[1] ᒋᑫᒫ ᐊᐊᐧ ᒣᓬᑭᓯᑌᐠ, ᓭᓬᐃᑦ ᑭᐦᒋ ᐅᑭᒫᐤ ᒫᒪᐁᐧᔭᐢ ᓯᔪᑳᑎᓯᐟ ᑭᓭᒪᓂᑐ ᐅᐟ ᐊᔭᒥᐦᐁᐃᐧᔨᓂᒪ, ᑳ ᑭ ᓇᑭᐢᑲᐋᐧᐟ ᐁᑊᕒᐁᐋᒪ ᐁ ᐯ ᑭᐁᐧᔨᐟ ᐁ ᑭ ᓂᓯᐊᐧᓈᒋᐋᔨᐟ ᑭᐦᒋ ᐅᑭᒫᐊᐧ ᐁᑯᓯ ᑳ ᑭ ᒥᔭᐧᑭᒫᐟ,
[2] ᐊᓂᐦᐃ ᐁᑊᕒᐁᐋᑦ ᑳ ᑭ ᒥᔮᐟ ᐯᔭᐠ ᐁ ᑭ ᒥᑖᑕᑐᑖᕽ ᑲᐦᑭᔭᐤ ᑫᑲᐧᐩ (ᐁᐊᐧᑯ ᓂᐢᑕᑦ ᐁ ᐃᑌᐧᐢᑕᒪᐋᐧᑕᒥᕽ ᑲᐧᔭᐢᑭᑖᑎᓯᐃᐧᓂ ᑭᐦᒋ ᐅᑭᒫᐤ, ᐁᑲᐧ ᒥᓇ ᓭᓬᐃᑦ ᑭᐦᒋ ᐅᑭᒫᐤ, ᐁᐊᐧᑯ ᐁ ᐃᑌᐧᒪᑲᕽ ᐯᔭᑕᑫᔨᒧᐃᐧᓂ ᑭᐦᒋ ᐅᑭᒫᐤ;
[3] ᐁᑳ ᐁ ᐅᔪᑖᐃᐧᐟ, ᐁᑳ ᐁ ᐅᑳᐃᐧᐟ, ᐁᑳ ᐁ ᐅᐟ ᐋᔮᓂᐢᑫ ᓂᐦᑖᐃᐧᑭᐃᐧᓂᐟ, ᐁᑳ ᐁ ᒫᒋᐸᔨᔨᑭ ᐅ ᑭᓯᑳᒪ ᐊᐦᐳ ᐁ ᐳᓂᐸᔨᔨᐠ ᐅ ᐱᒫᑎᓯᐃᐧᐣ, ᒫᑲ ᐁ ᐃᓯᐃᐦᐟ ᑖᐱᐢᑯᐨ ᑭᓭᒪᓂᑐ ᐅᑯᓯᓴ), ᑳᑭᑫ ᐊᔮᐤ ᐁ ᐊᔭᒥᐦᐁᐃᐧᔨᓂᐃᐧᐟ.
[4] ᐁᑲᐧ ᒫᑲ ᒫᒥᑐᓀᔨᑕᒧᐠ ᐃᔨᑯᕽ ᐁ ᑭ ᑭᐦᒑᔨᐃᐧᐟ ᐁᐊᐧᑯ ᐊᐊᐧ ᓈᐯᐤ, ᐊᓂᐦᐃ ᐁᑊᕒᐁᐋᑦ ᐊᓇ ᐅᑖᐃᐧᐃᐧᑭᒫᐤ ᑳ ᑭ ᒥᔮᐟ ᐯᔭᐠ ᐁ ᑭ ᒥᑖᑕᑐᑖᕽ ᐊᓂᐦᐃ ᑭᐦᒋ ᒪᓂᐊᐧᑌᐃᐧᓇ.
[5] ᐊᓂᑭ ᒫᑲ ᑖᐯᐧ ᐅᑯᓯᓴ ᓬᐃᐹᐩ ᑳ ᒥᔨᐦᒋᐠ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᐣ ᐃᑕᓱᐋᐧᑖᐊᐧᐠ ᑭᑕ ᐅᑎᓇᒪᐋᐧᒋᐠ ᐊᔨᓯᔨᓂᐊᐧ ᐯᔭᐠ ᐁ ᑭ ᒥᑖᑕᑐᑖᕽ ᐁ ᐃᑕᐢᑌᐠ ᐅᔭᓱᐁᐧᐃᐧᐣ, ᐅᒋᐋᐧᒥᐋᐧᐊᐧ ᐅᑎ ᐋᑕ ᐅᐦᐃ ᐁ ᑭ ᐅᐦᒋᔨᐟ ᐁᑊᕒᐁᐋᒪ ᐃᐧᔭᐃᐧᔨᕽ:
[6] ᒫᑲ ᐊᓇ ᐅᐟ ᐋᔮᓂᐢᑫ ᓂᐦᑖᐃᐧᑭᐃᐧᐣ ᐁᑳ ᐁᑯᑕ ᑳ ᑭ ᐅᐦᑕᑭᒋᑳᑌᔨᐠ, ᑭ ᒥᔨᐠ ᐁᑊᕒᐁᐋᒪ ᐯᔭᐠ ᐁ ᑭ ᒥᑖᑕᑐᑖᕽ, ᒥᓇ ᑭ ᒥᔭᐧᑭᒣᐤ ᐊᓂᐦᐃ ᑳ ᐊᔮᔨᐟ ᐊᓱᑕᒫᑯᐃᐧᓇ.
[7] ᐅᒪ ᒫᑲ ᓇᒪᐃᐧᔭ ᐊᐃᐧᔭᐠ ᑭᑕ ᑭ ᐋᓀᐧᑕᕽ ᐊᓇ ᓄᑕᐤ ᑳ ᐃᑌᔨᑖᑯᓯᐟ ᒥᔭᐧᑭᒥᐠ ᐊᓂᐦᐃ ᐊᔨᐋᐧᑭᐢ ᑳ ᐃᑌᔨᑖᑯᓯᔨᐟ.
[8] ᐁᑯᓯ ᐅᑕ ᐃᐧᔭ ᐊᔨᓯᔨᓂᐊᐧᐠ ᑳ ᓂᐱᒋᐠ ᒥᔮᐊᐧᐠ ᐊᓂᒪ ᐯᔭᐠ ᐁ ᑭ ᒥᑖᑕᑐᑖᕽ; ᒫᑲ ᐁᑯᑕ ᐊᓇ ᑳ ᐃᓯ ᐋᒋᒥᐦᐟ ᐁ ᐱᒫᑎᓯᐟ.
[9] ᐁᑯᓯ ᒫᑲ ᑭᑕ ᑭ ᐃᑌᐧᕽ ᐁᑊᕒᐁᐋᑦ ᐅᐦᒋ ᐊᐦᐳ ᓬᐃᐸᐩ, ᑳ ᒥᔨᐦᐟ ᐯᔭᐠ ᐁ ᑭ ᒥᑖᑕᑐᑖᕽ ᑭ ᑎᐸᐦᐃᑫᐤ ᐁᐊᐧᑫᐧᔨᐤ;
[10] ᒋᑫᒫ ᑫᔮᐱᐨ ᐁ ᑭᑭᐢᑳᑯᐟ ᐅᑖᐃᐧᔭ ᒣᓬᑭᓯᑌᑲ ᑳ ᓇᑭᐢᑲᐋᐧᔨᐟ.
[11] ᑭᐢᐱᐣ ᒫᑲ ᒪᒥᑐᓂᐃᐧᐣ ᑭ ᐊᔮᐠ ᓬᐃᐸᐃᐃᐧ ᐊᔭᒥᐦᐁᐃᐧᔨᓂᐃᐧᐃᐧᐣ ᐅᐦᒋ (ᒋᑫᒫ ᐁᐊᐧᑯ ᐁ ᐊᔮᐠ ᐊᔨᓯᔨᓂᐊᐧᐠ ᑳ ᑭ ᒥᔨᐦᒋᐠ ᐅᔭᓱᐁᐧᐃᐧᐣ) ᑫᑲᐧᐩ ᐊᐊᐧᓯᒣ ᑳ ᓇᑕᐁᐧᔨᑖᑲᐧᕽ ᑯᑕᐠ ᐊᔭᒥᐦᐁᐃᐧᔨᓂᐤ ᑭᑕ ᐃᐦᑖᐟ ᐅᐟ ᐃᑕᑭᒥᑯᐃᐧᓂᕽ ᒣᓬᑭᓯᑌᐠ, ᐁᑳ ᒫᑲ ᑭᑕ ᐃᑕᑭᒥᐦᐟ ᐅᐟ ᐃᑕᑭᒥᑯᐃᐧᓂᕽ ᐁᕒᐊᐣ?
[12] ᒋᑫᒫ ᐊᔭᒥᐦᐁᐃᐧᔨᓂᐃᐧᐃᐧᐣ ᐱᑐᐢ ᐁ ᐃᓯ ᐊᔮᐠ ᐅᐦᒋᑕ ᐱᑯ ᐅᔭᓱᐁᐧᐃᐧᐣ ᒥᓇ ᐱᑐᐢ ᑭᑕ ᐃᓯ ᐊᔮᐠ.
[13] ᒋᑫᒫ ᐊᓇ ᐅᒪ ᑳ ᐊᔨᑎᐦᐟ ᐱᑐᑕᐢᑳᓀᓯᐤ, ᐁᑳ ᐁᑯᑕ ᐅᐦᒋ ᐊᐃᐧᔭᐠ ᐁ ᑭ ᐸᒥᑖᐟ ᐸᑭᑎᓈᓱᐃᐧᓈᐱᐢᐠ.
[14] ᒋᑫᒫ ᑭᐢᑫᔨᑖᑲᐧᐣ ᑯᑎᐯᔨᒋᑫᒥᓇᐤ ᒍᑕ ᐁ ᑭ ᐅᐦᒋᐟ; ᐁᐊᐧᑯ ᐁ ᐱᐢᑭᑕᐢᑳᓀᓯᒋᐠ ᒧᓯᐢ ᓇᒪ ᓈᐣᑕᐤ ᐃᑌᐧᐤ ᐊᔭᒥᐦᐁᐃᐧᔨᓂᐊᐧᐠ ᐃᐧᔭ ᐅᐦᒋ.
[15] ᐊᓂᒪ ᒫᑲ ᑳ ᐃᑌᐧᔮᕽ ᐊᐊᐧᓯᒣ ᑫᔮᐱᐨ ᐸᔭᑌᓈᑲᐧᐣ ᑭᐢᐱᐣ ᐅᐟ ᐃᓯᓈᑯᓯᐃᐧᓂᕽ ᒣᓬᑭᓯᑌᐠ ᑭ ᐸᓯᑯ ᑯᑕᐠ ᐊᔭᒥᐦᐁᐃᐧᔨᓂᐤ,
[16] ᑳ ᑭ ᐅᓯᐃᐦᐟ ᓇᒪᐃᐧᔭ ᐁ ᐃᑕᐢᑌᐠ ᐅᔭᓱᐁᐧᐃᐧᐣ ᐃᐧᔮᓯᐃᐧ ᐅᔭᓱᐁᐧᐃᐧᓂᕽ, ᒫᑲ ᐁ ᐃᓯ ᒪᐢᑲᐃᐧᓯᒪᑳᕽ ᐁᑳ ᑳ ᐳᓂᐸᔨᐠ ᐱᒫᑎᓯᐃᐧᐣ;
[17] ᒋᑫᒫ ᐃᑖᒋᒫᐤ, ᑭᐟ ᐊᔭᒥᐦᐁᐃᐧᔨᓂᐃᐧᐣ ᑳᑭᑫ ᑳ ᑭ ᐃᓯ ᐅᔭᑭᒥᐦᐟ ᒣᓬᑭᓯᑌᐠ.
[18] ᒋᑫᒫ ᑭ ᑭᐱᑎᓂᑳᑎᐤ ᑳ ᑭ ᓂᑳᓂᐸᔨᐠ ᐅᔭᓯᐁᐧᐃᐧᐣ ᐃᐧᔭ ᐁ ᓀᓱᐊᐧᕽ ᒥᓇ ᐁᑳ ᐁ ᐋᐸᒋᐃᐁᐧᐠ
[19] (ᐊᔨᐢ ᐅᔭᓱᐁᐧᐃᐧᐣ ᓇᒪᐃᐧᔭ ᑫᑲᐧᐩ ᑭ ᒥᑐᓂᑖᒪᑲᐣ), ᐁᑯᓯ ᐱᑐᑲᑖᓂᐊᐧᐣ ᐁᑯᑕ ᐅᐦᒋ ᐊᐊᐧᓯᒣ ᐁ ᒥᔮᐧᓯᐠ ᐊᐢᐯᔨᒧᐃᐧᐣ, ᑳ ᐅᐦᒋ ᐯᓵᐧᐸᒫᔭᕽ ᑭᓭᒪᓂᑐ.
[20] ᐁᑯᓯ ᒋᑫᒫ ᐁᑳ ᑭᑕ ᑭ ᐃᐦᑭᕽ ᑭᐢᐱᐣ ᐁᑳ ᐁ ᐅᑎᓂᑳᑌᐠ ᑭᐦᒋ ᐃᑌᐧᐃᐧᐣ
[21] (ᒫᑲ ᐋᑕᐃᐧᔭ ᐁ ᑭ ᐅᓯᐃᐦᒋᐠ ᐊᔭᒥᐦᐁᐃᐧᔨᓂᐊᐧᐠ ᐁᑳ ᑭᐦᒋ ᐃᑌᐧᐃᐧᐣ ᐁ ᐋᐸᒋᑖᕽ; ᐃᐧᔭ ᒫᑲ ᐁ ᑭᐦᒋ ᐃᑌᐧᔨᐟ ᐊᓂᐦᐃ ᑳ ᑭ ᐃᑎᑯᐟ, ᑳ ᑎᐯᔨᐦᒋᑫᐟ ᑭ ᑭᐦᒋ ᐃᑌᐧᐤ ᒥᓇ ᓇᒪᐃᐧᔭ ᑭᑕ ᑫᐧᐢᑭᐤ, ᑭᐟ ᐊᔭᒥᐦᐁᐃᐧᔨᓂᐃᐧᐣ ᑳᑭᑫ);
[22] ᐁᑯᔨᑯᕽ ᒫᑲ ᐊᐊᐧᓯᒣ ᑫᐦᒋᓈᑕᐢᑖᐤ ᒋᓴᐢ ᐊᐊᐧᓯᒣ ᐁ ᒥᔮᐧᓯᐠ ᐊᓱᑕᒫᑫᐃᐧᐣ.
[23] ᐃᐧᔭᐋᐧᐤ ᒫᑲ ᑖᐯᐧ ᒥᐦᒉᐟ ᐊᔭᒥᐦᐁᐃᐧᔨᓂᐊᐧᐠ ᑭ ᐅᓯᐋᐊᐧᐠ ᒋᑫᒫ ᓂᐳᐃᐧᐣ ᐅᐦᒋ ᓇᒪᐃᐧᔭ ᑭᓀᐧᐢ ᑭ ᐊᔮᐊᐧᐠ;
[24] ᒫᑲ ᐃᐧᔭ ᒋᑫᒫ ᑳᑭᑫ ᐁ ᐊᔮᐟ ᐊᔮᐤ ᐊᔭᒥᐦᐁᐃᐧᔨᓂᐃᐧᐃᐧᐣ ᐁᑳ ᐃᐧᑳᐨ ᐱᑐᐢ ᐁ ᐃᓯ ᐊᔮᐠ.
[25] ᐁᐊᐧᑯ ᐅᐦᒋ ᒫᑲ ᑲᐢᑭᑖᐤ ᒥᓇ ᑭᑕ ᐱᒫᒋᐦᐋᐟ ᑭᓯᐸᓄᕽ ᐃᐢᑯ ᐊᓂᐦᐃ ᑳ ᐯ ᓈᑖᔨᐟ ᑭᓭᒪᓂᑐᐊᐧ ᐃᐧᔭ ᐁ ᐊᐢᐯᔨᒧᑐᑖᑯᐟ, ᒋᑫᒫ ᑳᑭᑫ ᐱᒫᑎᓯᐤ ᑭᑕ ᓇᑐᑌᐢᑕᒪᐋᐧᐟ.
[26] ᐁᑯᑐᐊᐧ ᒫᑲ ᑭᐦᒋ ᐊᔭᒥᐦᐁᐃᐧᔨᓂᐤ ᑳ ᓇᐃᐢᑳᑯᔭᕽ, ᐁ ᑲᓈᑎᓯᐟ, ᐁᑳ ᐁ ᑲᔦᔨᓯᐟ, ᐁ ᐯᑭᓯᐟ, ᐁᑳ ᐁ ᐃᐧᒉᐋᐧᐟ ᑳ ᒪᒑᔨᐃᐧᔨᐟ, ᒥᓇ ᑳ ᐃᓯᐃᐦᐟ ᐊᐊᐧᓯᒣ ᐃᐢᐱᒥᕽ ᐃᔨᑯᕽ ᑭᓯᑯᕽ;
[27] ᐁᑳ ᑳ ᓇᑕᐁᐧᔨᑖᑲᐧᓂᔨᐠ ᑖᐱᐢᑯᐨ ᐊᓂᑭ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᑭᑕ ᐸᑭᑎᓇᕽ ᒪᒍᐢᑌᐊᒫᑫᐃᐧᓇ, ᓂᑳᐣ ᐃᐧᔭ ᐅ ᒪᒋᑎᐃᐧᓇ ᐅᐦᒋ, ᐁᑲᐧ ᒫᑲ ᐊᔨᓯᔨᓂᐊᐧ ᐅ ᒪᒋᑎᐃᐧᓂᔨᐊᐧ ᐅᐦᒋ; ᒋᑫᒫ ᐅᒪ ᑭ ᐃᑐᑕᑦ ᐯᔭᑳᐧᐤ ᒫᒪᐃᐧ ᐃᐢᐱ ᑳ ᐸᑭᑎᓂᓱᐟ ᐃᐧᔭ.
[28] ᐊᔨᐢ ᐃᐧᔭ ᐅᔭᓱᐁᐧᐃᐧᓂᕽ ᐅᔭᑭᒫᐊᐧᐠ ᑭᑕ ᑭᐦᒋ ᐊᔭᒥᐦᐁᐃᐧᔨᓂᐃᐧᒋᐠ ᐊᔨᓯᔨᓂᐊᐧᐠ ᐁ ᓀᓱᐃᐧᓯᒋᐠ; ᒫᑲ ᑳ ᐃᑌᐧᒪᑲᕽ ᑭᐦᒋ ᐃᑌᐧᐃᐧᐣ, ᒣᐧᐢᑕᐢ ᐃᔨᑯᕽ ᐁ ᑭ ᐊᔮᐠ ᐅᔭᓱᐁᐧᐃᐧᐣ, ᐅᔭᑭᒥᐠ ᐅᑯᓯᓯᒫᐤ ᑳ ᒪᒥᑐᓂᐃᐦᐟ ᑳᑭᑫ.