[1] ᑳ ᐳᓂᐸᔨᑭ ᐅᐦᐃ ᒋᓴᐢ ᑭ ᐸᐹᒧᑌᐤ ᑲᓬᐊᓬᐃᕽ; ᒋᑫᒫ ᓇᒪᐃᐧᔭ ᐃᐧ ᐱᒧᐦᑌᐤ ᒍᑎᐊᐃᕽ, ᐃᐧᔭ ᒍᐊᐧ ᐁ ᑭ ᓇᑐᓇᒥᔨᐟ ᑭᑕ ᓂᐸᐃᑯᐟ.
[2] ᒥᑭᐊᐧᐱ ᐃᐧᐦᑯᐦᑐᐃᐧᐣ ᒫᑲ ᐅ ᐃᐧᐦᑯᐦᑐᐃᐧᓂᐋᐧᐤ ᒍᐊᐧᐠ ᓵᓴᐩ ᑫᑳᐟ ᐅᑎᐦᒋᐸᔨᐤ.
[3] ᐅᒋᐋᐧᒪ ᒫᑲ ᐅᒥᓯ ᑭ ᐃᑎᐠ, ᓯᐯᐧᐦᑌ ᒥᓇ ᐃᑐᐦᑌ ᒍᑎᔭᐃᕽ, ᐃᐧᐢᑕᐋᐧᐤ ᑭ ᑭᐢᑭᓄᐦᐊᒪᐋᐧᑲᓇᐠ ᑭᑕ ᐋᐧᐸᐦᑕᐦᑭᐠ ᐊᑐᐢᑫᐃᐧᓇ ᑳ ᑐᑕᒪᐣ.
[4] ᒋᑫᒪ ᓇᒪ ᐊᐃᐧᔭᐠ ᐊᔨᓯᔨᓂᐤ ᑫᑲᐧᐩ ᑭᒧᐨ ᐊᔨᑐᑕᑦ, ᐁᑯᓯ ᐃᐧᔭ ᐁ ᓇᑐᓇᕽ ᒧᓯᐢ ᑭᑕ ᑭᐢᑫᔨᒥᐦᐟ. ᑭᐢᐱᐣ ᐁᑯᓯ ᐁᓯᒋᑫᐊᐧᓀ, ᓄᑯᐃᓱ ᐅᑕ ᐊᐢᑭᕽ.
[5] ᒋᑫᒫ ᐊᐦᐳ ᐅᒋᐋᐧᒪ ᓇᒪᐃᐧᔭ ᑭ ᑖᐯᐧᔦᔨᒥᐠ.
[6] ᒋᓴᐢ ᒫᑲ ᐅᒥᓯ ᑭ ᐃᑌᐤ, ᓇᒣᐢᑲᐧ ᓂᔭ ᓂ ᓇᐃᐸᔨᐃᑯᐣ; ᑭᔭᐋᐧᐤ ᒫᑲ ᑲᑭᑫ ᑭ ᓇᐃᐸᔨᐃᑯᓈᐋᐧᐤ.
[7] ᓇᒪᐃᐧᔭ ᑭ ᑳ ᑭ ᐸᑳᐧᑎᑯᓈᐋᐧᐤ ᐊᐢᑭ; ᒫᑲ ᓂᔭ ᓂ ᐸᑲᐧᑎᑯᐣ, ᒋᑫᒪ ᓂᐟ ᐋᑐᑌᐣ, ᐁ ᐃᓯ ᐊᑐᐢᑳᑕᒥᕽ ᑳ ᒪᒐᔨᐊᐧᕽ.
[8] ᐃᑐᐦᑌᐠ ᑭᔭᐋᐧᐤ ᐃᐧᐦᑯᐦᑐᐃᐧᓂᕽ; ᓇᒣᐢᑲᐧ ᓂᔭ ᓂᐟ ᐃᑐᐦᑖᐣ ᐅᒪ ᑳ ᐃᐧ ᐃᐧᐦᑯᐦᑐᓈᓂᐃᐧᐠ; ᒋᑫᒪ ᓇᒣᐢᑲᐧ ᓂᔭ ᓂ ᑎᐱᐸᔨᐃᑯᐣ.
[9] ᐃᐢᐱ ᒫᑲ ᑳ ᐊᔨᑖᐟ ᐅᐦᐃ ᐃᑌᐧᐃᐧᓇ, ᑫᔮᐱᐨ ᑭ ᐊᔮᐤ ᑲᓬᐊᓬᐃᕽ.
[10] ᒫᑲ ᐃᐢᐱ ᐅᒋᐋᐧᒪ ᑳ ᓯᐯᐧᑌᔨᐟ, ᐃᐧᐢᑕ ᑭ ᐃᑐᐦᑌᐤ ᐃᐧᐦᑯᐦᑐᐃᐧᓂᕽ, ᓇᒪᐃᐧᔭ ᒫᑲ ᒧᓯᓭ, ᒫᑲ ᑖᐱᐢᑯᐨ ᐱᑯ ᑭᒧᐨ.
[11] ᒍᐊᐧᐠ ᒫᑲ ᑭ ᓇᓈᑐᓇᐁᐧᐊᐧᐠ ᐃᐧᐦᑯᐦᑐᐃᐧᓂᕽ, ᐅᒥᓯ ᐁ ᐃᑌᐧᒋᐠ, ᑖᓂᑌ ᐁᔮᐟ?
[12] ᒥᐢᑕᐦᐃ ᒫᑲ ᑭ ᐊᐧᔪᑌᐧᐁᐧᒥᑐᐊᐧᐠ ᐊᔨᓯᔨᓂᐊᐧᐠ ᐃᐧᔭ ᐅᐦᒋ; ᒋᑫᒫ ᐋᑎᐦᐟ ᑭ ᐃᑌᐧᐊᐧᐠ, ᒥᔪ ᐊᔨᓯᔨᓂᐃᐧᐤ; ᑯᑕᑲᐠ ᒫᑲ ᑭ ᐃᑌᐧᐊᐧᐠ, ᓇᒪᐃᐧᔭ; ᐊᐧᐊᐧᔦᓯᐁᐤ ᐊᔨᓯᔨᓂᐊᐧ.
[13] ᓇᒪᐃᐧᔭ ᒫᑲ ᐊᐃᐧᔭ ᐊᔨᓯᔨᓂᐊᐧ ᒧᓯᓭ ᑭ ᐋᔨᒨᒥᐠ, ᐃᐧᔭ ᐁ ᑯᐢᑖᒋᐠ ᒍᐊᐧ.
[14] ᒫᑲ ᐃᐢᐱ ᒥᑐᓂ ᐁ ᒣᑳᐧ ᐱᒥᐸᔨᐠ ᐃᐧᐦᑯᐦᑐᐃᐧᐣ ᒋᓴᐢ ᑭ ᐃᑐᐦᑌᐤ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᐁᑯᓯ ᑭ ᑭᐢᑭᓄᐦᐊᒫᑫᐤ.
[15] ᒍᐊᐧᐠ ᒫᑲ ᑭ ᒫᒪᐢᑳᑌᔨᑕᒪᐧᐠ, ᐅᒥᓯ ᐁ ᑭ ᐃᑌᐧᒋᐠ, ᑖᓂᓯ ᐁᓯ ᑭᐢᑫᔨᑕᕽ ᐊᐊᐧ ᐊᔨᓯᔨᓂᐤ ᑭᐢᑭᓄᐦᐊᒫᑐᐃᐧᓇ, ᐁᑳ ᐃᐧᑳᐨ ᐁ ᐅᐦᒋ ᑭᐢᑭᓄᐦᐊᒫᐦᐟ?
[16] ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᑭ ᐃᑖᐟ, ᓇᒪᐃᐧᔭ ᓂᔭ ᓂ ᑭᐢᑭᓄᐦᐊᒫᑫᐃᐧᐣ ᒫᑲ ᐊᓇ ᑳ ᐯ ᐃᓯᑎᓴᐦᐅᐟ.
[17] ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐃᐧ ᐃᑐᑕᐦᑭ ᐁ ᐃᑕᐢᑌᔨᐠ ᐅᐟ ᐃᑌᔨᑕᒧᐃᐧᐣ, ᑭᑕ ᑭᐢᑫᔨᑕᑦ ᐅᒪ ᑭᐢᑭᓄᐦᐊᒫᑫᐃᐧᐣ, ᑭᐢᐱᐣ ᑭᓭᒪᓂᑐᕽ ᐁᐧᒋᒪᑲᓄᑫᐧ ᐊᐦᐳ ᓂᔭ ᐱᑯ ᐁᐧᒋᐸᔨᑫᐧ ᓂ ᐱᑭᐢᑫᐧᐃᐧᐣ.
[18] ᐊᓇ ᐃᐧᔭ ᐱᑯ ᐅᐦᒋ ᑳ ᐱᑭᐢᑫᐧᐟ ᓇᑐᓇᑦ ᐃᐧᔭ ᐅ ᑭᐢᑌᔨᑖᑯᓯᐃᐧᐣ; ᐊᓇ ᒫᑲ ᐃᐧᔭ ᑳ ᓇᑐᓇᒫᐧᐟ ᐅ ᑭᐢᑌᔨᑖᑯᓯᐃᐧᓂᔨᐤ ᐊᓂᐦᐃ ᑳ ᐯ ᐃᓯᑎᓴᐦᐅᑯᐟ, ᐁᐊᐧᑯ ᑎᔮᐯᐧᐟ, ᓇᒪᐃᐧᔭ ᒫᑲ ᑫᑲᐧᐩ ᒪᒋ ᐃᓯᐦᒋᑫᐃᐧᐣ ᑭᑭᐢᑳᐠ.
[19] ᓇᒪ ᒋ ᒧᓯᐢ ᑭ ᑭ ᒥᔨᑯᑕᐋᐧᐤ ᐅᔭᓱᐁᐧᐃᐧᐣ ᓇᒪᐃᐧᔭ ᒫᑲ ᐊᐃᐧᔭᐠ ᑳ ᐃᑕᓯᔦᐠ ᑎᐱᑐᑕᑦ ᐅᔭᓱᐁᐧᐃᐧᐣ? ᑫᑲᐧᐩ ᒫᑲ ᑳ ᐅᐦᒋ ᐃᐧ ᓂᐸᐃᔦᐠ?
[20] ᐊᔨᓯᔨᓂᐊᐧᐠ ᒫᑲ ᑭ ᓇᐢᑫᐧᐊᐧᓯᒣᐊᐧᐠ ᐅᒥᓯ ᐁ ᑭ ᐃᑖᒋᐠ, ᑭᐟ ᐊᔭᐋᐧᐤ ᒪᒋ ᐊᐦᒑᕽ; ᐊᐁᐧᓇ ᓀᑕᐁᐧᔨᑕᕽ ᑭᑕ ᓂᐸᐃᐢᐠ?
[21] ᒋᓴᐢ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᐯᔭᐠ ᐊᑐᐢᑫᐃᐧᐣ ᓂ ᑭ ᑐᑌᐣ, ᑲᐦᑭᔭᐤ ᒫᑲ ᑭ ᑭ ᒫᒪᐢᑳᑌᓈᐋᐧᐤ.
[22] ᒧᓯᐢ ᒫᑲ ᑭ ᑭ ᒥᔨᑯᐋᐧᐤ ᑭᐢᑭᓇᐊᐧᒋᓴᐊᐧᑎᑐᐃᐧᐣ; (ᓇᒪᐃᐧᔭ ᒧᓯᐢ ᐁ ᑭ ᐅᐦᒋ ᐃᓯᐦᒋᑫᕽ, ᒫᑲ ᐅᑖᐃᐧᒪᐊᐧᐠ ᐅᐦᒋ;) ᐁ ᐊᔭᒥᐦᐁᑭᓯᑲᐠ ᒫᑲ ᑭ ᑭᐢᑭᓇᐊᐧᒋᓴᐊᐧᑖᐋᐧᐤ ᐊᔨᓯᔨᓂᐤ.
[23] ᑭᐢᐱᐣ ᒫᑲ ᐊᔨᓯᔨᓂᐤ ᐁ ᐊᔭᒥᐦᐁᑭᓯᑳᔨᐠ ᐅᑎᓇᑦ ᑭᐢᑭᓇᐋᐧᒋᓴᐊᐧᑎᑐᐃᐧᐣ, ᐁᑳ ᑭᑕ ᐱᑯᓂᑳᑌᔨᐠ ᒧᓯᐢ ᐅᔭᓱᐁᐧᐃᐧᐣ: ᑭ ᑭᓰᐢᑕᐃᐧᓈᐋᐧᐤ ᒋ ᒥᑐᓂ ᐁ ᑭ ᐃᔨᓂᑲᐦᐊᐠ ᐊᔨᓯᔨᓂᐤ ᐁ ᐊᔭᒥᐦᐁᑭᓯᑳᐠ?
[24] ᐁᑳᐃᐧᔭ ᐁ ᐃᓯ ᐋᐧᐸᐦᑕᒣᐠ ᐃᓯ ᐅᔭᓱᐋᐧᓯᐁᐧᐠ, ᒫᑲ ᐅᔭᓱᐋᐧᓯᐁᐧᐠ ᐁ ᐃᓯ ᑲᐧᔭᐢᑲᐧᕽ ᐅᔭᓱᐋᐧᓯᐁᐧᐃᐧᐣ.
[25] ᑭ ᐃᑌᐧᐊᐧᐠ ᒫᑲ ᐊᑎᐦᐟ ᒉᕒᐅᓴᓬᐊᒥᕽ ᐁᔮᒋᐠ, ᓇᒪ ᒋ ᐁᐊᐧᑯᓂ ᑳ ᓇᓈᑐᓇᐊᐧᒋᐠ ᐁ ᐃᐧ ᓂᐸᐦᐋᒋᐠ?
[26] ᒋᐢᐟ ᒫᑲ, ᒧᓯᐢ ᐱᑭᐢᑫᐧᐤ ᓇᒪᐃᐧᔭ ᒫᑲ ᓈᓂᑕᐤ ᑭ ᐃᑌᐊᐧᐠ. ᒫᑖᐧᓂ ᒋ ᑖᐯᐧ ᑭᐢᑫᔨᑕᒪᐧᐠ ᐅᔭᓱᐁᐧᐃᐧᔨᓂᐊᐧᐠ ᐁᐊᐧᑲᐧᓂ ᐅᐦᐃ ᙭.
[27] ᐋᑕᐃᐧᔭ ᑭ ᑭᐢᑫᔨᒫᓇᐤ ᐊᐊᐧ ᐊᔨᓯᔨᓂᐤ ᐃᑌ ᐁᐧᐦᒋᐟ; ᒫᑲ ᐃᐢᐱ ᙭ ᑕᑯᓯᑭ, ᓇᒪ ᐊᐃᐧᔭᐠ ᐊᔨᓯᔨᓂᐤ ᑭᑕ ᑭᐢᑫᔨᑕᑦ ᐃᑌ ᐁᐧᒋᔨᐟ.
[28] ᒋᓴᐢ ᒫᑲ ᑭ ᐃᓯ ᑌᐯᐧᐤ ᑭᐦᒋ ᐊᔭᒥᐦᐁᐃᐧᑲᒥᑯᕽ ᒣᑳᐧᐨ ᐁ ᑭᐢᑭᓄᐦᐊᒫᑫᐟ, ᐅᒥᓯ ᐁ ᐃᑌᐧᐟ, ᓇᒪᐃᐧᔭ ᐱᑯ ᑭ ᑭᐢᑫᔨᒥᓈᐋᐧᐤ ᒫᑲ ᑭ ᑭ ᑭᐢᑫᔨᑌᓈᐋᐧᐤ ᐃᑌ ᐁᐧᒋᔮᐣ; ᓇᒪᐃᐧᔭ ᓂᔭ ᑎᐱᔭᐤ ᓂ ᐯ ᐃᑐᐦᑖᐣ, ᒫᑲ ᐊᓇ ᑳ ᐯ ᐃᓯᑎᓴᐦᐅᐟ ᑖᐯᐧᐃᐧᓂᐃᐧᐤ, ᐁᑳ ᑳ ᑭᐢᑫᔨᒫᔦᐠ.
[29] ᒫᑲ ᓂᔭ ᓂ ᑭᐢᑫᔨᒫᐤ; ᒋᑫᒫ ᑳ ᐊᔮᐟ ᐁᑯᑌ ᓄᒋᐣ, ᒥᓇ ᓂ ᑭ ᐯ ᐃᓯᑎᓴᐦᐅᐠ.
[30] ᐁᑯᓯ ᒫᑲ ᑭ ᓇᓈᑐᓇᒪᐧᐠ ᑭᑕ ᐅᑎᓈᒋᐠ; ᒫᑲ ᓇᒪ ᐊᐃᐧᔭ ᑭ ᐅᑎᑎᓂᐠ, ᒋᑫᒪ ᓇᒣᐢᑲᐧ ᑭ ᐅᑎᐦᒋᐸᔨᔨᐤ ᐃᔨᑯᕽ.
[31] ᒥᐦᒉᐟ ᒫᑲ ᐊᔨᓯᔨᓂᐊᐧᐠ ᑭ ᑖᐯᐧᔦᔨᒣᐊᐧᐠ, ᐅᒥᓯ ᐁ ᐃᑌᐧᒋᐠ, ᐃᐢᐱ ᙭ ᑕᑯᓯᑭ, ᐊᐊᐧᓯᒣ ᒋ ᑭᑕ ᒪᒪᐦᑖᐃᐧ ᐃᓯᐦᒋᑫᐤ ᐃᔨᑯᕽ ᐊᐊᐧ ᐊᔨᓯᔨᓂᐤ ᑳ ᑭ ᐃᓯᐦᒋᑫᐟ?
[32] ᐹᕒᐊᓯᔭᐠ ᒫᑲ ᑭ ᐯᑕᐁᐧᐊᐧᐠ ᐊᔨᓯᔨᓂᐊᐧ ᐁ ᑕᓯᒫᔨᐟ; ᐹᕒᐊᓯᔭᐠ ᒫᑲ ᒥᓇ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᑭ ᓯᐯᐧᑎᓴᐁᐧᐊᐧᐠ ᐅᑎᓂᐁᐧᐊᐧ ᑭᑕ ᓇᑕᐃᐧ ᐅᑎᓈᔨᐟ.
[33] ᒋᓴᐢ ᒫᑲ ᐅᒥᓯ ᑭ ᐃᑌᐤ, ᑫᔮᐱᐨ ᐊᒋᔭᐤ ᑭ ᐃᐧᒉᐃᐧᑎᓈᐋᐧᐤ, ᐁᑯᓯ ᓂ ᑲ ᓈᑖᐤ ᐊᓇ ᑳ ᐯ ᐃᓯᑎᓴᐦᐅᐟ.
[34] ᑭ ᑳ ᓇᓈᑐᓇᐃᐧᓈᐋᐧᐤ, ᓇᒪᐃᐧᔭ ᒫᑲ ᑭ ᑳ ᒥᐢᑲᐃᐧᓈᐋᐧᐤ: ᐃᑕ ᒫᑲ ᐁ ᐊᔮᔮᐣ, ᓇᒪᐃᐧᔭ ᑭ ᑳ ᑲᐢᑭᑖᓈᐋᐧᐤ ᑭᑕ ᐯ ᐃᑐᑌᔦᐠ.
[35] ᐅᒥᓯ ᒫᑲ ᑭ ᐊᔨᑎᑐᐊᐧᐠ ᒍᐊᐧᐠ, ᑕᓂᑌ ᑫ ᐃᑐᐦᑌᐟ, ᐁᑳ ᒫᑲ ᑭᑕ ᒥᐢᑲᐋᐧᔭᕽ? ᑭᑕ ᓈᑌᐤ ᒋ ᑳ ᓯᓭᐧᐢᑳᔨᐟ ᒣᑲᐧ ᒉᐣᑕᐃᓬᐃᓈᕽ, ᑭᑕ ᑭᐢᑭᓄᐦᐊᒫᐋᐧᐟ ᒉᐣᑕᐃᓬᐊ?
[36] ᑫᑲᐧᐩ ᐃᑌᐧᐃᐧᐣ ᐅᒪ ᑳ ᐃᑌᐧᐟ, ᑭ ᑳ ᓇᓈᑐᓇᐃᐧᓈᐋᐧᐤ, ᓇᒪᐃᐧᔭ ᒫᑲ ᑭ ᑲ ᒥᐢᑲᐃᐧᓈᐋᐧᐤ; ᒥᓇ ᐃᑕ ᐁ ᐊᔮᔮᐣ, ᓇᒪᐃᐧᔭ ᑭ ᑳ ᑭ ᐯ ᐃᑐᐦᑖᓈᐋᐧᐤ?
[37] ᐁᑲᐧ ᒫᑲ ᐃᐢᑲᐧᔮᐨ ᐁ ᑭᓯᑳᐠ, ᐁ ᑭᐦᒋ ᐃᐧᐦᑯᐦᑐᐃᐧ ᑭᓯᑳᐠ, ᒋᓴᐢ ᑭ ᓂᐸᐃᐧᐤ, ᐁ ᑭ ᑌᐯᐧᐟ, ᐅᒥᓯ ᐁ ᐃᑌᐧᐟ ᑭᐢᐱᐣ ᐊᐃᐧᔭᐠ ᓂᔪᑌᔮᐹᑫᐧᑫᐧ, ᑭᔮᑦ ᓂ ᑳ ᐯ ᓈᑎᐠ, ᐁᑯᓯ ᑭᑕ ᒥᓂᑫᐧᐟ.
[38] ᐊᓇ ᐃᓴ ᑳ ᑖᐯᐧᔦᔨᒥᐟ, ᒣᐧᐦᒋ ᑳ ᐃᑌᐧᒪᑲᕽ ᒪᓯᓇᐦᐃᑫᐃᐧᐣ, ᐊᐧᑕᕽ ᑭᑕ ᐅᐦᒋᒋᐊᐧᓂᔨᐊᐧ ᓯᐱᔭ ᐱᒫᑎᓯᐃᐧᓂ ᓂᐱ.
[39] ᒫᑲ ᐅᒪ ᐊᐦᒑᐦᑲᐧ ᑳ ᐃᑖᐟ, ᐊᓂᐦᐃ ᑖᐯᐧᔦᔨᒥᑯᒋ ᑭᑕ ᒥᔨᑯᐃᐧᓯᔨᐟ: ᒋᑫᒪ ᓇᒣᐢᑲᐧ ᒣᑭᓈᓂᐊᐧᐣ ᑳ ᑲᓈᑎᓯᐟ ᐊᐦᒑᕽ, ᒋᑫᒪ ᓇᒣᐢᑲᐧ ᒋᓴᐢ ᑭᐢᑌᔨᑖᑯᐋᐤ.
[40] ᒥᐦᒉᐟ ᒫᑲ ᐊᔨᓯᔨᓂᐊᐧᐠ, ᐃᐢᐱ ᐱᔦᐦᑕᐦᑭᐠ ᐅᒪ ᐃᑌᐧᐃᐧᐣ, ᑭ ᐃᑌᐧᐊᐧᐠ, ᐁᐊᐧᑯ ᐊᐊᐧ ᑖᐯᐧ ᐊᓇ ᐅᑭᐢᑭᐁᐧᐦᐃᑫᐤ.
[41] ᑯᑕᑲᐠ ᒫᑲ ᑭ ᐃᑌᐧᐊᐧᐠ, ᐁᐊᐧᑯ ᐊᐊᐧ ᙭. ᒫᑲ ᐋᑎᐦᐟ ᐅᒥᓯ ᑭ ᐃᑌᐧᐊᐧᐠ, ᑳᓬᐊᓬᐃᕽ ᒋ ᑭᑕ ᐯ ᐅᐦᒋᐤ ᙭?
[42] ᓇᒪ ᒋ ᑭᐦᒋ ᒪᓯᓂᐃᑫᐃᐧᐣ ᐃᑌᐧᒪᑲᐣ, ᙭ ᑭᑕ ᐯ ᐅᐦᒋᐟ ᑌᐱᐟ ᐅᐟ ᐊᐋᐧᓯᒥᓯᔨᕽ, ᒥᓇ ᐯᐟᓬᐃᐁᒥᕽ ᐅᐦᒋ, ᐃᑕ ᑳ ᑭ ᐅᐟ ᐃᑖᐃᐧᓂᐟ ᑌᐱᐟ?
[43] ᐁᑯᓯ ᒫᑲ ᐹᐱᑐᐢ ᑭ ᐊᔨᑌᔨᒣᐊᐧᐠ ᐊᔨᓯᔨᓂᐊᐧᐠ.
[44] ᐊᑎᐦᐟ ᒫᑲ ᐅ ᐃᐧ ᐅᑎᓇᑖᐋᐧᐤ ᓇᒪᐃᐧᔭ ᒫᑲ ᐊᐃᐧᔭᐠ ᐅᑎᐦᑎᓀᐤ.
[45] ᐅᑎᓂᐁᐧᐊᐧᐠ ᒫᑲ ᑭ ᐯ ᓇᑕᐋᐧᐸᒣᐊᐧᐠ ᑭᐦᒋ ᐊᔭᒥᐦᐁᐃᐧᔨᓂᐊᐧ ᒥᓇ ᐸᕒᐊᓯᔭ; ᐅᒥᓯ ᒫᑲ ᑭ ᐃᑎᑲᐧᐠ, ᑖᓀᑭ ᐁᑳ ᑳ ᐯᓯᐋᐧᔦᐠ?
[46] ᐅᑎᓂᐁᐧᐊᐧᐠ ᒫᑲ ᑭ ᓇᐢᑫᐧᐊᐧᓯᒣᐊᐧᐠ, ᓇᒪᐃᐧᑲᐨ ᐊᔨᓯᔨᓂᐤ ᐃᓯ ᐱᑭᐢᑫᐧᐤ ᑖᐱᐢᑯᐨ ᐊᐊᐧ ᓈᐯᐤ.
[47] ᐸᕒᐊᓯᔭᐠ ᒫᑲ ᑭ ᓇᐢᑫᐧᐊᐧᓯᒣᐊᐧᐠ, ᑭᐢᑕᐋᐧᐤ ᒋ ᑭ ᐊᐧᔦᓯᒥᑲᐃᐧᓈᐋᐧᐤ?
[48] ᐊᐃᐧᔭᐠ ᒋ ᐅᔭᓱᐁᐧᐃᐧᔨᓂᐊᐧᐠ ᐊᐦᐳ ᐸᕒᐊᓯᔭᐠ ᑭ ᑖᐯᐧᔦᔨᒣᐊᐧᐠ?
[49] ᒫᑲ ᐅᑯ ᐊᔨᓯᔨᓂᐊᐧᐠ, ᐁᑳ ᑳ ᑭᐢᑫᔨᑕᐦᑭᐠ ᐅᔭᓱᐁᐧᐃᐧᐣ, ᓈᓂᐳᒋᑳᓱᐊᐧᐠ.
[50] ᓂᑯᑎᒪᐢ ᒫᑲ ᐅᒥᓯ ᐃᑌᐤ, (ᐊᓇ ᑳ ᑭ ᐯ ᓈᑖᐟ ᒋᓴᓴ ᐁ ᒣᑲᐧ ᑎᐱᐢᑳᔨᐠ, ᐃᐧᐢᑕ ᐁᑯᑐᐊᐧ ᐯᔭᐠ,)
[51] ᐅᔭᓱᐋᐧᑎᐠ ᒋ ᐊᔨᓯᔨᓂᐤ ᑯᔭᓱᐁᐧᐃᐧᓂᓇᐤ ᒪᐧᔦᐢ ᓇᑐᑖᑯᐟ, ᐊᐦᐳ ᑭᐢᑫᔨᒥᑯᐟ ᐁ ᐃᓯᐦᒋᑫᐟ?
[52] ᑭ ᓇᐢᑫᐧᐊᐧᓯᒣᐊᐧᐠ ᒫᑲ ᐅᒥᓯ ᐁ ᐃᑖᒋᐠ, ᑲᓬᐊᓬᐃᕽ ᒋ ᑭᐢᑕ ᑯᒋᐣ? ᒪᐦᑎ ᓇᑐᓂᑫ, ᒥᓇ ᐋᐧᐸᐦᑕ; ᓇᒪ ᐊᐃᐧᔭᐠ ᐅᑭᐢᑭᐁᐧᐦᐃᑫᐤ ᑲᓬᐊᓬᐃᕽ ᐅᐦᒋᐤ.
[53] ᑲᐦᑭᔭᐤ ᒫᑲ ᐁ ᐃᐦᑕᓯᒋᐠ ᐊᔨᓯᔨᓂᐊᐧᐠ ᑭ ᑭᐁᐧᐊᐧᐠ, ᐃᐧᑭᐋᐧᕽ.