<1 Corinthians ᓂᐢᑕᑦ ᑲᕒᐃᐣᑎᔭᓇ 5

[1] ᐋᐧᐃᐧᔭᐠ ᐁᑲᐧ ᐋᑐᑕᑲᐧᐣ ᐱᓯᑳᐧᑎᓯᐃᐧᐣ ᐁ ᐃᐦᑕᑲᐧᕽ ᐃᑕ ᑳ ᐊᔮᔦᐠ, ᑐᐃᐧ ᐱᓯᑳᐧᑎᓯᐃᐧᐣ ᒫᑲ ᐁᑳ ᑳ ᐃᐦᑕᑲᐧᕽ ᐊᐦᐳ ᒣᑳᐧᐨ ᒉᐣᑕᐃᓬᐃᓈᕽ, ᐯᔭᐠ ᐁᓴ ᐁ ᐊᔮᐋᐧᐟ ᐅᑖᐃᐧᔭ ᐃᐧᐃᐧᔨᐊᐧ.

[2] ᐁᑯᓯ ᒫᑲ ᒥᐢᑕᐦᐃ ᐁ ᐃᑌᔨᒥᓱᔦᐠ, ᐁᑳ ᒫᑲ ᓇᐊᐧᐨ ᐁ ᒥᑖᑕᒣᐠ, ᐁᑯᓯ ᒫᑲ ᐊᓇ ᑳ ᑭ ᐃᑐᑕᕽ ᐅᒪ ᐃᓯᐦᒋᑫᐃᐧᐣ ᑭᑕ ᐅᑎᓂᐦᐟ ᐁᑳ ᑭᑕ ᐃᐧᒋ ᐊᔮᒥᑯᔦᐠ.

[3] ᒋᑫᒫ ᓂᔭ ᑖᐯᐧ, ᐁᑳ ᐁ ᐃᐧᒋ ᐊᔮᒥᑕᑯᐠ ᒥᔭᐃᐧᕽ ᒫᑲ ᐁ ᐃᐧᒋ ᐊᔮᒥᑕᑯᐠ ᐊᐦᒑᐦᑯᕽ, ᓵᓴᐩ, ᑖᐱᐢᑯᐨ ᐁ ᐃᐧᒋ ᐊᔮᒥᑕᑯᐠ, ᓂ ᑭ ᐅᔭᓱᐋᐧᑖᐤ ᐊᓇ ᑳ ᑭ ᐅᒪ ᐃᓯᐦᒋᑫᐟ,

[4] ᐅ ᐃᐧᔪᐃᐧᓂᕽ ᑳ ᑎᐯᔨᒥᑯᔭᕽ ᒋᓴᐢ, ᑭᔭᐋᐧᐤ ᐁ ᒫᐊᐧᒋᐃᑐᔦᐠ, ᒥᓇ ᓂᐟ ᐊᐦᒑᕽ, ᑭᑭ ᐅ ᒪᐢᑲᐃᐧᓯᐃᐧᐣ ᑳ ᑎᐯᔨᒥᑯᔭᕽ ᒋᓴᐢ,

[5] ᑭᑕ ᐸᑭᑎᓇᒫᐦᐟ ᓭᑕᐣ ᐁᐊᐧᑳᐧᓇ ᐃᐧᔮᓯᐃᐧ ᓂᓯᐊᐧᓈᒋᐦᐅᐃᐧᐣ ᐅᐦᒋ, ᐊᐦᒑᕽ ᑭᑕ ᐱᒫᒋᐃᐦᐟ ᐅ ᑭᓯᑳᒥᒋ ᑳ ᑎᐯᔨᐦᒋᑫᐟ ᒋᓴᐢ.

[6] ᑭ ᑲᑭᐦᒋᒧᐃᐧᓂᐋᐧᐤ ᓇᒪᐃᐧᔭ ᒥᔮᐧᓯᐣ. ᓇᒪ ᒋ ᑭ ᑭᐢᑫᔨᑌᓈᐋᐧᐤ ᐊᐱᓯᐢ ᐅᐦᐱᐦᒋᒋᑲᐣ ᐅᐦᒋ ᐱᓭᐧᐸᔨᐤ ᒥᓯᐁᐧ ᐸᑫᐧᓯᑲᐣ?

[7] ᑭᒋᐢᑎ ᐁᐧᐱᓂᕽ ᐊᓇ ᑲᔮᓯ ᐅᐦᐱᐦᒋᒋᑲᐣ, ᑭᑕ ᐅᐢᑭ ᒥᓯᐁᐧᓯᔦᐠ, ᑖᐱᐢᑯᐨ ᑳ ᐃᓯ ᐁᑳ ᐱᓭᐧ ᐊᔮᔦᐠ. ᒋᑫᒫ ᑭ ᒪᔮᐢᑯᑖᑐᐃᐧᑯᑐᐃᐧᓂᓇᐤ ᒥᓇ ᑭ ᐸᑭᑎᓈᓱᓈᓂᐊᐧᐣ, ᙭ ᐅᑎ:

[8] ᐁᑯᓯ ᒫᑲ ᑎᐱᑐᑕᑖᐠ ᐃᐧᐦᑯᐦᑐᐃᐧᐣ, ᓇᒪᐃᐧᔭ ᑲᔮᐢ ᐅᐦᐱᐦᒋᒋᑲᐣ ᐁ ᐋᐸᒋᑖᔭᕽ, ᓇᒪᐃᐧᔭ ᒥᓇ ᒪᒋ ᐃᑌᔨᒥᑐᐃᐧ ᐅᐦᐱᐦᒋᒋᑲᐣ ᐊᐦᐳ ᒪᒑᔨᐃᐧᐣ, ᒫᑲ ᐊᓇ ᐁᑳ ᑳ ᐱᓭᐧᑲᓱᐟ ᐸᑫᐧᓯᑲᐣ ᑲᐧᔭᐢᐠ ᒥᑐᓀᔨᒋᑲᐣ ᒥᓇ ᑖᐯᐧᐃᐧᐣ.

[9] ᑭ ᑭ ᒪᓯᓇᐦᐊᒫᑎᓈᐋᐧᐤ ᓂ ᒪᓯᓇᐦᐊᒫᑫᐃᐧᓂᕽ ᐁᑳ ᑭᑕ ᐅ ᐃᐧᒉᐋᐧᑲᓂᔦᐠ ᐅᐱᓯᑳᐧᑎᓯᐊᐧᐠ;

[10] ᓇᒪᐃᐧᔭ ᒫᑲ ᒥᑐᓂ ᐅᐱᓯᑳᐧᑎᓯᐊᐧᐠ ᐅᑕ ᐊᐢᑭᕽ, ᐊᐦᐳ ᐅᒧᐢᑕᐃᐧᓇᒫᑫᐊᐧᐠ ᒥᓇ ᐅᒪᐢᑲᑌᐧᐢᑲᐠ, ᐊᐦᐳ ᐅᒪᓂᑐᑫᐢᑲᐠ; ᒋᑫᒫ ᐁᑯᓯ ᐃᓯ ᐃᐧᔭ ᐱᑯ ᑭᑕ ᓇᑲᑕᒣᐠ ᐅᒪ ᐊᐢᑭ.

[11] ᒫᑲ ᐁᑲᐧ ᑭ ᒪᓯᓇᐦᐊᒫᑎᓈᐋᐧᐤ ᐁᑳ ᑭᑕ ᐅ ᐃᐧᒉᐋᐧᑲᓂᔦᐠ, ᑭᐢᐱᐣ ᐊᐃᐧᔭᐠ ᐅᒋᐋᐧᒥᒫᐤ ᑳ ᐃᑎᐦᐟ ᐱᓯᑳᐧᑎᓯᐢᑭᐤ, ᐊᐦᐳ ᒧᐢᑕᐃᐧᓇᒫᑫᐢᑭᐤ, ᐊᐦᐳ ᒪᓂᑐᑫᐢᑭᐤ, ᐊᐦᐳ ᑭᑳᐃᐧᑕᐢᑭᐤ, ᐊᐦᐳ ᑭᐢᑫᐧᐯᐢᑭᐤ, ᐊᐦᐳ ᒪᐢᑲᑌᐧᐢᑭᐤ; ᐁᑯᑐᐊᐧ ᓇᒪᐃᐧᔭ, ᓇᒪᐋᐧᐨ ᐊᐦᐳ ᑭᑕ ᐃᐧᒋ ᒥᒋᓱᒫᔦᐠ.

[12] ᒋᑫᒫ ᑫᑲᐧᐩ ᐃᐧᔭ ᓂᔭ ᑫᓇᐋᐧᐸᒥᑯᔮᐣ ᑭᑕ ᐅᔭᓱᐋᐧᑕᑭᐠ ᐊᓂᑭ ᐊᐧᔭᐃᐧᑎᒥᕽ ᑳ ᐊᔮᒋᐠ? ᓇᒪ ᒋ ᑭᔭᐋᐧᐤ ᑯᔮᓱᐋᐧᑖᐋᐧᐊᐧᐠ ᐊᓂᑭ ᐱᑐᑲᒥᐠ ᑳ ᐊᔮᒋᐠ,

[13] ᐁᑯᓯ ᐃᐧᔭ ᐊᓂᐦᐃ ᐊᐧᔭᐃᐧᑎᒥᕽ ᑳ ᐊᔮᔨᐟ ᑭᓭᒪᓂᑐ ᐅᔭᓱᐋᐧᑌᐤ? ᑭᔭᐋᐧᐤ ᒫᑲ ᐊᐧᔭᐃᐧᑎᓴᐅᕽ ᑳ ᒪᒑᔨᐃᐧᐟ ᐊᔨᓯᔨᓂᐤ ᐃᑕ ᑳ ᐊᔮᔦᐠ ᐅᐦᒋ.