<1 John ᓂᐢᑕᑦ ᒑᐣ 1

[1] ᐊᓇ ᒥᒋᒫᐨ ᐅᐦᒋ ᑳ ᑭ ᐊᔮᐟ, ᐊᓇ ᑳ ᑭ ᐯᑕᐋᐧᔮᕽ, ᐊᓇ ᑳ ᑭ ᐋᐧᐹᒫᔮᕽ ᓂᐢᑭᓯᑯᓈᓇ ᐅᐦᒋ, ᑳ ᑭ ᑲᓇᐋᐧᐸᒫᔮᕽ, ᒥᓇ ᑳ ᑭ ᓵᒥᓈᔮᕽ, ᐱᒫᑎᓯᐃᐧ ᐃᑌᐧᐃᐧᐣ ᐅᐦᒋ

[2] (ᐱᒫᑎᓯᐃᐧᐣ ᒫᑲ ᑭ ᓄᑯᓯᐤ, ᒥᓇ ᓂ ᑭ ᐋᐧᐸᒫᓈᐣ ᒥᓇ ᓂᐟ ᐋᒋᒫᓈᐣ ᒥᓇ ᑭ ᐃᐧᐦᑕᒫᑎᓈᐣ ᐊᓇ ᐱᒫᑎᓯᐃᐧᐣ, ᐊᓇ ᑳᑭᑫ ᐱᒫᑎᓯᐃᐧᐣ, ᑳ ᑭ ᐃᐧᒋ ᐊᔮᒥᑯᐟ ᐁᐧᔪᑖᐃᐧᕽ, ᒥᓇ ᑳ ᑭ ᐋᐧᐸᐦᑕᐃᑲᐃᐧᔮᕽ);

[3] ᐊᓇ ᑳ ᑭ ᐋᐧᐸᒫᔮᕽ ᒥᓇ ᑳ ᑭ ᐯᑕᐋᐧᔮᕽ ᑭ ᐃᐧᐦᑕᒫᑎᓈᐣ ᑭᔭᐋᐧᐤ ᒥᓇ, ᑭᐢᑕᐋᐧᐤ ᑭᑕ ᐃᐧᒉᐃᐧᔮᕽ; ᐁᐦᐁ, ᐁᑯᓯ ᒫᑲ ᑭ ᐃᐧᒉᐋᐧᓇᐤ ᒥᓇ ᐁᐧᔪᑖᐃᐧᕽ ᒥᓇ ᐅᑯᓯᓴ ᒋᓴᐢ ᙭;

[4] ᐅᐦᐃ ᒫᑲ ᑭ ᒪᓯᓇᐦᐊᒫᑎᓈᐣ ᑭ ᒪᒪᐦᑖᑯᓯᐃᐧᓂᐋᐧᐤ ᒥᑐᓂ ᑭᑕ ᑎᐱᐸᔨᐠ.

[5] ᐁᐊᐧᑯ ᒫᑲ ᐅᒪ ᐃᑌᐧᐃᐁᐧᐃᐧᐣ ᑳ ᑭ ᐯᑕᒧᐃᑯᔮᕽ ᒥᓇ ᑳ ᐃᐧᐦᑕᒫᑖᕽ ᑭᓭᒪᓂᑐ ᐁ ᐋᐧᐢᑌᐃᐧᓂᐃᐧᐟ ᒥᓇ ᐃᐧᔭ ᐁᑳ ᓈᐣᑕᐤ ᐊᐧᓂᑎᐱᐢᑳᐤ ᐁ ᑭᑭᐢᑳᑯᐟ.

[6] ᑭᐢᐱᐣ ᓂ ᐃᐧᒉᐋᐧᐤ ᑭᐟ ᐃᑖᐧᓈᓇᐤ ᐁ ᐱᒧᐦᑌᔭᕽ ᒫᑲ ᐊᐧᓂᑎᐱᐢᑳᕽ, ᑭ ᑭᔮᐢᑭᓈᓇᐤ ᒥᓇ ᓇᒪᐃᐧᔭ ᑖᐯᐧᐃᐧᐣ ᑭᐟ ᐃᑐᑎᓈᓇᐤ;

[7] ᒫᑲ ᑭᐢᐱᐣ ᐋᐧᐢᑌᕽ ᑭ ᐱᒧᑖᓈᓇᐤ ᑖᐱᐢᑯᐨ ᐃᐧᔭ ᐋᐧᐢᑌᕽ ᑳ ᐊᔮᐟ ᑯᐃᐧᒉᐋᐧᑲᓂᑐᓈᓇᐤ ᒥᓇ ᐅ ᒥᐦᑯ ᒋᓴᐢ ᐅᑯᓯᓴ ᑭ ᐯᑭᐃᑯᐋᐧᓈᓇᐤ ᑲᐦᑭᔭᐤ ᒪᒋᐃᑎᐃᐧᓂᕽ ᐅᐦᒋ.

[8] ᑭᐢᐱᐣ ᓇᒪᐃᐧᔭ ᓂᐟ ᐊᔮᓈᐣ ᒪᒋᐃᑎᐃᐧᐣ ᑭᐟ ᐃᑖᐧᓈᓇᐤ ᑭ ᒋᓯᒥᓱᓇᐤ ᒥᓇ ᓇᒪᐃᐧᔭ ᑖᐯᐧᐃᐧᐣ ᑭ ᑭᑭᐢᑳᑯᓈᓇᐤ.

[9] ᒫᑲ ᑭᐢᐱᐣ ᑭᐟ ᐋᒋᒧᓈᓇᐤ ᑭ ᒪᒋᐃᑎᐃᐧᓂᓇᐊᐧ ᐃᐧᔭ ᑖᐯᐧᐤ ᒥᓇ ᑲᐧᔭᐢᑳᐧᑎᓯᐤ ᑭᑕ ᐊᓭᓇᒫᑕᕽ ᑭ ᒪᒋᑎᐃᐧᓂᓇᐊᐧ ᒥᓇ ᑭᑕ ᐯᑭᐃᑯᔭᕽ ᑲᐦᑭᔭᐤ ᐁᑳ ᑲᐧᔭᐢᑳᐧᑎᓯᐃᐧᐣ ᐅᐦᒋ.

[10] ᑭᐢᐱᐣ ᑭᐟ ᐃᑖᐧᓈᓇᐤ ᐁᑳ ᐁ ᑭ ᐅᐦᒋ ᒪᒋᐃᑎᔭᕽ ᑭᔮᐢᑭᐢᐠ ᑭᐟ ᐃᓯᐦᐋᓇᐤ ᐁᑯᓯ ᐅᐟ ᐃᑌᐧᐃᐧᐣ ᓇᒪᐃᐧᔭ ᑭ ᑭᑭᐢᑳᑯᐋᐧᓇᐤ.