[1] Ле ве йәке заньбә кӧ р’ожед ахьрийеда зәманед хьраб wе бен.
[2] Мәрьве бьбьнә хwәһ’ьз, п’әрәһ’ьз, к’ӧбар, бабах, бӧхданбеж, нә гӧр’а де-бавада, бешекьр, һ’әрам,
[3] дьлсар, бер’ә’м, бӧхданбеж, тәмсьст, зӧлмк’ар, нәйаред qәнщийе,
[4] нәмам, бәрзәq, хwәр’ази, р’ьһ’әтиһ’ьз, нә кӧ Хwәдеһ’ьз.
[5] П’ьшке хwәденасийе wе ль wан к’әвә, ле wе qәwата wе инк’ар кьн. Тӧ хwә жь йед аһа дур бьгьрә.
[6] Жь нава ванда йед ӧса һәнә, кӧ хwә вәдьдьзьнә мала, к’ӧлфәтед сәр’айә бьн баред гӧнада шәwьти дькьнә һесир, йед кӧ бь щур’ә-щур’ә тәмед хьрабва тенә бьрьне.
[7] Әв к’ӧлфәтана һәр гав һин дьбьн, ле т’ӧ щар нькарьн р’астийе нас кьн.
[8] Чаwа Йанис у Йамбрис мьqабьли Муса бун, ӧса жи әв мәрьвана мьqабьли р’астийе дьсәкьньн, мәрьвнә бь фькьред хwәда шуна р’әшва чуйи, баwәрийеда жи бекер ьн .
[9] Ле гәләки wе пешда нәчьн, чьмки бефә’мийа wан wе һ’әмуйава ә’йан бә, чаwа йа wан һәр дӧйа бу.
[10] Ле тә насийа хwә дайә һинкьрьн, р’абун-р’уньштьн у нет-мәрәме мьн, баwәри, сәбьр у һ’ьзкьрьна мьн, бинфьрәйи,
[11] зерандьн у щәфайед мьн. Тӧ зани ль Әнтакйайе, Qонйайе, Листрайе чь һатьнә сәре мьн: Мьн чь зерандьн к’ьшандьн! Ле Хӧдан әз жь һ’әмуйа хьлаз кьрьм .
[12] Бәле һәр кәсе кӧ дьхwазә йәктийа Мәсиһ Исада бь хwәденаси бьжи wе бе зерандьне
[13] у мәрьвед хьрабә хwәйифел wе хьрабийеда пешда һәр’ьн, бьхальфиньн у бьхальфьн.
[14] Ле тӧ, нава wан тьштада бьминә, чь кӧ һин буйи у wе баwәрийеда жи гӧман буйи. Тӧ зани жь к’ижана һин буйи,
[15] ӧса жи тӧ жь зар’отийа хwәда ньвисаред пироз зани, йед кӧ дькарьн тә сәрwахт кьн, wәки бь баwәрийа сәр Мәсиһ Иса хьлаз би.
[16] Т’әмамийа ньвисаре жь бина бәр Хwәде йә у керһати йә бона һинкьрьне, леһьлатьне, р’асткьрьне у ширәткьрьна жийина һәqийеда,
[17] wәки мәрьве Хwәде бекемаси бә, бона һ’әму кьрьнед qәнщ һазьр сәкьни бә.