[1] ᐁᑲᐧ ᒫᑲ ᒥᑖᑕᐟ ᓂᔮᓇᓄᓵᑊ ᑕᐦᑐ ᐊᐢᑭ ᐁ ᑭ ᑭᐦᒋ ᐅᑭᒫᐃᐧᐟ ᑕᐃᐱᕒᐃᐊᐢ ᓯᓴᕒ, ᐹᐣᑎᐊᐢ ᐸᐃᓬᐊᐟ ᐁ ᑎᐯᔨᑕᕽ ᒍᑎᐊ, ᒥᓇ ᐁᕒᐊᐟ ᐁ ᑭᐦᒋ ᐅᑭᒫᐃᐧᐟ ᑲᓬᐊᓬᐃᕽ, ᐁᑯᓯ ᐅᒋᐋᐧᒪ ᐱᓬᐃᐸ ᐁ ᑭ ᑭᐦᒋ ᐅᑭᒫᑲᑕᒥᔨᐟ ᐊᓂᒪ ᐊᐢᑭ ᐊᐃᑐᕒᐃᐊ ᐊᓯᒋ ᑕᕒᐋᑯᓈᐃᑎᐢ, ᐁᑯᓯ ᓬᐃᓭᓂᐊᐢ ᐁ ᑭ ᑭᐦᒋ ᐅᑭᒪᐃᐧᐟ ᐋᐱᓬᐃᓂ,
[2] ᐁ ᑭᐦᒋ ᐊᔭᒥᐦᐁᐃᐧᔨᓂᐃᐧᒋᐠ ᐋᓇᐢ ᒥᓇ ᑳᔭᐸᐢ, ᐅᐟ ᐊᔭᒥᐃᐧᓂᔨᐤ ᑭᓭᒪᓂᑐᐊᐧ ᑭ ᐅᑎᐦᑎᐠ ᒑᐣ, ᐅᑯᓯᓴ ᓴᑲᕒᐋᔭᐢ ᐱᑲᐧᑕᐢᑭᕽ.
[3] ᐁᑯᓯ ᒫᑲ ᐁ ᑭ ᐯ ᐃᑐᐦᑌᐟ ᒥᓯᐁᐧ ᐊᓂᑕ ᐊᐢᑭᕽ ᐊᐧᐢᑳ ᒑᕒᑕᓂᕽ ᐁ ᑲᑫᐢᑫᐧᐟ ᐊᓂᒪ ᐹᑊᑕᐃᓯᐃᐧᑫᐃᐧᐣ, ᑫᐧᐢᑭᐱᒪᑎᓯᐃᐧᓂᕽ ᐃᓯ, ᑭᑕ ᐳᓀᔨᒋᑳᑌᑭ ᒪᒋᑎᐃᐧᓇ;
[4] ᑳ ᐃᑕᓯᓇᐦᐃᑳᑌᐠ ᒪᓯᓇᐦᐃᑲᓂᕽ, ᐅᐟ ᐃᑌᐧᐃᐧᓇ ᐊᐩᓵᔭ ᐅᑭᐢᑭᐁᐧᐦᐃᑫᐤ, ᐅ ᐯᐦᑖᑯᓯᐃᐧᐣ ᐯᔭᐠ ᐁ ᑌᐯᐧᐟ ᐱᑲᐧᑕᐢᑭᕽ, ᑲᐧᔮᒋᐦᑕᒫᕽ ᐅ ᐱᒧᐦᑌᐢᑲᓇᐤ ᑳ ᑎᐯᔨᐦᒋᑫᐟ ᑲᐧᔭᐢᑲᐧᒧᑖᐋᐧᕽ ᐅ ᒣᐢᑲᓇᐊᐧ.
[5] ᑳ ᐃᑕᑎᕽ ᑳ ᐋᐧᔮᒪᑎᓈᐠ ᑭᑕ ᒧᐢᑭᓇᑖᓂᐊᐧᐣ, ᒥᓇ ᑳ ᐃᑕᑎᕽ ᐊᐧᒋ ᐊᓯᒋ ᐁ ᐃᐢᐸᑎᓈᐠ ᑭᑕ ᑕᐸᑎᓂᑲᑌᐤ; ᑳ ᐊᐧᐊᐧᑳᒧᑭ ᑭᑕ ᑲᐧᔭᐢᑯᑖᓂᐊᐧᓇᐧ, ᒥᓇ ᑳ ᒪᒫᔭᒑᑭ ᑭᑕ ᓱᐢᑯᑖᓂᐊᐧᓇᐧ;
[6] ᐁᑯᓯ ᒫᑲ ᑲᐦᑭᔭᐤ ᑳ ᐅᐃᐧᔮᓯᐟ ᑭᑕ ᐋᐧᐸᐦᑕᑦ ᐅ ᐱᒫᒋᐦᐃᐁᐧᐃᐧᓂᔨᐤ ᑭᓭᒪᓂᑐᐊᐧ.
[7] ᐁᑯᓯ ᒫᑲ ᑭ ᐃᑌᐤ ᑳ ᐅᓴᒣᔭᑎᔨᐟ ᑳ ᑭ ᓈᑎᑯᐟ ᑭᑕ ᐸᑊᑕᐃᓯᐃᐧᐦᐃᑯᒋᐠ, ᑭᔭᐋᐧᐤ ᐅᐟ ᐊᐋᐧᓯᒥᓯᐋᐧᐊᐧ ᑭᓀᐱᑲᐧᐠ, ᐊᐁᐧᓇ ᑳ ᐃᐧᐦᑕᒫᑯᔦᐠ ᑭᑕ ᑕᐸᓯᑖᔦᐠ ᐊᓂᒪ ᑭᓯᐋᐧᓯᐃᐧᐣ ᑫ ᐅᑎᒋᐸᔨᐠ?
[8] ᓄᑯᑖᐠ ᒫᑲ ᑳ ᐃᓯ ᒥᓂᓯᐊᐧᕽ ᑫᐧᐢᑲᑎᓯᐃᐧᐣ, ᒥᓇ ᐁᑳᐃᐧᔭ ᒫᒋ ᐃᑎᓱᐠ, ᓂᐟ ᐊᔮᐋᐧᓈᐣ ᐁᑊᕒᐁᐋᑦ ᐁ ᐅᔪᑖᐃᐧᔮᕽ, ᒋᑫᒪ ᑭᐟ ᐃᑎᓈᐋᐧᐤ, ᑭᓭᒪᓂᑐ ᐁ ᑲᐢᑭᑖᐟ ᐅᐦᐃ ᐅᐦᒋ ᐊᓯᓂᐊ ᑭᑕ ᐊᐧᓂᐢᑳᓈᐟ ᑫ ᐅᐟ ᐊᐋᐧᓯᒥᓯᔨᐟ ᐁᑊᕒᐁᐋᒪ.
[9] ᒥᓇ ᐊᐦᐳ ᓵᓴᐩ ᒋᑲᐦᐃᑲᐣ ᐊᐢᑖᓂᐊᐧᐣ ᐊᓂᑕ ᐁᓯ ᐅᒉᐱᑭᐃᐧᒋᐠ ᒥᐢᑎᑲᐧᐠ, ᑕᐦᑐ ᒥᐢᑎᐠ ᐁᑳ ᑳ ᒥᔪ ᒥᓂᓯᐃᐧᐟ ᑲᐊᐧᐋᐧᐤ ᐁᑯᓯ ᐁ ᒪᒍᐢᑌᐦᐅᐦᐟ.
[10] ᐊᔨᓯᔨᓂᐊᐧ ᒫᑲ ᑭ ᑳᑫᐧᒋᒥᐠ ᐁ ᐃᑌᐧᔨᐟ, ᑖᓂᓯ ᒫᑲ ᑫ ᑐᑕᒫᕽ?
[11] ᐁᑯᓯ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᐊᓇ ᓂᓱ ᒥᐢᑯᑖᑲᔭ ᑳ ᐊᔮᐟ ᑭᔮᑦ ᑭᑕ ᒥᔦᐤ ᐊᓂᐦᐃ ᐁᑳ ᑳ ᐊᔭᔨᐟ ᒥᓇ ᐊᓇ ᒥᒋᐃᐧᐣ ᑳ ᐊᔭᐟ, ᐁᑯᓯ ᐃᐧᐢᑕ ᑭᑕ ᑐᑕᑦ.
[12] ᐃᐧᐢᑕᐋᐧᐤ ᒫᑲ ᐸᑊᓬᐃᑲᓇᐠ ᑭ ᐯ ᐃᑐᐦᑌᐊᐧᐠ ᑭᑕ ᐸᑊᑕᐃᓯᐃᐧᐃᒋᐠ ᒥᓇ ᑭ ᐃᑌᐊᐧᐠ, ᐅᑭᐢᑭᓄᐦᐊᒫᑫᐤ, ᑖᓂᓯ ᓂᔭᓈᐣ ᑫ ᑐᑕᒪᕽ?
[13] ᐁᑯᓯ ᑭ ᐃᑌᐤ, ᐁᑳᐃᐧᔭ ᐊᐊᐧᓯᒣ ᐅᑎᓇᒧᐠ ᐃᔨᑯᐠ ᑳ ᐃᑎᑲᐃᐧᔦᐠ.
[14] ᓯᒫᑲᓂᓴ ᒥᓇ ᑭ ᑲᑫᐧᒋᒥᐠ, ᐁ ᐃᑌᐧᔨᐟ, ᓂᔭᓈᐣ ᒫᑲ ᑖᓂᓯ ᑫ ᑐᑕᒪᕽ? ᐁᑯᓯ ᑭ ᐃᑌᐤ, ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑎᒪᐃᕽ, ᐊᐦᐳ ᐁᑳᐃᐧᔭ ᑫᑲᐧᐩ ᓇᔦᑕᐃᐧ ᑎᐸᐦᐃᑫᐃᐁᐧᐠ; ᒥᓇ ᑌᐯᔨᑕᒧᐠ ᑭ ᑎᐸᐊᒪᑯᐃᐧᓂᐋᐧᐤ.
[15] ᒣᑳᐧᐨ ᒫᑲ ᐊᔨᓯᔨᓂᐊᐧᐠ ᐁ ᐯᐅᒋᐠ, ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᐁ ᒫᒥᑐᓂᔨᒫᒋᐠ ᐅᑌᐃᐋᐧᕽ ᒑᓇ, ᒫᑖᐧᓂ ᒋ ᐁᐊᐧᑯ ᙭ ᐁ ᐃᑌᔨᑕᐦᑭᐠ:
[16] ᒑᐣ ᐁ ᓇᐢᑫᐧᐊᐧᓯᒫᐟ, ᑭ ᐃᑌᐤ ᑳᑭᔭᐤ, ᓂᔭ ᑖᐯᐧ ᑭ ᐸᑊᑕᐃᓯᐃᐧᐦᐃᑎᓈᐋᐧᐤ ᓂᐱ ᐅᐦᒋ, ᒫᑲ ᐯᔭᐠ ᐯ ᐃᑐᐦᑌᐤ, ᐊᐊᐧᓯᒣ ᐁ ᑭᐦᒉᔨᐦᑖᑯᓯᐟ ᐃᐢᐱᐨ ᓂᔭ, ᐅ ᒪᐢᑭᓯᓀᔭᐱ ᐅ ᒪᐢᑭᓯᓂᕽ ᐁᑳ ᐁ ᑌᐱ ᐃᐢᐱᑌᔨᑖᑯᓯᔮᐣ ᑭᑕ ᐋᐱᑯᓇᒪᐧᐠ; ᐁᐊᐧᑯ ᑭ ᑲ ᐸᑊᑕᐃᓯᐃᐧᐃᑯᐋᐧᐤ ᑲᓈᒋ ᐊᒑᐦᑲᐧ ᐅᐦᒋ ᒥᓇ ᐃᐢᑯᑌᐤ.
[17] ᐅ ᐸᐋᐧᐢᒋᒋᑲᐣ ᐅ ᒋᒋᕽ ᑳ ᑕᑯᓇᕽ ᒥᑐᓂ ᑭᑕ ᑲᓈᒋᑖᐟ ᐅᐟ ᐊᓈᐢᑫᐃᐧᐣ ᐁᑯᓯ ᑭᑕ ᒫᐊᐧᒋᐦᐋᐟ ᐅ ᐸᑫᐧᓯᑲᓂᒪ ᐅᐟ ᐊᐢᑖᓱᐃᐧᑲᒥᑯᕽ, ᒫᑲ ᐃᐧᔭ ᓯᑲᐁᐧᐸᔨᒋᑲᓇ ᑭᑕ ᒣᐢᑎᑲᓴᑦ ᐁᑳ ᑳ ᐋᐢᑕᐁᐧᔨᐠ ᐃᐢᑯᑌᐤ ᐅᐦᒋ.
[18] ᒥᐦᒉᐟ ᒫᑲ ᑯᑕᑲ ᑫᑲᐧᔭ ᐅ ᑲᑫᐢᑫᐧᐃᐧᓂᕽ ᑭ ᑕᓯᑕᒪᐁᐧᐤ ᒥᔪᐊᒋᒧᐃᐧᐣ ᐊᔨᓯᔨᓂᐊᐧ;
[19] ᒫᑲ ᐁᕒᐊᐟ ᑭᐦᒋ ᐅᑭᒫᐤ, ᐁ ᑭ ᑭᑐᑎᑯᐟ ᐁᕒᐅᑎᐋᓴ ᐅᒋᐋᐧᒪ ᐃᐧᐃᐧᔨᐊᐧ ᐅᐦᒋ, ᒥᓇ ᑲᐦᑭᔭᐤ ᒪᒋ ᑫᑲᐧᔭ ᐁᕒᐊᐟ ᑳ ᑭ ᑐᑕᕽ,
[20] ᑭ ᑕᑯ ᑐᑕᑦ ᐅᒪ ᐁ ᐊᔨᐋᐧᑫᔨᑖᑲᐧᓂᔨᐠ ᐁ ᑭ ᑭᐸᐋᐧᐟ ᒑᓇ ᑭᐸᐦᐅᑐᐃᐧᑲᒥᑯᕽ.
[21] ᐁᑯᓯ ᑭ ᐃᐢᐸᔨᐤ, ᐃᐢᐱ ᑲᐦᑭᔭᐤ ᐊᔨᓯᔨᓂᐊᐧᐠ ᑳ ᐸᑊᑕᐃᓯᐃᐧᐃᒋᐠ, ᒋᓴᐢ ᐃᐧᐢᑕ ᐁ ᑭ ᐸᑊᑕᐃᓯᐃᐧᐦᐃᐦᐟ ᐁᑯᓯ ᐁ ᐊᔭᒥᐦᐋᐟ, ᑭᓯᐠ ᑭ ᐹᐢᑭᑌᐸᔨᐤ,
[22] ᑳ ᑲᓈᑎᓯᐟ ᐊᒑᕽ ᒫᑲ, ᐁ ᐃᐧᔪᐃᐧᓈᑯᓯᐟ, ᑖᐱᐢᑯᐨ ᐅᒥᒥᐤ, ᑭ ᔭᓯᑐᑕᐁᐧᐤ ᐁᑯᓯ ᑭᓯᑯᕽ ᑭ ᐅᐦᒋ ᐯᐦᑖᑯᓯᐤ ᐊᐃᐧᔭᐠ ᐁ ᐃᑌᐧᐟ, ᑭᔭ ᑳ ᓴᑭᐃᑖᐣ ᓂᑯᓯᐢ, ᑭᔭ ᐅᐦᒋ ᓇᐢᐱᐨ ᑳ ᓇᐁᔨᑕᒫᐣ.
[23] ᐁᑯᓯ ᒋᓴᐢ ᐃᐧᔭ ᐃᐢᐱ ᑳ ᒫᒋ ᑭᐢᑭᓄᐦᐊᒫᑫᐟ ᓈᓂᑐᐤ ᓂᐢᑐ ᒥᑕᓇᐤ ᑭ ᐃᑕᐦᑐ ᐱᐳᓀᐧᐤ, ᐁ ᑭ ᐅᑯᓯᓯᐟ (ᑳ ᑭ ᐃᑌᔨᑕᒥᕽ) ᒍᓯᑊ,
[24] ᐅᑯᓯᓴ ᐦᐃᓬᐊᐩ, ᐅᑯᓯᓴ ᒫᐟᑖᐟ, ᐅᑯᓯᓴ ᓬᐃᐸᐩ, ᐅᑯᓯᓴ ᒣᓬᑲᐩ, ᐅᑯᓯᓴ ᒑᓇᐩ,
[25] ᐅᑯᓯᓴ ᒍᓯᑊ, ᐅᑯᓯᓴ ᒫᑕᑖᔭᐢ, ᐅᑯᓯᓴ ᐁᒪᐢ, ᐅᑯᓯᓴ ᓀᐋᑦ, ᐅᑯᓯᓴ ᐁᐢᓬᐊᐩ, ᐅᑯᓯᓴ ᓈᑲᐩ,
[26] ᐅᑯᓯᓴ ᒣᐋᐦᐟ, ᐅᑯᓯᓴ ᒫᑕᑖᔭᐢ, ᐅᑯᓯᓴ ᓯᒥᐃᐣ, ᐅᑯᓯᓴ ᒍᓯᐠ, ᐅᑯᓯᓴ ᒍᑕ,
[27] ᐅᑯᓯᓴ ᒍᐊᓈᐣ, ᐅᑯᓯᓴ ᕒᐁᓴ, ᐅᑯᓯᓴ ᓭᕒᐊᐸᐱᓬ, ᐅᑯᓯᓴ ᓯᐋᓬᑎᐁᓬ, ᐅᑯᓯᓴ ᓂᕒᐊᐩ,
[28] ᐅᑯᓯᓴ ᒣᓬᑲᐩ, ᐅᑯᓯᓴ ᐋᑕᐩ, ᐅᑯᓯᓴ ᑯᓵᑦ, ᐅᑯᓯᓴ ᐁᓬᒫᑖᑦ, ᐅᑯᓯᓴ ᐊᕒ,
[29] ᐅᑯᓯᓴ ᒋᓴᐢ, ᐅᑯᓯᓴ ᐁᓬᐃᐁᓴᕒ, ᐅᑯᓯᓴ ᒑᕒᐃᑦ, ᐅᑯᓯᓴ ᒫᐦᑖᐟ, ᐅᑯᓯᓴ ᓬᐃᐸᐩ,
[30] ᐅᑯᓯᓴ ᓯᒥᐊᐣ, ᐅᑯᓯᓴ ᒍᑕᐢ, ᐅᑯᓯᓴ ᒍᓯᑊ, ᐅᑯᓯᓴ ᒍᓇᑦ, ᐅᑯᓯᓴ ᐃᓬᐋᔭᑭᑦ,
[31] ᐅᑯᓯᓴ ᒥᓬᐃᐊ, ᐅᑯᓯᓴ ᒣᓇ, ᐅᑯᓯᓴ ᒫᑖᐦᑕ, ᐅᑯᓯᓴ ᓀᑖᐣ, ᐅᑯᓯᓴ ᑌᐱᐟ,
[32] ᐅᑯᓯᓴ ᒉᓯ, ᐅᑯᓯᓴ ᐅᐱᐟ, ᐅᑯᓯᓴ ᐳᐋᐢ, ᐅᑯᓯᓴ ᓴᓬᒪᐣ, ᐅᑯᓯᓴ ᓀᓴᐣ,
[33] ᐅᑯᓯᓴ ᐊᒥᓇᑖᑊ, ᐅᑯᓯᓴ ᐋᕒᓇᐩ, ᐅᑯᓯᓴ ᑊᐁᐢᕒᐊᐣ, ᐅᑯᓯᓴ ᐱᕒᐃᐢ, ᐅᑯᓯᓴ ᒍᑕ,
[34] ᐅᑯᓯᓴ ᒉᑲᑊ, ᐅᑯᓯᓴ ᐊᐃᓴᐠ, ᐅᑯᓯᓴ ᐁᑊᕒᐁᐊᑦ, ᐅᑯᓯᓴ ᑎᕒᐊ, ᐅᑯᓯᓴ ᓀᐦᐋᕒ,
[35] ᐅᑯᓯᓴ ᓭᕒᐊᐠ, ᐅᑯᓯᓴ ᕒᐃᐅ, ᐅᑯᓯᓴ ᐱᓬᐃᐠ, ᐅᑯᓯᓴ ᐃᐸᕒ, ᐅᑯᓯᓴ ᓯᓬᐊ,
[36] ᐅᑯᓯᓴ ᑫᓇᐣ, ᐅᑯᓯᓴ ᐊᕒᐹᐠᓵᐟ, ᐅᑯᓯᓴ ᓭᑦ, ᐅᑯᓯᓴ ᓄᐊ, ᐅᑯᓯᓴ ᓬᐁᒥᐠ,
[37] ᐅᑯᓯᓴ ᒥᑐᓴᓬᐊ, ᐅᑯᓯᓴ ᐃᓈᐠ, ᐅᑯᓯᓴ ᒉᕒᐃᐟ, ᐅᑯᓯᓴ ᒣᐊᓬᐊᓬᐃᓬ, ᐅᑯᓯᓴ ᑫᓇᐣ,
[38] ᐅᑯᓯᓴ ᐃᓇᐢ, ᐅᑯᓯᓴ ᓭᐦᐟ, ᐅᑯᓯᓴ ᐋᑕᑦ, ᐅᑯᓯᓴ ᑭᓭᒪᓂᑐ.