[1] ᐁᑯᐢᐱ ᒫᑲ ᑲᐦᑭᔭᐤ ᐸᑊᓬᐃᑲᓇ ᒥᓇ ᐅᒪᒐᑎᓴ ᑭ ᐯ ᓈᑎᐠ ᑭᑕ ᓇᑐᑖᑯᐟ.
[2] ᐁᑯᓯ ᐸᕒᐊᓯᐊᐧᐠ ᐊᓯᒋ ᒪᓯᓇᐦᐃᑫᐃᐧᔨᓂᐊᐧᐠ ᑭ ᐅᑌᐧᐁᐧᑖᐊᐧᐠ, ᐁ ᐃᑌᐧᒋᐠ, ᐊᐊᐧ ᐊᔨᓯᔨᓂᐤ ᒥᔪ ᑲᓇᐋᐧᐸᒣᐤ ᐅᒪᒑᑎᓴ ᒥᓇ ᐃᐧᒋᒥᒋᓱᒣᐤ.
[3] ᑭ ᑕᓯᑕᒪᐁᐧᐤ ᒫᑲ ᐅᒪ ᐊᐁᐧᒋᑲᐣ, ᐁ ᐃᑖᐟ,
[4] ᑖᓈᓇ ᐊᔨᓯᔨᓂᐤ ᑭᔭᐋᐧᐤ, ᐊᔮᐋᐧᐟ ᒥᑖᑕᐦᑐᒥᑕᓇᐤ ᒫᔭᑎᐦᑲᐧ, ᐁᑯᓯ ᐊᐧᓂᐋᐟ ᐯᔭᐠ, ᓇᒪ ᒋ ᑭᑕ ᓇᑲᑌᐤ ᐊᓂᐦᐃ ᑫᑲᐟ ᒥᑖᑕᐦᑐᒥᑕᓇᐤ ᐱᑲᐧᑕᐢᑭᕽ, ᐁᑯᓯ ᑭᑕ ᓇᑕᐃᐧ ᓇᑐᓇᐋᐟ. ᐊᓂᐦᐃ ᑳ ᐊᐧᓂᓯᓂᔨᐟ, ᐃᔨᑯᕽ ᑭᑕ ᒥᐢᑲᐋᐧᐟ.
[5] ᐃᐢᐱ ᒫᑲ ᒥᐢᑲᐋᐧᒋ, ᑭᑕ ᓇᔦᐤ, ᐁ ᒥᔦᐧᔨᑕᕽ.
[6] ᐁᑯᓯ ᐃᐢᐱ ᑕᑯᓯᑭ, ᑭᑕ ᓇᑐᒣᐤ ᐅᑐᑌᒪ, ᒥᓇ ᐅ ᐃᐧᑕᐱᒫᑲᓇ, ᐁ ᐃᑕᐟ, ᐃᐧᒋ ᒥᔭᐋᐧᑕᒧᒥᐠ ᐃᐧᔭ ᐁ ᑭ ᒥᐢᑲᐊᐧᐠ ᓂ ᒫᔭᑎᐦᑯᑦ ᑳ ᑭ ᐊᐧᓂᓯᕽ.
[7] ᑭᐟ ᐃᑎᓈᐋᐧᐤ, ᐁᑯᓯ ᒣᐧᐦᒋ ᒥᔭᐋᐧᑕᒧᐃᐧᐣ ᑫ ᐃᓯ ᐊᔮᐠ ᑭᐦᒋ ᑭᓯᑯᕽ ᐯᔭᐠ ᐅᒪᒐᑎᐢ ᐅᐦᒋ ᑳ ᑫᐧᐢᑳᑎᓯᐟ, ᐃᐢᐱᐨ ᑫᑳᐟ ᒥᑖᑕᐦᑐᒥᑕᓇᐤ ᒥᓇ ᑫᑲᐟ ᒥᑖᑕᐟ, ᐅᑲᐧᔭᐢᑭᑖᑎᓯᐊᐧᐠ ᐁᑳ ᑳ ᓇᑕᐁᐧᔨᑖᑲᐧᓂᔨᐠ ᑭᑕ ᑫᐧᐢᑳᑎᓯᒋᐠ.
[8] ᐊᐦᐳ ᑖᓈᓇ ᐃᐢᑫᐧᐤ ᐊᔮᐋᐧᐟ ᒥᑖᑕᐟ ᐊᐧᐱᐢᑭ ᓱᓂᔮᐊᐧ, ᑭᐢᐱᐣ ᐊᐧᓂᐊᐟ ᐯᔭᐠ, ᐁᑳ ᑫ ᓴᐢᑲᐋᕽ ᐋᐧᓴᐢᑯᑌᓂᑲᐣ, ᒥᓇ ᐁᑳ ᑫ ᐁᐧᐸᐃᑫᐟ, ᐁᑯᓯ ᑭᑕ ᐊᑲᒣᔨᒧᐟ ᑭᑕ ᓇᑐᓂᑫᐟ ᐃᔨᑯᕽ ᑭᑕ ᒥᐢᑲᐋᐧᐟ.
[9] ᐃᐢᐱ ᒫᑲ ᑭ ᒥᐢᑲᐋᐧᒋ ᑭᑕ ᒫᒪᐃᐧ ᓇᑐᒣᐤ ᐅᑐᑌᒪ ᒥᓇ ᐅ ᐃᐧᑕᐱᒫᑲᓇ, ᐁ ᐃᑌᐧᐟ, ᐃᐧᒋ ᒥᔭᐋᐧᑕᒧᒥᐠ, ᒋᑫᒫ ᓂ ᑭ ᒥᐢᑲᐋᐧᐤ ᓱᓂᔮᐤ ᑳ ᑭ ᐊᐧᓂᐊᐠ.
[10] ᐁᑯᓯ ᒣᐧᐦᒋ ᑭᐟ ᐃᑎᓈᐋᐧᐤ, ᐁ ᐊᔭᐠ ᒥᔭᐋᐧᑕᒧᐃᐧᐣ ᐃᑕ ᐁ ᐊᔮᔨᐟ ᐅᑭᓯᑯᒪ ᑭᓭᒪᓂᑐ, ᐯᔭᐠ ᐅᒪᒐᑎᐢ ᐁ ᑫᐧᐢᑭᐱᒫᑎᓯᐟ.
[11] ᒥᓇ ᒫᑲ ᑭ ᐃᑌᐧᐤ, ᐯᔭᐠ ᓈᐯᐤ ᑭ ᓂᓯᔨᐊᐧ ᐅᑯᓯᓴ:
[12] ᐁᑯᓯ ᐁᐧᓯᒥᒫᐃᐧᔨᐟ ᑭ ᐃᑌᐤ ᐅᑖᐃᐧᔭ, ᓄᑕ, ᑭᓴᐨ ᒥᔨᐣ ᑕᐦᑐ ᑫᑲᐧᐩ ᐃᔨᑯᕽ ᐋᐧ ᒥᔨᐊᐧᓀ ᒉᐢᑲᐧ. ᐁᑯᓯ ᑭ ᓂᓱᑐᐁᐧᐤ ᑕᐦᑐ ᑫᑲᐧᐩ ᑳ ᐱᒫᒋᐋᐧᑫᐟ.
[13] ᐁᑯᓯ ᓇᒪᐃᐧᔭ ᒥᐦᒉᐟ ᑭᓯᑳᐊᐧ ᒣᐧᐢᑕᐢ ᐃᔨᑯᕽ, ᐅᓯᒥᒪᐤ ᑭ ᒫᐊᐧᓴᑯᓇᑦ ᑲᐦᑭᔭᐤ ᑫᑲᐧᐩ ᑳ ᐊᔮᐟ ᐋᐧᔭᐤ ᐁ ᑭ ᐃᓯ ᓯᐯᐧᑌᐟ; ᐁᑯᓯ ᐁᑯᑕ ᐁ ᑭ ᒣᐢᑎᓇᕽ ᑲᐦᑭᔭᐤ ᑫᑲᐧᐩ ᑳ ᑭᑭᐟ ᑭᐢᑫᐧᔮᑎᓯᐃᐧᓂᕽ.
[14] ᐃᐢᐱ ᒫᑲ ᑳ ᒣᐢᑎᓇᕽ ᑲᐦᑭᔭᐤ, ᐁᑯᑕ ᐊᐢᑭᕽ ᒥᐢᑕᐦᐃ ᑭ ᓄᑌᑲᑖᓂᐊᐧᐣ; ᐁᑯᓯ ᑭ ᒫᒋ ᑭᐧᑕᒫᐤ
[15] ᑭ ᓇᑕᐃᐧ ᐃᐧᒋ ᐊᔮᒣᐤ ᒫᑲ ᐯᔭᐠ ᐊᔨᓯᔨᓂᐊᐧ ᐁᑯᑕ ᐁ ᐅᑕᐢᑭᔨᐟ; ᐁᑯᓯ ᐅ ᑭᐢᑎᑳᓂᔨᕽ ᑭ ᐃᓯᑎᓴᐦᐅᐠ ᑯᐦᑯᓴ ᑭᑕ ᐊᓴᒫᐟ.
[16] ᑭ ᒧᐢᑕᐃᐧᓇᑦ ᒫᑲ ᑭᑕ ᑭᐢᐳᑐᑕᕽ ᓯᑲᐁᐧᐸᔨᒋᑲᓇ ᑯᐦᑯᓴ ᑳ ᒥᒋᔨᐟ, ᒫᑲ ᓇᒪᐃᐧᔭ ᐊᐃᐧᔭ ᑭ ᒥᔨᐠ.
[17] ᐃᐢᐱ ᒫᑲ ᒥᑐᓂ ᐁ ᐸᔭᑳᐧᓯ ᒫᒥᑐᓀᔨᑕᕽ, ᑭ ᐃᑌᐧᐤ, ᑕᓂᑕᐦᑐ ᐊᑐᐢᑫᔮᑲᓇ ᓄᑖᐃᐧ ᐁᔮᐋᐧᐟ ᐁ ᒪᓯᓇᐦᐃᑫᐋᐟ, ᐁ ᐊᔮᒋᐠ ᐁᑯᔨᑯᕽ ᑭᑕ ᒥᒋᒋᐠ ᒥᓇ ᐁ ᐊᔨᐋᐧᑭᐸᔨᐃᑯᒋᐠ, ᐁᑯᓯ ᓂᔭ ᐁ ᐃᐧ ᓂᐱᔮᐣ ᐁ ᓄᑌᑲᑌᔮᐣ.
[18] ᓂ ᑲ ᐸᓯᑯᐣ ᐁᑯᓯ ᓂ ᑲ ᓈᑕᐤ ᓄᑖᐃᐧ, ᒥᓇ ᓂ ᑲ ᐃᑕᐤ, ᓄᑕ, ᓂ ᑭ ᒪᒋ ᑐᑌᐣ ᑭᐦᒋ ᑭᓯᑯᕽ ᐃᓯ, ᒥᓇ ᑭᔭ ᐁ ᐃᑖᐱᓯᓂᔭᐣ,
[19] ᐁᑯᓯ ᒫᑲ ᓇᒪᐃᐧᔭ ᓂ ᑌᐸᑫᔨᑖᑯᓯᐣ ᑭ ᑯᓯᐢ ᑭᑕ ᐃᑎᑲᐃᐧᔮᐣ; ᐃᓯᐦᐃᐣ ᑖᐱᐢᑯᐨ ᐯᔭᐠ ᑭᐟ ᐊᑐᐢᑫᔮᑲᓇᕽ ᑳ ᒪᓯᓇᐦᐃᑫᐊᒋᐠ.
[20] ᐁᑯᓯ ᑭ ᐸᓯᑯ, ᒥᓇ ᐁ ᑭ ᓈᑕᐟ ᐅᑖᐃᐧᔭ. ᒫᑲ ᑫᔮᐱᐨ ᐋᐧᔭᐤ ᐁ ᐊᔮᐟ, ᐅᑖᐃᐧᔭ ᑭ ᐋᐧᐸᒥᐠ, ᐁ ᑭ ᑭᑎᒪᑭᓈᑯᐟ ᒫᑲ, ᐁ ᑭ ᐃᐢᐸᑖᔨᐟ ᒥᓇ, ᐁ ᑭ ᐊᔭᑲᐧᐢᑭᑎᑫᐧᓂᑯᐟ, ᐁ ᐅᒉᒥᑯᐟ.
[21] ᐁᑯᓯ ᐅᑯᓯᓴ ᑭ ᐃᑎᐠ, ᓄᑕ, ᓂ ᑭ ᒪᒋᑐᑌᐣ ᑭᐦᒋ ᑭᓯᑯᕽ ᐃᓯ ᒥᓇ ᑭᔭ ᐁ ᐃᑖᐱᓯᓂᔭᐣ; ᐁᑯᓯ ᒫᑲ ᓇᒪᐃᐧᔭ ᓂ ᑌᐸᑫᔨᑖᑯᓯᐣ ᑭᑯᓯᐢ ᑭᑕ ᐃᑎᑲᐃᐧᔮᐣ?
[22] ᒫᑲ ᐅᑖᐃᐧᔭ ᑭ ᐃᑌᔨᐊᐧ ᐅᐟ ᐊᑐᐢᑫᔮᑲᓇ, ᐯᑕᐠ, ᑭᔨᐱ ᐁ ᒫᐊᐧᒋ ᒥᔮᐧᓯᐠ ᒥᐢᑯᑕᑲᐩ, ᒥᓇ ᐳᓯᐢᑲᒧᔨᕽ; ᒥᓇ ᐊᒐᓂᓴ ᑭᑲᒧᐃᒥᕽ ᐅᒋᐦᒋᕽ, ᒥᓇ ᒪᐢᑭᓯᓇ ᐅᓯᑎᕽ:
[23] ᐯᓯᕽ ᒫᑲ ᑳ ᐃᐧᔨᓄᐃᐦᐟ, ᒧᐢᑐᓱᐢ, ᒥᓇ ᓂᐸᐃᕽ, ᐁᑯᓯ ᒥᒋᓱᑖᐣ ᒥᓇ ᒥᔭᐋᐧᑕᑖᐣ:
[24] ᒋᑫᒪ ᐊᐊᐧ ᓂᑯᓯᐢ ᑭ ᓂᐱᐤ, ᒫᑲ ᐁᑲᐧ ᐱᒫᑎᓯᐤ; ᑭ ᐊᐧᓂᓯᐣ, ᐁᑲᐧ ᒫᑲ ᒥᐢᑲᐋᐧᐤ. ᐁᑯᓯ ᒫᑲ ᑮ ᒫᒋ ᒥᔭᐋᐧᑕᒪᐧᐠ.
[25] ᐅᑯᓯᓴ ᒫᑲ ᐅᐢᑌᓯᒫᐊᐧ ᑭᐢᑎᑳᓂᕽ ᑭ ᐊᔮᔨᐊᐧ; ᐃᐢᐱ ᒫᑲ ᑭᓯᐊᐧᐠ ᐁ ᐯ ᐅᑎᑕᕽ ᐋᐧᐢᑳᐦᐃᑲᐣ, ᑭ ᐯᑕᑦ ᐁ ᑭᑐᒋᑫᐃᐧᐦᐟ ᒥᓇ ᐁ ᓂᒥᐃᑐᐃᐦᐟ.
[26] ᑭ ᓇᑐᒣᐤ ᒫᑲ ᐯᔭᐠ ᐊᓂᐦᐃ ᐊᑐᐢᑫᔮᑲᓇ, ᐁ ᑭ ᑲᑫᐧᒋᒫᐟ ᑖᓂᓯ ᐁ ᐃᑕᑲᒥᑲᓂᔨᐠ.
[27] ᐁᑯᓯ ᑭ ᐃᑎᐠ, ᑭᒋᐋᐧᑦ ᑕᑯᓯᐣ: ᐁᑯᓯ ᑯᑕᐃᐧ ᑭ ᓂᐸᐁᐤ ᑳ ᐃᐧᔨᓄᔨᐟ ᒧᐢᑐᓱᓴ, ᒋᑫᒪ ᐁ ᐊᔮᐋᐧᐟ ᒥᓇ ᐁ ᐱᒫᑎᓯᔨᐟ ᒥᓇ ᐁ ᒥᔪᐊᔮᔨᐟ.
[28] ᑭ ᑭᓯᐋᐧᓯᐤ ᒫᑲ, ᓇᒪᐃᐧᔭ ᐃᐧ ᐱᐦᑐᑫᐤ: ᐁᑯᓯ ᐅᑖᐃᐧᔭ ᑭ ᐯ ᐊᐧᔭᐃᐧᔨᐊᐧ, ᐁ ᑭ ᑳᑭᒋᐦᐃᑯᐟ.
[29] ᐃᐧᔭ ᒫᑲ ᐁ ᓇᐢᑫᐧᐊᐧᓯᒫᐟ ᑭ ᐃᑌᐤ ᐅᑖᐃᐧᔭ, ᒋᐢᐟ, ᐅᐦᐃ ᒥᐦᒉᐟ ᐊᐢᑭᐃᐧᓇ ᑭᐟ ᐊᑐᐢᑳᑎᐣ, ᐁᑯᓯ ᓇᒪᐃᐧᑳᐨ ᓄᐱᑯᓀᐣ ᐁ ᐃᑕᓱᐁᐧᔭᐣ, ᒫᑲ ᓇᒪᐃᐧᑲᐨ ᑭ ᑭ ᒥᔨᐣ ᒫᔭᑎᐦᑯᓯᐢ, ᑭᑕ ᐃᐧᒋ ᒥᔭᐋᐧᑕᒧᒪᑭᐠ ᓂᑐᑌᒪᐠ:
[30] ᒫᑲ ᐃᐢᐱ ᐊᐊᐧ ᑭ ᑯᓯᐢ ᑌᑯᓯᕽ ᑳ ᑭ ᓂᓯᐊᐧᓈᒋᑖᐟ ᑳ ᐱᒫᒋᐋᐧᑫᔭᐣ ᐁ ᐃᐧᒉᐋᐧᐟ ᐱᓯᑳᐧᑎᐢᑫᐧᐊᐧ, ᑭ ᑭ ᓂᐸᑕᒪᐋᐧᐤ ᑳ ᐃᐧᔨᓄᔨᐟ ᒧᐢᑐᓱᓴ.
[31] ᐁᑯᓯ ᑭ ᐃᑎᐠ, ᓂᑯᓯᐢ, ᑕᐦᑭ ᑭ ᐃᐧᒉᐃᐧᐣ, ᒥᓇ ᑲᐦᑭᔭᐤ ᑳ ᐊᔭᔮᐣ ᑭ ᑎᐯᔨᑌᐣ,
[32] ᑭ ᒥᔪᓇᑲᐧᐣ ᑭᑕ ᒥᔭᐋᐧᑕᒪᕽ ᒥᓇ ᑭᑕ ᒥᐁᐧᔨᑕᒪᕽ; ᒋᑫᒪ ᐊᐊᐧ ᑭᒋᐋᐧᑦ ᑭ ᓂᐱᐤ, ᐁᑲᐧ ᒫᑲ ᐱᒫᑎᓯᐤ, ᑭ ᐊᐧᓂᐋᐤ, ᐁᑲᐧ ᒫᑲ ᒥᐢᑲᐋᐧᐤ.