<Hebrews ᐃᐸᕒᐅᐊᐧ 8

[1] ᐊᓂᐦᐃ ᒫᑲ ᑳ ᐃᑌᐧᔮᕽ ᐁᐊᐧᑯ ᐅᒪ ᑭᐦᒋ; ᑭᐟ ᐊᔮᐋᐧᓇᐤ ᐁᑯᑐᐊᐧ ᑭᐦᒋ ᐊᔭᒥᐦᐁᐃᐧᔨᓂᐤ ᑳ ᑭ ᓇᐦᐊᐱᐟ ᑭᐦᒋᓂᐢᑭᕽ ᐃᑌᑫ ᐅ ᑭᐦᒋ ᐊᐱᐃᐧᐣ ᒫᒪᐁᐧᔭᐢ ᑳ ᑭᐦᒑᔨᐃᐧᐟ ᑭᐦᒋ ᑭᓯᑯᕽ,

[2] ᐅᐸᒥᐢᑖᑫᐤ ᐃᑕ ᐁ ᑲᓈᑕᓂᔨᐠ, ᒥᓇ ᐊᓂᒪ ᑖᐯᐧ ᐊᔭᒥᐦᐋᐃᐧ ᒥᑭᐋᐧᐦᑊ, ᑳ ᑎᐯᔨᐦᒋᑫᐟ ᑳ ᑭ ᐅᔭᐢᑭᑖᐟ ᓇᒪᐃᐧᔭ ᐊᔨᓯᔨᓂᐤ.

[3] ᒋᑫᒫ ᑲᐦᑭᔭᐤ ᑭᐦᒋ ᐊᔭᒥᐦᐁᐃᐧᔨᓂᐤ ᐅᔭᑭᒫᐤ ᑭᑕ ᐸᑭᑎᓇᕽ ᑖᐱᐢᑯᐨ ᐸᑭᑎᓈᓱᐃᐧᓇ ᒥᓇ ᒪᒍᐢᑌᐊᒫᑫᐃᐧᓇ; ᐁᑯᓯ ᒫᑲ ᑭ ᐃᑕᐢᑌᐤ ᐊᐊᐧ ᑭᐦᒋ ᐊᔭᒥᐦᐁᐃᐧᔨᓂᐤ ᒥᓇ ᑭᑕ ᐊᔮᐟ ᑫᑲᐧᐩ ᑭᑕ ᐸᑭᑎᓂᑫᐟ.

[4] ᑭᐢᐱᐣ ᒫᑲ ᑫᔮᐱᐨ ᐊᐢᑭᕽ ᐊᔮᐟ ᓇᒪᐃᐧᔭ ᑭᑖ ᐊᔭᒥᐦᐁᐃᐧᔨᓂᐃᐧᐤ, ᒋᑫᒫ ᐃᐦᑖᐊᐧᐠ ᐊᓂᑭ ᑳ ᐸᑭᑎᓂᑫᒋᐠ ᐁ ᐃᑕᐢᑌᐠ ᐅᔭᓱᐁᐧᐃᐧᐣ;

[5] ᑳ ᐊᑐᐢᑳᑕᐦᑭᐠ ᒫᑲ ᐊᓂᒪ ᐁ ᑭᐢᑭᓂᐋᐧᒋ ᐊᔮᑭ ᒥᓇ ᐁ ᒋᑳᐢᑌᑎᑭ ᐊᓂᐦᐃ ᑭᐦᒋ ᑭᓯᑯᕽ ᑳ ᐊᔮᑭ, ᑖᐱᐢᑯᐨ ᒧᓯᐢ ᑳ ᑭ ᐃᓯ ᐊᔮᑳᐧᒥᒥᑯᐟ ᑭᓭᒪᓂᑐᐊᐧ ᐃᐢᐱ ᐁ ᐃᐧ ᒫᒋ ᐅᓯᑖᐟ ᐊᔭᒥᐦᐁᐃᐧ ᒥᑭᐋᐧᐦᑊ; ᒋᑫᒫ ᓈᑲᑌᔨᑕ ᑭ ᐃᑎᐠ, ᑭᑕ ᐃᓯᑖᔭᐣ ᑲᐦᑭᔭᐤ ᑫᑲᐧᐩ ᐁ ᐃᓯᓈᑳᐧᕽ ᑳ ᑭ ᐋᐧᐸᐦᑕᐃᑲᐃᐧᔭᐣ ᐊᐧᒋᕽ.

[6] ᒫᑲ ᐁᑲᐧ ᑭ ᒥᔮᐤ ᐸᒥᐢᑖᑫᐃᐧᐣ ᐊᐊᐧᓯᒣ ᐁ ᑭᐦᒉᔨᑖᑲᐧᕽ, ᐁᑯᔨᑯᕽ ᒫᑲ ᓇᑐᑌᐢᑕᒫᑫᐤ ᐊᐊᐧᓯᒣ ᐁ ᑭᐦᒉᔨᑖᑲᐧᓂᔨᐠ ᐃᐧᒋ ᐃᓯᐦᒋᑫᒥᑐᐃᐧᐣ ᑳ ᑭ ᐅᔭᐢᑖᕽ ᐊᐊᐧᓯᒣ ᑭᐦᒋ ᐊᓱᑕᒫᑫᐃᐧᓂᕽ.

[7] ᒋᑫᒫ ᑭᐢᐱᐣ ᐊᓂᒪ ᓂᐢᑕᑦ ᐁᑳ ᑭ ᓄᑌᐸᔨᐠ ᓇᒪᐃᐧᔭ ᑭᑕ ᑭ ᐃᑕᐢᑌᐤ ᑭᑕ ᓇᑐᓂᑳᑌᐠ ᑯᑕᐠ.

[8] ᒋᑫᒫ ᐁ ᐋᑕᐁᐧᔨᑕᕽ ᐃᑌᐧᐤ, ᒫᑎᑲ, ᐊᓂᐦᐃ ᑭᓯᑳᐊᐧ ᐹᐸᔨᐊᐧ ᐃᑌᐧᐤ ᑳ ᑎᐯᔨᐦᒋᑫᐟ, ᐃᑕ ᑫ ᐅᐢᑭ ᐊᓱᑕᒪᐊᐧᑭᐠ ᐊᓂᑭ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ ᒥᓇ ᐅ ᐋᐧᐢᑳᐦᐃᑲᓂᕽ ᒍᑕ;

[9] ᓇᒪᐃᐧᔭ ᑖᐱᐢᑯᐨ ᑳ ᑭ ᐃᓯ ᐊᓱᑕᒫᒪᐠ ᐅᑖᐃᐧᐋᐧᐊᐧ ᐊᓂᒪ ᐁ ᑭᓯᑳᐠ ᑳ ᑭ ᓴᑭᓂᐢᑫᓇᑭᐠ ᑭᑕ ᓯᐯᐧᑕᐊᑭᐠ ᐃᒋᑊᐟ ᐊᐢᑭᕽ ᐅᐦᒋ; ᒋᑫᒫ ᓇᒪᐃᐧᔭ ᑭ ᒥᒋᒥᓇᒪᐧᐠ ᑳ ᑭ ᐃᓯ ᐊᓱᑕᒪᐊᐧᑭᐠ, ᐁᑯᓯ ᒫᑲ ᓇᒪᐃᐧᔭ ᓂ ᐸᐱᓯᐢᑫᔨᒫᐊᐧᐠ ᐃᑌᐧᐤ ᑳ ᑎᐯᔨᐦᒋᑫᐟ.

[10] ᒫᑲ ᐁᐊᐧᑯ ᐅᒪ ᑫ ᐃᓯ ᐊᓱᑕᒪᐊᐧᑭᐠ ᐊᓂᑭ ᐅ ᐋᐧᐢᑳᐃᑲᓂᕽ ᐃᐢᕒᐁᐃᓬ ᒣᐧᐢᑕᐢ ᐃᔨᑯᕽ ᐁᐊᐧᑯᓂ ᑭᓯᑳᐊᐧ, ᐃᑌᐧᐤ ᑳ ᑎᐯᔨᐦᒋᑫᐟ; ᓂ ᑲ ᐊᐢᑖᐋᐧᐣ ᓄᔭᓱᐁᐧᐃᐧᓇ ᐅ ᒥᑐᓀᔨᒋᑲᓂᐋᐧᕽ, ᒥᓇ ᐅᑌᐃᐋᐧᕽ ᓂ ᑲ ᒪᓯᓇᐦᐊᒫᐧᐣ; ᐁᑯᓯ ᓂᔮ ᑭᑕ ᐅ ᑭᓭᒪᓂᑐᒥᐊᐧᐠ, ᐃᐧᔭᐋᐧᐤ ᒫᑲ ᓂ ᑲ ᐅᐟ ᐃᔨᓂᒥᐣ;

[11] ᓇᒪᐃᐧᔭ ᒫᑲ ᑲᑖᐨ ᑲᐦᑭᔭᐤ ᐊᐃᐧᔭᐠ ᑭᑕ ᑭᐢᑭᓄᐦᐊᒫᐁᐧᐤ ᐃᐧᒋ ᐊᔨᓯᔨᓂᐊᐧ, ᒥᓇ ᑲᐦᑭᔭᐤ ᐊᐃᐧᔭᐠ ᐅᒋᐋᐧᒪ ᐁ ᐃᑌᐧᐟ ᑭᐢᑫᔨᒥᕽ ᑳ ᑎᐯᔨᐦᒋᑫᐟ; ᒋᑫᒫ ᑲᐦᑭᔭᐤ ᓂ ᑲ ᑭᐢᑫᔨᒥᑲᐧᐠ, ᐁ ᒫᐊᐧᒋ ᐊᐱᐢᑌᔨᑖᑯᓯᐟ ᐅᐦᒋ ᐱᔨᐢ ᐁ ᒫᐊᐧᒋ ᑭᐦᒑᔨᐃᐧᐟ.

[12] ᒋᑫᒫ ᓂ ᑲ ᑭᑎᒫᑭᓇᒫᐧᐣ ᐅ ᐊᐧᓂᑐᑕᒧᐃᐧᓂᐋᐧᐊᐧ, ᒥᓇ ᐅ ᒪᒋᑎᐃᐧᓂᐋᐧᐊᐧ ᓇᒪᐃᐧᑳᐨ ᒥᓇ ᓂ ᑲ ᑭᐢᑭᓯᑐᑕᒫᐧᐣ.

[13] ᐊᓂᒪ ᒫᑲ ᑳ ᐃᑌᐧᐟ ᐁ ᐅᐢᑭ ᐊᓱᑕᒪᐋᐧᐟ ᐁᐊᐧᑯ ᐊᓂᒪ ᐁ ᐃᓯᑖᐟ ᐊᓂᒪ ᓂᐢᑕᑦ ᑭᑕ ᑲᔮᓵᔨᐊᐧᓂᔨᐠ. ᐊᓂᒪ ᒫᑲ ᑳ ᐊᑎ ᑲᔮᓵᔨᐋᐧᕽ ᒥᓇ ᑳ ᐊᑎ ᑭᓭᔨᓂᐃᐧᒪᑲᕽ ᐯᓵᐸᑕᒧᒪᑲᐣ ᑭᑕ ᓇᒪᑕᑲᐧᕽ.