DW | Amharic - News

ኢትዮጵያ ዉስጥ ለሰዎች በጣሙን ለየዋሆች ሕይወት የሚጨነቅ አይደለም የሚያሳብ ፖለቲከኛ መገኘቱ እያጠራጠረ ነዉ።ወይም አስከሬን መቅበር፣ ተፈናቃይ መቁጠር፣ ለየጦርነት ግጭቱ «ጠላት» የሚባሉ ወገኖችን ማሳጣት፣ ሰበብ ምክንያት መደርደሩ ተለመደና አስጨናቂዉ ጥፋት የወትሮ ምግባር የሆነ ያክል ቀጠለ።

በኦሮሚያ ክልል ደቡብ ምሥራቃዊ ዞን ሺርካ ወረዳ የተፈጸመውን የንጹሐን ጥቃት ዓለም አቀፉ ማኅበረሰብ እያወገዘው ነው። ዩናይትድ ስቴትስ እና ዩናይትድ ኪንግደም «አስደንጋጭ» ያሉትን ጥቃት አውግዘው አጥፊዎች ለፍትህ እንዲቀርቡ ጠይቀዋል።

ትብብር ለሕልውና የትጥቅ ቡድኖች ስብስብ "የጋራ ጠላት" ብሎ የፈረጀውን ፌዴራል መንግሥት መታገሉን እንደሚቀጥል በድጋሚ ገለፀ። የትብብሩ አባል ድርጅቶች መሪዎች በታዩበት ተንቀሳቃሽ ምስል ተደግፎ በቀረበው መግለጫ፣ መንግሥት "ጦርነትን የመግታት፣ ዘላቂ ሰላም የማምጣት፣ ሕግና ሥርዓትን የማስፈን አቅምም ኾነ ፍላጎት የሌለው" ሲል ወቅሷል።

የኦሮሚያ እና ሶማሌ ክልሎች አዋሳኝ ከተማዋ ሞያሌ ግጭት ከተከሰተ ከሁለት ሳምንታት በላይ ቢሆነዉም ግጭቱ ዛሬም ድረስ ተባብሶ መቀጠሉ እየተነገረ ነው። በአስተዳደር ወሰን ውዝግብ የጀመረው በከባባድ መሳሪያ ጭምር ታግዞ በቀጠለዉ ግጭት የሰዎች ህይወት ጠፍቷል ንብረት ወድሟል፤ በሺዎች የሚቆጠሩ ዜጎች ወደ ኬንያ ተፈናቅለዋል፡፡

በዩናይትድ ስቴትስ፣ የፕሬዚዳንት ዶናልድ ትራምፕ የአጋማሽ የስልጣን ዘመን ወይም የአማካይ ወቅት ምርጫ እና ዉጤቱ በጉጉት እየተጠበቀ ነዉ። ምርጫዉ የሚካሄደዉ ነገ ማክሰኞ ኖቬምበር 3 ወይም ጥቅምት 24 ነዉ። የምርጫዉ ዝግጅት ምን ይመስላል?-የቅድመ ትንበያ ዉጤቶችስ ምን ያሳያሉ?

በኢትዮጵያ አትሌቲክስ ዘርፍ የሕገወጥ ኃይል ሰጪ ንጥረ ነገር ጉዳይ አሳሳቢ ደረጃ መድረሱ ተነግሯል፥ ቃለ መጠይቅ ይኖረናል ።ማንቸስተር ሲቲ ሽንፈት አስተናግዶ መሪነቱን አስረክቧል። አርሰናል ትናንት ሊቨርፑልን በአንፊልድ የገዛ ስታዲየሙ በደጋፊው ፊት አንድ ለዜሮ በመርታት የፕሬሚየር ሊጉ መሪነት ተቆናጥጧል ።

በአዲሱ የኦሮሚያ ክልላዊ አደረጃጀት በደቡብ ምስራቅ ኦሮሚያ ዞን የቀድሞው የአርሲ ዞን የተለያዩ ወረዳዎች ባለፈው ሳምንት በተለይ የኦርቶዶክስ ተዋህዶ ቤተክርስትያን ምዕመናንን ዒላማ ያደረጉ ጥቃቶች መፈጸማቸው ተሰምቷል

በኦሮሚያ ክልል አርሲ ዞን ለተፈፀመው ግድያ ፍትሕና ተጠያቂነት እንዲሰፍን ማሕበረ ቅዱሳን ጠየቀ። ማሕበሩ በኢትዮጵያ ሕዝብ ግብር የሚተዳደሩ ያላቸው መገናኛ ዐውታሮች በተደጋጋሚ ተፈጽሟል ያለውን ጥቃት እንዳልሰሙ ማለፋቸውን አጥብቆ አውግዟል።የፖለቲካ ድርጅቶች ግለሰቦችና ይመለከተናል ያሉ ኹሉ ግድያውን እንዲቆም ተጠያቂነትም እንዲኖር እየጠየቁ ነው።

በኦሮሚያ ክልል ደቡብ ምስራቃዊ ዞን አርሲ-ሺርካ ወረዳ ባሳለፍነው ቅዳሜ በቢርቦና ጮሌ ቀበሌ በታጣቂዎች የደረሰውን ጥቃት ተከትሎ ከወረዳዋ ከተማ ወደ ጥቃቱ ስፍራው በመጓዝ ቦታው ላይ ተገኝተው ቀብር ካስፈጸሙ በርካቶች መታሰራቸው ቅሬታ ፈጥሯል፡፡ የታሰሩት ሰዎች ለተጎጂዎች ደርሰው ወገንተኝነት ከማሳየት ውጪ ጥፋታቸው አልተብራራም።

በኢትዮጵያ ኦሮሚያ ክልል ደቡብ ምስራቃዊ ዞን አርሲ ውስጥ በተደጋጋሚ በሚከሰት የሰላማዊ ዜጎች ግድያ በርካታ የሰብኣዊ ተቋማት ማሳሰቢና የሃማኖት ድርጅቶች አቤቱታ ተሰምቷል። በተለይም የኢትዮጵያ ኦርቶዶክስ ተዋህዶ ቤተክርስቲን “ምዕመናኖቼ እየተገደሉብኝ ነው” በማለት ተደጋጋሚ የጸጥታው ጥበቃ ጥሪን ለሚመለከተው የመንግስት ተቋማት ጥሪ አሰምታለች።