[1] Wa di hi al-baraka al-nabi Allah Muusa baarak beeha Bani Israaʼiil gabul mootah.
[2] Hu gaal : Allah ja leehum min Siinaaʼ wa misil al-harraay, talaʼ min Saʼiir wa min jabal Faaraan, nawwar. Wa ja be aalaaf min al-malaaʼika maʼaayah wa min iidah al-zeene tamrug naar.
[3] Akiid hu yihibb al-chaʼab wa kulla saalihiinah fi iideenah. Wa humman gaaʼidiin tihtah wa yasmaʼo taʼliimah.
[4] Wa Muusa amaraana be l-wasaaya wa humman warasat gabiilat Yaakhuub.
[5] Wa l-Rabb bigi malik fi Israaʼiil wakit lammo kubaaraat al-chaʼab wa gabaayil Bani Israaʼiil.
[6] Khalli gabiilat Raʼuubiin yahyo ma yumuutu wa rujaalha yabgo katiiriin.
[7] Wa fi gabiilat Yahuuza, hu gaal : Ya Allah asmaʼ hiss Yahuuza wa gabbilah le chaʼabah wa gawwi duraaʼah wa saaʼidah didd udwaanah.
[8] Wa fi gabiilat Laawi, hu gaal : Ya Allah, al-Uriim wa l-Tummiim al-beehum yasʼalook antoohum le l-naas al-amiiniin maʼaak al-inta jarrabtuhum fi Massa wa haarajtuhum fi almi Mariiba.
[9] Wa humman gaalo le waaldeenhum : «Aniina ma chifnaaku.» Wa gaalo le akhwaanhum : «Aniina ma naʼarfuuku.» Wa gaalo le iyaalhum : «Aniina ma naʼarfu intu yaatumman.» Wa humman hafado kalaamak, ya Allah, wa ahtaramo muʼaahadatak.
[10] Wa humman gaaʼidiin yigarru churuutak le iyaal Yaakhuub wa wasiiyaatak le Bani Israaʼiil. Wa fi l-mukhbar, yigaddumu leek al-bakhuur wa fi l-madbah, yigaddumu dahiiye kaamile.
[11] Ya Allah, baarik khidmithum wa arda be amalhum // al-yisawwuuh be iideehum. Aksir salaba al-naas al-yugummu didduhum wa kan le l-yakrahoohum, ma tikhalliihum battaan yugummu.
[12] Wa fi gabiilat Banyaamiin, hu gaal : Allah yihibb iyaal Banyaamiin wa yaskunu be amaan jamb al-yahmiihum daayman wa yaskunu fi jibaalah.
[13] Wa fi zurriiyit Yuusuf, hu gaal : Allah yibaarik baladhum wa yalgo al-rahma be l-matara al-tanzil min al-sama wa l-karany wa uyuun almi al-yatlaʼo min al-ard.
[14] Wa yarhamhum be l-nabaataat al-tigawwimhum al-harraay wa iyaalhum yanjado fi ayyi chahar.
[15] Wa yarhamhum be awwal intaaj al-jibaal al-gadiimiin wa ahsan intaaj al-hujaar ila l-abad.
[16] Wa yarhamhum be ahsan intaaj al-malaan fi l-ard. Allah al-baan fi l-chideere al-gammat foogha naar, khalli niʼmatah tabga misil taaj fi raas Yuusuf wa fi jabhat al-khassasooh // wa darrajooh fi akhwaanah.
[17] Hu indah charaf misil toor wald al-bikir wa guruunah misil guruun al-jaamuus. Be darbe waahide, hu yadrub beehum kulla l-chaʼab lahaddi aakhir al-ard. Wa humman acharaat al-aalaaf // min iyaal Afraayim wa aalaaf min iyaal Manassa.
[18] Wa fi gabiilat Zabuluun, hu gaal : Ya iyaal Zabuluun, afraho wakit tamurgu. Ya iyaal Yassaakar, afraho wakit gaaʼidiin fi khiyamku.
[19] Humman yaʼazumu al-chaʼab fi l-jibaal, fi l-bakaan al-yigaddumu foogah // al-dahaaya al-muwaafgiin achaan humman yalgo khunaahum min khazaayin al-ramla // hana khachum al-bahar.
[20] Wa fi gabiilat Gaad, hu gaal : Mubaarak al-anta gabiilat Gaad bakaan wasiiʼ. Humman ragado misil al-duud al-yagtaʼ gaayme aw raas rimmitah.
[21] Wa hu khatta eenah fi l-ard al-ahsan wa fi bakaan al-foogah // gisim al-malik. Wa hu gaddam le l-chaʼab wa tabbag adaalit Allah wa churuutah fi Bani Israaʼiil.
[22] Wa fi gabiilat Daan, hu gaal : Iyaal Daan humman // misil wileed al-duud al-marag min Baachaan.
[23] Wa fi gabiilat Naftaali, hu gaal : Iyaal Naftaali, humman chabʼaaniin be l-niʼma wa barakat Allah wa yichiilu al-kharib wa l-junuub.
[24] Wa fi gabiilat Achiir, hu gaal : Allah yibaarik Achiir min iyaal Yaakhuub wa akhwaanah yardo beyah wa yidiss rijlah fi l-dihin.
[25] Khalli gafala madiintah yabgo hana hadiid wa nahaas wa khalli yantiih al-gudra fi kulla muddit hayaatah.
[26] Wa ma fi chabiih le l-Rabb, hu al-yaji yafzaʼku ya Israaʼiil. Hu raakib fi l-samaawaat wa be azamatah, fi l-sahaab.
[27] Wa l-Rabb min zamaan hu al-maljaʼ wa gudurtah hi al-sawwat kulla cheyy fi l-ard. Hu tarad udwaanak giddaamak wa gaal : «Dammirhum !»
[28] Bani Israaʼiil yaskunu be amaan wa zurriiyit Yaakhuub // yagoodu wiheedhum fi balad al-gameh wa l-khamar al-jadiid wa l-sama yinazzil al-karany.
[29] Afraho, ya Bani Israaʼiil ! Yaatu al-misilku ? Intu chaʼab al-najjaaku Allah. Hu al-daraga al-tahmiiku wa l-seef al-yiwassif gudritku. Wa udwaanku yilmaskano wa intu tifajjukhu // bakaanaathum al-aaliyiin.