[1] ᐃᐢᐱ ᒫᑲ ᐅᒪ ᑳ ᐃᑭᕽ, ᑳ ᑎᐯᔨᐦᒋᑫᐟ ᑭ ᐅᔭᑭᒣᐤ ᑌᐸᑯᐦᐳᒥᑕᓇᐤ ᑯᑕᑲ, ᐁᑯᓯ ᐁ ᑭ ᓂᑳᓂ ᓇᓂᓱ ᓯᐯᐧᑎᓴᐋᐧᐟ ᑳ ᐃᑕᑎᓂᔨᑭ ᐅᑌᓇᐊᐧ ᒥᓇ ᐃᑕᐃᐧᓇ, ᐃᑕ ᐃᐧᐢᑕ ᐁ ᐃᐧ ᐊᑎ ᐃᑐᐦᑌᐟ.
[2] ᑭ ᐃᑌᐤ ᒫᑲ, ᐊᓂᒪ ᑭᑕ ᒫᐊᐧᒋᑖᓂᐊᐧᕽ ᑖᐯᐧ ᒥᐦᒉᑎᐣ, ᒫᑲ ᐅᑕᑐᐢᑫᐊᐧᐠ ᒐᑲᐋᐧᓯᓯᐊᐧᐠ; ᐁᐊᐧᑯ ᒫᑲ ᐅᐦᒋ ᐊᔭᒥᐁᐢᑖᕽ ᐊᓇ ᑳ ᑎᐯᔨᑕᕽ ᒫᐊᐧᒋᒋᑫᐃᐧᐣ, ᑭᑕ ᐃᓯᑎᓴᐋᐧᐟ ᐅᑕᑐᐢᑫᐊᐧ ᐊᓂᑕ ᐅᑭᐢᑎᑲᓂᕽ.
[3] ᓯᐯᐧᑌᐠ; ᒫᑎᑲ, ᑭ ᓯᐯᐧᑎᓴᐅᑎᓈᐋᐧᐤ ᑖᐱᐢᑯᐨ ᒫᔭᑎᐦᑯᓯᓴᐠ ᐃᑌ ᐁ ᐊᔮᒋᐠ ᒪᐃᑲᓇᐠ.
[4] ᐁᑳᐃᐧᔭ ᑕᑯᓇᒧᐠ ᓱᓂᔮᐊᐧᑎᐢ, ᐊᐦᐳ ᒪᐢᑭᒧᐟ, ᓇᒪᐃᐧᔭ ᒥᓇ ᒪᐢᑭᓯᓈ; ᒥᓇ ᐁᑳᐃᐧᔭ ᐊᐃᐧᔭᐠ ᓇᐢᑲᐁᐧ ᐊᑕᒥᐢᑳᕽ.
[5] ᐱᑯ ᐃᑕ ᒫᑲ ᐋᐧᐢᑲᐃᑲᓂᕽ ᑫ ᐱᐦᑐᑫᔦᐠ, ᐱᑕ ᐃᑌᐧᐠ, ᐯᔭᑕᑫᔨᒧᐃᐧᐣ ᑭᑕ ᐃᐧ ᐊᔮᐤ ᐅᑕ ᐋᐧᐢᑳᐦᐃᑲᓂᕽ
[6] ᐁᑯᓯ ᑭᐢᐱᐣ ᐁᐧᑯᓯᓯᒥᑯᐟ ᐯᔭᑕᑫᔨᒧᐃᐧᐣ ᐊᔭᒋ ᐁᑯᑕ, ᑭ ᐯᔭᑕᑫᔨᒧᐃᐧᓂᐋᐧᐤ ᐁᑯᑕ ᑭᑕ ᐊᔮᐤ; ᒫᑲ ᑭᐢᐱᐣ ᐁᑳ ᐁᑯᑕ ᐊᔭᒋ, ᑭ ᑲ ᑭᐁᐧᑐᑕᑯᓈᐋᐧᐤ.
[7] ᐯᔭᑯᑖᐠ ᐋᐧᐢᑳᐦᐃᑲᐣ ᐃᑕ ᐁ ᐃᐧᑭᑫᒧᔦᐠ, ᐁ ᒥᒋᔦᐠ ᒥᓇ ᐁ ᒥᓂᑫᐧᔦᐠ ᐊᓂᐦᐃ ᑫᑲᐧᔭ ᑫ ᒥᔨᑯᔦᑳᐧᐤ; ᒋᑫᒫ ᐅᑕᑐᐢᑫᐤ ᑲᐢᑭᑕᒫᓱ ᐅ ᑎᐸᐦᐊᒫᑯᐃᐧᐣ. ᐁᑳᐃᐧᔭ ᒫᒥᐢᑯᐨ ᐋᐧᐢᑲᐃᑲᓇ ᐱᐦᑐᑫᐠ.
[8] ᒥᓇ ᐱᑯ ᐃᑕ ᐅᑌᓇᐤ ᑫ ᐱᐦᑐᑫᔦᐠ, ᑭᐢᐱᐣ ᒥᔪ ᑲᓇᐋᐧᐸᒥᑲᐃᐧᔦᑯ, ᒥᒋᐠ ᐱᑯ ᑫᑲᐧᐩ ᑫ ᐊᓴᒥᑲᐃᐧᔦᐠ:
[9] ᒥᓈᐧᒋᐃᑯᐠ ᒫᑲ ᐅᑖᑯᓯᐊᐧᐠ ᐁᑯᑕ ᑫ ᐊᔮᐋᐧᑫᐧ, ᒥᓇ ᐃᑎᑯᐠ, ᐅᐟ ᐅᑌᓇᐃᐧᐃᐧᐣ ᑭᓭᒪᓂᑐ ᑭᓯᐊᐧᐠ ᑯᑎᐦᑎᑯᓈᐋᐧᐤ.
[10] ᒫᑲ ᐱᑯ ᐊᓂᒪ ᐅᑌᓇᐤ ᑫ ᐱᐦᑐᑫᔦᐠ, ᑭᐢᐱᐣ ᐁᑳ ᒥᔪ ᑲᓇᐋᐧᐸᒥᑯᔦᑲᐧᐃᐧ, ᐊᐧᔭᐃᐧᐠ ᐱᒧᐦᑌᐢᑲᓈᕽ ᐁᑯᓯ ᐃᑌᐧᐠ,
[11] ᐊᐦᐳ, ᐊᓂᒪ ᐊᓯᐢᑭ ᑳ ᑭᑲᒧᐠ ᓂᓯᑎᓇᕽ ᑭᐟ ᐅᑌᓇᐃᐧᐋᐧᕽ ᐅᐦᒋ, ᑭ ᐸᐸᐃᐧᐸᔨᑖᐧᑎᓈᐣ; ᐁᔨᐁᐧᕽ ᒫᑲ ᐅᒪ ᑫᒋᓇᐅᐠ, ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ ᑭᓯᐊᐧᐠ ᐁ ᐯ ᐅᑎᐦᑎᑯᔦᐠ.
[12] ᒫᑲ ᑭ ᐃᐧᐦᑕᒫᑎᓈᐋᐧᐤ, ᐃᐢᑳᐧᔮᐨ ᑭᓯᑳᑭ ᐋᐢᑕᒥᕽ ᐃᔨᑯᕽ ᑭᑕ ᐋᔨᒪᐣ ᓵᑕᑦ, ᐃᐢᐱᐨ ᐁᐊᐧᑲᐧᓂᒪ ᐅᑌᓇᐤ.
[13] ᑭ ᑯᑕᑭᐦᐃᑯᐃᐧᓯᐣ, ᑯᕒᐁᓯᐣ! ᑭ ᑯᑕᑭᐦᐃᑯᐃᐧᓯᐣ ᐯᐟᓭᑕ! ᒋᑫᒪ ᑭᐢᐱᐣ ᐊᓂᐦᐃ ᑭᐦᒋ ᐊᑐᐢᑫᐃᐧᓇ ᑭ ᑐᒋᑳᑌᑭ ᑖᔭᕒᐃᕽ ᒥᓇ ᓴᐃᑕᓂᕽ ᑳ ᑭ ᑐᑕᒪᑲᐃᐧᔭᐣ, ᑲᔮᐢ ᐅ ᑲ ᑭ ᑫᐧᐢᑳᑎᓯᑖᐋᐧᐤ. ᐁ ᐊᐱᒋᐠ ᑲᐢᑭᑌᐁᐧᑭᓄᕽ ᒥᓇ ᐱᐦᑯᑌᕽ.
[14] ᒫᑲ ᐋᐢᑕᒥᕽ ᑭᑕ ᐃᓯ ᐊᔮᐊᐧᐠ ᑖᔭᕒ ᒥᓇ ᓴᐃᑕᐣ ᐅᔭᓱᐁᐧᐃᐧᑭᓯᑳᑭ ᐃᐢᐱᐨ ᑭᔭᐋᐧᐤ.
[15] ᐁᑯᓯ ᑭᔭ ᑫᐸᕒᓀᐊᑦ, ᑭᓯᑯᕽ ᒋᑭ ᑲ ᐃᓯ ᐃᐢᐸᑫᓂᑲᐃᐧᐣ? ᐦᐁᑎᓯᕽ ᑭ ᑲ ᐃᓯ ᓂᒋᐁᐧᐱᓂᑲᐃᐧᐣ.
[16] ᐊᓇ ᑳ ᓇᑐᑖᑯᔦᐠ ᓂᔭ ᓂ ᓇᑐᑖᐠ; ᒥᓇ ᐊᓇ ᑳ ᐋᑕᐁᐧᔨᒥᑯᔦᐠ ᓂᐢᑕ ᓂᐟ ᐋᑕᐁᐧᔨᒥᐠ; ᐁᑯᓯ ᐊᓇ ᑳ ᐋᑕᐁᐧᔨᒥᐟ ᐋᑕᐁᐧᔨᒣᐤ ᐊᓂᐦᐃ ᑳ ᐯ ᐃᓯᑎᓴᐅᔨᐟ.
[17] ᐊᓂᑭ ᒫᑲ ᑌᐸᑯᐦᐳᒥᑕᓇᐤ ᒥᓇ ᑭ ᐯ ᑭᐁᐧᐊᐧᐠ ᐁ ᒥᔦᐧᔨᑕᐦᑭᐠ, ᐁ ᐃᑌᐧᒋᐠ, ᑳ ᑎᐯᔨᐦᒋᑫᔭᐣ, ᐊᐦᐳ ᒪᒋ ᐊᐦᒑᐦᑲᐧᐠ ᓂ ᓇᓇᐃᑖᑯᓈᓇᐠ ᑭ ᐃᐧᔪᐃᐧᓂᕽ.
[18] ᐁᑯᓯ ᑭ ᐃᑌᐤ, ᓂ ᑭ ᐋᐧᐸᒫᐤ ᓭᑕᐣ ᐁ ᐸᐦᑭᓯᕽ ᑭᓯᑯᕽ ᐅᐦᒋ ᑖᐱᐢᑯᐨ ᑳ ᐊᐧᓴᐢᑯᑌᐸᔨᐠ.
[19] ᒫᑎᑲ, ᑭ ᒥᔨᑎᓈᐋᐧᐤ ᒪᐢᑲᐃᐧᓯᐃᐧᐣ ᑭᑕ ᑕᑯᐢᑳᑖᔦᑯᐠ ᑭᓀᐱᑲᐧᐠ ᒥᓇ ᐅᒋᓱᐁᐧᐊᐧᐠ, ᒥᓇ ᑲᐦᑭᔭᐤ ᐅ ᑲᐢᑭᐦᐁᐃᐧᓯᐃᐧᐣ ᑭ ᓄᑎᓈᑲᓂᐋᐧᐤ; ᓇᒪᐃᐧᔭ ᒫᑲ ᑫᑲᐧᐩ ᓈᐣᑕᐤ ᑭ ᑲ ᐃᓯ ᐃᐧᓴᑲᐅᑯᓈᐋᐧᐤ.
[20] ᒫᑲ ᐁᑳᐃᐧᔭ ᐅᒪ ᐅᐦᒋ ᒥᔭᐋᐧᑕᒧᐠ, ᐊᐦᒑᐦᑲᐧᐠ ᐁ ᓇᓇᐃᑖᑯᔦᑳᐧᐤ; ᒫᑲ ᔮᔭᐤ ᒥᔭᐋᐧᑕᒧᐠ ᑭ ᐃᐧᔪᐃᐧᓂᐋᐧᐊᐧ ᐁ ᒪᓯᓇᐃᑳᑌᑭ ᑭᐦᒋ ᑭᓯᑯᕽ.
[21] ᐁᐊᐧᑯ ᑎᐸᐃᑲᐣ ᒫᑲ ᒋᓴᐢ ᑭ ᒥᔭᐋᐧᑕᑦ ᑲᓈᒋ ᐊᐦᒑᐦᑯᕽ, ᐁᑯᓯ ᑭ ᐃᑌᐧᐤ, ᑭ ᓇᓈᐢᑯᒥᑎᐣ ᐋ ᓄᐦᑖ, ᑌᐯᔨᑕᒪᐣ ᑭᐦᒋ ᑭᓯᐠ ᒥᓇ ᐊᐢᑭ, ᐁ ᑭ ᑳᑕᒪᐊᐧᒋᐠ ᐅᐦᐃ ᑫᑲᐧᔭ ᑳ ᐃᔨᓂᓯᒋᐠ ᒥᓇ ᑳ ᐅᓂᓯᑐᑕᒧᐃᐧᓂᒋᐠ ᐁᑯᓯ ᐁ ᑭ ᐸᐢᑭᓇᒪᐊᐧᒋᐠ ᐊᐱᐢᑕᐋᐧᓯᓴᐠ: ᐁᑯᓯ ᒫᑲ ᑖᐯᐧ ᓄᐦᑕ, ᐃᐧᔭ ᐁᑯᓯ ᐁᓯ ᒥᔪᓈᑲᐧᕽ ᐁ ᐃᑖᐱᓯᓂᔭᐣ.
[22] ᑲᐦᑭᔭᐤ ᑫᑲᐧᐩ ᓂ ᑭ ᐸᑭᑎᓇᒫᐠ ᓄᑖᐃᐧ; ᒥᓇ ᓇᒪᐃᐧᔭ ᐊᐃᐧᔭᐠ ᑭᐢᑫᔨᒣᐤ ᐊᐁᐧᓈᓇ ᐅᑯᓯᓯᒫᐤ, ᐱᑯ ᐅᑕᐃᐧᒫᐤ; ᒥᓇ ᐊᐁᐧᓈᓇ ᐅᑕᐃᐧᒫᐤ ᐱᑯ ᐅᑯᓯᓯᒫᐤ ᒥᓇ ᐊᓂᐦᐃ ᑳ ᐃᑌᔨᑕᕽ ᐅᑯᓯᓯᒫᐤ ᑭᑕ ᑭᐢᑫᔨᑕᒧᐋᐟ.
[23] ᐁᑯᓯ ᐁ ᑫᐧᐢᑭᐢᑕᐋᐧᐟ ᐅ ᑭᐢᑭᓄᐦᐊᒪᐋᐧᑲᓇ, ᑭ ᐃᑌᐤ, ᓴᐁᐧᔨᑖᑲᐧᓇᐧ ᒥᐢᑭᓯᑲᐧ ᑳ ᐋᐧᐸᐦᑕᒧᒪᑲᑭ ᐊᓂᐦᐃ ᑫᑲᐧᔭ ᑳ ᐋᐧᐸᐦᑕᒣᐠ.
[24] ᒋᑫᒪ ᑭ ᐃᐧᐦᑕᒫᑎᓈᐋᐧᐤ, ᒥᐦᒉᐟ ᐅᑭᐢᑭᐁᐧᐦᐃᑫᐊᐧᐠ ᒥᓇ ᑭᐦᒋ ᐅᑭᒫᐊᐧᐠ ᑭ ᐊᑳᐋᐧᑕᒪᐧᐠ ᑭᑕ ᐋᐧᐸᐦᑕᑭᐟ ᐊᓂᐦᐃ ᑫᑲᐧᔭ ᑳ ᐋᐧᐸᐦᑕᒣᐠ, ᐁᑯᓯ ᐁᑳ ᐁ ᑭ ᐋᐧᐸᐦᑕᐦᑭᐠ; ᒥᓇ ᑭᑕ ᐯᐦᑕᐦᑭᐠ ᐊᓂᐦᐃ ᑳ ᐯᐦᑕᒣᐠ, ᐁᑯᓯ ᐁᑳ ᐁ ᑭ ᐯᐦᑕᐦᑭᐠ.
[25] ᒫᑎᑲ ᒫᑲ, ᐯᔭᐠ ᐅᔭᓱᐁᐧᐃᐧᔨᓂᐤ ᑭ ᐸᓯᑯ, ᐁ ᑯᑌᔨᒫᐟ, ᐁ ᐃᑌᐧᐟ, ᐅᑭᐢᑭᓄᐦᐊᒫᑫᐤ ᑫᑲᐧᐩ ᑫ ᑐᑕᒫᐣ ᑭᑕ ᐊᔮᔮᐣ ᑲᑭᑫ ᐱᒫᑎᓯᐃᐧᐣ?
[26] ᐁᑯᓯ ᑭ ᐃᑌᐤ, ᑫᑲᐧᐩ ᒣᓯᓇᐃᑳᑌᐠ ᐅᔭᓱᐁᐧᐃᐧᓂᕽ: ᑖᓂᓯ ᐁᓯ ᐊᔭᒥᑖᔭᐣ?
[27] ᐁᑯᓯ ᐁ ᓇᐢᑫᐧᐊᐧᓯᒫᐟ, ᑭ ᐃᑌᐧᐤ, ᑭ ᑲ ᓵᑭᐊᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᑦ ᒥᓯᐁᐧ ᑭᑌᐃᕽ ᐅᐦᒋ, ᒥᓯᐁᐧ ᑭᐟ ᐊᐦᒑᕽ ᐅᐦᒋ, ᒥᓯᐁᐧ ᑭ ᒪᐢᑲᐃᐧᓯᐃᐧᓂᕽ ᐅᐦᒋ, ᒥᓇ ᒥᓯᐁᐧ ᑭ ᒥᑐᓀᔨᒋᑲᐣ ᐅᐦᒋ, ᐁᑯᓯ ᒥᓇ ᑭᒐᔨᓯᔨᓂᐤ ᑖᐱᐢᑯᐨ ᑳ ᐃᓯ ᓵᑭᐃᓱᔭᐣ.
[28] ᐁᑯᓯ ᑭ ᐃᑌᐤ, ᑲᐧᔭᐢᐠ ᑭ ᑭ ᐃᓯ ᓇᐢᑫᐧᐊᐧᓯᑕᐣ: ᐁᐊᐧᑯᒪ ᑐᑕ, ᐁᑯᓯ ᑭ ᑲ ᐱᒫᑎᓯᐣ.
[29] ᒫᑲ ᐃᐧᔭ ᐁ ᐃᐧ ᑳᑫᐧ ᑲᐧᔭᐢᑯᐢᑕᒫᓱᐟ, ᑭ ᐃᑌᐤ ᒋᓴᓴ, ᐊᐁᐧᓇ ᒫᑲ ᓂᒐᔨᓯᔨᓂᐤ?
[30] ᒋᓴᐢ ᒫᑲ ᐁ ᓇᐢᑫᐧᐊᐧᓯᒫᐟ ᑭ ᐃᑌᐤ, ᐯᔭᐠ ᓈᐯᐤ ᒉᕒᐅᓴᓬᐊᒥᕽ ᑭ ᐅᐦᒋ ᓯᐯᐧᑌᐤ ᒉᕒᐃᑯᐃᕽ ᐁ ᐃᑐᐦᑌᐟ: ᒫᑲ ᑭ ᑖᐃᐧᐢᑲᐁᐧᐤ ᐅᑭᒧᑎᐢᑲ, ᐁᑯᓯ ᑭ ᒪᓴᐢᑯᓂᐠ, ᒥᓇ ᑭ ᐸᑲᒪᐅᐠ, ᐁᑯᓯ ᐁ ᑭ ᓯᐯᐧᑌᔨᐟ, ᐁ ᓇᑲᑎᑯᐟ ᐋᐱᑕᐤ ᐁ ᓂᐱᐟ.
[31] ᑫᐢᐋᐧᐣ ᒫᑲ ᐯᔭᐠ ᐊᔭᒥᐦᐁᐃᐧᔨᓂᐊᐧ ᐁᐊᐧᑯ ᒣᐢᑲᓇᐤ ᑭ ᐯ ᒥᑎᒣᔨᐊᐧ: ᒫᑲ ᐃᐢᐱ ᐃᐧᔮᐸᒥᑯᐟ, ᑭ ᒪᔮᐢᑳᐠ ᐅᐱᒣ ᐃᓯ.
[32] ᐁᑯᓯ ᒥᓇ ᐯᔭᐠ ᓬᐃᐸᐃᑕ ᐃᐢᐱ ᐁ ᐯ ᑕᑯᑌᔨᐟ ᐁᑯᑕ, ᑭ ᐯ ᑲᓇᐋᐧᐸᒥᐠ, ᐁᑯᓯ ᑫᐧᐢᑭᑌ ᐁ ᑭ ᐃᓯ ᒪᔮᐢᑲᑯᐟ.
[33] ᒫᑲ ᐯᔭᐠ ᓴᒫᕒᐃᑕᓇ, ᒣᑳᐧᐨ ᐁ ᐱᒥᐱᒋᔨᐟ, ᑭ ᐯ ᐃᑐᐦᑌᔨᐊᐧ ᐃᑕ ᐁ ᐊᔭᐟ; ᐃᐢᐱ ᒫᑲ ᐃᐧᔮᐸᒥᑯᐟ, ᑭ ᑭᑎᒪᑭᓈᐠ,
[34] ᐁ ᑭ ᓈᑎᑯᐟ ᒫᑲ, ᐁ ᑭ ᑕᑯᐱᑕᒥᔨᐟ ᐅ ᒥᐢᐋᐧᑲᓂᑳᑎᑯᐃᐧᓇ, ᐁ ᑐᒥᓇᒥᔨᐟ, ᒥᓇ ᐁ ᓯᑭᓇᒫᑯᐟ ᓱᒥᓈᐳ; ᒥᓇ ᐁ ᑭ ᑌᑕᐱᐃᑯᐟ ᑫᐦᒋᐋᐧᐠ ᐅ ᐱᓯᐢᑭᒥᔨᐊᐧ, ᐁ ᑭ ᐯᓯᑯᐟ ᑲᐯᓯᐃᐧᑲᒥᑯᐠ, ᒥᓇ ᐁ ᑭ ᑲᓇᐁᐧᔨᒥᑯᐟ.
[35] ᐁᑯᓯ ᐃᐧᔮᐸᓂᔨᐠ, ᓂᓱ ᓱᓂᔮᓴ ᑭ ᐅᑎᓀᔨᐊᐧ, ᐁ ᒥᔮᔨᐟ ᑳ ᑲᓇᐁᐧᔨᑕᒥᔨᐟ ᑲᐯᓯᐃᐧᑲᒥᐠ, ᐁ ᑭ ᐃᑕᔨᐟ, ᑲᓇᐁᐧᔨᑦ; ᐁᑯᓯ ᐱᑯ ᐃᔨᑯᕽ ᐊᐊᐧᓯᒣ ᑫ ᒣᐢᑎᓇᒧᐊᐧᓀ: ᐃᐢᐱ ᒥᓇ ᐯ ᐃᑐᐦᑌᔮᓂ, ᑭ ᑲ ᑎᐸᐦᐊᒫᑎᐣ.
[36] ᐊᐁᐧᓂᐃ ᐅᐦᐃ ᓂᐢᑐ, ᐁᑌᔨᑕᒪᐣ, ᑳ ᐊᐧᐸᑎᔨᐁᐧᔨᐟ ᐁ ᐅ ᐃᐧᒋᔨᓂᐟ ᐊᓇ ᑳ ᑭ ᒣᑳᐧᐢᑲᐋᐧᐟ ᐅᒪᐢᑲᑌᐧᐢᑲ?
[37] ᑭ ᐃᑌᐧᐤ ᒫᑲ, ᐊᓂᐦᐃ ᑳ ᑭ ᑭᑎᒪᑭᓈᑯᐟ. ᐁᑯᓯ ᒋᓴᐢ ᑭ ᐃᑌᐤ, ᓂᔮ, ᑭᐢᑕ ᐁᑯᓯ ᓇᑕᐃᐧ ᐃᑐᑕ.
[38] ᐁᑲᐧ ᒫᑲ, ᐁ ᐊᑎ ᓯᐯᐧᑌᒋᐠ, ᑭ ᐱᐦᑐᑫᐤ ᐯᔭᐠ ᑭᐢᑕᐱᐃᐧᓂᕽ; ᐯᔭᐠ ᒫᑲ ᐃᐢᑫᐧᐤ ᒫᕒᑕ ᐁ ᐃᓯᔨᐦᑳᓱᐟ, ᑭ ᐱᐦᑐᑲᐦᐁᐤ ᐃᐧᑭᕽ.
[39] ᐁᑯᓯ ᑭ ᐊᔮᐁᐧᐤ ᐁ ᐅᒋᐋᐧᒥᐢᑫᐧᒥᐟ ᒣᕒᐃ ᐁ ᐃᓯᔨᐦᑳᓱᔨᐟ, ᐁᐊᐧᑯ ᒥᓇ ᒋᓴᓴ ᐅᓯᑎᔨᕽ ᑭ ᐊᐱᐤ, ᐁ ᓇᑐᑕᒫᐧᐟ ᐅᐟ ᐊᔭᒥᐃᐧᓂᔨᐤ.
[40] ᒫᑲ ᒫᕒᑕ ᑭ ᐅᑕᒥᐃᐠ ᒥᐢᑕᐦᐃ ᐁ ᐃᐧ ᐸᒥᐦᐃᐁᐧᐟ, ᐁᑯᓯ ᑭ ᐯ ᓈᑌᐤ, ᒥᓇ ᑭ ᐃᑌᐧᐤ, ᑌᐯᔨᐦᒋᑫᔭᐣ, ᓇᒪ ᒋ ᓈᐣᑕᐤ ᑭᐟ ᐃᑌᔨᑌᐣ ᓂᒋᐋᐧᒥᐢᑫᐧᑦ ᐁ ᓇᑲᓯᐟ ᑭᑕ ᐯᔭᑯ ᐸᒥᐦᐃᐁᐧᐊᐧᐠ, ᓯᑭᑦ ᒫᑲ ᑭᑕ ᐃᐧᒋᐃᐟ.
[41] ᒫᑲ ᒋᓴᐢ ᑭ ᓇᐢᑫᐧᐊᐧᓯᒣᐤ, ᒥᓇ ᑭ ᐃᑌᐤ, ᒫᕒᑕ, ᒪᕒᑕ, ᑭᐟ ᐊᔨᐋᐧᑫᔨᑌᐣ, ᒥᓇ ᑭ ᒥᑯᐢᑳᑌᔨᑕᒥᐃᑯᐣ, ᒥᐦᒉᐟ ᑫᑲᐧᔭ:
[42] ᒫᑲ ᐯᔭᐠ ᑫᑲᐧᐩ ᓇᑕᐁᐧᔨᑖᑲᐧᐣ, ᐁᑯᓯ ᒣᕒᐃ ᑭ ᓇᐊᐧᓱᓇᒪᓱ ᐊᓂᒪ ᑳ ᒥᔮᐧᓯᓂᔨᐠ, ᐁᑳ ᑫ ᒪᐢᑲᒥᐦᐟ.