[1] ᑭ ᐅᑎᐦᒋᐸᔨᐤ ᒫᑲ, ᐃᐢᐱ ᒋᓴᐢ ᑳ ᐳᓂ ᑲᑫᐢᑭᒫᐟ ᒥᑖᑕᐦᐟ ᓂᓱᓵᑊ ᑳ ᐃᐦᑕᓯᔨᐟ ᐅ ᑭᐢᑭᓄᐦᐊᒪᐋᐧᑲᓇ, ᑭ ᓯᐯᐧᑌᐤ, ᐁ ᑭ ᑭᐢᑭᓄᐦᐊᒫᑫᐟ ᒥᓇ ᐁ ᑭ ᑲᑫᐢᑭᒥᐁᐧᐟ ᐅᐟ ᐅᑌᓇᐃᐧᐃᐧᓂᔨᕽ.
[2] ᐃᐢᐱ ᒫᑲ ᒐᐣ ᑳ ᐯᑕᕽ ᐊᓂᑕ ᑭᐸᐦᐅᑐᐃᐧᑲᒥᑯᕽ ᐅᐟ ᐊᑐᐢᑫᐃᐧᓂᔨᐊᐧ ᙭, ᑭ ᐃᓯᑎᓴᐁᐧᐤ ᓂᓱ ᐅ ᑭᐢᑭᓄᐦᐊᒪᐋᐧᑲᓇ.
[3] ᐅᒥᓯ ᒫᑲ ᐁ ᐃᑕᐟ ᑭᔭ ᒋ ᑳ ᐃᐧ ᐯ ᑕᑯᓯᕽ, ᐊᐦᐳ ᒋ ᑯᑕᐠ ᑫᔮᐱᐨ ᓂ ᑲ ᐊᓴᐋᐧᐸᒪᓈᐣ?
[4] ᒋᓴᐢ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᓂᔮᐠ, ᓇᑕᐃᐧ ᐊᐧᐸᑎᔨᕽ ᒐᐣ ᐊᓂᐦᐃ ᑳ ᐯᐦᑕᒣᐠ ᒥᓇ ᑳ ᐋᐧᐸᐦᑕᒣᐠ:
[5] ᐁᑳ ᑳ ᐋᐧᐱᒋᐠ ᐅᑎᓇᒪᐧᐠ ᐅ ᐊᐧᐱᐃᐧᓂᐋᐧᐤ, ᒥᓇ ᑳ ᒪᐢᑭᑳᑌᒋᐠ ᐱᒧᐦᑌᐊᐧᐠ, ᒥᓇ ᐊᓂᑭ ᑳ ᒪᒑᐢᐱᓀᒋᐠ ᐯᑭᐊᐊᐧᐠ, ᒥᓇ ᐁᑳ ᑳ ᐯᐦᑕᐦᑭᐠ ᓇᓇᐃᑕᒪᐧᐠ, ᒥᓇ ᑳ ᓂᐱᒋᐠ ᐊᐧᓂᐢᑳᓇᐊᐧᐠ, ᒥᓇ ᑳ ᑭᑎᒪᑭᓯᒋᐠ ᑲᑫᐢᑭᒪᐊᐧᐠ ᒥᐋᐧᒋᒧᐃᐧᐣ.
[6] ᓴᐁᐧᔨᑖᑯᓯᐤ ᐃᓴ ᐊᓇ ᐁᑳ ᑫ ᓇᔦᐦᑖᐁᐧᔨᒥᑫᐧ.
[7] ᐁᑯᓯ ᒫᑲ ᐁ ᐊᑎ ᓯᐯᐧᑌᒋᐠ, ᒋᓴᐢ ᐅᒥᓯ ᐃᑌᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᐁ ᑭ ᐅᐦᒋ ᐊᔨᑕᐟ ᒑᓇ, ᑫᑲᐧᐩ ᑳ ᐅᐦᒋ ᐊᐧᔭᐃᐧᔦᐠ ᐱᑲᐧᑕᐢᑲᒥᑲᕽ ᑭᑕ ᐋᐧᐸᐦᑕᒣᐠ? ᐊᓂᐢᑲᐊᐧᐢᐠ ᒋ ᐁ ᓇᓇᒥᐁᐧᐸᐢᑕᕽ?
[8] ᒫᑲ ᑫᑲᐧᐩ ᑳ ᐅᐦᒋ ᐊᐧᔭᐃᐧᔦᐠ ᑭᑕ ᐋᐧᐸᐦᑕᒣᐠ? ᐊᔨᓯᔨᓂᐤ ᒋ ᑳ ᐅᐢᑯᑕᑲᐟ ᐁ ᔪᐢᑲᔨᐠ ᒥᐢᑯᑕᑲᐩ? ᒋᐢᐟ, ᐊᓂᑭ ᑳ ᐃᐧᔭᑕᑭᐠ ᐁ ᔪᐢᑲᔨᑭ ᐊᔭᐊᐧᐠ ᑭᐦᒋ ᐅᑭᒫᐊᐧ ᐃᐧᑭᔨᕽ.
[9] ᒫᑲ ᑫᑲᐧᐩ ᑳ ᐅᐦᒋ ᐊᐧᔭᐃᐧᔦᐠ ᑭᑕ ᐋᐧᐸᐦᑕᒣᐠ? ᐅᑭᐢᑭᐁᐧᐦᐃᑫᐤ ᒋ? ᐁᐦᐁ, ᑭᐟ ᐃᑎᓈᐋᐧᐤ, ᐊᐊᐧᓯᒣ ᐃᐢᐱᐨ ᐅᑭᐢᑭᐁᐧᐦᐃᑫᐤ.
[10] ᒋᑫᒪ ᐁᐊᐧᑯ ᐊᐊᐧ, ᐅᒥᓯ ᑳ ᐃᑕᓯᓇᐃᑲᓱᐟ, ᒋᐢᐟ, ᑭ ᓂᑲᓂᑎᓴᐊᒪᑎᐣ ᓂ ᒥᓯᔭᐁᐧᑦ ᑫ ᓂᑲᓂᐊᐧᐁᐧᓯᑕᒪᐢᐠ ᑭ ᒣᐢᑲᓇᐤ.
[11] ᑖᐯᐧ ᑭᐟ ᐃᑎᓈᐋᐧᐤ, ᑕᐦᑐ ᐊᐃᐧᔭᐠ ᐃᐢᑫᐧᐊᐧ ᑳ ᑭ ᓂᐦᑖᐃᐧᑭᐦᐃᑯᐟ ᓇᒪᐃᐧᑲᐨ ᒉᐢᑲᐧ ᑭ ᐯ ᐅᐦᒋ ᓄᑯᓯᐤ ᐊᐊᐧᓯᒣ ᑭᑕ ᑭᒐᔨᐃᐧᐟ ᐃᐢᐱᐨ ᒐᐣ ᐸᑊᑎᐢᐟ; ᒫᑲ ᐁᔨᐁᐧᕽ, ᐊᓇ ᑳ ᐊᐱᐢᑌᔨᑖᑯᓯᐟ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ ᐊᐊᐧᓯᒣ ᑭᒐᔨᐃᐧᐤ ᐃᐢᐱᐨ ᐃᐧᔭ.
[12] ᐊᐢᐱᐣ ᒫᑲ ᑳ ᐯ ᐅᐦᒋ ᐅ ᑭᓯᑲᒥᐟ ᒐᐣ ᐸᑊᑎᐢᐟ ᐱᔨᐢ ᐊᓄᐦᐨ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᑲᑫᐧ ᒪᐢᑲᑐᓇᓂᐊᐧᐣ, ᐊᓂᑭ ᒫᑲ ᑳ ᐋᔨᐋᐧᑫᔨᒧᒋᐠ ᒪᐢᑲᑌᐧᐊᐧᐠ
[13] ᒋᑫᒪ ᑲᐦᑭᔭᐤ ᐅᑭᐢᑭᐁᐧᐦᐃᑫᐊᐧᐠ ᒥᓇ ᐅᔭᓱᐁᐧᐃᐧᐣ ᑭ ᑭᐢᑭᐁᐧᐦᐃᑫᐊᐧᐠ ᐱᔨᐢ ᐁ ᑕᑯᓯᕽ ᒐᐣ.
[14] ᑭᐢᐱᐣ ᒫᑲ ᐃᐧ ᐅᑎᓇᒣᑯ, ᐁᐊᐧᑯ ᐊᐊᐧ ᐃᓬᐊᔭᐢ, ᑳ ᐃᐧ ᐯ ᑕᑯᓯᑭᐸᐣ.
[15] ᐊᓇ ᐁᐧᑕᐊᐧᑳᐟ ᑭᑕ ᐯᐦᑕᕽ, ᑭᔮᑦ ᑭᑕ ᐯᑕᑦ.
[16] ᒫᑲ ᑖᓂᓯ ᑫ ᐃᓯ ᑭᐢᑭᓇᐊᐧᑌᔨᑕᑯᐊᑭᐠ ᐅᑯ ᑳ ᐊᓂᐢᑫ ᐱᒫᑎᓯᒋᐠ? ᑖᐱᐢᑯᐨ ᐃᓴ ᐊᐊᐧᓯᓴᐠ ᐁ ᐊᐱᒋᐠ ᐊᑕᑐᐃᐧᑲᒥᑯᕽ, ᐁᑯᓯ ᐁ ᓇᑐᒪᒋᐠ ᐅ ᐃᐧᒉᐊᐧᑲᓂᐊᐧᐊᐧ,
[17] ᐅᒥᓯ ᒫᑲ ᐁ ᐃᑌᐧᒋᐠ, ᑭ ᑭ ᑭᑐᒋᑫᐢᑕᒪᑎᓇᐣ, ᐁᑯᓯ ᒫᑲ ᓇᒪᐃᐧᔭ ᑭ ᑭ ᓂᒥᐦᐃᑐᓈᐋᐧᐤ; ᒥᓇ ᓂ ᑭ ᒧᐢᑫᐧᔨᑌᓈᐣ, ᒫᑲ ᓇᒪᐃᐧᔭ ᑭ ᑭ ᒫᑐᓈᐋᐧᐤ.
[18] ᒋᑫᒪ ᒐᐣ ᓇᒪᐃᐧᔭ ᑭ ᐯ ᐃᑐᐦᑌᐤ ᑭᑕ ᒥᒋᓱᐟ ᒥᓇ ᑭᑕ ᒥᓂᑫᐧᐟ, ᐁᑯᓯ ᒫᑲ ᐃᑌᐧᐊᐧᐠ, ᐊᔭᐁᐧᐤ ᒪᒋ ᐊᐦᒐᐦᑲᐧ.
[19] ᐃᔨᓂᐃᐧᑯᓯᓵᐣ ᐯ ᐃᑐᐦᑌᐤ ᐁ ᒥᒋᓱᐟ ᒥᓇ ᐁ ᒥᓂᑫᐧᐟ, ᐅᒥᓯ ᒫᑲ ᐃᑌᐧᐊᐧᐠ, ᐊᐧᐸᒥᕽ ᐊᔨᓯᔨᓂᐤ ᐁ ᑲᓴᑫᐟ, ᒥᓇ ᐃᐧᔨᑭᐯᐟ, ᐅᑐᑌᒥᐊᐧᐊᐧ ᐸᑊᓬᐃᑲᓇ ᒥᓇ ᐅᒪᒐᑎᓴ. ᒫᑲ ᐃᔨᓂᓯᐃᐧᐣ ᑲᐧᔭᐢᐠ ᐃᑖᒋᒥᐠ ᐅᐟ ᐊᐊᐧᓯᒥᓴ.
[20] ᐁᑯᓯ ᒫᑲ ᑭ ᓯᐯᐧ ᓄᒋᒣᐤ ᐊᓂᐦᐃ ᐅᑌᓇᐊᐧ ᐃᑕ ᐅᓴᑦ ᒪᐊᐧᐨ ᐅ ᑭᐦᒋ ᐊᑐᐢᑫᐃᐧᓇ ᐁ ᑭ ᑐᒋᑳᑌᔨᑭ, ᒋᑫᒪ ᓇᒪᐃᐧᔭ ᑭ ᒥᒋᔭᐁᐧᔦᔨᑕᒧᒪᑲᓇᐧ:
[21] ᑭ ᑲᑲᐧᑕᑭᓯᐣ ᑭᔭ, ᑯᕒᐁᓯᐣ! ᑭ ᑲᑲᐧᑕᑭᓯᐣ ᑭᔭ, ᐯᐟᓭᑕ! ᒋᑫᒪ ᑭᐢᐱᐣ ᑭᐦᒋ ᐊᑐᐢᑫᐃᐧᓇ ᐊᓂᐦᐃ ᑭᔭᐋᐧᐤ ᑳ ᑭ ᑐᑕᒪᑲᐃᐧᔦᐠ, ᑭ ᑐᒋᑲᑌᐊᐧᑯᐸᓀ ᑕᐃᕒᐃᕽ ᒥᓇ ᓴᐃᑕᓂᕽ, ᓵᓴᐩ ᑲᔮᐢ ᐅ ᑲ ᑭ ᑫᐧᐢᑲᑎᓯᑕᐋᐧᐤ ᑲᐢᑭᑌᐁᐧᑭᓄᕽ ᒥᓇ ᐱᑯᑌᕽ.
[22] ᒫᑲ ᓂᔭ ᑭᐟ ᐃᑎᓈᐋᐧᐤ, ᐊᐊᐧᓯᒣ ᑭᑕ ᔭᑫᔨᑕᑲᐧᐣ ᑕᐃᕒ ᒥᓇ ᓴᐃᑕᐣ ᐃᐢᐱ ᐅᔭᓱᐁᐧᐃᐧ ᑭᓯᑳᑭ, ᐃᐢᐱᐨ ᑭᔭᐋᐧᐤ.
[23] ᑭᔭ ᒥᓇ, ᑫᐸᕒᓀᐊᑦ, ᑭᐦᒋ ᑭᓯᑯᕽ ᑳ ᑭ ᐃᓯ ᐅᐱᓂᑲᐃᐧᔭᐣ? ᑭ ᑲ ᐃᓯ ᓂᒋ ᐁᐧᐱᓂᑲᐃᐧᐣ ᐦᐁᑎᓯᕽ: ᒋᑫᒪ ᑭᐢᐱᐣ ᑭᐦᒋ ᐊᑐᐢᑫᐃᐧᓇ ᐊᓂᐦᐃ ᑭᔭ ᑳ ᑭ ᑐᑕᒪᑲᐃᐧᔭᐣ ᑭ ᑐᒋᑲᑌᐊᐧᑯᐸᓀ ᐊᓂᑕ ᓴᑕᒥᕽ, ᑫᔮᐱᐨ ᑭᑕ ᑭ ᐃᑕᑲᐧᓄᐸᐣ ᐱᔨᐢ ᐊᓄᐦᐨ ᑳ ᑭᓯᑳᐠ.
[24] ᒫᑲ ᓂᔭ ᑭᐟ ᐃᑎᓈᐋᐧᐤ, ᐊᐊᐧᓯᒣ ᑭᑕ ᔮᑫᔨᑕᑲᐧᐣ ᐊᓂᑕ ᓴᑕᑦ ᐊᐢᑭᕽ ᐃᐢᐱ ᐅᔭᓱᐁᐧᐃᐧ ᑭᓯᑳᑭ, ᐃᐢᐱᐨ ᑭᔭ.
[25] ᐁᑯᐢᐱ ᒋᓴᐢ ᑭ ᓇᐢᑫᐧᐊᐧᓯᒧ, ᐅᒥᓯ ᐁ ᑭ ᐃᑌᐧᐟ, ᑭ ᓇᓈᐢᑯᒥᑎᐣ, ᐅ ᐁᐧᔪᑕᐃᐧᒥᑲᐃᐧᔭᐣ, ᑳ ᑎᐯᔨᐦᒋᑫᔭᐣ ᑭᐦᒋ ᑭᓯᑯᕽ ᒥᓇ ᐊᐢᑭᕽ, ᒋᑫᒪ ᑭ ᑭ ᑲᑕᒪᐊᐧᐊᐧᐠ ᐅᐦᐃ ᐊᓂᑭ ᑳ ᐃᔨᓂᓯᒋᐠ, ᒥᓇ ᑳ ᐅᓂᓯᑐᑕᒧᐃᐧᓂᒋᐠ, ᒫᑲ ᐅᐢᑲᐊᐧᓯᓴᐠ ᑭ ᑭ ᐋᐧᐸᐦᑕᐊᐊᐧᐠ.
[26] ᑭᔮᑦ ᐁᑯᓯ ᑭᑕ ᐃᐦᑭᐣ, ᓄᐦᑕ; ᒋᑫᒪ ᐁᑯᓯ ᐃᓯ ᒥᔪ ᓇᑲᐧᐣ ᐁ ᐃᓯ ᑭᑖᐸᑕᒪᐣ.
[27] ᑲᐦᑭᔭᐤ ᑫᑲᐧᐩ ᓂ ᒥᔨᐠ ᓄᑖᐃᐧ; ᒥᓇ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᐢᑫᔨᒣᐤ ᐁᐧᑯᓯᓯᕽ, ᐃᐧᔭ ᐱᑯ ᐁᐧᔪᑖᐃᐧᕽ; ᒥᓇ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᐢᑫᔨᒣᐤ ᐁᐧᔪᑖᐃᐧᕽ, ᐱᑯ ᐁᐧᑯᓯᓯᕽ, ᒥᓇ ᑕᐦᑐ ᐱᑯ ᐊᐃᐧᔭ ᑫ ᐋᐧᐸᐦᑕᐊᐟ ᐁᐧᑯᓯᓯᕽ.
[28] ᐯᒋ ᓈᓯᐠ ᓂᔭ ᑲᐦᑭᔭᐤ ᑭᔭᐋᐧᐤ ᑳ ᐊᑐᐢᑫᔦᐠ, ᒥᓇ ᒥᐢᑕᐦᐃ ᑳ ᓇᔭᑕᒣᐠ, ᐁᑯᓯ ᑭ ᑲ ᒥᔨᑎᓈᐋᐧᐤ ᐊᔦᐧᐱᐃᐧᐣ.
[29] ᐅᑎᓇᒪᓱᐠ ᓂ ᑕᐱᐢᑲᑲᐣ, ᒥᓇ ᑭᐢᑭᓇᐋᐧᐸᒥᐠ; ᒋᑫᒪ ᓂ ᔪᐢᑲᑎᓯᐣ ᒥᓇ ᓂ ᑕᐸᑌᔨᒧᐣ ᓂᑌᐃᕽ; ᐁᑯᓯ ᒫᑲ ᑭ ᑲ ᒥᐢᑫᓈᐋᐧᐤ ᐊᔦᐧᐱᐃᐧᐣ ᑭᐟ ᐊᐦᒐᐦᑯᐊᐧᕽ.
[30] ᒋᑫᒪ ᓂ ᑕᐱᐢᑲᑲᐣ ᓇᐊᐢᑳᑫᒪᑲᐣ, ᒥᓇ ᓂ ᓇᔭᒋᑲᐣ ᔭᑲᓯᐣ.