[1] ᐁᑲᐧ ᒫᑲ ᐊᓂᐦᐃ ᑳ ᑭ ᐯ ᐅᐦᒋ ᒪᓯᓇᐦᐊᒪᐃᐧᔦᐠ: ᒥᔮᐧᓯᐣ ᐊᔨᓯᔨᓂᐤ ᑭᑕ ᐁᑳ ᓵᒥᓈᐟ ᐃᐢᑫᐧᐊᐧ.
[2] ᒫᑲ, ᐱᓯᑳᐧᑎᓯᐃᐧᐣ ᐅᐦᒋ, ᑭᔮᑦ ᑲᐦᑭᔭᐤ ᓈᐯᐤ ᑭᑕ ᐊᔮᐁᐧᐤ ᐃᐧᔭ ᑎᐱᔭᐤ ᐃᐧᐊᐧ, ᒥᓇ ᑭᔮᑦ ᑲᐦᑭᔭᐤ ᐃᐢᑫᐧᐤ ᑭᑕ ᐊᔮᐁᐧᐤ ᐃᐧᔭ ᑎᐱᔭᐤ ᐅ ᓈᐯᒪ.
[3] ᑭᔮᑦ ᓈᐯᐤ ᑭᑕ ᑎᐱᑐᑕᐁᐧᐤ ᐃᐧᐊᐧ: ᒥᓇ ᐃᐢᑫᐧᐤ ᐁᑯᓯ ᐃᓯ ᒥᓇ ᐅᓈᐯᒪ.
[4] ᐃᐢᑫᐧᐤ ᓇᒪᐃᐧᔭ ᑎᐯᔨᑕᑦ ᐃᐧᔭᐤ, ᒫᑲ ᐅ ᓈᐯᒪ ᑎᐯᔨᒥᐠ: ᐁᑯᓯ ᒥᓇ ᓈᐯᐤ ᓇᒪᐃᐧᔭ ᑎᐯᔨᑕᑦ ᐃᐧᔭᐤ, ᒫᑲ ᐃᐧᐊᐧ ᑎᐯᔨᒥᐠ.
[5] ᐁᑳᐃᐧᔭ ᒪᐢᑲᒋᐃᑐᐠ, ᐱᑯ ᑭᐢᐱᐣ ᓇᐢᑯᒥᑐᐃᐧᐣ ᐅᐦᒋ ᐊᒋᔭᐤ, ᑭᑕ ᑭ ᐸᑭᑎᓂᓱᔦᐠ ᐊᔭᒥᐦᐋᐃᐧᓂᕽ, ᐁᑯᓯ ᒥᓇ ᑭᑕ ᐃᐧᒉᑐᔦᐠ, ᐁᑳ ᓭᑕᐣ ᑭᑕ ᑯᑌᔨᒥᑯᔦᐠ ᑭ ᓀᓱᐃᐧᓯᐃᐧᓂᐋᐧᐤ ᐅᐦᒋ.
[6] ᐃᔨᓇᒫᑫᐃᐧᐣ ᒫᑲ ᐃᐧᔭ ᐅᒪ ᑳ ᐃᑌᐧᔮᐣ, ᓇᒪᐃᐧᔭ ᐅᔭᓱᐁᐧᐃᐧᐣ.
[7] ᓇᐊᐧᐨ ᒫᑲ ᐱᑕᓀ ᑲᐦᑭᔭᐤ ᐊᔨᓯᔨᓂᐤ ᐃᓯ ᐊᔮᐟ ᓂᔭ ᑳ ᐃᓯ ᐊᔮᔮᐣ. ᒫᑲ ᑲᐦᑭᔭᐤ ᐊᔨᓯᔨᓂᐤ ᐊᔮᐤ ᐁ ᐃᓯ ᒥᔨᑯᐟ ᑭᓭᒪᓂᑐᐊᐧ, ᐯᔭᐠ ᐅᒥᓯ ᐃᓯ, ᐁᑲᐧ ᑯᑕᐠ ᐱᑐᐢ ᐃᓯ.
[8] ᒫᑲ ᐁᑳ ᑳ ᐃᐧᑭᑐᒋᐠ ᒥᓇ ᓯᑳᐃᐧᐢᑫᐧᐊᐧᐠ ᐅᒥᓯ ᓂᐟ ᐃᑖᐊᐧᐠ, ᒥᔮᐧᓯᓂᔨᐤ ᑭᑕ ᐃᓯ ᐊᔮᒋᐠ ᑖᐱᐢᑯᐨ ᑳ ᐃᓯ ᐊᔮᔮᐣ.
[9] ᒫᑲ ᑭᐢᐱᐣ ᓇᒪᐃᐧᔭ ᐊᔮᐊᐧᐠ ᐊᔨᓵᐅᐃᐧᐣ, ᑭᔮᑦ ᑭᑕ ᐃᐧᑭᑐᐊᐧᐠ: ᒋᑫᒫ ᓇᐊᐧᐨ ᒥᔮᐧᓯᐣ ᑭᑕ ᐃᐧᑭᑐᕽ ᐃᔨᑯᕽ ᐃᐧᔭ ᑭᑕ ᑲᐢᑫᔨᑕᒥᕽ.
[10] ᒫᑲ ᑳ ᐃᐧᑭᑐᒋᐠ ᓂᐟ ᐊᔮᑳᐧᒥᒫᐊᐧᐠ, ᓇᒪᐃᐧᔭ ᒫᑲ ᓂᔭ, ᒫᑲ ᑳ ᑎᐯᔨᐦᒋᑫᐟ, ᐃᐢᑫᐧᐤ ᐁᑳ ᑭᑕ ᓇᑲᑖᐟ ᐅ ᓈᐯᒪ
[11] (ᒫᑲ ᑭᐢᐱᐣ ᓇᑲᑖᒋ, ᑭᔮᑦ ᐁᑯᓯ ᑫ ᐃᓯ ᐯᔭᑯᐟ, ᐊᐦᐳ ᐃᐧ ᑭᐁᐧᑐᑕᐊᐧᒋ ᐅ ᓈᐯᒪ); ᒥᓇ ᓈᐯᐤ ᐁᑳᐃᐧᔭ ᑭᑕ ᓇᑲᑌᐤ ᐃᐧᐊᐧ.
[12] ᒫᑲ ᑯᑕᑲᐠ ᓂᐟ ᐃᑖᐊᐧᐠ, ᓇᒪᐃᐧᔭ ᑳ ᑎᐯᔨᐦᒋᑫᐟ; ᑭᐢᐱᐣ ᐊᐃᐧᔭᐠ ᐅᒋᐋᐧᒥᒫᐤ ᐊᔮᐋᐧᒋ ᐁᑳ ᐁ ᑖᐯᐧᑕᒥᔨᐟ ᐃᐧᐊᐧ, ᐁᑯᓯ ᐃᑌᔨᑕᒥᔨᐟ ᑭᑕ ᐃᐧᒉᐃᐧᑯᐟ, ᐁᑳᐃᐧᔭ ᑭᑕ ᓇᑲᑌᐤ.
[13] ᒥᓇ ᐃᐢᑫᐧᐤ ᐁᑳ ᑳ ᑖᐯᐧᑕᒥᔨᐟ ᐅ ᓈᐯᒪ, ᐁᑯᓯ ᐁ ᐃᑌᔨᑕᒥᔨᐟ ᑭᑕ ᐃᐧᒉᐃᐧᑯᐟ, ᐁᑳᐃᐧᔭ ᑭᑕ ᓇᑲᑌᐤ ᐅ ᓈᐯᒪ.
[14] ᒋᑫᒫ ᐊᓇ ᐁᑳ ᑳ ᑖᐯᐧᑕᕽ ᓈᐯᐤ ᑲᓈᒋᐃᐠ ᐃᐧᐊᐧ, ᐁᑯᓯ ᐁᑳ ᑳ ᑖᐯᐧᑕᕽ ᐃᐢᑫᐧᐤ ᑲᓈᒋᐃᐠ ᐅ ᓈᐯᒪ: ᑭᐢᐱᐣ ᐁᑳ ᐁᑯᓯ ᓇᒪᐃᐧᔭ ᐅ ᑲ ᐯᑭᓯᑖᐋᐧᐤ ᑭᐟ ᐊᐋᐧᓯᒥᓯᐋᐧᐊᐧᐠ; ᒫᑲ ᐁᑲᐧ ᑲᓈᑎᓯᐊᐧᐠ.
[15] ᒫᑲ ᑭᐢᐱᐣ ᐊᓇ ᐁᑳ ᑳ ᑖᐯᐧᑕᕽ ᐃᐧ ᓯᐯᐧᑌᒋ, ᑭᔮᑦ ᑭᑕ ᓯᐯᐧᑌᐤ, ᐅᒋᐋᐧᒥᒫᐤ ᐊᐦᐳ ᐅᑕᐁᐧᒪᐃᐧᒪᐤ ᓇᒪᐃᐧᔭ ᒥᒋᒥᓂᑳᓱ ᐁᑯᓯ ᐃᓯ: ᒫᑲ ᑭᓭᒪᓂᑐ ᑭ ᑭ ᓇᑐᒥᑯᓇᐤ ᐯᔭᑕᑫᔨᒧᐃᐧᓂᕽ.
[16] ᑫᐧᓵᐧᐣ ᐁᑳ, ᑭᔭ ᐃᐢᑫᐧᐤ, ᑭ ᑲ ᑭ ᐱᒫᒋᐦᐋᐤ ᑭ ᓈᐯᑦ? ᐊᐦᐳ ᑭᔭ, ᓈᐯᐤ, ᑫᐧᓵᐧᐣ ᐁᑳ ᑭ ᑲ ᑭ ᐱᒫᒋᐦᐋᐤ ᑭᐊᐧ?
[17] ᐱᑯ, ᑳ ᑎᐯᔨᐦᒋᑫᐟ ᑳ ᑭ ᐃᓯ ᒥᔮᐟ ᒐᒉᑊ ᐊᔨᓯᔨᓂᐊᐧ, ᑭᓭᒪᓂᑐᐊᐧ ᑳ ᑭ ᐃᓯ ᓇᑐᒥᑯᐟ, ᐁᑯᓯ ᑭᑕ ᐃᓯ ᐱᒧᐦᑌᐤ. ᐁᑯᓯ ᒫᑲ ᐁᓯ ᐅᔭᑭᑕᒪᐊᐧᑭᐠ ᒥᓯᐁᐧ ᐃᑌ ᐅᑕᔭᒥᐦᐋᐊᐧᐠ.
[18] ᐊᐃᐧᔭᐠ ᒋ ᐊᔨᓯᔨᓂᐤ ᒥᓇ ᑭ ᓇᑐᒫᐤ ᐁ ᓴᕒᑲᑦᓴᐃᓯᐃᐧᐟ? ᑭᔮᑦ ᐁᑳᐃᐧᔭ ᑭᑕ ᐃᓯ ᐊᔮᐤ ᐁᑳ ᑭᑕ ᓴᕒᑲᑦᓴᐃᓯᐃᐧᐟ. ᐊᐃᐧᔭᐠ ᒋ ᑭ ᓇᑐᒫᐤ ᐁᑳ ᐁ ᓴᕒᑲᑦᓴᐃᓯᐃᐧᐟ? ᑭᔮᑦ ᐁᑳᐃᐧᔭ ᑭᑕ ᓴᕒᑲᑦᓴᐃᓯᐃᐧᐤ.
[19] ᓴᕒᑲᑦᓴᐃᓯᐃᐧᐃᐧᐣ ᓇᒪ ᓈᐣᑕᐤ, ᒥᓇ ᐁᑳ ᐁ ᓴᕒᑲᑦᓴᐃᓯᐃᐧᕽ ᓇᒪ ᓈᐣᑕᐤ; ᒫᑲ ᐁ ᑲᓇᐁᐧᔨᑕᒥᕽ ᐅᔭᓱᐁᐧᐃᐧᓇ ᑭᓭᒪᓂᑐ.
[20] ᑭᔮᑦ ᑲᐦᑭᔭᐤ ᐊᔨᓯᔨᓂᐤ ᑭᑕ ᐊᔮᐤ ᐅᐟ ᐃᓯ ᐊᔮᐃᐧᓂᕽ ᐃᑕ ᑳ ᑭ ᓇᑐᒥᐦᐟ.
[21] ᑭ ᑭ ᓇᑐᒥᑲᐃᐧᐣ ᒋ ᒣᑳᐧᐨ ᐁ ᒥᒋᒪᐱᓱᐃᐧ ᐊᑐᐢᑫᔮᑲᓂᐃᐧᔭᐣ? ᐁᑳᐃᐧᔭ ᓈᐣᑕᐤ ᐃᑌᔨᑕ: ᒫᑲ ᑭᐢᐱᐣ ᑲᐢᑭᑖᔭᓂ ᑭᑕ ᑎᐯᔨᒥᓱᔭᐣ, ᓇᐊᐧᐨ ᐁᐊᐧᑯ ᐋᐸᒋᑕ.
[22] ᒋᑫᒫ ᐊᓇ ᑳ ᑭ ᓇᑐᒥᑯᐟ ᑳ ᑎᐯᔨᐦᒋᑫᔨᐟ, ᒣᑳᐧᐨ ᐁ ᒥᒋᒪᐱᓱᐃᐧ ᐊᑐᐢᑫᔮᑲᓂᐃᐧᐟ, ᐁᐊᐧᑯ ᑳ ᑎᐯᔨᐦᒋᑫᐟ ᐅ ᑎᐯᔨᒥᓱᐋᑲᓇ: ᐁᑯᓯ ᒥᓇ ᐊᓇ ᑳ ᑭ ᓇᑐᒥᐦᐟ ᐁ ᑎᐯᔨᒥᓱᐟ, ᐁᐊᐧᑯ ᙭ ᐅ ᒥᒋᒪᐱᓱᐃᐧ ᐊᑐᐢᑫᔮᑲᓇ.
[23] ᑭ ᑭ ᑭᐢᐱᓇᑎᑲᐃᐧᓈᐋᐧᐤ ᒥᐢᑕᐦᐃ ᑎᐸᐦᐃᑫᐃᐧᐣ ᐅᐦᒋ; ᐁᑳᐃᐧᔭ ᐊᔨᓯᔨᓂᐊᐧᐠ ᒥᒋᒪᐱᓱᐃᐧ ᐊᑐᐢᑳᑯᐠ.
[24] ᓂᒋᐋᐧᒥᑎᐠ, ᑭᔮᑦ ᑕᐦᑐ ᐊᔨᓯᔨᓂᐤ, ᐃᑕ ᑳ ᑭ ᐃᓯ ᓇᑐᒥᐦᐟ, ᐁᑯᑕ ᑭᑕ ᐃᐧᒋ ᐊᔮᒣᐤ ᑭᓭᒪᓂᑐᐊᐧ.
[25] ᐁᑲᐧ ᒫᑲ ᐅᐢᑭᓂᑭᐢᑫᐧᐊᐧᐠ ᐅᐦᒋ ᓇᒪᐃᐧᔭ ᓄᐦᒋ ᐅᔭᓱᐋᐧᑎᐠ ᑳ ᑎᐯᔨᐦᒋᑫᐟ: ᒫᑲ ᓂ ᒣᑭᐣ ᓂᐟ ᐃᑌᔨᑕᒧᐃᐧᐣ, ᐁ ᑭ ᐃᓯ ᒥᔨᑯᐃᐧᓯᔮᐣ ᐅ ᑭᓭᐋᐧᑎᓯᐃᐧᐣ ᑳ ᑎᐯᔨᐦᒋᑫᐟ ᑭᑕ ᐊᔮᑳᐧᒥᓯᔮᐣ.
[26] ᐅᒪ ᒫᑲ ᒥᔮᐧᓯᐣ ᓂᐟ ᐃᑌᔨᑌᐣ ᐊᓄᐦᐨ ᒣᑳᐧᐨ ᑳ ᐃᓯ ᐋᔨᒪᕽ, ᓇᐊᐧᐨ ᒥᔮᐧᓯᐣ ᐊᔨᓯᔨᓂᐤ ᑭᑕ ᐃᓯ ᐊᔮᐟ ᑳ ᐃᓯ ᐊᔮᐟ ᐊᓄᐦᐨ.
[27] ᑭ ᒥᒋᒪᐱᓱᐣ ᒋ ᐁ ᐃᐧᐃᐧᔭᐣ? ᐁᑳᐃᐧᔭ ᓇᑐᓇ ᑭᑕ ᐋᐱᑯᓂᑲᐃᐧᔭᐣ. ᑭ ᑭ ᐋᐱᑯᓂᑲᐃᐧᐣ ᒋ ᐁ ᐃᐧᐃᐧᔭᐣ? ᐁᑳᐃᐧᔭ ᓇᑐᓇ ᑭᑕ ᐃᐧᐃᐧᔭᐣ.
[28] ᒫᑲ ᑭᐢᐱᐣ ᐃᐧᑭᑐᔭᓂ, ᓇᒪᐃᐧᔭ ᑭ ᐊᐧᓂᑐᑌᐣ; ᒥᓇ ᑭᐢᐱᐣ ᐅᐢᑭᓂᑭᐢᑫᐧᐤ ᐃᐧᑭᑐᒋ, ᓇᒪᐃᐧᔭ ᐊᐧᓂᑐᑕᑦ. ᒫᑲ ᐁᐊᐧᑯᓂᐠ ᑫ ᐊᔮᒋᐠ ᐋᔨᒥᓯᐃᐧᐣ ᐃᐧᔮᓯᐃᐧᐃᐧᓂᕽ: ᐁᑯᓯ ᑭ ᐃᐧ ᒪᓈᒋᐃᑎᓈᐋᐧᐤ.
[29] ᒫᑲ ᐅᒪ ᓂᐟ ᐃᑖᐧᐣ, ᓂᒋᐋᐧᒥᑎᐠ, ᓇᒪᐃᐧᔭ ᑭᓀᐧᐢ ᑭᐟ ᐊᔮᓈᓇᐤ, ᐁᑯᓯ ᒫᑲ ᐊᓂᑭ ᑳ ᐃᐧᐃᐧᒋᐠ ᑭᑕ ᐃᐧ ᐃᓯ ᐊᔮᐊᐧᐠ ᑖᐱᐢᑯᐨ ᐁᑳ ᐁ ᐃᐧᐃᐧᒋᐠ;
[30] ᒥᓇ ᐊᓂᑭ ᑳ ᒫᑐᒋᐠ, ᑖᐱᐢᑯᐨ ᐁᑳ ᐁ ᒫᑐᒋᐠ; ᒥᓇ ᐊᓂᑭ ᑳ ᒥᔭᐋᐧᑕᑭᐠ, ᑖᐱᐢᑯᐨ ᐁᑳ ᐁ ᒥᔭᐋᐧᑕᑭᐠ; ᒥᓇ ᐊᓂᑭ ᑳ ᐊᔭᑖᐁᐧᒋᐠ, ᑖᐱᐢᑯᐨ ᐁᑳ ᑫᑲᐧᐩ ᐁ ᐊᔮᒋᐠ;
[31] ᒥᓇ ᐊᓂᑭ ᑳ ᐋᐸᒋᑖᒋᐠ ᐅᒪ ᐊᐢᑭ, ᐁᑳ ᑭᑕ ᐅᓵᒥᑲᑭᐠ: ᒋᑫᒫ ᐁ ᐃᓯ ᐊᔮᐠ ᑭᔨᐸ ᐊᑎ ᒣᒋᐸᔨᐤ.
[32] ᒫᑲ ᑭ ᓇᑕᐁᐧᔨᒥᑎᓈᐋᐧᐤ ᐁᑳ ᒥᑯᐢᑳᑌᔨᑕᒧᐃᐧᐣ ᑭᑕ ᐊᔮᔦᐠ. ᐊᓇ ᐁᑳ ᑳ ᐃᐧᑭᑐᐟ ᐊᔮᑳᐧᒣᔨᑕᑦ ᐊᓂᐦᐃ ᑳ ᑎᐯᔨᐦᒋᑫᔨᐟ ᑳ ᐃᓯ ᓇᑕᐁᐧᔨᑕᒥᔨᐟ, ᑭᑕ ᑭ ᓇᐦᐃᔭᐁᐧᐋᐟ ᑳ ᑎᐯᔨᐦᒋᑫᔨᐟ:
[33] ᒫᑲ ᐊᓇ ᑳ ᐃᐧᑭᑐᐟ ᐊᔮᑳᐧᒣᔨᑕᑦ ᐊᐢᑭᐃᐧ ᑫᑲᐧᔭ, ᑭᑕ ᑭ ᐃᓯ ᓇᐦᐃᔭᐁᐧᐋᐟ ᐃᐧᐊᐧ.
[34] ᐱᑐᐢ ᒥᓇ ᑳ ᐅ ᓈᐯᒥᐟ ᒥᓇ ᐅᐢᑭᓂᑭᐢᑫᐧᐤ. ᐊᓇ ᐁᑳ ᑳ ᐅ ᓈᐯᒥᐟ ᐊᔮᑳᐧᒣᔨᑕᑦ ᐊᓂᐦᐃ ᑳ ᑎᐯᔨᐦᒋᑫᔨᐟ ᑳ ᐃᓯ ᓇᑕᐁᐧᔨᑕᒥᔨᐟ, ᑭᑕ ᑭ ᑲᓈᑎᓯᐟ ᐃᐧᔭᐃᐧᕽ ᒥᓇ ᐅᐟ ᐊᐦᒑᐦᑯᕽ: ᒫᑲ ᐊᓇ ᑳ ᐅ ᓈᐯᒥᐟ ᐊᔮᑳᐧᒣᔨᑕᑦ ᐊᐢᑭᐃᐧ ᑫᑲᐧᔭ, ᑭᑕ ᑭ ᐃᓯ ᓇᐦᐃᔭᐁᐧᐋᐟ ᐅ ᓈᐯᒪ.
[35] ᐅᒪ ᒫᑲ ᓂᐟ ᐃᑖᐧᐣ ᑭᑕ ᐋᐸᒋᐃᑯᔦᐠ; ᓇᒪᐃᐧᔭ ᐁ ᐃᐧ ᒥᒋᒪᐱᑎᑕᑯᐠ, ᒫᑲ ᐊᓂᒪ ᐁ ᐃᓯ ᓇᐃᓈᑲᐧᕽ, ᒥᓇ ᑭᑕ ᑭ ᐊᑐᐢᑲᐋᐧᔦᐠ ᑳ ᑎᐯᔨᐦᒋᑫᐟ ᐁᑳ ᑫᑲᐧᐩ ᐁ ᐅᑕᒣᔨᑕᒥᐃᑯᔦᐠ.
[36] ᒫᑲ ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᓇᒪᐃᐧᔭ ᓂ ᒥᔪᑲᑕᐋᐧᐤ ᐃᑌᔨᒫᒋ ᐅᑖᓂᓴ ᐁ ᐅᐢᑭᓂᑭᐢᑫᐧᐃᐧᔨᐟ, ᒥᓇ ᐊᑎ ᒪᔮᐢᑲᒥᔨᒋ ᐁ ᑮᓯᓂᑖᐃᐧᑭᔨᐟ, ᑭᐢᐱᐣ ᐃᓯ ᓇᑕᐁᐧᔨᑖᑲᐧᑭ, ᑭᔮᑦ ᑭᑕ ᐃᑐᑕᑦ ᐁ ᐃᑌᔨᑕᕽ, ᑭᔮᑦ ᑭᑕ ᐃᐧᑭᑐᐊᐧᐠ.
[37] ᒫᑲ ᐊᓇ ᑳ ᐋᔮᑌᔨᑌᕽ ᐅᑌᐃᕽ, ᐁᑳ ᐁ ᑭᐧᑕᐁᐧ ᐃᑎᐟ, ᒫᑲ ᐁ ᑲᐢᑭᑖᐟ ᑭᑕ ᐃᑐᑕᕽ ᐁ ᐃᑌᔨᑕᕽ, ᒥᓇ ᐁ ᑭ ᑭᓭᔨᑕᕽ ᐅᑌᐃᕽ, ᑭᑕ ᑲᓇᐁᐧᔨᒫᐟ ᐅᑖᓂᓴ ᐁ ᐅᐢᑭᓂᑭᐢᑫᐧᐃᐧᔨᐟ, ᑲᐧᔭᐢᐠ ᑭᑕ ᐃᑐᑕᑦ.
[38] ᐁᑯᓯ ᒫᑲ ᑖᐱᐢᑯᐨ ᐊᓇ ᑳ ᒣᑭᐟ ᐁ ᐅᐢᑭᓂᑭᐢᑫᐧᐃᐧᔨᐟ ᐅᑖᓂᓴ ᑭᑕ ᐃᐧᑭᑐᔨᐟ ᒥᔪ ᐃᑐᑕᑦ; ᒫᑲ ᐊᓇ ᐁᑳ ᑳ ᒣᑭᐟ ᑭᑕ ᐃᐧᑭᑐᔨᐟ ᐊᔨᐋᐧᐠ ᑭᑕ ᒥᔪ ᐃᑐᑕᑦ.
[39] ᐃᐢᑫᐧᐤ ᒥᒋᒪᐱᓱ ᐃᐢᑯ ᐁ ᐱᒫᑎᓯᔨᐟ ᐅ ᓈᐯᒪ; ᒫᑲ ᑭᐢᐱᐣ ᐅ ᓈᐯᒪ ᐳᓂ ᐱᒫᑎᓯᔨᒋ, ᑎᐯᔨᒥᓱ ᑭᑕ ᐃᐧᑭᒫᐟ ᐊᐃᐧᔮ ᐁ ᐃᑌᔨᑕᕽ; ᐱᑯ ᑳ ᑎᐯᔨᐦᒋᑫᐟ ᐃᓯ.
[40] ᒫᑲ ᓇᐊᐧᐨ ᒥᔪ ᐊᔮᐤ ᑭᐢᐱᐣ ᑳ ᐃᓯ ᐊᔮᐟ ᐁᑯᓯ ᐃᓯ ᐊᔮᒋ, ᓂᔭ ᐃᐧᔭ ᓂᐟ ᐃᑌᔨᑌᐣ: ᓂ ᑭᑭᐢᑳᐠ ᒫᑲ ᐁᑐᑫ ᑭᓭᒪᓂᑐ ᐅᐟ ᐊᐦᒑᐦᑲᐧ.