<Hebrews ᐃᐸᕒᐅᐊᐧ 5

[1] ᒋᑫᒫ ᑲᐦᑭᔭᐤ ᑭᐦᒋ ᐊᔭᒥᐦᐁᐃᐧᔨᓂᐤ ᐊᔨᓯᔨᓂᓈᕽ ᑳ ᐅᐦᑎᓂᐦᐟ ᐊᔨᓯᔨᓂᐊᐧ ᑳ ᐅᐦᒋ ᐅᔭᑭᒥᐦᐟ ᑭᓭᒪᓂᑐᕽ ᐃᓯ, ᑭᑕ ᐸᒥᑖᐟ ᐸᑭᑎᓈᓱᐃᐧᓇ ᒥᓇ ᒪᒍᐢᑌᐊᒫᑫᐃᐧᓇ ᒪᒋᑎᐃᐧᓇ ᐅᐦᒋ;

[2] ᑭᑕ ᑭ ᑭᑎᒫᑭᓇᐋᐧᐟ ᐊᓂᐦᐃ ᐁᑳ ᑳ ᐅ ᑭᐢᑫᔨᑕᒧᐃᐧᓂᔨᐟ ᒥᓇ ᑳ ᐸᐢᑫᐊᒣᔨᐟ, ᒋᑫᒫ ᐃᐧᔭ ᒥᓇ ᐁ ᐋᐧᐢᑳᐢᑳᑯᐟ ᓀᓱᐋᐧᑎᓯᐃᐧᐣ;

[3] ᐁᑯᓯ ᐁᐊᐧᑫᐧᔨᐤ ᐅᐦᒋ ᑳ ᐃᑕᐢᑌᔨᐠ ᑖᐱᐢᑯᐨ ᐊᔨᓯᔨᓂᐊᐧ ᐅᐦᒋ ᑳ ᐸᑭᑎᓈᓱᐟ ᐁᑯᓯ ᐃᓯ ᐃᐧᐢᑕ ᑭᑕ ᑐᑌᐢᑕᒫᓱᐟ.

[4] ᓇᒪᐃᐧᔭ ᒫᑲ ᐊᐃᐧᔭᐠ ᐅᑎᓇᒫᓱ ᐁᐊᐧᑯ ᑭᐦᒑᔨᐃᐧᐃᐧᐣ ᐱᑯ ᐁ ᓇᑐᒥᑯᐟ ᑭᓭᒪᓂᑐᐊᐧ ᑖᐱᐢᑯᐨ ᐁᕒᐊᐣ.

[5] ᐁᑯᓯ ᐃᓯ ᒥᓇ ᙭ ᓇᒪᐃᐧᔭ ᑭ ᑭᐢᑌᔨᑖᑯᐃᓱ ᑭᐦᒋ ᐊᔭᒥᐦᐁᐃᐧᔨᓂᐤ ᑭᑕ ᐃᓯᐃᐦᐟ, ᒫᑲ ᐊᓂᐦᐃ ᑳ ᑭ ᐃᑎᑯᐟ, ᑭᔭ ᓂᑯᓯᐢ, ᐊᓄᐦᐨ ᑳ ᑭᓯᑳᐠ ᑭ ᑭ ᓂᐦᑖᐃᐧᑭᐃᑎᐣ;

[6] ᑖᐱᐢᑯᐨ ᒥᓇ ᑳ ᐃᑌᐧᐟ ᐱᑐᐢ ᐃᑕ, ᑭᐟ ᐊᔭᒥᐦᐁᐃᐧᔨᓂᐃᐧᐣ ᑳᑭᑫ ᑳ ᑭ ᐃᓯ ᐅᔭᑭᒥᐦᐟ ᒣᓬᑭᓯᑌᐠ.

[7] ᐊᓇ ᒣᑳᐧᐨ ᐅ ᐃᐧᔮᓯᕽ ᐁ ᐱᒫᑎᓯᐟ, ᐁ ᑭ ᐊᔭᒥᐦᐁᐢᑕᐋᐧᐟ ᒥᓇ ᐁ ᑭ ᒪᐃᐧᒧᐢᑕᐋᐧᐟ ᑭᐦᒋ ᒫᑐᐃᐧᓂᕽ ᒥᓇ ᐅᐦᒋᑲᐋᐧᐱᐃᐧᓂᕽ ᐊᓂᐦᐃ ᑳ ᑲᐢᑭᑖᔨᐟ ᑭᑕ ᐱᒫᒋᐦᐃᑯᐟ ᓂᐳᐃᐧᓂᕽ ᐅᐦᒋ, ᐁᑯᓯ ᐁ ᑭ ᓇᑐᑖᐦᐟ ᐊᓂᒪ ᐁ ᑭ ᑯᓯᑫᐧᔨᑕᕽ,

[8] ᐋᑕ ᐁ ᐅᑯᓯᓯᒫᐃᐧᐟ ᐁᔨᐁᐧᕽ ᑭ ᑭᐢᑭᓄᐦᐊᒫᐠ ᓇᓇᐃᑕᒧᐃᐧᐣ ᐊᓂᐦᐃ ᑳ ᑭ ᐃᓯ ᑯᑕᑭᑖᐟ;

[9] ᐁᑯᓯ ᐁ ᑭ ᒪᒥᑐᓂᐃᐦᐟ ᑭ ᑭᓯᑕᒪᐁᐧᐤ ᑳᑭᑫ ᐱᒫᒋᐦᐃᐁᐧᐃᐧᐣ ᑲᐦᑭᔭᐤ ᐊᓂᐦᐃ ᑳ ᓇᓇᐃᑖᑯᐟ;

[10] ᑭᐦᒋ ᐊᔭᒥᐦᐁᐃᐧᔨᓂᐊᐧ ᐁ ᑭ ᐃᑕᑭᒥᑯᐟ ᑭᓭᒪᓂᑐᐊᐧ ᐁ ᑭ ᐃᓯ ᐅᔭᑭᒥᐦᐟ ᒣᓬᑭᓯᑌᐠ.

[11] ᐁᐊᐧᑯ ᐅᐦᒋ ᒥᐦᒉᐟ ᑫᑲᐧᐩ ᑭᑕ ᑭ ᐃᑌᐧᔮᕽ ᒥᓇ ᐁ ᐋᔨᒪᑭ ᑭᑕ ᑭ ᓂᓯᑐᐦᑕᒧᐃᐁᐧᕽ, ᐃᐧᔭ ᐁᑳ ᐁ ᐊᐧᐃᐧᔭᐃᐧᑕᒣᐟ.

[12] ᒋᑫᒫ ᐋᑕ ᐁᑯᔨᑯᕽ ᐁᑲᐧ ᑭᑕ ᑭ ᑭᐢᑭᓄᐦᐊᒫᑫᔦᐠ, ᐁᑯᓯ ᓇᑕᐁᐧᔨᑖᑲᐧᐣ ᑫᔮᐱᐨ ᐊᐃᐧᔭᐠ ᑭᑕ ᑭᐢᑭᓄᐦᐊᒫᑯᔦᐠ ᓂᑳᐣ ᐊᓂᐦᐃ ᓂᐢᑕᑦ ᑳ ᐊᑎ ᐊᐢᑌᑭ ᐅ ᑭᐢᑫᔨᑕᒧᐃᐁᐧᐃᐧᓇ ᑭᓭᒪᓂᑐ; ᐁᑯᓯ ᑭᐟ ᐊᑎ ᐃᓯ ᐊᔮᓈᐋᐧᐤ ᑐᐊᐧ ᑳ ᓇᑕᐁᐧᔨᑕᐦᑭᐠ ᑐᑐᓴᐳ, ᓇᒪᐃᐧᔭ ᒫᑲ ᑳ ᒪᐢᑲᐋᐧᐠ ᒥᒋᐃᐧᐣ.

[13] ᒋᑫᒫ ᑲᐦᑭᔭᐤ ᐊᐃᐧᔭᐠ ᑐᑐᓵᐳ ᑳ ᐋᐸᒋᑖᐟ ᓇᒪᐃᐧᔭ ᑲᑫᑖᐃᐧᓂᑫᐤ ᑲᐧᔭᐢᑭᑖᑎᓯᐃᐧ ᐃᑌᐧᐃᐧᓂᕽ; ᒋᑫᒫ ᐅᐢᑲᐋᐧᓯᓯᐃᐧᐤ.

[14] ᒫᑲ ᑳ ᒪᐢᑲᐋᐧᐠ ᒥᒋᐃᐧᐣ ᐁᐊᐧᑯ ᐃᐧᔭ ᑭᑕ ᐋᐸᒋᑖᒋᐠ ᑳ ᑭᓯᓂᑖᐃᐧᑭᒋᐠ ᐊᔨᓯᔨᓂᐊᐧᐠ, ᐊᓂᑭ ᐅᑎ ᐅ ᑭᐢᑫᔨᑕᒫᐃᐧᓂᐋᐧᐊᐧ ᑳ ᐃᓯ ᓇᑲᒋᑖᒪᑲᓂᔨᑭ ᑭᑕ ᓂᓯᑕᐃᐧᓇᑭᐠ ᑳ ᒥᔮᐧᓯᐠ ᒥᓇ ᑳ ᒫᔮᑕᕽ.