<1 Peter ᓂᐢᑕᑦ ᐱᑕᕒ 5

[1] ᑳ ᓂᑳᓀᔨᑖᑯᓯᒋᐠ ᑭᔭᐋᐧᐤ ᑳ ᐃᐧᒋ ᐊᔮᒥᑯᔦᑯᐠ ᓂ ᓯᑭᒫᐊᐧᐠ, ᓂᐢᑕ ᐁ ᐃᐧᒋ ᓂᑳᓀᔨᑖᑯᓯᒪᑭᐠ, ᒥᓇ ᐁ ᐋᑐᑕᒪᐧᐠ ᙭ ᐅ ᑯᑕᑭᑖᐃᐧᓇ, ᐁᑯᓯ ᒥᓇ ᐁ ᐃᐧᒋᐃᐁᐧᔮᐣ ᐊᓂᒪ ᑭᐢᑌᔨᑖᑯᓯᐃᐧᐣ ᑫ ᓄᑲᐧᕽ;

[2] ᑲᓇᐁᐧᔨᒥᑯᐠ ᑭᓭᒪᓂᑐ ᐅ ᒫᔭᑎᐦᑯᒪ ᐃᑕ ᑳ ᐊᔮᔦᐠ, ᐁ ᐸᒥᐋᔦᑯᐠ ᓇᒪᐃᐧᔭ ᐊᔨᓵᐨ, ᒫᑲ ᒋᑫᔨᑕᒧᐃᐧᓂᕽ, ᐁ ᐃᓯ ᓇᑕᐁᐧᔨᑕᕽ ᑭᓭᒪᓂᑐ; ᓇᒪᐃᐧᔭ ᒥᓇ ᒪᒋ ᑲᐢᑭᒋᑫᐃᐧᐣ ᐅᐦᒋ ᒫᑲ ᐅᒉᑲᒣᔨᑕᒧᐃᐧᓂᕽ;

[3] ᓇᒪᐃᐧᔭ ᒥᓇ ᐁ ᑎᐯᔨᒫᔦᑯᐠ ᐊᓂᑭ ᑳ ᒥᔨᑲᐃᐧᔦᐠ ᑭᑕ ᐸᒥᐋᔦᑯᐠ, ᒫᑲ ᐁ ᐃᓯᓈᑯᒋᑫᔦᐠ ᑭᑕ ᑭ ᑭᐢᑭᓇᐋᐧᐸᒥᑯᔦᑯᐠ ᑳ ᒫᒪᐁᐧᔭᑎᒋᐠ.

[4] ᐃᐢᐱ ᒫᑲ ᐊᓇ ᑭᐦᒋ ᐅᑲᓇᐃᐧᒫᔭᑎᐦᑫᐧᐤ ᓄᑯᓯᒋ, ᑭ ᑲ ᒥᔨᑲᐃᐧᓈᐋᐧᐤ ᐊᓂᒪ ᑳ ᑭᐢᑌᔨᑖᑲᐧᕽ ᑭᐦᒋ ᐅᑭᒫᐊᐧᐢᑐᑎᐣ ᐁᑳ ᑫ ᑲᔮᓵᔨᐊᐧᕽ.

[5] ᑭᔭᐋᐧᐤ ᒥᓇ ᑳ ᐅᐢᑳᑎᓯᔦᐠ, ᓇᓇᐃᑖᑯᐠ ᑳ ᑭᓭᔮᑎᓯᒋᐠ. ᐁᐦᐁ, ᑲᐦᑭᔭᐤ ᐸᑲᐃᑌᐅᑐᑕᒧᐠ ᑕᐸᑌᔨᒧᐃᐧᐣ ᑭᑕ ᐊᑐᐢᑫᐢᑖᑐᔦᐠ; ᒋᑫᒫ ᑭᓭᒪᓂᑐ ᓇᑳᐢᑲᐁᐧᐤ ᑳ ᑭᐢᑌᔨᒥᓱᔨᐟ ᒫᑲ ᒥᔦᐤ ᐅ ᓂᓱᑲᒫᑫᐃᐧᐣ ᐅᑕᐸᑌᔨᒧᐊᐧ.

[6] ᑕᐸᑌᔨᒧᐠ ᒫᑲ ᐁ ᐹᑕᑯᐢᑳᑯᐋᐧᔦᐠ ᑳ ᓱᑳᔨᐋᐧᓂᔨᐠ ᐅᒋᐦᒋ ᑭᓭᒪᓂᑐ, ᑭᑕ ᐅᐱᓂᑯᔦᐠ ᐃᔨᑯᕽ ᐅᑎᐦᒋᐸᔨᑭ;

[7] ᐃᐧᔭ ᐁ ᐸᑭᑎᓇᒪᐋᐧᔦᐠ ᑲᐦᑭᔭᐤ ᑭ ᒥᑯᐢᑳᑌᔨᑕᒧᐃᐧᓂᐋᐧᐊᐧ ᒋᑫᒫ ᑭ ᒥᑐᓀᔨᒥᑯᐋᐧᐤ.

[8] ᐊᔮᑳᐧᒥᓯᐠ, ᐊᓴᐋᐧᐱᐠ; ᑳ ᐃᐧ ᓂᓯᐊᐧᓈᒋᐃᑯᔦᐠ ᒪᒑᔨ, ᑖᐱᐢᑯᐨ ᐁ ᐸᐹ ᓵᐢᑲᑌᐧᒧᐟ ᒥᐢᑕᑫᓯᐤ ᐸᐹᒧᑌᐤ ᐁ ᓇᑐᓇᐋᐧᐟ ᐊᓂᐦᐃ ᑭᑕ ᑭᑕᒫᐧᐟ;

[9] ᐁᐊᐧᑯ ᓇᑳᐢᑳᕽ ᐁ ᒪᐢᑲᐃᐧᑳᐸᐃᐧᔦᐠ ᑭ ᑖᐯᐧᔦᔨᑕᒧᐃᐧᓂᐋᐧᕽ, ᐃᐧᔭ ᐁ ᑭᐢᑫᔨᑕᒣᐠ ᐁᐊᐧᑯᓂ ᑯᑕᑭᑖᐃᐧᓇ ᐁ ᑎᐱᑐᑕᒧᐃᐦᒋᐠ ᑭᒋᐋᐧᒥᐋᐧᐊᐧᐠ ᐊᐢᑭᕽ ᑳ ᐊᔮᒋᐠ.

[10] ᐁᑯᓯ ᑭᓭᒪᓂᑐ ᑳ ᐊᔮᐟ ᑲᐦᑭᔭᐤ ᑭᓭᐋᐧᑎᓯᐃᐧᐣ ᑳ ᑭ ᓇᑐᒥᑯᔦᐠ ᐅ ᑳᑭᑫ ᑭᐢᑌᔨᑖᑯᓯᐃᐧᓂᕽ ᙭ ᐃᓯ, ᐃᐢᐱ ᐊᒋᔭᐤ ᑭ ᑯᑕᑭᑖᔦᑯ ᐃᐧᔭ ᑫᐦᒋᐋᐧᐠ ᑭ ᑲ ᒪᒥᑐᓂᐃᑯᐋᐧᐤ, ᑭ ᑲ ᐋᔮᒋᐃᑯᐋᐧᐤ, ᑭ ᑲ ᒪᐢᑲᐃᐧᓯᐃᑯᐋᐧᐤ.

[11] ᐃᐧᔭ ᑭᑕ ᐊᔮᐤ ᑎᐯᔨᐦᒋᑫᐃᐧᐣ ᑳᑭᑫ ᒥᓇ ᑳᑭᑫ. ᐋᒣᐣ.

[12] ᐁ ᑕᑯᓇᒧᐊᐠ ᓯᓬᐯᓇᐢ, ᑳ ᐊᔮᑳᐧᒥᓯᐟ ᑭᒋᐋᐧᒥᓇᐤ ᑳ ᐃᑕᑭᒪᐠ, ᐅᒪ ᑭ ᒪᓯᓇᐦᐊᒫᑎᓈᐋᐧᐤ ᐊᐱᓯᐢ, ᐁ ᓯᑭᒥᑕᑯᐠ, ᒥᓇ ᐁ ᐋᒋᒧᐢᑖᑕᑯᐠ ᐁᐊᐧᑯ ᐅᒪ ᑖᐯᐧ ᐅ ᑭᓭᐋᐧᑎᓯᐃᐧᐣ ᑭᓭᒪᓂᑐ; ᐋᔮᒋᑳᐸᐃᐧᐠ ᒫᑲ ᐁᑯᑕ.

[13] ᐊᓇ ᐹᐱᓬᐊᓂᕽ ᑳ ᐊᔮᐟ ᑳ ᓇᐊᐧᓱᓂᐦᐟ ᐊᓯᒋ ᑭᔭᐋᐧᐤ ᑭᐟ ᐊᑕᒥᐢᑳᑯᐋᐧᐤ; ᒥᓇ ᒫᕒᐠ ᓂᑯᓯᐢ.

[14] ᐊᔭᑕᒥᐢᑯᑖᑐᐠ ᓵᑭᐦᐃᐁᐧᐃᐧᓂ ᐅᒉᑐᐃᐧᓂᕽ. ᐯᔭᑕᑫᔨᒧᐃᐧᐣ ᑭᑕ ᐃᐧ ᐊᔮᐊᐧᐠ ᑲᐦᑭᔭᐤ ᐊᓂᑭ ᙭ ᑳ ᑭᑭᐢᑳᑯᒋᐠ.