᐧ ᒥᑕᑖᐧᐤ ᑭᐦᒋ ᒥᑖᑐᒥᑕᓇᐤ ᓱᓂᔮᐊᐧ ᐁ ᒪᓯᓇᐦᐊᒪᑯᐟ:
[25] ᒫᑲ ᐁᑳ ᐁᑯᔨᑯᕽ ᐁ ᐊᔮᐟ ᑭᑕ ᑎᐸᐊᕽ, ᐅᐟ ᐅᑭᒫᒪ ᑭ ᐃᑕᓱᐊᐧᑎᐠ ᑭᑕ ᐊᑕᐊᐧᑲᑎᐟ ᒥᓇ ᐃᐧᐊᐧ, ᒥᓇ ᐅᐟ ᐊᐊᐧᓯᒥᓴ, ᒥᓇ ᑲᐦᑭᔭᐤ ᑳ ᐃᓯ ᐊᔮᐟ, ᐁᑯᑕ ᒫᑲ ᑭᑕ ᐅᐦᒋ ᑎᐸᐦᐃᑫᐟ.
[26] ᐁᑯᓯ ᒫᑲ ᐊᑐᐢᑫᔮᑲᐣ ᑭ ᐸᐦᑭᓯᐣ, ᐁ ᑭ ᒪᐃᐧᒧᐢᑕᐋᐧᐟ, ᐅᒥᓯ ᐁ ᐃᑌᐧᐟ, ᑌᐯᔨᐦᒋᑫᔭᐣ, ᓴᓯᐯᔨᑕᒪᐃᐧᐣ ᐁᑯᓯ ᒫᑲ ᑲᐦᑭᔭᐤ ᑭ ᑲ ᑎᐸᐊᒪᑎᐣ.
[27] ᐁᑯᓯ ᒫᑲ ᐅᑭᒫᐤ ᑭ ᑭᑎᒪᑫᔨᒣᐤ, ᐅᐟ ᐊᑐᐢᑫᔮᑲᓇ ᒥᓇ ᐁ ᑭ ᐊᐸᐋᐧᐟ, ᒥᓇ ᐁ ᑭ ᑲᓯᐊᒪᐋᐧᐟ ᐅ ᒪᓯᓇᐦᐃᑫᐃᐧᐣ.
[28] ᒫᑲ ᐁᐊᐧᑯ ᐊᑐᐢᑫᔮᑲᐣ ᑭ ᐊᑎ ᐊᐧᔭᐃᐧᐤ, ᐁ ᑭ ᒥᐢᑲᐋᐧᐟ ᒫᑲ ᐯᔭᐠ ᐃᐧᒋ ᐊᑐᐢᑫᔮᑲᓇ, ᑳ ᒪᓯᓇᐦᐊᒪᑯᐟ ᒥᑖᑐᒥᑕᓇᐤ ᐅᓴᐊᐧᐱᐢᑯᓴ; ᐁ ᑭ ᐅᑎᑎᓈᐟ ᒫᑲ, ᒥᓇ ᐁ ᑭ ᑭᐱᑭᑐᓀᓈᐟ, ᐅᒥᓯ ᐁ ᐃᑖᐟ, ᑎᐸᐊᒪᐃᐧᐣ ᐊᓂᒪ ᑳ ᒪᓯᓇᐦᐊᒪᐃᐧᔭᐣ.
[29] ᐃᐧᒋ ᐊᑐᐢᑫᔮᑲᓇ ᒫᑲ ᑭ ᐃᐢᐸᔨᐅᔨᐊᐧ ᐅ ᓯᑎᕽ, ᐁ ᑭ ᐸᑯᓭᔨᒥᑯᐟ ᒫᑲ, ᐅᒥᓯ ᐁ ᐃᑎᑯᐟ, ᓴᓯᐯᔨᑕᒪᐃᐧᐣ ᐁᑯᓯ ᒫᑲ ᑭ ᑲ ᑎᐸᐊᒪᑎᐣ.
[30] ᒫᑲ ᓇᒪᐃᐧᔭ ᑭ ᐃᐧ ᓇᑐᑕᐁᐧᐤ; ᒫᑲ ᐊᒋᐱᑯ ᑭ ᓯᐯᐧᑌᐤ ᐁ ᑭ ᑭᐸᐋᐧᐟ ᒫᑲ ᑭᐸᐦᐅᑐᐃᐧᑲᒥᑯᕽ, ᐃᔨᑯᕽ ᑭᑕ ᑎᐸᐊᒥᔨᐟ ᐅ ᒪᓯᓇᐦᐃᑫᐃᐧᓂᔨᐤ.
[31] ᐃᐢᐱ ᒫᑲ ᑯᑕᑲ ᐅ ᐃᐧᒋ ᐊᑐᐢᑫᔮᑲᓇ ᑳ ᐋᐧᐸᐦᑕᒥᔨᐟ ᐅᒥᓯ ᐁ ᑭ ᐊᔨᑭᓂᔨᐠ, ᓇᐢᐱᐨ ᑭ ᒥᒋᔭᐁᐧᓯᔨᐊᐧ, ᐁ ᑭ ᐯ ᓇᑕᐃᐧ ᐃᐧᐦᑕᒪᐊᐧᔨᐟ ᐅᐟ ᐅᑭᒪᒥᐊᐧᐊᐧ ᑲᐦᑭᔭᐤ ᑳ ᑭ ᐊᔨᑭᓂᔨᐠ.
[32] ᐁᑯᓯ ᒫᑲ ᐅᐟ ᐅᑭᒫᒪ, ᐃᐢᐱ ᐁ ᑭ ᓇᑐᒥᑯᐟ, ᐅᒥᓯ ᑭ ᐃᑎᐠ, ᐅ ᑭᔭ ᑳ ᒪᒑᑎᓯᔭᐣ ᐊᑐᐢᑫᔮᑲᐣ, ᑲᐦᑭᔭᐤ ᓂᔭ ᑭ ᑭ ᑲᓯᐊᒪᑎᐣ ᐊᓂᒪ ᑭ ᒪᓯᓇᐦᐃᑫᐃᐧᐣ, ᒋᑫᒪ ᐁ ᐃᓯ ᐸᑯᓭᔨᒥᔭᐣ:
[33] ᓇᒪ ᒋ ᒫᑲ ᑭ ᑲ ᑭ ᑭᑎᒪᑫᔨᒪᑕᐩ ᑭᒋ ᐊᑐᐢᑫᔮᑲᐣ, ᑖᐱᐢᑯᐨ ᓂᔭ ᑳ ᑭ ᐃᓯ ᑭᑎᒪᑫᔨᒥᑖᐣ?
[34] ᐅᐟ ᐅᑭᒫᒪ ᒫᑲ ᑭ ᑭᓯᐊᐧᓯᔨᐊᐧ, ᐁ ᑭ ᐸᑭᑎᓂᑯᐟ ᒫᑲ ᑭᑕ ᑲᑲᐧᑕᑭᐃᐦᐟ ᐁᐢᑯ ᐃᔨᑯᕽ ᑲᐦᑭᔭᐤ ᑎᐸᐦᐊᐦᑭ ᐊᓂᒪ ᑳ ᐃᓯ ᒪᓯᓇᐦᐃᑫᐟ.
[35] ᐁᑯᓯ ᒫᑲ ᒣᐧᐦᒋ ᑭᐢᑕᐋᐧᐤ ᑫ ᑐᑖᑯᔦᐠ ᓄᑖᐃᐧ ᑭᐦᒋ ᑭᓯᑯᕽ ᑳ ᐊᔭᐟ, ᑭᐢᐱᐣ ᓇᒪᐃᐧᔭ ᑳ ᐃᑕᓯᔦᐠ ᑭᑌᐃᐊᐧᕽ ᑯᐦᒋ ᐳᓀᔨᑕᒪᐊᐧᐋᐧᐊᐧᐠ ᑭᒋᐋᐧᒥᐋᐧᐊᐧᐠ ᐅ ᐊᐧᓂᑐᑕᒧᐃᐧᓂᐋᐧᐊᐧ.