[1] ᑭᐢᐱᐣ ᒫᑲ ᐃᐦᑕᑲᐧᐣ ᓂᐢᑖᓭᔨᒧᐃᐧᐣ ᙭ ᐃᓯ, ᑭᐢᐱᐣ ᐃᐦᑕᑲᐧᐣ ᐁ ᒥᔪᑌᐁᐃᐁᐧᐠ ᓵᑭᐦᐃᐁᐧᐃᐧᐣ, ᑭᐢᐱᐣ ᐃᐦᑕᑲᐧᐣ ᐅ ᐃᐧᒉᐃᐧᐁᐧᐃᐧᐣ ᐋᐦᒑᕽ, ᑭᐢᐱᐣ ᐃᑕᑲᐧᓇᐧ ᑭᓭᐋᐧᑎᓯᐃᐧᓇ ᒥᓇ ᑭᑎᒫᑭᓈᑐᐃᐧᓇ,
[2] ᑎᐱᐸᔨᑖᐠ ᓂ ᒪᒪᐦᑖᑯᓯᐃᐧᐣ, ᑖᐱᐢᑯᐨ ᑭᑕ ᐃᓯ ᒫᒥᑐᓀᔨᑕᒣᐠ, ᑭᑕ ᐊᔮᔦᐠ ᐁ ᐯᔭᑲᐧᕽ ᓵᑭᐦᐃᐁᐧᐃᐧᐣ, ᑭᑕ ᒫᒪᐃᐧ ᐅᐃᐧᒉᐋᐧᑲᓂᑐᔦᐠ, ᐁ ᐯᔭᑲᐧᕽ ᒫᒥᑐᓀᔨᒋᑲᐣ;
[3] ᐁᑳ ᑫᑲᐧᐩ ᐁ ᐃᑐᑕᒣᐠ ᑲᑫᐧ ᐸᐢᑭᔮᑐᐃᐧᓂᕽ ᐊᐦᐳ ᐱᑯᓇᑕ ᒪᒥᒋᐢᑖᐃᐧᓂᕽ, ᒫᑲ ᑕᐸᑌᔨᒧᐃᐧ ᒫᒥᑐᓀᔨᒋᑲᓂᕽ ᑲᐦᑭᔭᐤ ᐊᐃᐧᔭᐠ ᓇᐊᐧᐨ ᑯᑕᑲ ᐁ ᑭᐢᑕᑭᒫᐟ ᐃᔨᑯᕽ ᐃᐧᔭ;
[4] ᐁᑳ ᐁ ᑲᓇᐊᐧᐸᑕᒣᐠ ᑭᔭᐋᐧᐤ ᑎᐱᔭᐤ ᑭᐟ ᐊᔮᐃᐧᓂᐋᐧᐊᐧ, ᒫᑲ ᒥᓇ ᐅᐟ ᐊᔮᐃᐧᓂᐋᐧᐊᐧ ᑯᑕᑲᐠ.
[5] ᐅᒪ ᒫᒥᑐᓀᔨᒋᑲᐣ ᑭ ᑲ ᐃᐧ ᐊᔮᓈᐋᐧᐤ, ᑳ ᑭ ᑭ ᑭᑭᐢᑳᑯᐟ ᐃᐧᐢᑕ ᙭ ᒋᓴᐢ:
[6] ᐁᐊᐧᑯ, ᐅᐟ ᐃᓯᓈᑯᓯᐃᐧᓂᔨᐤ ᑭᓭᒪᓂᑐᐊᐧ ᐁ ᐊᔮᐟ, ᓇᒪᐃᐧᔭ ᑫᑲᐧᐩ ᑭᑕ ᐅᑎᑎᓇᒥᕽ ᑭ ᐃᑕᑭᑕᑦ ᑭᑕ ᐃᐧᒋ ᐃᐢᐱᑌᔨᑖᑯᓯᒫᐟ ᑭᓭᒪᓂᑐᐊᐧ,
[7] ᒫᑲ ᑭ ᑲᐧᔭᑯᓂᓱ, ᐁ ᐅᑎᓇᕽ ᐊᑐᐢᑫᔮᑲᓇ ᐅᐟ ᐃᓯᓈᑯᓯᐃᐧᓂᔨᐤ, ᐊᔨᓯᔨᓂᕽ ᒫᑲ ᐁ ᑭ ᐃᓯᐃᐦᐟ;
[8] ᐁᑯᓯ ᒫᑲ ᐊᔨᓯᔨᓂᕽ ᐁ ᑭ ᐃᓯᐃᑯᐃᐧᓯᐟ, ᑭ ᑕᐸᑌᔨᑖᑯᐃᓱ, ᐁ ᑭ ᓇᓇᐃᑕᕽ ᓂᐳᐃᐧᓂᕽ ᐃᐢᑯ, ᐁᐦᐁ, ᓂᐳᐃᐧᐣ ᐱᒥᑖᐢᑯᐃᑲᓂᕽ.
[9] ᐁᐊᐧᑯ ᒫᑲ ᐅᐦᒋ ᑭᓭᒪᓂᑐ ᒥᐢᑕᐦᐃ ᑭ ᑭᐢᑌᔨᑖᑯᐁᐤ, ᒥᓇ ᑭ ᒥᔦᐤ ᐊᓂᒪ ᐃᐧᔪᐃᐧᐣ ᑳ ᒫᐊᐧᒋ ᑭᐢᑕᑭᑌᐠ ᐁ ᐃᑕᑎᕽ ᐃᐧᔪᐃᐧᐣ;
[10] ᐅ ᐃᐧᔪᐃᐧᓂᕽ ᒋᓴᐢ ᑲᐦᑭᔭᐤ ᐊᐃᐧᔭᐠ ᑭᑕ ᐅᒋᐦᒋᑲᐧᓂᐟ, ᑭᐦᒋ ᑭᓯᑯᕽ ᒥᓇ ᐊᐢᑭᕽ ᒥᓇ ᐊᑖᒥᕽ ᐊᐢᑭᕽ,
[11] ᒥᓇ ᑲᐦᑭᔭᐤ ᒥᑌᔭᓂ ᑭᑕ ᐃᐧᔨᑯᐟ ᒋᓴᐢ ᙭ ᐁ ᑎᐯᔨᐦᒋᑫᐟ, ᐅ ᑭᐢᑌᔨᑖᑯᓯᐃᐧᓂᕽ ᑭᓭᒪᓂᑐ ᐁᐧᔪᑖᐃᐧᕽ.
[12] ᐁᑯᓯ ᒫᑲ, ᓯᔮᑭᐦᐃᑕᑯᐠ, ᑖᐱᐢᑯᐨ ᑳᑭᑫ ᑳ ᑭ ᐃᓯ ᓇᓇᐃᑕᒣᐠ, ᓇᒪᐃᐧᔭ ᐱᑯ ᐁ ᐋᐧᐸᒥᑕᑯᐠ, ᒫᑲ ᐊᔨᐋᐧᐠ ᐁᑲᐧ ᐁᑳ ᐁ ᐋᐧᐸᒥᑕᑯᐠ, ᐊᑐᐢᑳᑕᒧᐠ ᑭ ᐱᒫᒋᐦᐅᐃᐧᓂᐋᐧᐤ ᑲᑯᐢᐸᓀᔨᑕᒧᐃᐧᓂᕽ ᒥᓇ ᐊᐢᑖᓯᐃᐧᓂᕽ;
[13] ᒋᑫᒫ ᑭᓭᒪᓂᑐ ᑳ ᐊᑐᐢᑳᑎᑯᔦᐠ ᐱᐦᒋ, ᑭᑕ ᐃᑌᔨᑕᒣᐠ ᒥᓇ ᑭᑕ ᐃᑐᑕᒣᐠ ᑳ ᐃᓯ ᒥᔦᐧᔨᑕᕽ.
[14] ᑲᐦᑭᔭᐤ ᑫᑲᐧᐩ ᐃᑐᑕᒧᐠ ᐁᑳ ᑭᑕ ᒥᑕᐁᐧᔦᐠ ᒥᓇ ᐁᑳ ᑭᑕ ᒥᑯᐢᑳᑌᐧᐁᐧᑖᔦᐠ;
[15] ᐁᑳ ᑭᑕ ᐋᓀᐧᔨᑖᑯᓯᔦᐠ ᒥᓇ ᑭᑕ ᑭᔮᒣᐃᐧᓯᔦᐠ, ᐅᐟ ᐊᐋᐧᓯᒥᓴ ᑭᓭᒪᓂᑐ ᐁᑳ ᐁ ᒫᔨᓈᑯᒋᑫᔦᐠ ᒣᑳᐧᐨ ᑳ ᐱᒥᓯᒋᐠ ᒥᓇ ᑳ ᒪᒑᔨᐃᐧᒋᐠ ᐊᔨᓯᔨᓂᐊᐧᐠ, ᐁᑯᑕ ᑳ ᓄᑯᓯᔦᐠ ᑖᐱᐢᑯᐨ ᐋᐧᓴᐢᑯᑌᓂᑲᓇ ᐊᐢᑭᕽ,
[16] ᐁ ᓂᒥᓇᒣᐠ ᐱᒫᑎᓯᐃᐧᓂ ᐃᑌᐧᐃᐧᐣ; ᑭᑕ ᐊᔮᔮᐣ ᑫ ᐅᐦᒋ ᒪᒪᐦᑖᑯᓯᔮᐣ ᐃᐢᐱ ᐅ ᑭᓯᑳᒥᒋ ᙭, ᐁᑳ ᐱᑯᓇᑕ ᑳ ᑭ ᐱᒥᐸᑖᔮᐣ ᒥᓇ ᐁᑳ ᐱᑯᓇᑕ ᑳ ᑭ ᐊᑐᐢᑫᔮᐣ.
[17] ᐁᐦᐁ, ᑭᐢᐱᐣ ᐋᑕ ᐸᑭᑎᓂᑲᐃᐧᔮᓂ ᐁ ᐸᑭᑎᓈᓱᐢᑕᒥᕽ ᒥᓇ ᐁ ᐊᑐᐢᑫᐢᑕᒥᕽ ᑭ ᑖᐯᐧᔦᔨᑕᒧᐃᐧᓂᐋᐧᐤ, ᓂ ᒪᒪᐦᑖᑯᓯᐣ, ᒥᓇ ᑭ ᐃᐧᒋ ᒪᒪᐦᑖᑯᓯᒥᑎᓈᐋᐧᐤ ᑲᐦᑭᔭᐤ:
[18] ᐁᑯᓯ ᐃᓯ ᒫᑲ ᑭᐢᑕᐋᐧᐤ ᒪᒪᐦᑖᑯᓯᐠ, ᒥᓇ ᐃᐧᒋ ᒪᒪᐦᑖᑯᓯᒥᐠ.
[19] ᒫᑲ ᓂ ᒪᒥᓯᑐᑕᐋᐧᐤ ᑳ ᑎᐯᔨᐦᒋᑫᐟ ᒋᓴᐢ ᐃᐧᐸᐨ ᑭᑕ ᐃᓯᑎᓴᐊᐧᐠ ᑎᒪᑎ ᑭᑕ ᓇᑕᐋᐧᐸᒥᑯᔦᐠ, ᓂᔭ ᒥᓇ ᑭᑕ ᒪᒥᔪᑌᐁᐃᑯᔮᐣ, ᐃᐢᐱ ᑭᐢᑫᔨᑕᒫᓂ ᐁ ᐃᓯ ᐊᔮᔦᐠ.
[20] ᒋᑫᒫ ᓇᒪᐃᐧᔭ ᓂᐟ ᐊᔮᐋᐧᐤ ᑯᑕᐠ ᐊᔨᓯᔨᓂᐤ ᐁᑯᓯ ᐁ ᐃᓯ ᐅ ᒥᑐᓀᔨᒋᑲᓀᐟ, ᑖᐯᐧ ᑭᑕ ᒥᑐᓀᔨᑕᒥᐃᑯ ᑭᐟ ᐃᓯ ᐊᔮᐃᐧᓂᐋᐧᐤ.
[21] ᒋᑫᒫ ᑲᐦᑭᔭᐤ ᓇᑐᓇᒪᐧᐠ ᐃᐧᔭᐋᐧᐤ ᑎᐱᔭᐤ ᐁ ᐊᔮᒋᐠ, ᓇᒪᐃᐧᔭ ᐊᓂᐦᐃ ᒋᓴᐢ ᙭ ᐁ ᐊᔮᐟ.
[22] ᒫᑲ ᐃᐧᔭ ᐁᐊᐧᑯ ᑭ ᑭᐢᑫᔨᑕᒫᐧᓈᐋᐧᐤ ᐅᐟ ᐋᒋᒥᑯᐃᐧᐣ, ᑖᐱᐢᑯᐨ ᐊᐋᐧᓯᐢ ᑳ ᐃᓯ ᐊᑐᐢᑲᐋᐧᐟ ᐅᑖᐃᐧᔭ, ᐁᑯᓯ ᓂ ᑭ ᐃᓯ ᐃᐧᒋ ᐊᑐᐢᑫᒥᐠ ᑭᑕ ᔭᑯᑌᒪᑲᕽ ᒥᔮᐧᒋᒧᐃᐧᐣ.
[23] ᐁᐊᐧᑯ ᒫᑲ ᓂᐟ ᐃᑕᑌᔨᑌᐣ ᑭᑕ ᑭ ᐃᓯᑎᓴᐊᐧᐠ ᓭᒫᐠ, ᐃᔨᑯᕽ ᐋᐧᐸᑕᒫᓂ ᑫ ᐃᐢᐸᔨᐃᑯᐊᐧᓀ:
[24] ᒫᑲ ᓂᐟ ᐃᓯ ᒪᒥᓯᑐᑕᐋᐧᐤ ᑳ ᑎᐯᔨᐦᒋᑫᐟ ᓂᔭ ᒥᓇ ᑭᔨᐸ ᑭᑕ ᐯ ᐃᑐᐦᑌᔮᐣ.
[25] ᒫᑲ ᐃᑕᐢᑌᐤ ᓂ ᑭ ᐃᑌᔨᑌᐣ ᑭᑕ ᐃᓯᑎᓴᐊᒫᑕᑯᐠ ᐃᐹᑊᕒᐊᑕᐃᑕᐢ, ᓂᒋᐋᐧᑦ ᒥᓇ ᓂ ᐃᐧᒋ ᐊᑐᐢᑫᒫᑲᐣ ᒥᓇ ᓂᒋᓯᒫᑲᓂᐢ, ᒫᑲ ᑭᔭᐋᐧᐤ ᑭᐟ ᐃᓯᑎᓴᐋᐧᑲᓂᐋᐧᐤ ᒥᓇ ᑳ ᐸᒥᐃᐟ ᓂ ᑭᐧᑕᒫᐃᐧᓂᕽ;
[26] ᒋᑫᒫ ᑭ ᑭ ᐱᑭᐢᑳᑎᑯᐋᐧᐤ ᑲᐦᑭᔭᐤ, ᒥᓇ ᒥᐢᑕᐦᐃ ᑭ ᒥᑯᐢᑳᑌᔨᑕᑦ, ᒋᑫᒫ ᐁ ᑭ ᐯᐦᑕᒣᐠ ᐁ ᐋᑯᓯᐟ:
[27] ᑖᐯᐧ ᒫᑲ ᑭ ᐋᑯᓯᐤ ᑭᓯᐋᐧᐠ ᓂᐳᐃᐧᓂᕽ ᐃᐢᑯ: ᒫᑲ ᑭᓭᒪᓂᑐᐊᐧ ᑭ ᑭᑎᒫᑭᓈᐠ; ᓇᒪᐃᐧᔭ ᒫᑲ ᐃᐧᔭ ᐱᑯ, ᒫᑲ ᓂᔭ ᒥᓇ, ᐁᑳ ᐋᔮᑭᐧᑕᐤ ᒥᑯᐢᑳᑌᔨᑕᒧᐃᐧᐣ ᑭᑕ ᐊᔮᔮᐣ.
[28] ᐁᐊᐧᑯ ᐅᐦᒋ ᒫᑲ ᑳ ᑭ ᐋᑲᒣᔨᒧᔮᐣ ᑭᑕ ᓯᐯᐧᑎᓴᐊᐧᐠ, ᐁᑯᓯ, ᐃᐢᐱ ᐋᐧᐸᒫᔦᑯ ᒥᓇ, ᑭᑕ ᒪᒪᐦᑖᑯᓯᔦᐠ, ᐁᑯᓯ ᓂᔭ ᐋᐢᑕᒥᕽ ᑭᑕ ᒥᑯᐢᑳᑌᔨᑕᒫᐣ.
[29] ᐅᑎᓂᕽ ᒫᑲ ᑳ ᑎᐯᔨᐦᒋᑫᐟ ᐃᓯ ᑲᐦᑭᔭᐤ ᒪᒪᐦᑖᑯᓯᐃᐧᓂᕽ; ᒥᓇ ᑭᐢᑌᔨᒥᕽ ᐁᑯᑐᐊᐧ:
[30] ᒋᑫᒫ ᐅᐟ ᐊᑐᐢᑫᐃᐧᐣ ᙭ ᐅᐦᒋ ᑭ ᐯᓵᐧᐸᑕᑦ ᓂᐳᐃᐧᐣ, ᐁ ᐸᐢᐱᓀᐋᐧᒋᑖᐟ ᐅ ᐱᒫᑎᓯᐃᐧᐣ ᑭᑕ ᐅᐦᒋᐢᑕᒪᐋᐧᑕᕽ ᐊᓂᒪ ᐃᑕ ᐁ ᓄᑌᐸᔨᐠ ᑭᔭᐋᐧᐤ ᑳ ᐃᓯ ᐸᒥᐃᔦᐠ.