[1] ᐁᐊᐧᑯ ᒫᑲ ᐅᐦᒋ ᑳ ᑲᓈᑎᓯᔦᐠ ᓂᒋᐋᐧᒥᑎᐠ, ᑳ ᐃᐧᒋᐃᐁᐧᔦᐠ ᑭᐦᒋ ᑭᓯᑯᐃᐧ ᓇᑐᑫᒧᐃᐧᐣ, ᒫᒥᑐᓀᔨᒥᕽ ᐊᓇ ᑳ ᐊᐹᐢᑎᓬᐃᑲᑕᕽ ᒥᓇ ᑳ ᑭᐦᒋ ᐊᔭᒥᐦᐁᐃᐧᔨᓂᑲᑕᕽ ᑭᐟ ᐃᓯᑖᐧᐃᐧᓂᓇᐤ ᒋᓴᐢ ᐅᑎ;
[2] ᐊᓇ ᑳ ᑭ ᐊᔮᑳᐧᒥᓯᐢᑕᐋᐧᐟ ᐊᓂᐦᐃ ᑳ ᑭ ᐅᔭᑭᒥᑯᐟ, ᑖᐱᐢᑯᐨ ᐃᐧᐢᑕ ᒧᓯᐢ ᑳ ᑭ ᐃᓯ ᐊᔮᑳᐧᒥᓯᐟ ᑳ ᐃᑕᓯᐟ ᐃᐧᑭᕽ.
[3] ᒋᑫᒫ ᐊᐊᐧᓯᒣ ᑭᐢᑌᔨᑖᑯᓯᐃᐧᐣ ᑭᑕ ᐊᔮᐟ ᑭ ᐃᑕᑭᒫᐤ ᐃᐢᐱᐦᐨ ᐃᐧᔭ ᒧᓯᐢ, ᐃᔨᑯᕽ ᐊᓇ ᑳ ᐅᓯᑖᐟ ᐋᐧᐢᑳᐦᐃᑲᐣ ᐊᔨᐋᐧᐠ ᐁ ᑭᐢᑌᔨᑖᑯᓯᐟ ᐃᐢᐱᐦᐨ ᐃᐧᔭ ᐋᐧᐢᑳᐦᐃᑲᐣ.
[4] ᒋᑫᒫ ᑲᐦᑭᔭᐤ ᐋᐧᐢᑳᐦᐃᑲᓇ ᓈᐣᑕᐤ ᐊᐃᐧᔭᐠ ᑭ ᐅᓯᑖᐤ; ᒫᑲ ᐊᓇ ᑳ ᑭ ᐅᓯᑖᐟ ᑲᐦᑭᔭᐤ ᑫᑲᐧᐩ ᐁᐊᐧᑯ ᑭᓭᒪᓂᑐ.
[5] ᒧᓯᐢ ᒫᑲ ᑭ ᐊᔮᑳᐧᒥᓯᐤ ᑖᐯᐧ ᒥᓯᐁᐧ ᐅ ᐋᐧᐢᑳᐦᐃᑲᓂᔨᕽ ᐁ ᐊᑐᐢᑫᔮᑲᓂᐃᐧᐟ ᐃᓯ ᑭᑕ ᑭᐢᑭᓇᐋᐧᑌᔨᑖᑲᐧᑭ ᐊᓂᐦᐃ ᒣᐧᐢᑕᐢ ᐃᔨᑯᕽ ᑫ ᐃᐧᒋᑳᑌᑭ;
[6] ᒫᑲ ᙭ ᐁ ᐅᑯᓯᓯᒫᐃᐧᐟ ᐃᓯ ᐅ ᐋᐧᐢᑳᐦᐃᑲᓂᔨᕽ; ᐅ ᐋᐧᐢᑳᐦᐃᑲᐣ ᑭᔮᓇᐤ ᐁᐊᐧᑯᓂᐠ, ᑭᐢᐱᐣ ᑭᐟ ᐋᔮᒋ ᒥᒋᒥᓀᓈᓇᐤ ᑭ ᓱᑫᔨᒧᐃᐧᓂᓇᐤ ᒥᓇ ᐁ ᒪᒥᒋᒧᔭᕽ ᑭᐟ ᐊᐢᐯᔨᒧᐃᐧᓂᓇᐤ ᑭᓯᐸᓄᕽ ᐃᐢᑯ.
[7] ᐁᑯᓯ, ᑖᐱᐢᑯᐨ ᑳ ᑲᓈᑎᓯᐟ ᐊᐦᒑᕽ ᑳ ᐃᑌᐧᐟ, ᐊᓄᐦᐨ ᑳ ᑭᓯᑳᐠ ᑭᐢᐱᐣ ᑭ ᑲ ᐯᑕᒫᐧᓈᐋᐧᐤ ᐅᐟ ᐃᑌᐧᐃᐧᐣ.
[8] ᐁᑳᐃᐧᔭ ᒪᐢᑲᐃᐧᑖᐠ ᑭ ᑌᐃᐋᐧᐊᐧ ᑳ ᑭ ᐃᓯ ᑭᓯᐋᐧᑖᐧᓂᐊᐧᕽ, ᑖᐱᐢᑯᐨ ᐊᓂᒪ ᑯᑌᔨᒥᐁᐧᐃᐧ ᑭᓯᑳᐤ ᐱᑲᐧᑕᐢᑭᕽ,
[9] ᑯᑖᐃᐧᐋᐧᐊᐧᐠ ᑳ ᑭ ᐅᐦᒋ ᑯᑌᔨᒥᒋᐠ ᐁ ᑫᐦᒋᓈᐃᒋᐠ, ᐁᑯᓯ ᐁ ᑭ ᐋᐧᐸᐦᑕᐦᑭᐠ ᓂᐟ ᐃᓯᐦᒋᑫᐃᐧᓇ ᓀᒥᑕᓇᐤ ᑕᐦᑐ ᐊᐢᑭ.
[10] ᐁᐊᐧᑯ ᐅᐦᒋ ᓂ ᑭ ᓇᔦᑖᐃᐧᔭᐁᐧᐃᑲᐧᐠ ᐁᐊᐧᑯᓂᐠ ᐅᑭ ᐊᔨᓯᔨᓂᐊᐧᐠ, ᐁᑯᓯ ᓂ ᑭ ᐃᑖᐧᐣ, ᑳᑭᑫ ᐊᐧᓂᐃᑎᐊᐧᐠ ᐅᑌᐃᐋᐧᕽ; ᒫᑲ ᓇᒪᐃᐧᔭ ᑭᐢᑫᔨᑕᒪᐧᐠ ᓂᐟ ᐃᑖᑎᓯᐃᐧᓇ;
[11] ᑳ ᑭ ᐃᓯ ᑭᐦᒋ ᐃᑌᐧᔮᐣ ᓂ ᑭᓯᐋᐧᓯᐃᐧᓂᕽ, ᓇᒪᐃᐧᔭ ᑭᑕ ᐱᐦᑐᑫᐊᐧᐠ ᓂᐟ ᐊᔦᐧᐱᐃᐧᓂᕽ.
[12] ᐊᔮᑳᐧᒥᓯᐠ ᓂᒋᐋᐧᒥᑎᐠ, ᑫᑲ ᓈᐣᑕᐤ ᐃᓯ ᐊᐃᐧᔭᐠ ᑭᔭᐋᐧᐤ ᑭᑕ ᑭᑭᐢᑳᐠ ᒪᒋᒥᑌᐦ ᐁ ᐋᓀᐧᑕᒧᒪᑲᕽ, ᐁ ᓇᑲᑎᑯᐟ ᑳ ᐱᒫᑎᓯᐟ ᑭᓭᒪᓂᑐ;
[13] ᒫᑲ ᓭᓯᑭᒥᑐᐠ ᑕᐦᑐ ᑭᓯᑳᐤ, ᐁ ᐁᐢᑳᐧ ᐃᐢᐸᔨᐠ ᑭᑕ ᑭ ᐃᑌᐧᕽ ᐊᓄᐦᐨ ᑳ ᑭᓯᑳᐠ; ᐁᑳ ᐊᐃᐧᔭᐠ ᑭᔭᐋᐧᐤ ᑭᑕ ᒪᐢᑲᐃᐧᐃᑯᔦᐠ ᐁ ᐊᐧᔦᓯᐃᐁᐧᐠ ᒪᒋ ᐃᑎᐃᐧᐣ;
[14] ᒋᑫᒫ ᑭ ᐃᐧᒋᐃᐋᐧᓈᓇᐤ ᙭ ᑭᐢᐱᐣ ᑭᐟ ᐋᔮᒋ ᒥᒋᒥᓀᓈᓇᐤ ᑭᐟ ᐊᐢᐯᔨᒧᐃᐧᓂᓇᐤ ᑭᓯᐸᓄᕽ ᐃᐢᑯ;
[15] ᒣᑳᐧᐨ ᐁ ᐃᑌᐧᕽ, ᐊᓄᐦᐨ ᑳ ᑭᓯᑳᐠ ᑭᐢᐱᐣ ᑭ ᑲ ᐯᑕᒫᐧᓈᐋᐧᐤ ᐅᐟ ᐃᑌᐧᐃᐧᐣ, ᐁᑳᐃᐧᔭ ᒪᐢᑲᐃᐧᑖᐠ ᑭᑌᐦᐃᐋᐧᐊᐧ ᑳ ᑭ ᐃᓯ ᑭᓯᐋᐧᑖᐧᓂᐊᐧᕽ.
[16] ᒋᑫᒫ ᐊᐁᐧᓂᑭ ᐃᐢᐱ ᐁ ᐯᐦᑕᐦᑭᐠ ᑳ ᑭ ᑭᓯᐋᐧᑖᐧᒋᐠ? ᓇᒪ ᒋ ᑲᐦᑭᔭᐤ ᐊᓂᑭ ᐃᒋᑊᑎᕽ ᑳ ᑭ ᐯ ᐅᑐᑌᒋᐠ ᐁ ᐃᐧᒉᐋᐧᒋᐠ ᒧᓯᓴ?
[17] ᐁᑯᓯ ᐊᐁᐧᔨᐊᐧ ᑳ ᑭ ᓇᔦᑖᐃᐧᔭᐁᐧᐃᑯᐟ ᓀᒥᑕᓇᐤ ᑕᐦᑐ ᐊᐢᑭ? ᓇᒪ ᒋ ᐊᓂᐦᐃ ᑳ ᑭ ᐊᐧᓂᑐᑕᒥᔨᐟ ᐃᐧᔭᐃᐧᐋᐧᐊᐧ ᑳ ᑭ ᐱᒥᑎᓂᔨᑭ ᐱᑲᐧᑕᐢᑭᕽ?
[18] ᐊᐁᐧᔨᐊᐧ ᒥᓇ ᑳ ᑭ ᑭᐦᒋ ᐃᑖᐟ ᐁᑳ ᑭᑕ ᐱᐦᑐᑫᔨᐟ ᐅᐟ ᐊᔦᐧᐱᐃᐧᓂᕽ, ᐊᓂᐦᐃ ᒫᑲ ᑳ ᓴᓯᐱᑕᒥᔨᐟ?
[19] ᐁᑯᓯ ᑭ ᐋᐧᐸᑌᓈᓇᐤ ᐁᑳ ᐁ ᑭ ᐱᐦᑐᑫᒋᐠ ᒋᑫᒫ ᐁᑳ ᐁ ᑖᐯᐧᑕᐦᑭᐠ.