[1] ᓂᐟ ᐊᐱᐢᑕᐋᐧᓯᓯᒥᑎᐠ ᐅᐦᐃ ᑭ ᒪᓯᓇᐦᐊᒫᑎᓈᐋᐧᐤ ᐁᑳ ᑭᑕ ᒪᒋᑐᑕᒣᐠ. ᑭᐢᐱᐣ ᒫᑲ ᐊᐃᐧᔭᐠ ᐊᔨᓯᔨᓂᐤ ᒪᒋᑐᑕᑭ ᑭᐟ ᐊᔮᐋᐧᓇᐤ ᐅᓇᑐᑌᐢᑕᒫᑫᐤ ᐃᑕ ᐁ ᐊᔮᐟ ᐁᐧᔪᑖᐃᐧᕽ, ᒋᓴᐢ ᙭ ᐅᑲᐧᔭᐢᑳᐧᑎᓯᐤ;
[2] ᐁᑯᓯ ᐃᐧᔭ ᑳ ᑎᐸᐦᐃᑫᐢᑕᒫᑯᔭᕽ ᑭ ᒪᒋᑎᐃᐧᓂᓇᐊᐧ; ᓇᒪᐃᐧᔭ ᒫᑲ ᑭᔮᓇᐤ ᐱᑯ ᒫᑲ ᒥᓯᐁᐧ ᐊᐢᑭ ᒥᓇ.
[3] ᐁᑯᑕ ᒫᑲ ᐅᐦᒋ ᑭ ᑭᐢᑫᔨᑌᓈᓇᐤ ᐁ ᑭᐢᑫᔨᒫᔭᕽ, ᑭᐢᐱᐣ ᑭ ᑲᓇᐁᐧᔨᑕᒫᐧᓇᐤ ᐅᔭᓱᐁᐧᐃᐧᓇ.
[4] ᐊᓇ ᑳ ᐃᑌᐧᐟ, ᓂ ᑭᐢᑫᔨᒫᐤ, ᐁᑳ ᒫᑲ ᐁ ᑲᓇᐁᐧᔨᑕᒫᐧᐟ ᐅᔭᓱᐁᐧᐃᐧᓂᔨᐊᐧ, ᑭᔮᐢᑭᐤ ᒥᓇ ᑖᐯᐧᐃᐧᐣ ᓇᒪᐃᐧᔭ ᑭᑭᐢᑳᐠ;
[5] ᒫᑲ ᐊᐃᐧᔭ ᐁ ᑲᓇᐁᐧᔨᑕᒥᔨᐟ ᐅᐟ ᐃᑌᐧᐃᐧᐣ ᐁᐊᐧᑯ ᑖᐯᐧ ᑭᑭᐢᑳᐠ ᐁ ᒪᒥᑐᓂᒪᑲᓂᔨᐠ ᐅ ᓵᑭᐦᐃᐁᐧᐃᐧᐣ ᑭᓭᒪᓂᑐ. ᐁᑯᑕ ᐅᐦᒋ ᑭ ᑭᐢᑫᔨᑌᓈᓇᐤ ᐁ ᑭᑭᐢᑳᑯᔭᕽ;
[6] ᐊᓇ ᑳ ᐃᑌᐧᐟ ᐁ ᑭᑭᐢᑳᑯᐟ ᐃᐧᔭ ᐃᑕᐢᑌᔨᐤ ᑭᑕ ᐃᓯ ᐱᒧᐦᑌᐟ ᑳ ᑭ ᐃᓯ ᐱᒧᐦᑌᔨᐟ.
[7] ᓯᔮᑭᐦᐃᑕᑯᐠ ᓇᒪᐃᐧᔭ ᐅᐢᑭ ᐅᔭᓱᐁᐧᐃᐧᐣ ᑭ ᒪᓯᓇᐦᐊᒫᑎᓈᐋᐧᐤ, ᒫᑲ ᑲᔮᐢ ᐅᔭᓱᐁᐧᐃᐧᐣ ᒥᒋᒫᐨ ᐅᐦᒋ ᑳ ᑭ ᐊᔮᔦᐠ; ᐁᐊᐧᑯ ᑲᔮᐢ ᐅᔭᓱᐁᐧᐃᐧᐣ ᐊᓂᒪ ᐃᑌᐧᐃᐧᐣ ᑳ ᑭ ᐯᐦᑕᒣᐠ.
[8] ᒥᓇ, ᐅᐢᑭ ᐅᔭᓱᐁᐧᐃᐧᐣ ᑭ ᒪᓯᓇᐦᐊᒫᑎᓈᐋᐧᐤ ᐁᑯᓯ ᐁᐊᐧᑯ ᑖᐯᐧᒪᑲᐣ ᐃᐧᔭ ᒥᓇ ᑭᔭᐋᐧᐤ ᐅᐦᒋ; ᒋᑫᒫ ᐊᐧᓂᑎᐱᐢᑳᐤ ᐊᑎ ᓯᐯᐧᐸᔨᐤ, ᒥᓇ ᑖᐯᐧ ᐋᐧᐢᑌᐤ ᓵᓴᐩ ᒐᐦᑳᐢᑌᐤ.
[9] ᐊᓇ ᑳ ᐃᑌᐧᐟ ᐋᐧᐢᑌᕽ ᐁ ᐊᔮᐟ ᐁᑯᓯ ᐁ ᐸᑳᐧᑖᐟ ᐅᒋᐋᐧᒪ ᐊᐧᓂᑎᐱᐢᑳᕽ ᐊᔮᐤ ᐊᐦᐳ ᐱᔨᐢ ᐊᓄᐦᐨ.
[10] ᐊᓇ ᑳ ᓵᑭᐋᐟ ᐅᒋᐋᐧᒪ ᐋᐧᐢᑌᕽ ᐊᔮᐤ, ᓇᒪᐃᐧᔭ ᒫᑲ ᑫᑲᐧᐩ ᑭᑭᐢᑳᐠ ᑭᑕ ᐅᐦᒋ ᐱᓱᑫᓯᕽ.
[11] ᒫᑲ ᐊᓇ ᑳ ᐸᑳᐧᑖᐟ ᐅᒋᐋᐧᒪ ᐊᐧᓂᑎᐱᐢᑳᕽ ᐊᔮᐤ ᒥᓇ ᐱᒧᐦᑌᐤ ᐊᐧᓂᑎᐱᐢᑳᕽ ᒥᓇ ᓇᒪᐃᐧᔭ ᑭᐢᑫᔨᑕᑦ ᐃᑌ ᐁᑐᑌᐟ ᒋᑫᒫ ᐁ ᐊᐧᓂᑎᐱᐢᑳᔨᐠ ᓇᒪᐃᐧᔭ ᐋᐧᐸᐦᑕᒫᐤ ᐅᐢᑭᓯᑲᐧ ᐅᐦᒋ
[12] ᑭ ᒪᓯᓇᐦᐊᒫᑎᓈᐋᐧᐤ ᐊᐱᐢᑕᐋᐧᓯᓯᑎᐠ ᒋᑫᒫ ᑭ ᒪᒋᑎᐃᐧᓂᐋᐧᐊᐧ ᑭ ᐳᓀᔨᑕᒫᑲᐃᐧᓈᐋᐧᐤ ᐅ ᐃᐧᔪᐃᐧᐣ ᐅᐦᒋ.
[13] ᑭ ᒪᓯᓇᐦᐊᒫᑎᓈᐋᐧᐤ ᐅᑖᐃᐧᒫᑎᐠ, ᒋᑫᒫ ᑭ ᑭᐢᑫᔨᒫᐋᐧᐤ ᐊᓇ ᑳ ᐊᔮᐟ ᒥᒋᒫᐨ ᐅᐦᒋ. ᑭ ᒪᓯᓇᐦᐊᒫᑎᓈᐋᐧᐤ ᐅᐢᑭᓂᑭᑎᐠ, ᒋᑫᒫ ᑭ ᑭ ᓵᑯᒋᐋᐋᐧᐤ ᒪᒑᔭ. ᑭ ᑭ ᒪᓯᓇᐦᐊᒫᑎᓈᐋᐧᐤ ᐊᐱᐢᑕᐋᐧᓯᓯᑎᐠ, ᒋᑫᒫ ᐁ ᑭᐢᑫᔨᒫᔦᐠ ᐁᐧᔪᑖᐃᐧᕽ.
[14] ᑭ ᑭ ᒪᓯᓇᐦᐊᒫᑎᓈᐋᐧᐤ ᐅᑖᐃᐧᒫᑎᐠ, ᒋᑫᒫ ᑭ ᑭᐢᑫᔨᒫᐋᐧᐤ ᐊᓇ ᑳ ᐊᔮᐟ ᒥᒋᒫᐨ ᐅᐦᒋ. ᑭ ᑭ ᒪᓯᓇᐦᐊᒫᑎᓈᐋᐧᐤ ᐅᐢᑭᓂᑭᑎᐠ, ᒋᑫᒫ ᑭ ᒪᐢᑲᐃᐧᓯᓈᐋᐧᐤ ᒥᓇ ᐅᐟ ᐃᑌᐧᐃᐧᐣ ᑭᓭᒪᓂᑐ ᑭ ᑭᑭᐢᑳᑯᐋᐧᓈᐋᐧᐤ ᒥᓇ ᑭ ᑭ ᓵᑯᒋᐋᐋᐧᐤ ᒪᒑᔭ.
[15] ᐁᑳᐃᐧᔭ ᓵᑭᑖᐠ ᐊᐢᑭ ᐊᐦᐳ ᐊᓂᐦᐃ ᐊᐢᑭᕽ ᑳ ᐊᔮᑭ. ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᓵᑭᑖᒋ ᐊᐢᑭ ᐅ ᓵᑭᐦᐃᐁᐧᐃᐧᓂᔨᐤ ᐁᐧᔪᑖᐃᐧᕽ ᓇᒪᐃᐧᔭ ᑭᑭᐢᑳᐠ
[16] ᒋᑫᒫ ᑲᐦᑭᔭᐤ ᐊᐢᑭᕽ ᑳ ᐊᔮᐠ, ᑳ ᐃᓯ ᒪᒋ ᒧᐢᑕᐁᐧᔨᑕᒧᒪᑲᕽ ᐃᐧᔮᓯᐃᐧᐃᐧᐣ ᒥᓇ ᑳ ᐃᓯ ᒪᒋ ᒧᐢᑕᐁᐧᔨᑕᒧᒪᑲᑭ ᒥᐢᑭᓯᑲᐧ ᒥᓇ ᐱᑯᓇᑕ ᑲᑭᐦᒋᒧᐃᐧᐣ ᐱᒫᑎᓯᐃᐧᓂᕽ ᓇᒪᐃᐧᔭ ᐁᐧᔪᑖᐃᐧᕽ ᑳ ᐅᐦᒋᐸᔨᐠ ᒫᑲ ᐊᐢᑭᕽ.
[17] ᐁᑯᓯ ᐃᐧᔭ ᐊᐢᑭ ᐊᑎ ᓯᐯᐧᐸᔨᐤ ᒥᓇ ᐁ ᐃᓯ ᒪᒋ ᒧᐢᑕᐁᐧᔨᑕᒧᒪᑲᕽ; ᒫᑲ ᐃᐧᔭ ᑳ ᐃᑐᑕᕽ ᑭᓭᒪᓂᑐ ᐅᐟ ᐃᑌᔨᑕᒧᐃᐧᐣ ᑳᑭᑫ ᐊᔮᐤ.
[18] ᐊᐱᐢᑕᐋᐧᓯᓯᑎᐠ, ᐁᐊᐧᑯ ᐅᒪ ᐃᐢᑳᐧᔮᐨ; ᐁᑯᓯ ᑳ ᑭ ᐃᓯ ᐯᐦᑕᒣᐠ ᐋᐣᑎ᙭ ᑭᑕ ᑕᑯᓯᕽ ᓵᓴᐩ ᐁᑲᐧ ᒥᐦᒉᑎᐊᐧᐠ ᐋᐣᑎ᙭ᐊᐠ; ᐁᑯᑕ ᐅᐦᒋ ᑭ ᑭᐢᑫᔨᑌᓈᓇᐤ ᐁᐊᐧᑯ ᐅᒪ ᐃᐢᑳᐧᔮᐨ.
[19] ᑭᔮᓇᐤ ᐃᑕ ᐁ ᐊᔮᔭᕽ ᑭ ᐅᐦᒋ ᐊᐧᔭᐃᐧᐊᐧᐠ, ᒫᑲ ᓇᒪᐃᐧᔭ ᑭᔮᓇᐤ ᐁ ᐅ ᐃᐧᒉᐋᐧᑲᓂᔭᕽ; ᒋᑫᒫ ᑭᐢᐱᐣ ᑭ ᐅ ᐃᐧᒉᐋᐧᑲᓂᔭᕽ ᑫᔮᐱᐨ ᑭ ᑲ ᑭ ᐃᐧᒋ ᐊᔮᒥᑯᑖᓇᐊᐧᐠ; ᒫᑲ ᑭ ᐊᐧᔭᐃᐧᐊᐧᐠ ᑭᑕ ᑭᐢᑫᔨᑖᑯᓯᒋᐠ ᐁᑳ ᑲᐦᑭᔭᐤ ᐁ ᐅ ᐃᐧᒉᐋᐧᑲᓂᔭᕽ.
[20] ᐁᑯᓯ ᐊᓇ ᑲᓈᒋ ᐊᔭ ᐅ ᑐᒥᓂᐁᐧᐃᐧᐣ ᑭᐟ ᐊᔮᐋᐧᓈᐋᐧᐤ ᒥᓇ ᑲᐦᑭᔭᐤ ᑫᑲᐧᐩ ᑭ ᑭᐢᑫᔨᑌᓈᐋᐧᐤ.
[21] ᓇᒪᐃᐧᔭ ᐁᑳ ᐁ ᑭᐢᑫᔨᑕᒣᐠ ᑖᐯᐧᐃᐧᐣ ᑳ ᐅᐦᒋ ᒪᓯᓇᐦᐊᒫᑕᑯᐠ ᒫᑲ ᐁ ᑭᐢᑫᔨᑕᒣᐠ ᒥᓇ ᒋᑫᒫ ᓇᒪᐃᐧᔭ ᑭᔮᐢᑭᐃᐧᐣ ᑖᐯᐧᐃᐧᓂᕽ ᐅᐦᒋᒪᑲᐣ.
[22] ᐊᐁᐧᓇ ᐊᓇ ᐅᑭᔮᐢᑭᐢᑭᐤ ᐱᑯ ᐊᓇ ᑳ ᐋᓀᐧᑕᕽ ᒋᓴᐢ ᐁᐊᐧᑯ ᙭? ᐁᐊᐧᑯ ᐊᓇ ᐋᐣᑎ᙭ ᐊᓇ ᑳ ᐋᓀᐧᑕᐋᐧᐟ ᐁᐧᔪᑖᐃᐧᕽ ᒥᓇ ᐅᑯᓯᓯᒫᐊᐧ.
[23] ᐱᑯ ᐊᐃᐧᔭᐠ ᐋᓀᐧᑕᐋᐧᒋ ᐅᑯᓯᓯᒫᐊᐧ ᐁᐊᐧᑯ ᓇᒪᐃᐧᔭ ᐊᔮᐁᐧᐤ ᐁᐧᔪᑖᐃᐧᕽ; ᐊᓇ ᑳ ᐋᒋᒫᐟ ᐅᑯᓯᓯᒪᐊᐧ ᐊᔮᐁᐧᐤ ᒥᓇ ᐁᐧᔪᑖᐃᐧᕽ.
[24] ᑭᔭᐋᐧᐤ ᒫᑲ ᐃᐧᔭ ᑭᔮᑦ ᐊᓂᒪ ᑭ ᑲ ᑭᑭᐢᑳᑯᓈᐋᐧᐤ ᑳ ᑭ ᐯᐦᑕᒣᐠ ᒥᒋᒫᐨ ᐅᐦᒋ. ᑭᐱᐣ ᐊᓂᒪ ᑳ ᑭ ᐯᐦᑕᒣᐠ ᒥᒋᒫᐨ ᐅᐦᒋ ᑭᑭᐢᑳᑯᔦᑯ ᑭᔭᐋᐧᐤ ᒥᓇ ᑭ ᑲ ᑭᑭ ᐊᔮᐃᐧᑯᐋᐧᐤ ᐅᑯᓯᓯᒫᐤ ᒥᓇ ᐁᐧᔪᑖᐃᐧᕽ.
[25] ᐁᐊᐧᑯ ᒫᑲ ᐅᒪ ᐊᓱᑕᒫᑫᐃᐧᐣ ᑳ ᑭ ᐊᓱᑕᒫᑯᔭᕽ ᐊᓂᒪ ᑳᑭᑫ ᐱᒫᑎᓯᐃᐧᐣ.
[26] ᐅᐦᐃ ᑭ ᑭ ᒪᓯᓇᐦᐊᒫᑎᓈᐋᐧᐤ ᐊᓂᑭ ᐅᐦᒋ ᑳ ᐃᐧ ᐊᐧᓂᓯᓄᑕᐃᑯᔦᑯᐠ.
[27] ᐁᑯᓯ ᑭᔭᐋᐧᐤ ᐃᐧᔭ ᐊᓂᒪ ᑐᒥᓂᐁᐧᐃᐧᐣ ᑳ ᑭ ᒥᔨᑯᔦᐠ ᑭ ᑭᑭᐢᑳᑯᓈᐋᐧᐤ ᐁᑯᓯ ᓇᒪᐃᐧᔭ ᓇᑕᐁᐧᔨᑖᑲᐧᐣ ᐊᐃᐧᔭᐠ ᑭᑕ ᑭᐢᑭᓄᐦᐊᒫᑯᔦᐠ; ᒫᑲ ᐊᓂᒪ ᐅ ᑐᒥᓂᐁᐧᐃᐧᐣ ᑭ ᑭᐢᑭᓄᐦᐊᒫᑯᓈᐋᐧᐤ ᒥᓇ ᐁ ᑖᐯᐧᒪᑲᕽ ᒥᓇ ᐁᑳ ᐁ ᑭᔮᐢᑭᐃᐧᓂᐊᐧᕽ, ᒥᓇ ᐁ ᑭ ᐃᓯ ᑭᐢᑭᓄᐦᐊᒫᑯᔦᐠ ᑭ ᑭᑭᐢᑳᑯᐋᐧᐤ.
[28] ᐁᑲᐧ ᒫᑲ ᐊᐱᐢᑕᐋᐧᓯᓯᑎᐠ ᑭᑭ ᐊᔮᒥᕽ; ᐁᑯᓯ ᑭᐢᐱᐣ ᑫ ᓄᑯᓯᑫᐧ, ᑭᑕ ᑭ ᐊᔮᔭᕽ ᓱᑫᔨᒧᐃᐧᐣ ᒥᓇ ᐁᑳ ᑭᑕ ᓇᓀᐯᐃᐧᓯᐢᑕᐋᐧᔭᕽ ᐃᐢᐱ ᑕᑯᓯᑭ.
[29] ᑭᐢᐱᐣ ᑭ ᑭᐢᑫᔨᑌᓈᐋᐧᐤ ᐁ ᑲᐧᔭᐢᑳᐧᑎᓯᐟ ᑭ ᑭᐢᑫᔨᑌᓈᐋᐧᐤ ᑲᐦᑭᔭᐤ ᐊᐃᐧᔭᐠ ᒥᓇ ᑳ ᐃᑐᑕᕽ ᑲᐧᔭᐢᑳᐧᑎᓯᐃᐧᐣ ᐁ ᓂᐦᑖᐃᐧᑭᐦᐃᑯᐟ.