[1] ነገር ግን በኋላ ዘመን ክፉ ጊዜ እንደሚመጣ ይህን ዕወቅ።
[2] ሰዎች ራሳቸውን የሚወዱ፥ ገንዘብንም የሚወዱ፥ ቀባጣሪዎች፥ ትምክሕተኟች፥ ትዕቢተኟች፥ ተሳዳቢዎች፥ ለወላጆቻቸው የማይታዘዙ፥ ምስጋና የሌላቸው፥ ከጽድቅም የወጡ ይሆናሉ።
[3] ፍቅር የሌላቸው፥ ዕርቅን የማይሰሙ፥ ሐሜተኟች፥ ራሳቸውን የማይገዙ፥ ጨካኟች፥ መልካም የሆነውንም የሚጠሉ ይሆናሉ።
[4] ከዳተኟች፥ ችኩሎች፥ በትዕቢት የተነፉ፥ ከእግዚአብሔር ይልቅ ተድላን የሚመርጡ ይሆናሉ።
[5] የአምልኮት መልክ አላቸው፤ ኀይሉን ግን ይክዱታል፤ እንደ እነዚህ ያሉትን ራቃቸው።
[6] እነዚህ በየሰው ቤት የሚገቡና በኀጢአት የተተበተቡትን ሴቶች የሚማርኩ፥ ወደ ብዙ ምኟትም የሚደርሱ ናቸውና፤
[7] ዘወትር ይማራሉ፤ ነገር ግን እውነትን ከቶ አያውቌትም።
[8] ኢያኔስና ኢያንበሬስ ሙሴን እንደ ተቃወሙት እነዚህም እውነትን ይቃውሙአታል፤ አእምሮአቸውም የጠፋባቸውና ከእምነት የወጡ ሰዎች ናቸው።
[9] ነገር ግን ከፍ ከፍ አይሉም፤ የእነዚያ ስንፍና ደግሞ እንደ ተገለጠ ስንፍናቸው በዝታ ለሁሉም ተገልጣለችና።
[10] አንተ ግን ትምህርቴንና ግብሬን፥ አሳቤንም፥ እምነቴንም፥ ትዕግሥቴንም፥ ፍቅሬንም፥ መጽናናቴንም ተከተልህ፤
[11] ስደቴንና፥ መከራዬንም ተከተልህ፤ በአንጿኪያና በኢቆንዮን፥ በልስጥራንም ያገኘኝን የታገሥሁትንም ስደት ታውቃለህ፤ ከሁሉም እግዚአብሔር አዳነኝ።
[12] ኢየሱስ ክርስቶስንም በማምለክ ሊኖሩ የሚወዱ ሁሉ ይሰደዳሉ።
[13] ነገር ግን ክፉዎች ሰዎችና አታላዮች በክፋት ላይ ክፋትን እየጨመሩ ይሄዳሉ፤ ራሳቸው ይስታሉ፤ ሌላውንም ያስታሉ።
[14] አንተ ግን በተማርህበትና በተረዳህበት ጸንተህ ኑር፤ ከማን እንደ ተማርኸው ታውቃለህና።
[15] ከሕፃንነትህም ጀምረህ ኢየሱስ ክርስቶስን በማመን መዳን የሚገኝበትን ጥበብ ሊሰጡህ የሚችሉትን ቅዱሳን መጻሕፍትን ዐውቀሃል።
[16] በእግዚአብሔር መንፈስ የተጻፈ መጽሐፍ ሁሉ ለፍጹም ትምህርትና ለተግሣጽ፥ ልብንም ለማቅናት በጽድቅም ላለው ጥበብ ይጠቅማል።
[17] የእግዚአብሔር ሰው ፍጹምና ለበጎ ምግባር ሁሉ የተዘጋጀ ይሆን ዘንድ።