[1] Al-usum al-taaliʼ akheer // min al-khuna al-katiir wa ihtiraam al-aakhariin akheer min al-fudda wa l-dahab.
[2] Al-khani wa l-fagri, humman sawa sawa achaan Allah bas khalagaahum.
[3] Al-aagil yichiif al-charr wa yibaariih wa laakin al-jaahil yagaʼ foogah // wa yiʼaaziih.
[4] Al-yimaskin nafsah wa yakhaaf min Allah yalga al-khuna wa l-charaf wa yiziid umrah.
[5] Fi derib al-galbah azrag, fiyah chook wa charak wa laakin al-yahfad nafsah yibaʼʼid minhum.
[6] Addib al-sakhiir wakit hu sakhayyar wa kan bigi chaayib kula, // ma yikhalli adabah.
[7] Al-khani yahkim fi l-masaakiin wa l-yichiil al-deen yabga abid // le l-yidayyinah.
[8] Al-yazraʼ al-zulum yantij al-fasaala wa asaat mulkah al-yiʼazzib beeha tiddammar.
[9] Al-ijwaadi yalga baraka achaan yiʼakkil al-miskiin.
[10] Atrud al-chammaati wa l-huraaj yagiif wa l-khilaaf wa l-muʼyaar kula yikammulu.
[11] Al-galbah taahir wa yihajji be l-kheer, al-malik yabga rafiigah.
[12] Allah yahfad al-maʼrafa laakin yibarjil kalaam al-khaddaariin.
[13] Al-kaslaan buguul ke : «Fiyah duud barra. Kan maragt fi l-chaariʼ, yicharrit batni !»
[14] Lisaan al-zaaniye, hawiire masduuda be gechch. Al-Allah khidib aleyah yagaʼ foogha kuchch.
[15] Gillit al-fihim marbuuta be galb al-iyaal laakin soot al-adab yibaʼʼidha minhum.
[16] Al-yazlum al-fagraan le yakhna aw yanti hadaaya le l-khani, al-naadum da yifaggir nafsah.
[17] Fukk adaanak wa asmaʼ kalaam al-hakiimiin wa khutt galbak le l-maʼrafa al-indi.
[18] Akheer kan tahfadhum fi galbak wa khachmak daayman jaahiz yikallim beehum.
[19] Wa l-yoom, niʼallimhum leek inta kula achaan titwakkal ale Allah.
[20] Daahu ana katabt leek talaatiin masal hana wasaaya // wa maʼrafa
[21] achaan niʼarrifak al-sahiih // hana l-kalaam al-hagg wa tigabbil le l-rassalak // be l-kalaam al-hagg.
[22] Ma tazlum al-miskiin achaan hu daʼiif wa ma tisidd leyah baab al-chariiʼa
[23] achaan Allah zaatah yabga leyah muhaami wa yiʼaakhib al-zaalim lahaddi yichiil ruuhah.
[24] Ma tiraafig al-daayman zaʼlaan wa ma tamchi maʼa l-khadbaan
[25] achaan ma tisawwi haalak misil haalah wa tarmi nafsak fi charak // misil charakah.
[26] Ma tabga min al-naas al-yuduggu suduurhum wa yadmano al-madyuun.
[27] Achaan kan ma indak al-tikaffi beyah, yichiilu hatta sariirak al-tunuum foogah.
[28] Ma tihawwil alaamaat al-huduud al-zamaan abbahaatak khattoohum.
[29] Chiif al-naadum al-yaʼarif khidimtah marra waahid. Hu yakhdim le l-muluuk wa ma le l-naas al-aadiyiin.