[1] ᒥᓇ ᒫᑲ ᑭ ᐱᐦᑐᑫᐤ ᐊᔭᒥᐦᐁᐃᐧᑲᒥᑯᕽ; ᐁᑯᑕ ᒫᑲ ᑭ ᐊᔮᔨᐊᐧ ᓈᐯᐊᐧ ᐁ ᓂᐳᐃᐧᒋᐦᒉᔨᐟ.
[2] ᐁᑯᓯ ᑭ ᐊᓴᐋᐧᐁᐧᐊᐧᐠ ᒫᐦᑎ ᑭᑕ ᐃᔨᓂᑲᐃᐁᐧᔨᐟ ᐁ ᐊᔭᒥᐦᐁᑭᓯᑳᔨᐠ ᑭᑕ ᑭ ᐅᐦᒋ ᒪᒥᓯᒫᒋᐠ.
[3] ᑭ ᐃᑌᐤ ᒫᑲ ᐊᓂᐦᐃ ᓈᐯᐊᐧ ᑳ ᓂᐳᐃᐧᒋᐦᒉᔨᐟ, ᑖᐊᐧᔨᕽ ᓂᐸᐃᐧ.
[4] ᐅᒥᓯ ᒫᑲ ᐃᑌᐤ, ᒥᔮᐧᓯᐣ ᒋ ᑭᑕ ᒥᔪ ᑐᑕᒥᕽ ᐁ ᐊᔭᒥᐦᐁᑭᓯᑳᐠ, ᐊᐦᐳ ᑭᑕ ᒪᒋ ᑐᑕᒥᕽ? ᑭᑕ ᐱᒫᒋᐦᐃᐁᐧᕽ ᐊᐦᐳ ᑭᑕ ᓂᐸᐃᐁᐧᕽ? ᒫᑲ ᓇᒪ ᓈᐣᑕᐤ ᑭ ᐃᑌᐧᐊᐧᐠ.
[5] ᐃᐢᐱ ᒫᑲ ᐋᐧᓴᑳᑦ ᑳ ᑭᓯᐃᐧ ᑲᓇᐋᐧᐸᒫᐟ, ᒥᐢᑕᐦᐃ ᐁᑳ ᐁ ᓇᐁᔨᑕᕽ ᐅ ᒪᐢᑲᐃᐧᑌᐁᐃᐧᓂᔨᐤ ᐅᐦᒋ, ᐅᒥᓯ ᐃᑌᐤ ᐊᓂᐦᐃ ᓈᐯᐊᐧ, ᓱᐃᐧᓂᐢᑫᔨ. ᑭ ᓱᐃᐧᓂᐢᑫᔨᐤ ᒫᑲ: ᐁᑯᓯ ᑭ ᒥᔪ ᐊᔮᐤ ᐅ ᒋᐦᒋ.
[6] ᐊᓂᑭ ᒫᑲ ᐹᕒᐊᓯᔭᐠ ᑭ ᐊᐧᔭᐃᐧᐊᐧᐠ, ᐁᑯᓯ ᓭᒫᐠ ᐊᓯᒋ ᐁᕒᐅᑎᔭᓇᐠ ᑭ ᐅᔭᓱᐋᐧᑌᐊᐧᐠ, ᑖᓂᓯ ᑫ ᐃᓯ ᓂᓯᐊᐧᓈᒋᐋᒋᐠ.
[7] ᒫᑲ ᒋᓴᐢ ᑭ ᓯᐯᐧᑌᐤ ᐊᓯᒋ ᐅ ᑭᐢᑭᓄᐦᐊᒪᐋᐧᑲᓇ ᓵᑲᐦᐃᑲᓂᕽ ᐃᓯ: ᑭᐦᒋ ᒥᐦᒉᐟ ᒫᑲ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᑳᓬᐊᓬᐃᕽ ᐅᐦᒋ ᑭ ᐱᒥᑎᓴᐦᐅᐠ: ᒥᓇ ᒍᑎᐊᐃᕽ ᐅᐦᒋ,
[8] ᒥᓇ ᒉᕒᐅᓴᓬᐊᒥᕽ ᐅᐦᒋ, ᒥᓇ ᐊᐃᑐᒥᔭ ᐅᐦᒋ, ᒥᓇ ᐊᑳᒥᕽ ᒑᕒᑕᓂᕽ ᐅᐦᒋ; ᒥᓇ ᐊᓂᑭ ᐋᐧᓴᑳᑦ ᑕᐃᕒ ᒥᓇ ᓴᐃᑕᐣ ᑳ ᐊᔮᒋᐠ, ᐁ ᑭᐦᒋ ᒫᒪᐁᐧᔭᑎᒋᐠ, ᐃᐢᐱ ᑳ ᐯᐦᑕᐦᑭᐠ ᑭᐦᒋ ᑫᑲᐧᔭ ᑳ ᑭ ᑐᑕᒥᔨᐟ ᑭ ᐯ ᓈᑌᐊᐧᐠ.
[9] ᑭ ᐃᐧᐦᑕᒪᐁᐧᐤ ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᒥᐢᑎᑯᓯᐢ ᑭᑕ ᐁᐧᐯᒥ ᐊᔮᔨᐠ, ᒋᑫᒫ ᐁ ᒥᐦᒉᑎᔨᐟ ᐊᔨᓯᔨᓂᐊᐧ, ᐁᑳ ᑭᑕ ᑕᑖᔭᐃᐧᐢᑳᑯᐟ:
[10] ᒋᑫᒫ ᒥᐦᒉᐟ ᑭ ᐃᔨᓂᑲᐦᐁᐤ; ᐁᐊᐧᑯ ᒫᑲ ᐅᐦᒋ ᑭ ᓴᓯᑎᐢᑳᐠ ᑭᑕ ᓵᒥᓂᑯᐟ, ᑕᐦᑐ ᐊᓂᐦᐃ ᑳ ᐋᑯᓯᔨᐟ.
[11] ᐊᓂᐦᐃ ᒫᑲ ᐁᑳ ᑳ ᐯᑭᓯᔨᐟ ᐊᐦᒑᐦᑲᐧ, ᐃᐢᐱ ᐃᐧᔮᐸᒥᑯᒋ, ᑭ ᐸᐦᑭᓯᓂᔨᐊᐧ ᐁ ᐅᑎᐢᑲᐃᐧᐢᑳᑯᐟ, ᒥᓇ ᑭ ᑌᐯᐧᔨᐊᐧ, ᐁ ᐃᑌᐧᔨᐟ, ᑭᔭ ᑭᓭᒪᓂᑐ ᐅᑯᓯᓴ.
[12] ᒥᑐᓂ ᒫᑲ ᑭ ᐊᔮᑳᐧᒥᒣᐤ ᐁᑳ ᑭᑕ ᑭᐢᑫᔨᑖᑯᐃᑯᐟ.
[13] ᑭ ᐋᒪᒋᐁᐧᐤ ᒫᑲ ᐊᐧᒋᕽ, ᐁᑯᓯ ᑭ ᓇᑐᒣᐤ ᐊᓂᐦᐃ ᐁ ᓇᑕᐁᐧᔨᒫᐟ: ᑭ ᓈᑎᐠ ᒫᑲ.
[14] ᐁᑯᓯ ᒥᑖᑕᐟ ᓂᓱᓵᑊ ᑭ ᐅᔭᑭᒣᐤ, ᑭᑕ ᐊᐧᐃᐧᒉᐃᐧᑯᐟ, ᒥᓇ ᑭᑕ ᓴᓯᐯᐧᑎᓴᐋᐧᐟ ᑭᑕ ᑲᑫᐢᑭᒥᐁᐧᔨᐟ,
[15] ᒥᓇ ᑭᑕ ᐊᔮᔨᐟ ᑲᐢᑭᐦᐁᐃᐧᓯᐃᐧᐣ ᑭᑕ ᐊᐧᔭᐃᐧ ᐁᐧᐱᓈᔨᐟ ᒪᒋ ᐊᐦᒑᐦᑲᐧ:
[16] ᓴᐃᒪᓇ ᒫᑲ, ᐱᑕᕒ ᑭ ᐃᓯ ᐋᓂᐢᑫ ᐃᐧᔦᐤ;
[17] ᒥᓇ ᒉᒥᐢ ᐅᑯᓯᓴ ᓭᐱᑎ, ᒥᓇ ᒑᐣ ᐅᒋᐋᐧᒪ ᒉᒥᐢ; ᐳᐊᓇᕒᒋᐢ ᒫᑲ ᑭ ᐃᓯᔨᐦᑳᑌᐤ, ᐁᑲᐧᓂᒪ ᐁ ᐃᑖᐧᓂᐠ ᐱᔦᓯᐤ ᐅ ᑯᓯᓴ.
[18] ᒥᓇ ᐋᐣᑕᕒᐅ, ᒥᓇ ᐱᓬᐃᑊ, ᒥᓇ ᐹᕒᑖᓬᐊᑦᔪ, ᒥᓇ ᒫᐟᔪ, ᒥᓇ ᑖᒪᐢ, ᒥᓇ ᒉᒥᐢ ᐅᑯᓯᓴ ᐊᓬᐱᔭᐢ, ᒥᓇ ᑖᑎᔭᐢ, ᒥᓇ ᓴᐃᒪᐣ ᑫᓇᓂᐃᐧᔨᓂᐤ,
[19] ᒥᓇ ᒍᑕᐢ ᐃᐢᑳᕒᐃᔭᐟ, ᑳ ᒥᓯᒥᑯᐟ; ᑭ ᐱᐦᑐᑫᐊᐧᐠ ᒫᑲ ᐋᐧᐢᑳᐦᐃᑲᓂᕽ.
[20] ᐊᓂᑭ ᒫᑲ ᑳ ᒫᒪᐁᐧᔭᑎᒋᐠ ᒥᓇ ᑭ ᐯ ᒫᒪᐃᐧ ᐃᑐᐦᑌᐊᐧᐠ, ᐁᑯᓯ ᓇᒪᐃᐧᔭ ᑭ ᑕᐋᐧᐤ ᐊᐦᐳ ᑭᑕ ᑭ ᒧᐋᐧᒋᐠ ᐸᑫᐧᓯᑲᓇ.
[21] ᐃᐢᐱ ᒫᑲ ᐅᑐᑌᒪ ᐱᔦᑕᒥᔨᐟ ᑭ ᐊᐧᔭᐃᐧᔨᐊᐧ ᑭᑕ ᐅᑎᑎᓂᑯᐟ; ᒋᑫᒫ ᑭ ᐃᑌᐧᐊᐧᐠ, ᐊᔨᐋᐧᐠ ᐊᔨᑎᐤ.
[22] ᒪᓯᓇᐦᐃᑫᐃᐧᔨᓂᐊᐧᐠ ᒫᑲ ᒉᕒᐅᓴᓬᐊᒥᕽ ᑳ ᑭ ᐯ ᐅᑐᑌᒋᐠ ᑭ ᐃᑌᐧᐊᐧᐠ ᐱᐁᓬᓯᐸᐸ ᐊᔮᐁᐧᐤ, ᒥᓇ ᐁ ᐃᐧᒋᐦᐃᑯᐟ ᐅᑭᒫᒥᐋᐧᐊᐧ ᒪᒑᔨᓴᐠ ᑳ ᐅᐦᒋ ᐊᐧᔭᐃᐧᐁᐧᐱᓈᐟ ᒪᒑᔨᓴ.
[23] ᒫᑲ ᑭ ᓇᑐᒣᐤ ᐁᑯᓯ ᑭ ᐃᑌᐤ ᐁ ᐋᐁᐧᒋᑫᐟ, ᑖᓂᓯ ᓭᑕᐣ ᑫ ᑭ ᐃᓯ ᐊᐧᔭᐃᐧᐁᐧᐱᓈᐟ ᓭᑕᓇ?
[24] ᒥᓇ ᑭᐢᐱᐣ ᐅᑌᓇᐤ ᓇᓈᓂᐢᒋᐃᑐᒪᑲᑫ ᐁᐊᐧᑯ ᐅᑌᓇᐤ ᓇᒪᐃᐧᔭ ᑭᑕ ᑭ ᓂᐸᐃᐧᒪᑲᐣ.
[25] ᐁᑯᓯ ᒥᓇ ᑭᐢᐱᐣ ᐋᐧᐢᑳᐦᐃᑲᐣ ᓇᓈᓂᐢᒋᐃᑐᒪᑲᑫ ᐁᐊᐧᑯ ᐋᐧᐢᑳᐦᐃᑲᐣ ᓇᒪᐃᐧᔭ ᑭᑕ ᑭ ᒋᒪᑌᐤ.
[26] ᑭᐢᐱᐣ ᒫᑲ ᓭᑕᐣ ᐯᓯᑯᐢᑖᓱᑫᐧ, ᒥᓇ ᓀᓈᓂᐢᒋᐊᔮᑫᐧ, ᓇᒪᐃᐧᔭ ᑭᑕ ᑭ ᓂᐸᐃᐧᐤ ᒫᑲ ᐳᓂ ᐊᔮᐤ.
[27] ᒫᑲ ᓇᒪᐃᐧᔭ ᐊᐃᐧᔭᐠ ᑭᑕ ᑭ ᐱᐦᑐᑫᐤ ᐅ ᐋᐧᐢᑳᐦᐃᑲᓂᔨᕽ ᐁ ᒪᐢᑲᐃᐧᓯᔨᐟ ᓈᐯᐊᐧ ᑭᑕ ᓂᓯᐊᐧᓈᒋᑖᐋᐧᐟ ᐅᐟ ᐊᔮᓂᔨᐊᐧ ᑭᐢᐱᐣ ᐱᑯ ᓂᑳᐣ ᒪᒫᒋᑲᐧᐱᑖᒋ ᑳ ᒪᐢᑲᐃᐧᓯᔨᐟ ᓈᐯᐊᐧ; ᐁᑲᐧ ᑭᑕ ᑭ ᓂᓯᐊᐧᓈᒋᑖᐁᐧᐤ ᐅ ᐋᐧᐢᑳᐦᐃᑲᓂᔨᐤ.
[28] ᑖᐯᐧ ᑭᐟ ᐃᑎᓈᐋᐧᐤ ᑲᐦᑭᔭᐤ ᐅ ᒪᒋᐃᑎᐃᐧᓂᐋᐧᐊᐧ ᑭᑕ ᐳᓀᔨᑕᒪᐋᐧᐊᐧᐠ ᐊᔨᓯᔨᓂᐃᐧᑯᓯᓵᓇᐠ ᒥᓇ ᐅ ᐹᐢᑖᒧᐃᐧᓂᐋᐧᐊᐧ ᑫ ᐃᓯ ᐸᐹᐢᑖᒧᐋᐧᑫᐧ;
[29] ᒫᑲ ᐊᐃᐧᔭᐠ ᑫ ᐹᐢᑖᒧᑫᐧ ᐁ ᐃᑖᐟ ᑳ ᑲᓈᑎᓯᔨᐟ ᐊᐦᒑᐦᑲᐧ ᓇᒪ ᐃᐧᑳᐨ ᐊᔮᐤ ᐳᓀᔨᑕᒫᑯᐃᐧᐣ ᒫᑲ ᐃᑐᑕᑦ ᑳᑭᑫ ᒪᒋᐃᑎᐃᐧᐣ:
[30] ᒋᑫᒫ ᐁ ᐃᑌᐧᔨᐟ, ᐊᔮᐁᐧᐤ ᐁᑳ ᐁ ᐯᑭᓯᔨᐟ ᐊᐦᒑᐦᑲᐧ.
[31] ᐁᑯᑕ ᒫᑲ ᑭ ᐯ ᐃᑐᑎᔨᐊᐧ ᐅᑳᐃᐧᔭ ᒥᓇ ᐅᒋᐋᐧᒪ: ᐁᑯᓯ ᐊᐧᔭᐃᐧᑎᒥᕽ ᐁ ᓂᐸᐃᐧᔨᐟ, ᑭ ᐃᓯᑎᓴᐦᐅᐁᐧᔨᐊᐧ ᐁ ᓇᑐᒥᑯᐟ.
[32] ᐁ ᒫᒪᐁᐧᔭᑎᔨᐟ ᒫᑲ ᐊᔨᓯᔨᓂᐊᐧ ᑭ ᐋᐧᐢᑳᐱᐢᑖᐠ; ᑭ ᐃᑎᐠ ᒫᑲ, ᒋᐢᐟ ᑭᑳᐃᐧ ᒥᓇ ᑭᒋᐋᐧᒪᐠ ᐊᐧᔭᐃᐧᑎᒥᕽ ᑭ ᓇᑐᓈᑲᐧᐠ.
[33] ᑭ ᓇᐢᑫᐧᐊᐧᓯᒣᐤ ᒫᑲ, ᐅᒥᓯ ᐁ ᐃᑌᐧᐟ, ᐊᐁᐧᓈᓇ ᓂᑳᐃᐧ ᐊᐦᐳ ᓂᒋᐋᐧᒪᐠ;
[34] ᑭ ᓂᐱᑌ ᑲᓇᐋᐧᐸᒣᐤ ᒫᑲ ᐊᓂᐦᐃ ᑳ ᐋᐧᐢᑳᐱᐢᑖᑯᐟ, ᐅᒥᓯ ᐁ ᑭ ᐃᑌᐧᐟ, ᐋᐧᐸᒥᐠ ᓂᑳᐃᐧ ᒥᓇ ᓂᒋᐋᐧᒪᐠ!
[35] ᒋᑫᒫ ᐊᐃᐧᔭᐠ ᑫ ᑐᑕᒧᑫᐧ ᐁ ᐃᓯ ᓇᑕᐁᐧᔨᑕᒥᔨᐟ ᑭᓭᒪᓂᑐᐊᐧ ᐁᐊᐧᑯ ᓂᒋᐋᐧᑦ ᒥᓇ ᓂᑕᐁᐧᒫᐤ ᒥᓇ ᓂᑳᐃᐧ.