<1 Corinthians ᓂᐢᑕᑦ ᑲᕒᐃᐣᑎᔭᓇ 6

[1] ᓇᒪ ᒋ ᑭ ᓵᑫᐧᔨᒧᓈᐋᐧᐤ, ᑭᐢᐱᐣ ᓈᐣᑕᐤ ᐁ ᐃᑌᔨᑐᔦᐠ ᑳ ᐃᐧᒋ ᐊᔨᓯᔨᓂᑐᔦᐠ ᑭᑕ ᐃᑐᑕᐃᑐᔦᐠ ᐃᑕ ᑳ ᐅᔭᓱᐁᐧᒋᐠ ᐁᑳ ᑲᐧᔭᐢᐠ ᑳ ᐃᑖᑎᓯᒋᐠ, ᐁᑯᓯ ᓇᒪᐃᐧᔭ ᐃᑕ ᑳ ᐅᔭᓱᐁᐧᒋᐠ ᐅᑲᓈᑎᓯᐊᐧᐠ?

[2] ᐊᐦᐳ ᒋ ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᐅᑲᓈᑎᓯᐊᐧᐠ ᑭᑕ ᐅᔭᓱᐋᐧᑕᑭᐠ ᐅᒪ ᐊᐢᑭ? ᑭᐢᐱᐣ ᒫᑲ ᑭᔭᐋᐧᐤ ᐅᔭᓱᐋᐧᑕᒣᑯ ᐊᐢᑭ, ᓇᒪ ᒋ ᑭ ᑌᐸᑫᔨᑖᑯᓯᓈᐋᐧᐤ ᑭᑕ ᐅᔭᓱᐋᐧᑕᒣᐠ ᑳ ᒫᐊᐧᒋ ᐊᐱᐢᑌᔨᑖᑲᐧᑭ?

[3] ᓇᒪ ᒋ ᑭ ᑭᐢᑫᔨᑌᓈᐋᐧᐤ ᑭᑕ ᐅᔭᓱᐋᐧᑖᔭᑯᐠ ᐅᑭᓯᑯᐊᐧᐠ? ᐋᐧᐃᐧᐢ ᒫᑲ ᐊᓂᐦᐃ ᐅᒪ ᐱᒫᑎᓯᐃᐧᓂᕽ ᑳ ᐃᐧᒋᐃᐁᐧᒪᑲᑭ?

[4] ᑭᐢᐱᐣ ᒫᑲ ᑭᐟ ᐃᑕᐱᓈᐋᐧᐤ ᑭᑕ ᐅᔭᓱᐋᐧᑕᒣᐠ ᐊᓂᐦᐃ ᐅᒪ ᐱᒫᑎᓯᐃᐧᓂᕽ ᑳ ᐃᐧᒋᐃᐁᐧᒪᑲᑭ, ᑭᐟ ᐃᑕᔮᐋᐧᐊᐧᐠ ᒋ ᑭᑕ ᐅᔭᓱᐁᐧᒋᐠ ᐊᓂᑭ ᐁᑳ ᑳ ᐊᑭᒋᑳᓱᒋᐠ ᐊᔭᒥᐦᐋᐃᐧᓂᕽ?

[5] ᐅᒪ ᓂᐟ ᐃᑖᐧᐣ ᑭᑕ ᓇᓀᐯᐃᐧᓯᔦᐠ. ᐁᑯᓯ ᒋ ᑖᐯᐧ, ᐁᑳ ᑭᑕ ᑭ ᒥᐢᑳᐦᐟ ᑳ ᐃᑕᓯᔦᐠ ᐯᔭᐠ ᐁ ᐃᔨᓂᓯᐟ ᓈᐯᐤ, ᑭᑕ ᑭ ᑲᐧᔭᐢᑲᐧᐢᑕᒪᐋᐧᐟ ᐅᒋᐋᐧᒪ,

[6] ᒫᑲ ᐅᒋᐋᐧᒥᒫᐤ ᐃᑐᑕᐁᐤ ᐅᒋᐋᐧᒥᒫᐊᐧ ᐅᔭᓱᐁᐧᐃᐧᓂᕽ, ᒥᓇ ᐁᑳ ᑳ ᑖᐯᐧᑕᒥᔨᐟ ᑭᑕ ᐅᔭᓱᐋᐧᑎᑯᒋᐠ?

[7] ᓇᒪᐃᐧᔭ ᐁᑯᓯ, ᓵᓴᐩ ᐊᐦᐳ ᐁᑯᑕ ᑭ ᒪᒫᔨᓂᑳᓈᐋᐧᐤ, ᐁ ᐃᑐᑕᐃᑐᔦᐠ ᐅᔭᓱᐁᐧᐃᐧᓂᕽ. ᑖᓀᑭ ᓇᒪᐃᐧᔭ ᑭᔮᑦ ᑯᑎᓀᓈᐋᐧᐤ ᐁ ᐊᐧᓂᑐᑖᑲᐃᐧᔦᐠ? ᑖᓀᑭ ᓇᒪᐃᐧᔭ ᓇᐊᐧᐨ ᑭᑕ ᒪᐢᑲᒋᐃᑲᐃᐧᔦᐠ?

[8] ᒫᑲ ᑭᔭᐋᐧᐤ ᑫᐦᒋᐋᐧᐠ ᑭ ᐊᐧᓂᑐᑌᓈᐋᐧᐤ, ᒥᓇ ᑭ ᒪᐢᑲᒋᐃᐋᐧᓈᐋᐧᐤ, ᐁᑯᓯ ᑭᒋᐋᐧᒥᐋᐧᐊᐧᐠ ᑳ ᐃᑐᑕᐋᐧᔦᑯᐠ.

[9] ᐊᐦᐳ ᒋ ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᐁᑳ ᑲᐧᔭᐢᐠ ᑳ ᐃᑖᑎᓯᐟ ᐊᔨᓯᔨᓂᐤ ᐁᑳ ᑭᑕ ᑭ ᐃᐧᒋᐃᐁᐧᐟ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ? ᐁᑳᐃᐧᔭ ᑭ ᑲ ᐃᐧ ᐊᐧᔦᓯᒥᑲᐃᐧᓈᐋᐧᐤ: ᓇᒪᐃᐧᔭ ᐅᐱᓯᑳᐧᑎᓯᐊᐧᐠ, ᓇᒪᐃᐧᔭ ᐅᒪᓂᑐᑫᐢᑲᐠ, ᓇᒪᐃᐧᔭ ᐅᐱᓯᑳᐧᑎᓯᐢᑲᐠ, ᓇᒪᐃᐧᔭ ᑳ ᑭᑎᒥᐢᑭᒋᐠ, ᓇᒪᐃᐧᔭ ᑳ ᐃᐧᒋ ᓂᓯᐊᐧᓈᒋᐃᓱᒫᒋᐠ ᐊᔨᓯᔨᓂᐊᐧ,

[10] ᓇᒪᐃᐧᔭ ᑭᒧᑎᐢᑲᐠ, ᓇᒪᐃᐧᔭ ᑳ ᒧᐢᑕᐃᐧᓇᒫᑫᐢᑭᒋᐠ, ᓇᒪᐃᐧᔭ ᑳ ᑭᐢᑫᐧᐯᐢᑭᒋᐠ, ᓇᒪᐃᐧᔭ ᑳ ᑭᑳᐃᐧᑕᐢᑭᒋᐠ, ᓇᒪᐃᐧᔭ ᐅᒪᐢᑲᑌᐧᐢᑲᐠ, ᑭᑕ ᐃᐧᒋᐃᐁᐧᐊᐧᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ.

[11] ᑭᔭᐋᐧᐤ ᒫᑲ ᐋᑎᐦᐟ ᑭ ᑭ ᐁᑯᑐᐃᐧᑳᓂᐃᐧᓈᐋᐧᐤ: ᒫᑲ ᑭ ᑭ ᑭᒋᐢᑎᓂᑲᐃᐧᓈᐋᐧᐤ ᒫᑲ ᑭ ᑭ ᑲᓈᒋᐃᑲᐃᐧᓈᐋᐧᐤ, ᒫᑲ ᑭ ᑭ ᑲᐧᔭᐢᑭᑖᑎᓯᐊᐧᑭᒥᑲᐃᐧᓈᐋᐧᐤ ᐅ ᐃᐧᔪᐃᐧᓂᕽ ᑳ ᑎᐯᔨᐦᒋᑫᐟ ᒋᓴᐢ ᙭, ᒥᓇ ᐅᐟ ᐊᐦᒑᐦᑲᐧ ᑭᓭᒪᓂᑐᒥᓇᐤ ᐅᐦᒋ.

[12] ᑲᐦᑭᔭᐤ ᑫᑲᐧᐩ ᑕᐋᐧᐤ ᑭᑕ ᑭ ᐃᑐᑕᒫᐣ; ᒫᑲ ᓇᒪᐃᐧᔭ ᑲᐦᑭᔭᐤ ᑫᑲᐧᐩ ᓂ ᓇᐃᐸᔨᐃᑯᐣ. ᑲᐦᑭᔭᐤ ᑫᑲᐧᐩ ᑕᐋᐧᐤ ᑭᑕ ᑭ ᐃᑐᑕᒫᐣ; ᒫᑲ ᓇᒪᐃᐧᔭ ᓂᐟ ᐃᑌᔨᑌᐣ ᑭᑕ ᑎᐯᔨᒥᑯᔮᐣ.

[13] ᒥᒋᐃᐧᓇ ᒪᑕᐩ ᐅᐦᒋ, ᒥᓇ ᒪᑕᐩ ᒥᒋᐃᐧᓇ ᐅᐦᒋ: ᒫᑲ ᑭᓭᒪᓂᑐ ᑭᑕ ᐳᓂᐸᔨᑖᐤ ᐁᐊᐧᑯ ᒥᓇ ᐊᓂᐦᐃ. ᒫᑲ ᒥᔭᐤ ᓇᒪᐃᐧᔭ ᐱᓯᑳᐧᑎᓯᐃᐧᐣ ᐅᐦᒋ, ᒫᑲ ᑳ ᑎᐯᔨᐦᒋᑫᐟ ᐅᐦᒋ; ᒥᓇ ᑳ ᑎᐯᔨᐦᒋᑫᐟ ᒥᔭᐤ ᐅᐦᒋ:

[14] ᐁᑯᓯ ᑭᓭᒪᓂᑐ ᑭ ᐊᐧᓂᐢᑳᓀᐤ ᑳ ᑎᐯᔨᐦᒋᑫᔨᐟ, ᐁᑯᓯ ᒥᓇ ᑭ ᑲ ᐊᐧᓂᐢᑳᓂᑯᓇᐤ ᐃᐧᔭ ᐅ ᒪᐢᑲᐃᐧᓯᐃᐧᐣ ᐅᐦᒋ.

[15] ᓇᒪ ᒋ ᑭ ᑭᐢᑫᔨᑌᓈᐋᐧᐤ ᑭᔭᐃᐧᐋᐧᐊᐧ ᐁ ᐅᐸᐢᑫᓯᐃᐧᓂᐟ ᙭? ᓂ ᑲ ᐅᑎᓇᒫᐧᐣ ᒋ ᒫᑲ ᐅ ᐸᐢᑫᓯᐃᐧᓇ ᙭, ᐁᑯᓯ ᐅᐱᓯᑳᐧᑎᓯᐃᐧᐢᑫᐧᐤ ᑭᑕ ᐅ ᐸᐢᑫᓯᐃᐧᓂᐟ? ᓇᒪᐃᐧᔭ ᐁᑯᓯ ᑭᑕ ᑭ ᐃᑭᕽ.

[16] ᐊᐦᐳ ᒋ ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᐊᓇ ᑳ ᐃᐧᒉᐋᐧᐟ ᐅᐱᓯᑳᐧᑎᓯᐃᐧᐢᑫᐧᐊᐧ ᐯᔭᑲᐧᐣ ᒥᔭᐤ? ᒋᑫᒫ, ᐁ ᐃᓯ ᓂᓯᒋᐠ, ᐃᑌᐧᐤ, ᑭᑕ ᐯᔭᑲᐧᐣ ᐃᐧᔮᐢ.

[17] ᒫᑲ ᐊᓇ ᑳ ᐃᐧᒉᐋᐧᐟ ᑳ ᑎᐯᔨᐦᒋᑫᔨᐟ ᐯᔭᑯ ᐊᐦᒑᕽ.

[18] ᑕᐸᓯᑖᐠ ᐱᓯᑳᐧᑎᓯᐃᐧᐣ. ᑲᐦᑭᔭᐤ ᒪᒋᐃᑎᐃᐧᐣ ᑳ ᐃᑐᑕᕽ ᐊᔨᓯᔨᓂᐤ ᐊᐧᔭᐃᐧᑎᒥᕽ ᐃᐧᔭᐃᐧᕽ ᐊᔮᔨᐤ; ᒫᑲ ᐊᓇ ᑳ ᐃᑐᑕᕽ ᐱᓯᑳᐧᑎᓯᐃᐧᐣ ᐊᐧᓂᑐᑕᑦ ᑫᐦᒋᐋᐧᐠ ᐃᐧᔭ ᐃᐧᔭᐤ.

[19] ᐊᐦᐳ ᒋ ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᑭᔭᐃᐧᐋᐧᐊᐧ ᐁ ᐅᐟ ᐊᔭᒥᐦᐁᐃᐧᑲᒥᑯᐟ ᑳ ᑲᓈᑎᓯᐟ ᐊᐦᒑᕽ ᑳ ᑭᑭᐢᑳᑯᔦᐠ. ᑭᓭᒪᓂᑐ ᑳ ᒥᔨᑯᔦᐠ? ᐁᑯᓯ ᓇᒪᐃᐧᔭ ᑭ ᑎᐱᔭᐁᐧᐃᐧᐅᓈᐋᐧᐤ;

[20] ᒋᑫᒫ ᑭ ᑭ ᑭᐢᐱᓇᑎᑲᐃᐧᓈᐋᐧᐤ ᑎᐸᐦᐃᑫᐃᐧᐣ ᐅᐦᒋ: ᑭᐢᑌᔨᑖᑯᐃᕽ ᒫᑲ ᑭᓭᒪᓂᑐ ᑭᔭᐃᐧᐋᐧᕽ.