[1] Al-miizaan al-makhchuuch, Allah harramah wa l-mikyaal al-aadil, Allah yarda beyah.
[2] Al-fachaar yijiib al-eeb wa l-tawaaduʼ yijiib al-hikma.
[3] Kamaal al-adiiliin, fi l-derib al-adiil yiwaddiihum wa laakin khachch al-khaddaariin yidammirhum.
[4] Al-maal ma yanfaʼ fi yoom khadab Allah wa laakin al-adaala tinajji // min al-moot.
[5] Adaalit al-naadum al-tamaam tiʼaddil derbah wa laakin al-aasi yagaʼ fi isyaanah.
[6] Adaalit al-adiiliin tinajjiihum, wa tamaʼ al-khaddaariin yarmiihum.
[7] Wakit yumuut al-aasi, achamah yumuut wa l-muna al-indah fi maalah kula yiwaddir.
[8] Al-diige al-yanja minha al-saalih taji tagaʼ fi raas al-aasi.
[9] Be khachmah, al-kaafir yidammir jiiraanah wa laakin be maʼrafathum, al-saalihiin yanjo.
[10] Wakit yaji al-kheer le l-saalihiin, al-hille tafrah wa wakit yumuutu al-aasiyiin, hi tizakhrit.
[11] Be barakat al-adiiliin, al-hille tittawwar wa be kalaam al-aasiyiin, al-hille tiddammar.
[12] Al-naadum al-yiʼayyir jiiraanah galiil fihim wa laakin al-yalzam lisaanah indah ilim.
[13] Al-yangul al-kalaam yakchif al-achiir wa laakin al-amiin yahfadah // fi galbah.
[14] Kan ma fi khiyaada, al-chaʼab yagaʼ wa katarat al-mustachaariin tijiib al-naja.
[15] Al-yadman al-ma maʼruufiin yilbachtan wa laakin al-yaaba al-damaan yiʼiich be amaan.
[16] Al-mara al-tarham talga charaf wa siid al-unuf yalga al-maal.
[17] Al-yisawwi al-kheer yijiib al-jamiil le nafsah wa l-yisawwi al-unuf yijiib al-damaar fi raasah.
[18] Al-aasi yalga maahiiye ma tanfaʼ wa l-yazraʼ al-adaala, maahiiytah muʼakkada.
[19] Aywa, al-adaala tiwaddi le l-haya wa laakin al-yitaabiʼ al-fasaala yamchi le l-moot.
[20] Allah harram le l-naas al-galib al-azrag wa laakin ridi be l-derib al-adiil.
[21] Akiid al-chariir ma yajʼalooh bari wa laakin zurriiyit al-saalihiin tanja.
[22] Mara jamiile wa ma indaha achiir misil chinif dahab fi munkhar khinziir.
[23] Muna al-saalihiin illa sawwiyiin al-kheer wa chahwat al-aasiyiin jeebiin al-khadab.
[24] Al-ijwaadi yanti wa be da kula, maalah yiziid wa l-hariis ma yanti wa be da kula, yafgar.
[25] Al-naadum al-ijwaadi yakhna wa l-yazgi al-naas, hu kula yazguuh.
[26] Al-naas yalʼano al-yakhzin al-khalla // fi wakt al-juuʼ wa laakin al-yamrugha fi l-suug, mubaarak.
[27] Al-yisawwi al-kheer, yalga rida wa l-yifattich al-charr, yalgaah.
[28] Al-yintakil fi maalah, yarmi nafsah wa laakin al-saalihiin yugummu misil gechch al-khariif.
[29] Al-yijiib al-barjaal fi beetah yawris al-zoobaʼaane wa l-munaafikh yabga abid // le l-hakiim.
[30] Khidmit al-saalih misil chadara al-tanti al-haya wa l-indah al-hikma yajbid aleyah al-naas.
[31] Aywa, al-saalih yalga ujurtah fi l-dunya di. Wa ziyaada min da, al-aasi // wa l-muznib kula yalgo jazaahum.