[1] ᒫᑲ ᐊᐦᐳ ᐊᓂᒪ ᓂᐢᑕᑦ ᑳ ᑭ ᐃᓯᐦᒋᑫᕽ ᑭ ᐅᔭᑭᒋᑳᑌᐤ ᑭᑕ ᐃᓯ ᐊᔭᒥᐊᕽ ᒥᓇ ᑭ ᐃᐦᑕᑲᐧᐣ ᐊᔭᒥᐦᐁᐃᐧᑲᒥᐠ, ᐅᑕ ᐊᐢᑭᕽ.
[2] ᒋᑫᒫ ᑭ ᐅᓯᒋᑳᑌᐤ ᐊᔭᒥᐦᐋᐃᐧ ᒥᑭᐋᐧᐦᑊ, ᓂᐢᑕᑦ ᐃᑕ ᐁ ᑭ ᐊᔭᐠ ᐋᐧᓴᐢᑯᑌᓂᑲᓈᑎᐠ, ᒥᓇ ᒥᒋᓱᐃᐧᓈᑎᐠ, ᒥᓇ ᑭᐢᑭᓇᐋᐧᒋᒋᑲᓂ ᐸᑫᐧᓯᑲᐣ; ᐁᑯᑕ ᐃᐧᔭ ᑳ ᑲᓈᑕᕽ ᑳ ᐃᓯᔨᐦᑳᑌᐠ.
[3] ᐁᑲᐧ ᐊᐊᐧᓵᔨᕽ ᑭᑖᐧᑦ ᐃᑕ ᐁ ᐋᑯᐁᑲᐃᑳᑌᐠ, ᐊᓂᒪ ᐊᔭᒥᐦᐋᐃᐧ ᒥᑭᐋᐧᐦᑊ ᐃᑕ ᒫᒪᐁᐧᔭᐢ ᑳ ᑲᓈᑕᕽ ᑳ ᐃᓯᔨᐦᑳᑌᐠ;
[4] ᐃᑕ ᐁ ᐊᔮᐠ ᐅᓵᐃᐧᓱᓂᔮᐃᐧ ᐃᐧᑭᒫᓯᑲᓈᐱᐢᐠ, ᒥᓇ ᑭᐢᑭᓇᐋᒋᐅᐃᐧᓂᐋᐧᐟ ᐊᐧᐢᑭᐨ ᒥᓯᐁᐧ ᐁ ᐅᓵᐃᐧᓱᓂᔮᐋᐧᐱᐢᑯᐊᐧᕽ, ᐃᑕ ᐁ ᐊᔮᐠ ᐅᓵᐃᐧᓱᓂᔭᐤ ᐊᓯᐊᐧᒋᑲᐣ ᐁ ᐊᓯᐊᐧᑌᐠ ᒫᓇ, ᒥᓇ ᐁᕒᐊᐣ ᐅ ᓴᐢᑲᐅᓈᑎᐠ ᑳ ᑭ ᓵᑭᐸᑭᐠ, ᒥᓇ ᐊᓱᑕᒫᑫᐃᐧᓂ ᓇᐸᑲᐱᐢᑲᐧ;
[5] ᐁᑯᓯ ᐃᐢᐱᒥᕽ ᐃᓯ ᒉᕒᐊᐱᑦ ᒪᓂᑐᐋᐧᐢᑌᐃᐧᓂᕽ ᐁ ᐊᑲᐧᓂᐢᑲᑭᐠ ᐊᓂᒪ ᑭᑎᒫᑭᓈᑫᐃᐧᓂ ᐊᐱᐃᐧᐣ; ᐁᐊᐧᑯᓂ ᓇᒪᐃᐧᔭ ᐊᓄᐦᐨ ᑲᐦᑭᔭᐤ ᐸᐯᐢᑭᐨ ᓂ ᑲ ᑭ ᑕᓯᑌᓈᐣ.
[6] ᐅᐦᐃ ᒫᑲ ᐁ ᑭ ᐃᓯ ᑲᐧᔮᒋᑖᕽ, ᐊᔭᒥᐦᐁᐃᐧᔨᓂᐊᐧᐠ ᑕᐦᑭ ᑭ ᐱᐦᑐᑫᐊᐧᐠ ᐊᓂᒪ ᓂᐢᑕᑦ ᐊᔭᒥᐦᐁᐃᐧ ᒥᑭᐋᐧᐦᑊ ᐁ ᑎᐱᑐᑕᑭᐠ ᐊᔭᒥᐦᐋᐃᐧᓇ;
[7] ᒫᑲ ᐊᓂᒪ ᑭᑖᐧᑦ ᐁ ᑭᐸᐦᐃᑳᑌᐠ ᑭᐦᒋ ᐊᔭᒥᐦᐁᐃᐧᔨᓂᐤ ᐱᑯ, ᐯᔭᑳᐧᐤ ᑕᐦᑐ ᐊᐢᑭ, ᓇᒪᐃᐧᔭ ᒫᑲ ᐁᑳ ᐁ ᑭᑭᐟ ᒥᐦᑯ, ᐁᐊᐧᑫᐧᔨᐤ ᐁ ᐸᑭᑎᓂᑫᐟ ᐃᐧᔭ ᐅᐦᒋ ᒥᓇ ᐅ ᐊᐧᓂᑐᑕᒧᐃᐧᓂᔨᐊᐧ ᐊᔨᓯᔨᓂᐊᐧ ᐅᐦᒋ;
[8] ᑳ ᑲᓈᑎᓯᐟ ᐊᐦᒑᕽ ᐁᑯᓯ ᐃᓯ ᐁ ᑭᐢᑭᓇᐋᐧᒋ ᑭᐢᑫᔨᑕᒧᐃᐁᐧᐟ ᐊᓂᒪ ᑭᑕ ᐃᓯ ᐱᐦᑐᑫᕽ ᐃᑕ ᑳ ᑲᓈᑕᕽ ᐁᑳ ᒉᐢᑲᐧ ᐁ ᓄᑲᐧᕽ ᒣᑳᐧᐨ ᐊᓂᒪ ᓂᐢᑕᑦ ᐊᔭᒥᐦᐋᐃᐧ ᒥᑭᐋᐧᐦᑊ ᑫᔮᐱᐨ ᐁ ᒋᒪᑌᐠ;
[9] ᐁᐊᐧᑯ ᐁ ᐋᐁᐧᒋᑲᓂᐊᐧᕽ ᐊᓄᐦᐨ ᐁᑲᐧ ᑳ ᐃᓯ ᐊᔮᐠ; ᐁᑯᓯ ᐃᓯ ᑳ ᑭ ᐸᑭᑎᓈᓱᕽ ᒣᑭᐃᐧᓇ ᒥᓇ ᒪᒍᐢᑌᐊᒫᑫᐃᐧᓇ ᐁᑳ ᑭᑕ ᑭ ᒪᒥᑐᓂᐃᑯᐟ ᑳ ᐊᔭᒥᐦᐋᐟ ᑭᐢᑫᔨᒥᓱᐃᐧᓂᕽ ᐃᐧᔭ,
[10] ᒋᑫᒫ ᐱᑯ (ᑭᑭ ᒥᒋᓱᐃᐧᓂᕽ ᒥᓇ ᒥᓂᑫᐧᐃᐧᓂᕽ ᒥᓇ ᓇᓈᑐᕽ ᑭᓯᐯᑭᓂᑫᐃᐧᓂᕽ) ᐃᐧᔮᓯᐃᐧ ᐃᓯᐦᒋᑫᐃᐧᓇ ᐁ ᐅᔭᑭᑌᑭ ᐃᐢᑯ ᑭᑕ ᐅᐢᑭ ᐃᓯᐦᒋᑫᕽ.
[11] ᒫᑲ ᙭ ᐁ ᑭ ᐯ ᐃᑐᐦᑌᐟ ᐁ ᑭᐦᒋ ᐊᔭᒥᐦᐁᐃᐧᔨᓂᑲᑕᕽ ᐊᓂᐦᐃ ᒥᔪ ᑫᑲᐧᔭ ᑫ ᐅᑎᐦᒋᐸᔨᑭ, ᐊᓂᒪ ᐊᔨᐋᐧᐠ ᐁ ᑭᐦᒑᔨᐊᐧᕽ ᒥᓇ ᐁ ᒪᒥᑐᓂᒋᑳᑌᐠ ᐊᔭᒥᐦᐁᐃᐧ ᒥᑭᐋᐧᐦᑊ ᐁᑳ ᒥᒋᐦᒋᔭ ᐁ ᑭ ᐅᐦᒋ ᐅᓯᒋᑳᑌᐠ, ᐁᐊᐧᑯ ᐁ ᐃᑌᐧᕽ ᐁᑳ ᐅᑕ ᐁ ᐅᓯᐦᒋᑲᓂᐊᐧᕽ,
[12] ᓇᒪᐃᐧᔭ ᒥᓇ ᐅ ᒥᐦᑯᐋᐧᐤ ᐋᐧᐸᑎᑲᐧᐠ ᒥᓇ ᒧᐢᑐᓱᓯᓴᐠ, ᒫᑲ ᐃᐧᔭ ᑫᐦᒋᐋᐧᐠ ᐅ ᒥᐦᑯ ᐅᐦᒋ ᐯᔭᑳᐧᐤ ᒫᒪᐃᐧ ᑭ ᐱᐦᑐᑫᐤ ᐃᑕ ᑳ ᑲᓇᑕᓂᔨᐠ ᐁ ᑭ ᑲᐢᑭᑖᐟ ᑳᑭᑫ ᐱᒫᒋᐦᐃᐁᐧᐃᐧᐣ.
[13] ᒋᑫᒫ ᑭᐢᐱᐣ ᐅ ᒥᐦᑯᐋᐧᐤ ᐋᐧᐸᑎᑲᐧᐠ ᒥᓇ ᔮᐯ ᒧᐢᑐᓴᐧᐠ ᒥᓇ ᐱᐦᑯᑌᐤ ᐁ ᑭ ᒪᒍᐢᑌᐊᒫᑫᕽ ᐅᓂᒑᓂᓯᐢ ᐁ ᐊᐧᓭᐧᐸᔨᑖᐧᒋᐠ ᐊᓂᑭ ᐁᑳ ᑳ ᐯᑭᐦᐃᐦᒋᐠ, ᑭᑕ ᑭ ᑲᓈᒋᐃᑯᒋᐠ ᑭᑕ ᐯᑭᓯᕽ ᐃᐧᔮᓯᕽ;
[14] ᑖᓂᔨᑯᕽ ᐋᐧᐃᐧᐢ ᐅ ᒥᐦᑯ ᙭ ᐊᓇ ᑳᑭᑫ ᐊᐦᒑᐦᑲᐧ ᐅᐦᒋ ᑳ ᑭ ᐸᑭᑎᓂᓱᐢᑕᐋᐧᐟ ᐁᑳ ᓈᐣᑕᐤ ᐁ ᐃᓯ ᒫᔨ ᐊᔮᐟ ᑭᓭᒪᓂᑐᐊᐧ, ᑫ ᑭ ᐯᑭᑖᐟ ᐁ ᐃᓯ ᑭᐢᑫᔨᒥᓱᔦᐠ ᑭᑕ ᐳᓂᑖᔦᐠ ᓂᐳᐃᐧᓂ ᐊᑐᐢᑫᐃᐧᓇ ᑭᑕ ᐊᑐᐢᑲᐋᐧᔦᐠ ᑳ ᐱᒫᑎᓯᐟ ᑭᓭᒪᓂᑐ?
[15] ᐁᑯᓯ ᐁᐊᐧᑯ ᐅᒪ ᐅᐦᒋ ᐃᐧᔭ ᐁᐊᐧᑯ ᐅᓇᑐᑌᐢᑕᒫᑫᐤ ᐅᐢᑭ ᐊᓱᑕᒫᑫᐃᐧᓂᕽ, ᐊᐃᐧᔭᐠ ᐁ ᑭ ᓂᐱᐟ ᑭᑕ ᑎᐸᐦᐃᑫᐢᑕᒪᐋᐧᑕᕽ ᐊᓂᐦᐃ ᐊᐧᓂᑐᑕᒧᐃᐧᓇ ᑳ ᑭ ᐊᔮᑭ ᒣᑳᐧᐨ ᐁ ᐱᒥᐸᔨᐠ ᐊᓂᒪ ᓂᐢᑕᑦ ᐊᓱᑕᒫᑫᐃᐧᐣ, ᐊᓂᑭ ᑳ ᑭ ᓇᑐᒥᐦᒋᐠ ᑭᑕ ᒥᔨᐦᒋᐠ ᐊᓂᒪ ᐊᓱᑕᒫᑫᐃᐧᐣ ᑳᑭᑫ ᑎᐯᔨᑕᒧᐃᐧᐣ.
[16] ᒋᑫᒫ ᐃᑕ ᓇᑲᑕᒫᑫᐃᐧ ᒪᓯᓇᐦᐃᑲᐣ ᐁ ᐊᔮᐠ ᐅᐦᒋᑕ ᐱᑯ ᒥᓇ ᑭᑕ ᓇᑲᑕᐢᑫᐟ ᐊᓇ ᑳ ᑭ ᐅᓯᑖᐟ.
[17] ᐊᔨᐢ ᓇᑲᑕᒫᑫᐃᐧ ᒪᓯᓇᐦᐃᑲᐣ ᒪᐢᑲᐃᐧᓯᒪᑲᐣ ᐃᐢᐱ ᓂᐳᐃᐧᐣ ᑳ ᐊᔮᑭ; ᐃᐧᑳᐨ ᒋ ᐅᑎ ᐃᐧᔭ ᓈᐣᑕᐤ ᐃᑖᐸᑕᐣ ᒣᑳᐧᐨ ᐁ ᐱᒫᑎᓯᐟ ᐊᓇ ᑳ ᑭ ᐅᓯᑖᐟ?
[18] ᐁᑯᓯ ᒥᓇ ᐊᓂᒪ ᓂᐢᑕᑦ ᐊᓱᑕᒫᑫᐃᐧᐣ ᓇᒪᐃᐧᔭ ᐅᐦᒋ ᐅᔭᐢᑖᓂᐊᐧᐣ ᐁᑳ ᐁ ᐋᐸᑕᕽ ᒥᐦᑯ.
[19] ᒋᑫᒫ ᐃᐢᐱ ᑲᐦᑭᔭᐤ ᑲᑫᐢᑫᐧᐃᐧᓇ ᒧᓯᐢ ᑳ ᐃᐧᐦᑕᒪᐋᐧᐟ ᑲᐦᑭᔭᐤ ᐊᔨᓯᔨᓂᐊᐧ, ᑭ ᐅᑎᓇᑦ ᐅ ᒥᐦᑯᔨᐤ ᒧᐢᑐᓱᓯᓴ ᒥᓇ ᐋᐧᐸᑎᑲᐧ ᐊᓯᒋ ᓂᐱ ᒥᓇ ᒥᐦᑯᐱᐊᐧᔭ ᒥᓇ ᐃᓴᑊ, ᐁᑯᓯ ᑭ ᐅᓭᐧᐯᑲᐊᑕᑦ ᒪᓯᓇᐦᐃᑲᐣ ᒥᓇ ᑲᐦᑭᔭᐤ ᐊᔨᓯᔨᓂᐊᐧ,
[20] ᐁ ᐃᑌᐧᐟ, ᐁᐊᐧᑯ ᐅᒪ ᐁ ᒥᐦᑯᐊᐧᕽ ᐊᓂᒪ ᐊᓱᑕᒫᑫᐃᐧᐣ ᑭᓭᒪᓂᑐ ᑳ ᑭ ᐃᑕᓱᐁᐧᐟ ᑭᔭᐋᐧᐤ ᐃᓯ.
[21] ᐁᑯᓯ ᒥᓇ ᐊᓂᒪ ᐊᔭᒥᐦᐁᐃᐧ ᒥᑭᐋᐧᐦᑊ ᒥᓇ ᑲᐦᑭᔭᐤ ᐊᓯᐊᐧᒋᑲᓇ ᐁᑯᑕ ᑳ ᐋᐸᑕᑭ ᐁᑯᓯ ᐃᓯ ᑭ ᐅᓭᐧᐯᑲᐊᑕᑦ ᒥᐦᑯ ᐅᐦᒋ.
[22] ᐁ ᐃᑕᐢᑌᐠ ᒫᑲ ᐅᔭᓱᐁᐧᐃᐧᐣ, ᑫᑳᐨ ᑭᑕ ᑭ ᐃᑌᐧᔮᐣ, ᑲᐦᑭᔭᐤ ᑫᑲᐧᐩ ᑭ ᐯᑭᑖᓂᐊᐧᐣ ᒥᐦᑯ ᐅᐦᒋ, ᐁᑯᓯ ᐁᑳ ᐁ ᓯᑭᓂᑳᑌᐠ ᒥᐦᑯ ᓇᒪᐃᐧᔭ ᑭ ᐃᐦᑕᑲᐧᐣ ᐊᓭᓇᒫᑫᐃᐧᐣ.
[23] ᑭ ᐃᑕᐢᑌᐤ ᒫᑲ ᐁ ᑭᐢᑭᓇᐋᐧᐸᐦᑕᒥᕽ ᐊᓂᐦᐃ ᑭᐦᒋ ᑭᓯᑯᕽ ᑳ ᐊᔮᑭ ᐁᑯᓯ ᑭᑕ ᐃᓯ ᐯᑭᑖᓂᐊᐧᑭ; ᒫᑲ ᐊᓂᐦᐃ ᑭᐦᒋ ᑭᓯᑯᕽ ᑳ ᐊᔮᑭ ᓇᐊᐧᐨ ᑭᐦᒋ ᐸᑭᑎᓈᓱᐃᐧᓇ ᐃᔨᑯᕽ ᐅᐦᐃ.
[24] ᒋᑫᒫ ᙭ ᓇᒪᐃᐧᔭ ᑳ ᑲᓈᑕᓂᔨᐠ ᒥᒋᐦᒋᔭ ᑳ ᑭ ᐅᐦᒋ ᐅᓯᒋᑳᑌᐠ ᑳ ᑭ ᐱᐦᑐᑫᐟ, ᑳ ᐃᓯᒋᑳᑌᐠ ᐁ ᑭᐢᑭᓇᐋᐧᐸᐦᑕᒥᕽ ᐊᓂᒪ ᑖᐯᐧ; ᒫᑲ ᑫᐦᒋᐋᐧᐠ ᑭᐦᒋ ᑭᓯᑯᕽ ᐁᑳᐧ ᑭᑕ ᓄᑯᓯᐟ ᐁᑖᐢᑕᒪᐱᔨᐟ ᑭᓭᒪᓂᑐᐊᐧ ᑭᔮᓇᐤ ᐅᐦᒋ;
[25] ᓇᒪᐃᐧᔭ ᒥᓇ ᑭᑕ ᐸᑭᑎᓂᓱᐟ ᒥᐦᒉᑖᐧᐤ; ᑖᐱᐢᑯᐨ ᑭᐦᒋ ᐊᔭᒥᐦᐁᐃᐧᔨᓂᐤ ᑳ ᐱᐦᑐᑫᐟ ᑳ ᑲᓈᑕᓂᔨᐠ ᑕᐦᑐ ᐊᐢᑭ ᑭᑭ ᒥᐦᑯ ᓇᒪᔦᐤ ᒫᑲ ᐃᐧᔭ;
[26] ᐁᑯᓯ ᐃᓯ ᐃᐧᔭ ᒥᐦᒉᑖᐧᐤ ᐅ ᑲ ᑭ ᑯᑕᑭᑖ ᐊᐢᐱᐣ ᑳ ᐅᔭᐢᑌᐠ ᐊᐢᑭ; ᒫᑲ ᐁᑲᐧ ᐯᔭᑳᐧᐤ ᐁ ᑎᐱᐸᔨᐠ ᐃᐧᔭ ᙭ ᑭ ᓄᑯᓯᐤ ᑭᑕ ᐁᐧᐱᓇᕽ ᒪᒋᑎᐃᐧᐣ ᐃᐧᔭ ᐁ ᐸᑭᑎᓂᓱᐟ.
[27] ᐁᑯᓯ ᒋᑫᒫ ᐁ ᐃᑕᑭᑕᒫᐦᐟ ᐊᔨᓯᔨᓂᐤ ᐯᔭᑳᐧᐤ ᑭᑕ ᓂᐱᐟ ᐁᑯᓯ ᒣᐧᐢᑕᐢ ᐃᔨᑯᕽ ᑭᑕ ᐊᔮᐠ ᐅᔭᓱᐁᐧᐃᐧᐣ;
[28] ᐁᑯᓯ ᙭ ᒥᓇ ᐯᔭᑳᐧᐤ ᐁ ᑭ ᐸᑭᑎᓂᐦᐟ ᑭᑕ ᓇᔭᑕᒫᐧᐟ ᐅ ᒪᒋᑎᐃᐧᓂᔨᐊᐧ ᒥᐦᒉᐟ, ᑭᑕ ᓄᑯᐦᐃᓱᐢᑕᐁᐧᐤ ᑭᑖᐧᑦ ᐁᑳ ᐁ ᐃᐧᒉᑕᕽ ᒪᒋᑎᐃᐧᐣ, ᐊᓂᐦᐃ ᑳ ᐯᐃᑯᐟ, ᐱᒫᒋᐦᐃᐁᐧᐃᓂᕽ.