[1] ᑖᓂᓯ ᒫᑲ ᑫ ᐃᑌᐧᔭᕽ ᐁᑊᕒᐁᐋᑦ, ᑲᔮᐢ ᑯᑖᐃᐧᓇᐤ ᐃᐧᔭᓯᕽ ᐃᓯ, ᑳ ᐃᓯ ᒥᐢᑲᕽ?
[2] ᒋᑫᒫ ᑭᐢᐱᐣ ᐁᑊᕒᐁᐋᑦ ᑳ ᑲᐧᔭᐢᑭᑖᑎᓯᐊᐧᑫᔨᒫᐃᐧᑌ ᐊᑐᐢᑫᐃᐧᓇ ᐅᐦᒋ, ᐊᔮᐤ ᑭᑕ ᑭ ᐅᐦᒋ ᑲᑭᒋᒧᐟ; ᒫᑲ ᓇᒪᐃᐧᔭ ᑭᓭᒪᓂᑐᕽ ᐃᑌᑫ.
[3] ᒋᑫᒫ ᑖᓂᓯ ᐁᑌᐧᒪᑲᕽ ᑭᐦᒋ ᒪᓯᓇᐦᐃᑫᐃᐧᐣ? ᐁᑊᕒᐁᐋᑦ ᒫᑲ ᑭ ᑖᐯᐧᑕᐁᐧᐤ ᑭᓭᒪᓂᑐᐊᐧ, ᐁᑯᓯ ᑲᐧᔭᐢᑭᑖᑎᓯᐃᐧᐣ ᑭ ᐃᑕᑭᑕᒪᐋᐧᐤ.
[4] ᐊᓇ ᒫᑲ ᑳ ᐊᑐᐢᑫᐟ, ᐊᓂᒪ ᑎᐸᐦᐊᒫᑯᐃᐧᐣ ᓇᒪᐃᐧᔭ ᑭᓭᐋᐧᑎᓯᐃᐧᓂᕽ ᐃᑕᑭᑕᒪᐋᐧᐤ, ᒫᑲ ᑖᐱᐢᑯᐨ ᐁ ᒪᓯᓇᐦᐃᑫᐟ.
[5] ᒫᑲ ᐊᓇ ᐁᑳ ᑳ ᐊᑐᐢᑫᐟ, ᒫᑲ ᑳ ᑖᐯᐧᔦᔨᒫᐟ ᐊᓂᐦᐃ ᑳ ᑲᐧᔭᐢᑭᑖᑎᓯᐊᐧᑭᒫᔨᐟ ᐅᒪᒑᑎᓯᐊᐧ, ᐅ ᑖᐯᐧᔦᔨᑕᒧᐃᐧᐣ ᑲᐧᔭᐢᑭᑖᑎᓯᐃᐧᐣ ᐃᑕᑭᑕᒪᐋᐧᐤ.
[6] ᐊᐦᐳ ᑌᐱᐟ ᒥᓇ ᐃᐧᐦᑕᑦ ᐅ ᓴᐁᐧᔨᑖᑯᓯᐃᐧᓂᔨᐤ ᐊᓂᐦᐃ ᐊᔨᓯᔨᓂᐊᐧ, ᑭᓭᒪᓂᑐᐊᐧ ᑳ ᐊᑭᑕᒫᑯᔨᐟ ᑲᐧᔭᐢᑭᑖᑎᓯᐃᐧᐣ ᐱᐢᑭᐢ ᐊᑐᐢᑫᐃᐧᓇ ᐅᐦᒋ,
[7] ᐁ ᐃᑌᐧᐟ, ᓴᐁᐧᔨᑖᑯᓯᐊᐧᐠ ᐊᓂᑭ ᐅ ᐊᐧᓂᐃᑎᐃᐧᓂᐋᐧᐊᐧ ᑳ ᐳᓀᔨᑕᒫᐦᒋᐠ, ᒥᓇ ᐅ ᒪᒋᐃᑎᐃᐧᓂᐋᐧᐊᐧ ᑳ ᐊᑲᐧᓇᐦᐃᑳᑌᔨᑭ.
[8] ᓴᐁᐧᔨᑖᑯᓯᐤ ᐊᓇ ᐊᔨᓯᔨᓂᐤ ᐁᑳ ᑳ ᐊᑭᑕᒫᑯᐟ ᑳ ᑎᐯᔨᐦᒋᑫᔨᐟ ᒪᒋᐃᑎᐃᐧᐣ.
[9] ᐅᒪ ᒫᑲ ᓴᐁᐧᔨᑖᑯᓯᐃᐧᐣ ᐱᑯ ᒋ ᑳ ᓴᕒᑲᑦᓴᐃᓯᐃᐧᐟ ᑳ ᐃᐧᐦᑕᒫᐦᐟ, ᐊᐦᐳ ᒋ ᐁᑳ ᑳ ᓴᕒᑲᑦᓴᐃᓯᐃᐧᐟ ᒥᓇ? ᒋᑫᒫ ᑭᐟ ᐃᑖᐧᓈᓇᐤ, ᐁᑊᕒᐁᐋᑦ ᐅ ᑖᐯᐧᑕᒧᐃᐧᐣ ᑲᐧᔭᐢᑭᑖᑎᓯᐃᐧᐣ ᐁ ᑭ ᐃᑕᑭᑕᒫᐦᐟ.
[10] ᑖᓂᓯ ᒫᑲ ᑳ ᐃᑕᑭᑕᒫᐦᐟ? ᓵᓴᐩ ᒋ ᐁ ᑭ ᓴᕒᑲᑦᓴᐃᓯᐃᐧᐟ, ᐊᐦᐳ ᒋ ᐁᑳ ᐁ ᓴᕒᑲᑦᓴᐃᓯᐃᐧᐟ? ᓈᒪᐃᐧᔭ ᐁ ᑭ ᓴᕒᑲᑦᓴᐃᓯᐃᐧᐟ, ᒫᑲ ᐁᑳ ᐁ ᓴᕒᑲᑦᓴᐃᓯᐃᐧᐟ:
[11] ᐁᑯᓯ ᑭ ᒥᔮᐤ ᐊᓂᒪ ᑭᐢᑭᓇᐋᐧᒋᐅᐃᐧᐣ ᓴᕒᑲᑦᓴᐃᓯᐃᐧᐃᐧᐣ, ᐁ ᐋᔮᑕᐢᑕᒫᐦᐟ ᐊᓂᒪ ᑲᐧᔭᐢᑭᑖᑎᓯᐃᐧᐣ ᑳ ᑭ ᐊᔮᐟ ᑖᐯᐧᑕᒧᐃᐧᐣ ᐅᐦᒋ ᑫᔮᐱᐨ ᐁᑳ ᐁ ᓴᕒᑲᑦᓴᐃᓯᐃᐧᐟ: ᑭᑕ ᑭ ᐅᔪᑖᐃᐧᒋᐠ ᑲᐦᑭᔭᐤ ᐊᓂᑭ ᑳ ᑖᐯᐧᑕᐦᑭᐠ ᐋᑕ ᐁᑳ ᐁ ᓴᕒᑲᑦᓴᐃᓯᐃᐧᒋᐠ, ᑲᐧᔭᐢᑭᑖᑎᓯᐃᐧᐣ ᑭᑕ ᐊᑭᑕᒫᐦᒋᐠ;
[12] ᒥᓇ ᑭᑕ ᐅᔪᑖᐃᐧᐢᑲᒪᐋᐧᐟ ᓴᕒᑲᑦᓴᐃᓯᐃᐧᐃᐧᐣ ᐊᓂᐦᐃ ᐁᑳ ᐱᑯ ᑳ ᓴᕒᑲᑦᓴᐃᓯᐃᐧᒋᐠ, ᒫᑲ ᑳ ᐱᒧᐦᑌᒋᐠ ᑕᑯᐢᑫᐃᐧᓂᕽ ᐊᓂᒪ ᑖᐯᐧᔦᔨᑕᒧᐃᐧᐣ ᑯᑖᐃᐧᓇᐤ ᐁᑊᕒᐁᐋᑦ ᑳ ᑭ ᐊᔮᐟ ᐁᑳ ᐁ ᓴᕒᑲᑦᓴᐃᓯᐃᐟ.
[13] ᒋᑫᒫ ᓇᒪᐃᐧᔭ ᐅᔭᓱᐁᐧᐃᐧᐣ ᐅᐦᒋ ᑳ ᑭ ᐊᓱᑕᒫᐦᐟ ᐁᑊᕒᐁᐋᑦ ᐊᐦᐳ ᐅᐟ ᐊᐊᐧᓯᒥᓴ, ᑭᑕ ᐋᓂᐢᑫ ᑎᐯᔨᑕᕽ ᐊᐢᑭ, ᒫᑲ ᐊᓂᒪ ᑲᐧᔭᐢᑭᑖᑎᓯᐃᐧᐣ ᑖᐯᐧᔦᔨᑕᒧᐃᐧᐣ ᐅᐦᒋ.
[14] ᐃᐧᔭ ᑭᐢᐱᐣ ᐊᓂᑭ ᐅᔭᓱᐁᐧᐃᐧᓂᕽ ᑯᐦᒋᒋᐠ ᐃᔮᓂᐢᑭ ᑎᐯᔨᑕᒧᐋᐧᑫᐧ, ᑖᐯᐧᔦᔨᑕᒧᐃᐧᐣ ᑕᐃᐧᓂᑳᑌᐤ, ᒥᓇ ᐊᓱᑕᒫᑫᐃᐧᐣ ᓇᒪ ᓈᓇᑕᐤ ᐃᑖᐸᑕᐣ:
[15] ᒋᑫᒫ ᐅᔭᓱᐁᐧᐃᐧᐣ ᑭᓯᐋᐧᓯᐃᐧᐣ ᐊᑐᐢᑳᑕᒧᒪᑲᐣ; ᒫᑲ ᐃᑕ ᐁᑳ ᐅᔭᓱᐁᐧᐃᐧᐣ ᐁ ᐊᔮᐠ, ᓇᒪᐃᐧᔭ ᐱᑯᓂᑳᑌᐤ.
[16] ᐁᐊᐧᑯᒪ ᑖᐯᐧᔦᔨᑕᒧᐃᐧᐣ ᑯᐦᒋ ᐊᔮᐠ, ᑭᓭᐋᐧᑎᓯᐃᐧᓂᕽ ᑭᑕ ᐃᑕᐢᑌᐠ; ᐁᑯᓯ ᒫᑲ ᐊᓱᑕᒫᑯᐃᐧᐣ ᑭᑕ ᑫᒋᓇᑕᓂᔨᐠ ᑲᐦᑭᔭᐤ ᑳ ᐊᐋᐧᓯᓯᑳᐃᐧᓂᐃᐧᒋᐠ; ᓇᒪᐃᐧᔭ ᐱᑯ ᐊᓂᑭ ᐅᔭᓱᐁᐧᐃᐧᓂᕽ ᑯᐦᒋᒋᐠ, ᒫᑲ ᐊᓂᑭ ᒥᓇ ᑯᐦᒋᒋᐠ ᐅ ᑖᐯᐧᔦᔨᑕᒧᐃᐧᐣ ᐁᑊᕒᐁᐋᑦ, ᐁᐊᐧᑯ ᑲᐦᑭᔭᐤ ᑯᔪᑖᐃᐧᔭᕽ
[17] (ᑳ ᐃᑕᓯᓇᐦᐃᑳᑌᐠ, ᑭᔭ ᑭᑕ ᐅᔪᑖᐃᐧᒋᐠ ᒥᐦᒉᐟ ᐁ ᐃᑕᐢᑳᓀᓯᒋᐠ ᑭ ᑭ ᐃᓯᐃᑎᐣ) ᐁ ᐃᓯ ᑭᑖᐸᒥᑯᐟ ᐊᓂᐦᐃ ᑳ ᑖᐯᐧᑕᐋᐧᐟ, ᑭᓭᒪᓂᑐᐊᐧ ᐅᑎ, ᐊᓇ ᑳ ᐱᒫᑎᓯᐢᑲᐋᐧᐟ ᐅᓂᐱᐊᐧ, ᒥᓇ ᑳ ᐃᓯ ᑌᐸᐧᑕᕽ ᐊᓂᐦᐃ ᐁᑳ ᑳ ᐊᔮᔨᑭ ᑖᐱᐢᑯᐨ ᓵᓴᐩ ᐁ ᐊᔮᔨᑭ.
[18] ᐊᓇ ᐁ ᐃᓯ ᐸᑯᓭᔨᒧᐟ ᑳ ᑭ ᑖᐯᐧᑕᕽ ᐋᑕ ᐁᑳ ᐁ ᐃᑕᑌᔨᑖᑲᐧᓂᔨᐠ, ᐃᐧᔭ ᑭᑕ ᐅᔪᑖᐃᐧᔨᐟ ᒥᐦᒉᐟ ᐁ ᐃᑕᐢᑳᓀᓯᔨᐟ, ᐁ ᐃᑕᐢᑌᔨᐠ ᐊᓂᒪ ᑳ ᑭ ᐃᐧᐦᑕᒫᐦᐟ, ᐁᑯᓯ ᑫ ᐃᓯ ᐊᔮᒋᐠ ᑭᐟ ᐊᐋᐧᓯᒥᓴᐠ.
[19] ᐁᑯᓯ ᐁᑳ ᐁ ᐊᑎ ᓀᓱᐊᐧᓂᔨᐠ ᐅ ᑖᐯᐧᔦᔨᑕᒧᐃᐧᐣ ᓇᒪᐃᐧᔭ ᒫᒥᑐᓀᔨᑕᑦ ᐃᐧᔭᐤ ᑖᐱᐢᑯᐨ ᐁ ᓂᐳᒪᑲᓂᔨᐠ (ᐃᐧᔭ ᓵᓴᐩ ᓇᐣᑕᐤ ᒥᑖᑕᐦᑐᒥᑕᓇᐤ ᐁ ᐃᑕᑐᐱᐳᓀᐧᐟ), ᒥᓇ ᓭᕒᐊᐊᐧ ᐁ ᐃᓯ ᓀᓱᐃᐧᑭᑳᔨᐟ:
[20] ᒋᑫᒫ, ᐁ ᑲᓇᐋᐧᐸᐦᑕᒫᐧᐟ ᐅᐟ ᐊᓱᑕᒫᑫᐃᐧᓂᔨᐤ ᑭᓭᒪᓂᑐᐊᐧ, ᓇᒪᐃᐧᔭ ᐋᓀᐧᑕᒧᐃᐧᐣ ᓴᐃᐧᐢᑳᐟ, ᒫᑲ ᐁᔪᑲᑦ ᑭ ᒪᐢᑲᐃᐧᓯᐤ ᑖᐯᐧᔦᔨᑕᒧᐃᐧᐣ ᐅᐦᒋ, ᐁ ᑭᐢᑕᑭᒫᐟ ᑭᓭᒪᓂᑐᐊᐧ,
[21] ᒥᓇ ᒥᑐᓂ ᐁ ᑫᒋᓈᐅᐟ, ᐊᓂᒪ ᑳ ᑭ ᐊᓱᑕᒫᑯᐟ, ᐁ ᑲᐢᑭᑖᔨᐟ ᑭᑕ ᐃᑐᑕᒥᔨᐟ.
[22] ᐁᑯᓯ ᒫᑲ ᑲᐧᔭᐢᑭᑖᑎᓯᐃᐧᐣ ᑭ ᐃᑕᑭᑕᒪᐋᐧᐤ.
[23] ᓇᒪᐃᐧᔭ ᒫᑲ ᐃᐧᔭ ᐱᑯ ᐅᐦᒋ ᑳ ᑭ ᒪᓯᓇᐃᑳᑌᐠ, ᐁ ᑭ ᐃᓯ ᐊᑭᑕᒫᐦᐟ;
[24] ᒫᑲ ᑭᔮᓇᐤ ᒥᓇ ᐅᐦᒋ, ᑳ ᑖᐯᐧᑕᐋᐧᔭᕽ ᐊᓇ ᑳ ᑭ ᐊᐧᓂᐢᑳᓈᐟ ᒋᓴᓴ ᑳ ᑎᐯᔨᒥᑯᔭᕽ ᓂᐳᐃᐧᓂᕽ ᐅᐦᒋ,
[25] ᑳ ᑭ ᐸᑭᑎᓂᐦᐟ ᑭ ᐊᐧᓂᑐᑕᒧᐃᐧᓂᓇᐊᐧ ᐅᐦᒋ, ᒥᓇ ᑳ ᑭ ᐊᐧᓂᐢᑳᓂᐦᐟ ᑭᑕ ᑲᐧᔭᐢᑭᑖᑎᓯᐊᐧᑭᒥᑲᐃᐧᔭᕽ.