<1 Peter ᓂᐢᑕᑦ ᐱᑕᕒ 3

[1] ᐁᑯᓯ ᐃᓯ ᒥᓇ ᑭᔭᐋᐧᐤ ᐃᐢᑫᐧᑎᐠ, ᓇᓇᐃᑖᑯᐠ ᑭ ᓈᐯᒥᐋᐧᐊᐧᐠ; ᐁᑯᓯ ᑭᐢᐱᐣ ᐁᑳ ᓇᓇᐃᑕᑳᐧᐃᐧ ᐃᑌᐧᐃᐧᐣ ᐁᑳ ᐋᑕ ᐁ ᐊᔮᒋᐠ ᐃᑌᐧᐃᐧᐣ ᑭᑕ ᑲᐢᑭᐃᑯᒋᐠ ᐅᐟ ᐃᓯ ᐱᒫᑎᓯᐃᐧᓂᔨᐤ ᐃᐧᐃᐧᐋᐧᐊᐧ;

[2] ᐋᐧᐸᐦᑕᑳᐧᐃᐧ ᑲᓇᐁᐧᔨᒥᓱᐃᐧᓂᕽ ᐁ ᐃᓯ ᐱᒫᑎᓯᔦᐠ ᑭᑭ ᑯᓯᑫᐧᔨᑕᒧᐃᐧᐣ.

[3] ᑭ ᐊᐧᐁᐧᓯᐅᐃᐧᓂᐋᐧᐤ ᑭᔮᑦ ᐁᑳᐃᐧᔭ ᐊᓂᒪ ᐊᐧᐢᑭᐨ ᑳ ᐊᐱᑳᑕᒥᕽ ᒣᐢᑕᑲᔭ ᒥᓇ ᑳ ᐃᐧᔮᒥᐦᐟ ᐅᓵᐃᐧ ᓱᓂᔮᐤ, ᐊᐦᐳ ᐁ ᐳᓯᐢᑲᒥᕽ ᑭᑭᐢᑳᒋᑲᐣ;

[4] ᒫᑲ ᓇᐊᐧᐨ ᐁᑳ ᑳ ᓄᑲᐧᕽ ᐊᔨᓯᔨᓂᐃᐧᐃᐧᐣ ᒥᑌᐦᐃᕽ, ᐁᑳ ᑳ ᓂᓯᐊᐧᓈᑕᕽ ᑭᑭᐢᑳᒋᑲᐣ ᐁ ᔪᐢᑳᑎᓯᐟ ᒥᓇ ᐁ ᑭᔮᒣᐃᐧᓯᐟ ᐊᐦᒑᕽ, ᐁᐊᐧᑯ ᐁ ᐃᓯ ᑭᑖᐸᑕᕽ ᑭᓭᒪᓂᑐ ᒥᐢᑕᐦᐃ ᑳ ᐃᑕᑭᑌᐠ.

[5] ᒋᑫᒫ ᐁᑯᓯ ᐃᓯ ᑲᔮᐢ ᑲᓈᒋ ᐃᐢᑫᐧᐊᐧᐠ ᒥᓇ ᑳ ᒪᒥᓯᑐᑕᐋᐧᒋᐠ ᑭᓭᒪᓂᑐᐊᐧ ᑭ ᐃᓯ ᐊᐧᐁᐧᓯᐅᐊᐧᐠ ᐁ ᓇᓇᐃᑕᐋᐧᒋᐠ ᐅ ᓈᐯᒥᐋᐧᐊᐧ;

[6] ᑖᐱᐢᑯᐨ ᓭᕒᐊ ᑳ ᑭ ᐃᓯ ᓇᓇᐃᑕᐋᐧᐟ ᐁᑊᕒᐁᐊᒪ, ᓂᐟ ᐅᑭᒫᑦ ᐁ ᐃᓯᔨᐦᑳᑖᐟ; ᑭᔭᐋᐧᐤ ᒫᑲ ᐁᑲᐧ ᐁᐊᐧᑯ ᐅᐟ ᐊᐊᐧᓯᒥᓴ, ᑭᐢᐱᐣ ᐅᑎ ᑭ ᒥᔪᑐᑌᓈᐋᐧᐤ, ᐁᑳ ᑯᐢᑕᒣᑯ ᓈᐣᑕᐤ ᐊᐢᑖᓯᐃᐧᐣ.

[7] ᑭᔭᐋᐧᐤ ᒥᓇ ᓈᐯᑎᐠ, ᐁᑯᓯ ᐃᓯ ᐃᐧᒋ ᐊᔮᒥᑯᐠ ᑭᐃᐧᐋᐧᐊᐧᐠ ᑭᐢᑫᔨᑕᒧᐃᐧᓂᕽ, ᐁ ᒪᓈᒋᐋᔦᐠ ᐃᐢᑫᐧᐤ ᐃᐧᔭ ᐁ ᓀᓱᐃᐧᓯᐟ, ᒥᓇ ᐁ ᓂᓱ ᒥᔨᑯᐃᐧᓯᔦᐠ ᓂᓱᑲᒫᑯᐃᐧᐣ ᐱᒫᑎᓯᐃᐧᓂᕽ; ᑭᐟ ᐊᔭᒥᐦᐋᐃᐧᓂᐋᐧᐊᐧ ᐁᑳ ᑭᑕ ᐊᐧᓈᑖᔦᐠ.

[8] ᐃᐢᑳᐧᔮᐨ ᒫᑲ, ᑲᐦᑭᔭᐤ ᐯᔭᑯᑖᐠ ᐁ ᐃᓯ ᐅ ᒥᑐᓀᔨᒋᑲᓀᔦᐠ, ᐁ ᑭᑎᒫᑭᓈᑫᔦᐠ, ᐁ ᓵᑭᐦᐃᑐᔦᐠ ᑖᐱᐢᑯᐨ ᐁ ᐅᒋᐋᐧᒥᑐᔦᐠ, ᐁ ᓴᐃᐧᑌᐁᔦᐠ, ᐁ ᑕᐸᑌᔨᒧᐃᐧ ᒥᑐᓀᔨᒋᑲᓀᔦᐠ;

[9] ᐁᑳ ᒫᒥᐢᑯᐨ ᐁ ᒪᒋᑐᑖᑐᔦᐠ, ᐊᐦᐳ ᐁ ᑭᑳᑐᔦᐠ; ᒫᑲ ᓇᐊᐧᐨ ᐁ ᒥᔭᐧᑭᒥᑐᔦᐠ; ᐃᐧᔭ ᐁᑯᓯ ᑳ ᐃᓯ ᓇᑐᒥᑲᐃᐧᔦᐠ ᑭᑕ ᐊᔮᔦᐠ ᒥᔭᐧᑭᒥᑯᐃᐧᐣ.

[10] ᒋᑫᒫ, ᐊᓇ ᑳ ᐃᐧ ᓵᑭᑖᐟ ᐱᒫᑎᓯᐃᐧᐣ, ᒥᓇ ᑳ ᓄᑌ ᐋᐧᐸᐦᑕᕽ ᒥᔪ ᑭᓯᑳᐊᐧ, ᑭᔮᑦ ᑭᑕ ᑲᓇᐁᐧᔨᑕᑦ ᐅ ᑌᔭᓇ ᐁᑳ ᑭᑕ ᒪᒋ ᐱᑭᐢᑫᐧᐟ, ᒥᓇ ᐅᑐᐣ ᐁᑳ ᑲᑲᔦᔨᓯᐃᐧᐣ ᑭᑕ ᑕᓯᑕᕽ;

[11] ᑭᔮᒼ ᒥᓇ ᑭᑕ ᐃᐧᒫᐢᑲᑦ ᑳ ᒫᔮᑕᓇᔨᐠ ᐁᑯᓯ ᑭᑕ ᐃᑐᑕᑦ ᑳ ᒥᔮᐧᓯᓂᔨᐠ; ᑭᔮᑦ ᑭᑕ ᓇᑐᓈᑦ ᐯᔭᑕᑫᔨᒧᐃᐧᐣ ᒥᓇ ᑭᑕ ᐱᒥᑎᓴᐦᐊᑦ.

[12] ᐃᐧᔭ ᐅᐢᑭᓯᑲᐧ ᑳ ᑎᐯᔨᐦᒋᑫᐟ ᐁ ᑭᑖᐸᒥᑯᔨᐟ ᐅᑲᐧᔭᐢᑳᑎᓯᐊᐧ, ᒥᓇ ᐅᑕᐊᐧᑲᔭ ᐁ ᓇᑐᑖᑯᔨᐟ ᐅ ᒪᐃᐧᒧᐢᒋᑫᐃᐧᓂᔨᕽ; ᒫᑲ ᒫᔨ ᑲᓇᐋᐧᐸᒣᐤ ᑳ ᑎᐯᔨᐦᒋᑫᐟ ᐊᓂᐦᐃ ᑳ ᒪᒋᑐᑕᒥᔨᐟ.

[13] ᐊᐁᐧᓇ ᒫᑲ ᑫ ᑭ ᓈᐣᑕᐤ ᐃᑐᑖᑯᔦᐠ ᑭᐢᐱᐣ ᐋᑲᒣᔨᒧᑐᑕᒣᑯ ᐊᓂᒪ ᑳ ᒥᔮᐧᓯᐠ?

[14] ᒫᑲ ᑭᐢᐱᐣ ᑯᑕᑭᑖᔦᑯ ᑲᐧᔭᐢᑳᐧᑎᓯᐃᐧᐣ ᐅᐦᒋ ᑭ ᓴᐁᐧᔨᑖᑯᓯᓈᐋᐧᐤ; ᒥᓇ ᐁᑳᐃᐧᔭ ᑯᐢᑕᒫᐧᕽ ᑳ ᑯᐢᑕᑭᐠ, ᒥᓇ ᐁᑳᐃᐧᔭ ᒥᑯᐢᑳᑌᔨᑕᒧᐠ;

[15] ᒫᑲ ᑲᓈᒋᐃᕽ ᑭᑌᐃᐋᐧᕽ ᙭ ᐁ ᑎᐯᔨᐦᒋᑫᐟ; ᒧᓴᐠ ᐁ ᐊᐧᐁᐧᔨᔦᐠ ᑭᑕ ᐃᓯ ᓇᐢᑫᐧᐊᐧᓯᒫᔦᐠ ᑲᐦᑭᔭᐤ ᐊᐃᐧᔭᐠ ᑳ ᑲᑫᐧᒋᒥᑯᔦᐠ ᐁᑌᔨᑖᑲᐧᕽ ᐊᓂᒪ ᐊᐢᐯᔨᒧᐃᐧᐣ ᑳ ᑭᑭᐢᑳᑯᔦᐠ ᒫᑲ ᐁᔨᐁᐧᕽ ᔪᐢᑳᑎᓯᐃᐧᓂᕽ ᒥᓇ ᐊᐢᑖᓯᐃᐧᓂᕽ;

[16] ᐁ ᐊᔮᔦᐠ ᒥᔪ ᑭᐢᑫᔨᒥᓱᐃᐧᐣ; ᑭᔮᑦ ᐋᑕ ᓇᐢᐹᐨ ᐃᑎᑲᐃᐧᔦᑯ, ᑭᑕ ᓇᓀᐯᐃᐧᐃᐦᒋᐠ ᐊᓂᑭ ᑳ ᒪᒋ ᐱᑭᐢᑳᐧᑕᑭᐠ ᑳ ᒥᔮᐧᓯᐠ ᐁ ᐃᓯ ᐱᒫᑎᓯᔦᐠ ᙭ ᐃᓯ.

[17] ᒋᑫᒫ ᓇᐊᐧᐨ ᒥᔮᐧᓯᐣ ᑭᐢᐱᐣ ᐁᑯᓯ ᐃᑌᔨᑕᑭ ᑭᓭᒪᓂᑐ ᑭᑕ ᑯᑕᑭᑖᔦᐠ ᒥᔪᑐᑕᒧᐃᐧᐣ ᐅᐦᒋ ᐃᔨᑯᕽ ᐃᐧᔭ ᒪᒋᑐᑕᒧᐃᐧᐣ.

[18] ᐊᔨᐢ ᙭ ᒥᓇ ᑭ ᑯᑕᑭᑖᐤ ᒪᒋᑎᐃᐧᓇ ᐅᐦᒋ ᐯᔭᑳᐧᐤ, ᐅᑲᐧᔭᐢᑭᑖᑎᓯᐤ ᐁᑳ ᑲᐧᔭᐢᐠ ᑳ ᐃᑖᑎᓯᔨᐟ ᐅᐦᒋ, ᑭᓭᒪᓂᑐᕽ ᑭᑕ ᐃᑐᑕᐃᑯᔭᕽ; ᐁ ᑭ ᓂᐸᐃᐦᐟ ᐃᐧᔮᓯᕽ ᒫᑲ ᐁ ᑭ ᐱᒫᑎᓯᐟ ᐊᐦᒑᐦᑯᕽ;

[19] ᐃᑕ ᑳ ᑭ ᓇᑕᐃᐧ ᑲᑫᐢᑭᒫᐟ ᐊᐦᒑᐦᑲᐧ ᑭᐸᐦᐅᑐᐃᐧᓂᕽ ᑳ ᐊᔮᔨᐟ,

[20] ᐊᓂᑭ ᑳ ᑭ ᓴᓯᐱᑕᑭᐠ ᑲᔮᐢ, ᐅ ᓴᓯᐯᔨᑕᒧᐃᐧᓂᕽ ᑭᓭᒪᓂᑐ ᐁ ᐯᐦᐅᐟ ᒣᑳᐧᐨ ᓄᐊ ᐁ ᐅ ᑭᓯᑳᒥᐟ, ᐁ ᐃᐢᐱᐦᒋ ᐅᓯᑖᕽ ᓈᐱᑳᐧᐣ, ᐃᑕ ᒐᑲᐋᐧᓯᐢ, ᐊᔨᓈᓀᐤ ᐅᑎ ᐊᐦᒑᐦᑲᐧᐠ ᑳ ᑭ ᐱᒫᒋᐃᐦᒋᐠ ᓂᐱ ᐅᐦᒋ;

[21] ᐁᐊᐧᑯ ᒥᓇ ᑭᐢᑭᓇᐋᐧᐨ ᐁᑲᐧ ᑭ ᐱᒫᒋᐃᑯᓈᐋᐧᐤ, ᐹᑊᑕᐃᓯᐃᐧᐃᐧᐣ ᐅᑎ, ᓇᒪᐃᐧᔭ ᐁ ᐁᐧᐱᓇᒥᕽ ᐁ ᐃᐧᔨᐱᓯᕽ ᐃᐧᔮᓯᕽ ᒫᑲ ᐁ ᑲᑫᐧᒋᑫᒧᒪᑲᕽ ᒥᔪ ᑭᐢᑫᔨᒥᓱᐃᐧᐣ ᑭᓭᒪᓂᑐᕽ ᐃᓯ, ᐅᐟ ᐋᐱᓯᓯᓄᐃᐧᐣ ᐅᐦᒋ ᒋᓴᐢ ᙭;

[22] ᑳ ᐊᔮᐟ ᐅ ᑭᐦᒋᓂᐢᑭᔨᕽ ᑭᓭᒪᓂᑐᐊᐧ, ᐁ ᑭ ᐃᑐᐦᑌᐟ ᑭᐦᒋ ᑭᓯᑯᕽ; ᐅᑭᓯᑯᐊᐧ ᒥᓇ ᑎᐯᔨᐦᒋᑫᐃᐧᓇ ᒥᓇ ᒪᐢᑲᐃᐧᓯᐃᐧᓇ ᐃᐧᔭ ᐁ ᑎᐯᔨᑕᒧᐃᐦᐟ.