[1] Al-yihibb al-adab yihibb al-ilim wa l-yakrah al-luwaama mukhaffal.
[2] Siid al-zeen yalga rida min Allah wa l-fikrah hawaan, Allah yajʼalah khaati.
[3] Al-fasaala ma tisabbit siidha wa laakin al-saalih saabit // wa indah uruug.
[4] Al-mara al-indaha charaf misil taaj le zoojha wa l-mara al-aaybe misil suusa fi udaam raajilha.
[5] Afkaar al-saalih, kullaha adaala wa laakin najaadit al-aasi, kullaha khachch.
[6] Kalaam al-aasiyiin, charak al-moot wa lisaan al-adiiliin, yijiib al-naja.
[7] Beet al-aasiyiin yagaʼ wa yabga ma fiih wa laakin beet al-saalihiin saabit wa gawi.
[8] Al-aglah tamaam yalga chukur wa laakin al-galbah azrag yalga muʼyaar.
[9] Akheer tabga miskiin wa khaddaam waahid bas indak min tikoolif wa tanfukh batnak wa ma daamin iichtak.
[10] Al-saalih yirayyis hatta bahaaymah wa laakin al-aasi ma indah mahanna.
[11] Al-yahrit ardah yachbaʼ be l-akil wa laakin al-yitaabiʼ al-hawa, galiil fihim.
[12] Al-aasi yatmaʼ fi maal al-chariiriin wa laakin sabaat al-saalihiin // be uruughum yijiib faayde.
[13] Al-lisaan al-muznib charak le l-fasliin wa laakin al-saalihiin yamurgu // min al-diige.
[14] Be natiijat kalaamah, al-naadum yachbaʼ be l-kheer wa ayyi naadum yalga hasab al-sawwatah iidah.
[15] Ayyi munaafikh yuguul hu maachi adiil wa laakin al-yasmaʼ al-wasiiye hakiim.
[16] Ajala ke, al-munaafikh yiwassif zaʼalah wa l-aagil yaskut wa yilabbid ihaantah.
[17] Al-yuguul al-sahiih, yisabbit al-adaala wa laakin al-yachhad be kidib, yisabbit al-fasaala.
[18] Al-yihajji bala fikir, kalaamah yajrah misil al-seef wa laakin kalaam al-hakiim yijiib al-aafe.
[19] Al-kalaam al-sahiih daayman saabit wa l-kidib maraahiilah gusaar.
[20] Al-yanwi al-fasaala, galbah malaan be l-khachch wa laakin al-yahdi be l-salaam, yijiib al-farah.
[21] Al-saalih ma yagaʼ fi ayyi charr wa laakin al-aasi yagaʼ fi l-masaayib.
[22] Allah harram al-lisaan al-kaddaab wa laakin al-yuguul al-sahiih yalga ridaayah.
[23] Al-naadum al-aagil ma yifaachir // be ilmah wa laakin galb al-matmuus yakhbal al-nifaakh.
[24] Al-nachiit fi l-khidme yabga siid le l-naas wa l-kaslaan yabga abid le l-naas.
[25] Al-hamm le l-insaan wajaʼ galib wa laakin al-kalaam al-halu yifarrih.
[26] Al-saalih yuguud rafiigah adiil wa laakin derib al-aasi yiwaddirah.
[27] Al-kaslaan ma yagdar yitichch laham seedtah. Wa charaf al-insaan, hu niiytah fi l-khidme.
[28] Tariig al-adaala indah al-haya, aywa, akiid hu derib // al-ma indah moot.