[1] Wa gassamo zurriiyit Haaruun fi majmuuʼaat. Wa awlaad Haaruun humman Nadaab wa Abiihu wa Aliʼaazar wa Itamaar.
[2] Wa Nadaab wa Abiihu maato gubbaal abuuhum wa ma jaabo awlaad. Wa fi chaan da, khidmit rujaal al-diin kallafo beeha Aliʼaazar wa Itamaar.
[3] Wa be musaaʼadat Saduukh al-min zurriiyit Aliʼaazar wa Akhiimalik al-min zurriiyit Itamaar, Dawuud gassam zurriiyit Haaruun fi majmuuʼaat hasab khidmithum al-kallafoohum beeha.
[4] Wa laakin zurriiyit Aliʼaazar indaha rujaal ziyaada min zurriiyit Itamaar. Wa achaan da bas, gassamo zurriiyit Aliʼaazar ale 16 majmuuʼa wa zurriiyit Itamaar ale 8 majmuuʼa. Wa ayyi majmuuʼa indaha kabiir aayilitha.
[5] Wa l-gassimiin da bigi be amʼiyeedaat. Wa da, achaan kubaaraat hana l-bakaan al-mukhaddas wa kubaaraat al-Rabb binlagu fi zurriiyit Aliʼaazar wa zurriiyit Itamaar kula.
[6] Wa Chamaʼya wileed Nataniil hu al-kaatib min al-Laawiyiin. Wa hu katab asaameehum giddaam al-malik wa giddaam al-kubaaraat wa giddaam Saduukh raajil al-diin wa giddaam Akhiimalik wileed Abiyaatar wa giddaam kubaaraat aayilaat rujaal al-diin wa l-Laawiyiin. Wa kan le gabiilat Aliʼaazar, yisawwu amʼiyeedaat marrateen wa baʼad da, le gabiilat Itamaar, yisawwuuha marra waahide bas.
[7] Wa daahu asaame kubaaraat al-majmuuʼaat al-azaloohum be amʼiyeedaat. Wa l-amʼiyeedaat al-awwal wagaʼat // le Yuyaarib wa l-taani le Yadaʼya
[8] wa l-taalit le Hariim wa l-raabiʼ le Saʼuriim
[9] wa l-khaamis le Malkiiya wa l-saadis le Miyaamiin
[10] wa l-saabiʼ le Hagguus wa l-taamin le Abiiya
[11] wa l-taasiʼ le Yachuuʼ wa l-aachir le Chakanya
[12] wa l-ihdaachar le Alyaachib wa l-atnaachar le Yakhiim
[13] wa l-talaataachar le Huffa wa l-arbaʼtaachar le Yachbaab
[14] wa l-khamistaachar le Bilga wa l-sittaachar le Immiir
[15] wa l-sabaʼtaachar le Hiziir wa l-tamaantaachar le Hafisiis
[16] wa l-tisaʼtaachar le Fatahya wa l-ichriin le Hizgiyaal
[17] wa l-waahid wa ichriin le Yaakiin wa l-itneen wa ichriin le Gaamuul
[18] wa l-talaata wa ichriin le Dalaaya wa l-arbaʼa wa ichriin le Maʼazya.
[19] Wa be misil da, al-majmuuʼaat dool kallafoohum be khidmithum fi beet Allah. Wa da, hasab al-churuut al-antaahum leehum jidduhum Haaruun misil Allah Ilaah Bani Israaʼiil amarah beyah.
[20] Wa daahu kubaaraat min zurriiyit al-Laawiyiin al-faddalo. Min awlaad Amraam, Chubayiil wa min awlaad Chubayiil, Yahadya.
[21] Wa min zurriiyit Rahabya, Yichiiya hu al-kabiir fi aayiltah.
[22] Wa min zurriiyit Yishaar, Chalumuut wa min awlaad Chalumuut, Yahat.
[23] Wa awlaad Hibruun, humman Yariiya al-awwal wa Amarya al-taani wa Yahaziyiil al-taalit wa Yakhmaʼaam al-raabiʼ.
[24] Wa wileed Uzziyiil hu Miika wa min awlaad Miika, Chamiir.
[25] Wa akhu Miika hu Yichiiya wa min awlaad Yichiiya, Zakariiya.
[26] Wa awlaad Maraari humman Mahli wa Muuchi wa Yaʼaziiya.
[27] Wa iyaal iyaalah le Maraari al-min wileedah Yaʼaziiya humman Chuham wa Zakkuur wa Ibri.
[28] Wa min Mahli, Aliʼaazar al-ma jaab awlaad.
[29] Wa min Khiich, Yarhamiil.
[30] Wa awlaad Muuchi humman Mahli wa Idar wa Yarimuut. Wa kulla l-naas dool min zurriiyit Laawi wa ayyi waahid kabiir fi aayiltah.
[31] Wa misil akhwaanhum min zurriiyit Haaruun, humman kula sawwo amʼiyeedaat giddaam al-malik Dawuud wa Saduukh wa Akhiimalik wa kubaaraat aayilaat rujaal al-diin wa l-Laawiyiin. Wa humman sawwo misil da, sawa sawa le kulla l-aayilaat kan hana akhu kabiir walla akhu sakhayyar kula.