[1] Ya wileedi, asmaʼ kalaami wa ahfad wasiiyti.
[2] Khutt baalak le hikmati wa aftah galbak wa afham kalaami.
[3] Aywa, dawwir al-maʼrafa wa l-fihim kula, atulbah.
[4] Hibb al-hikma misil tihibb al-fudda wa misil al-dahab al-madfuun, fattichha.
[5] Wa be da, tafham maʼana al-khoof // min Allah wa khalaas, inta taʼarif al-Rabb // be irfe sahiiha.
[6] Achaan Allah yanti al-hikma wa hu bas yanti al-fihim // wa l-maʼrafa.
[7] Allah yahfad al-hikma le l-adiiliin wa hu misil daraga yahmi al-tamaamiin.
[8] Hu yahmi tariig al-aadiliin wa yahfad derib al-muʼminiin.
[9] Wa be da, tabga saalih wa tisawwi al-hagg wa l-adaala wa taʼarif kulla tariig al-yiwaddiik le l-kheer.
[10] Wa l-hikma tadkhul fi galbak wa tafrah be l-maʼrafa inta zaatak.
[11] Al-fikir al-adiil, yahfadak wa l-fihim al-sahiih, yahmiik.
[12] Al-hikma tigabbilak min derib al-fasliin wa tinajjiik min al-naas al-mufsidiin
[13] al-yaabo derib al-nuur wa yamchu fi derib al-dalaam.
[14] Humman farhaaniin be l-fasaala wa yihibbu daayman al-fasaad.
[15] Humman deribhum aʼwaj wa tariighum mukanjar.
[16] Wa be l-hikma min al-zaaniye tanja, al-eenha wasiiʼe wa tukhuchch // be kalaamha.
[17] Hi khallat raajilha hana awwal chabaabha wa nisat muʼaahadatha giddaam Ilaahha.
[18] Al-yamchi le beetha yamchi le l-moot wa l-yichiil deribha yagaʼ // fi l-haawiye.
[19] Al-yifattichha ma yalga al-derib al-yigabbilah wa la yalga al-tariig al-yiwaddiih // le l-haya.
[20] Wa khalaas, ya wileedi, amchi fi derib al-zeeniin wa chiil tariig al-saalihiin.
[21] Achaan al-ard, al-adiiliin bas yawrusuuha wa l-tamaamiin daayman yaskunuuha.
[22] Laakin al-aasiyiin, min al-ard yamurguuhum wa l-khaddaariin, minha yaturduuhum.