[1] ᐁᑳᐃᐧᔭ ᒥᐦᒉᐟ ᐅᑭᐢᑭᓄᐦᐊᒫᑫᐃᐧᐠ ᓂᒋᐋᐧᒥᑎᐠ ᐁ ᑭᐢᑫᔨᑕᒣᐠ ᐁᑯᑕ ᐅᐦᒋ ᑭᑕ ᐊᔮᔭᕽ ᐊᐊᐧᓯᒣ ᐁ ᑯᓯᑲᐧᕽ ᐅᔭᓱᐋᐧᑎᑯᐃᐧᐣ.
[2] ᒋᑫᒫ ᒥᐦᒉᐟ ᑫᑲᐧᐩ ᑭ ᐸᐦᑭᓯᓂᓈᓇᐤ ᑲᐦᑭᔭᐤ. ᑭᐢᐱᐣ ᐊᐃᐧᔭᐠ ᐁᑳ ᐸᐦᑭᓯᑭ ᐃᑌᐧᐃᐧᓂᕽ ᐁᐊᐧᑯ ᒪᒥᑐᓂᐤ ᐊᔨᓯᔨᓂᐤ ᐁ ᑲᐢᑭᑖᐟ ᑭᑕ ᓇᑳᐱᑕᕽ ᒥᓯᐁᐧ ᒥᔭᐤ ᒥᓇ.
[3] ᑭᐢᐱᐣ ᒫᑲ ᑭᐟ ᐊᐢᑖᐋᐧᓇᐤ ᑖᐱᑐᓀᐱᒋᑲᓇ ᒥᐢᑕᑎᒪᐧᐠ ᐅᑐᓂᐊᐧᕽ ᑭᑕ ᓇᓇᐃᑖᑯᔭᑯᐠ, ᑭ ᑫᐧᐢᑭᐱᑕᒫᐧᓇᐤ ᒥᓯᐁᐧ ᐃᐧᔭᐃᐧᐋᐧᐤ ᒥᓇ.
[4] ᒫᑎᑲ ᒥᓇ ᓈᐱᑳᐧᓇ ᐋᑕ ᐁ ᐃᓯ ᒥᓴᑭ ᒥᓇ ᐁ ᐸᐹᒫᐢᑕᑭ ᐁ ᒥᐢᑕᐦᐃ ᔪᑎᕽ ᐁᔨᐁᐧᕽ ᒥᓄᐁᐧᐸᐃᑳᑌᐊᐧ ᐁ ᐋᑕ ᐊᐱᓵᓯᐠ ᑕᑯᐃᑲᐣ ᐱᑯ ᐃᑌ ᐅᑕᑯᐊᒧ ᐁ ᐃᑌᔨᑕᕽ.
[5] ᐁᑯᓯ ᒥᓇ ᒥᑌᔭᓂ ᐁᐊᐧᑯ ᐯᔭᐠ ᐁ ᐊᐱᓵᓯᐠ ᑳ ᐃᑕᑖᐧᐸᑕᕽ ᑭᔭᐃᐧᓈᕽ, ᒫᑲ ᒥᐢᑕᐦᐃ ᑲᑭᐦᒋᒧᒪᑲᐣ. ᒫᑎᑲ ᐃᔨᑯᕽ ᒥᐢᑕᐦᐃ ᒥᐦᑕ ᐊᐱᓯᐢ ᐃᐢᑯᑌᐤ ᐁ ᐅᐦᒋ ᓴᐢᑭᑌᑭ:
[6] ᐁᑯᓯ ᒥᑌᔭᓂ ᐁᐊᐧᑯ ᐃᐢᑯᑌᐤ: ᐁ ᐃᑕᑖᐧᐸᑕᑭ ᑭᔭᐃᐧᓈᕽ ᒥᑌᔭᓂ ᐁᐊᐧᑯ ᐁ ᐊᐢᑭᐊᐧᕽ ᒪᒋᐃᑎᐃᐧᐣ, ᐁᐊᐧᑯ ᐃᐧᔨᐱᑖᒪᑲᐣ ᒥᓯᐁᐧ ᒥᔭᐤ ᒥᓇ ᓴᐢᑲᐊᒧᒪᑲᐣ ᑭᐟ ᐃᓯᐃᑯᐃᐧᓯᐃᐧᓂᓇᐤ ᒥᓇ ᓴᐢᑲᐃᑳᑌᐤ ᒪᒋᐃᐢᑯᑌᕽ ᐅᐦᒋ.
[7] ᒋᑫᒫ ᑲᐦᑭᔭᐤ ᑐᐃᐧ ᐱᓯᐢᑭᐤ ᒥᓇ ᑳ ᐸᐹᒥᔮᒋᐠ ᒥᓇ ᑳ ᐸᐹᒥᑖᒋᒧᒋᐠ ᒥᓇ ᑭᐦᒋᑲᒥᕽ ᑳ ᐊᔮᒋᐠ, ᒣᑲᐧᓯᐋᐧᑖᐊᐧᐠ ᒥᓇ ᑭ ᑎᐯᔨᒥᑲᐧᐠ ᐊᔨᓯᔨᓂᐊᐧ;
[8] ᒫᑲ ᐃᐧᔭ ᒥᑌᔭᓂ ᓇᒪᐃᐧᔭ ᐊᐃᐧᔭᐠ ᑭ ᑎᐯᔨᑕᑦ; ᓇᒪᐃᐧᔭ ᑭ ᑭᔮᒥ ᐊᔮᐤ ᐁᐊᐧᑯ ᒪᒋ ᑫᑲᐧᐩ, ᒧᐢᑭᓀᐤ ᐁ ᓂᐸᐃᐁᐧᐠ ᐱᐦᒋᐳᐃᐧᐣ.
[9] ᐁᐊᐧᑯ ᐁ ᐋᐸᒋᑖᔭᕽ ᑭ ᒪᒥᒋᒫᓇᐤ ᑳ ᑎᐯᔨᐦᒋᑫᐟ ᒥᓇ ᐁᐧᔪᑖᐃᐧᕽ; ᐁᑯᓯ ᐁᐊᐧᑯ ᐁ ᐋᐸᒋᑖᔭᕽ ᑭ ᒪᒋ ᐱᑭᐢᑳᐧᑖᓇᐊᐧᐠ ᐊᔨᓯᔨᓂᐊᐧᐠ ᑳ ᐃᓯᐃᐦᒋᐠ ᐅᐟ ᐃᓯᓈᑯᓯᐃᐧᓂᕽ ᑭᓭᒪᓂᑐ;
[10] ᐁ ᐯᔭᑲᐧᕽ ᒥᑐᐣ ᐅᐦᒋᐸᔨᐤ ᒪᒥᒋᒥᐁᐧᐃᐧᐣ ᒥᓇ ᒪᒋ ᐱᑭᐢᑫᐧᐃᐧᐣ. ᓂᒋᐋᐧᒥᑎᐠ ᓇᒪᐃᐧᔭ ᐁᑯᓯ ᑭᑕ ᑭ ᐃᑭᕽ.
[11] ᐁ ᒧᑭᒍᐊᐧᓂᐯᑯᐊᐧᕽ ᑭᑕ ᑭ ᒋ ᐅᐦᒋᐸᔨᐤ ᐯᔭᑲᐧᔭᐠ ᐁ ᐃᐧᑲᓯᐠ ᓂᐱ ᒥᓇ ᐁ ᓯᐃᐧᑳᑲᒥᐠ?
[12] ᑭᑕ ᑭ ᒋ ᓂᐦᑖᐃᐧᑭᑖᐤ ᑭᐦᒋ ᓱᒥᓈᑎᐠ ᐋᓬᐃᐸ, ᓂᒋᐋᐧᒥᑎᐠ, ᐊᐦᐳ ᓱᒥᓈᑎᐠ ᑭᑕ ᑭ ᓂᐦᑖᐃᐧᑭᑖᐤ ᒋ ᑭᐦᒋ ᓱᒥᓇ? ᐁᑯᓯ ᒥᓇ ᐁ ᓯᐃᐧᑳᐠ ᓂᐱ ᓇᒪᐃᐧᔭ ᐁᑯᑕ ᑭᑕ ᑭ ᐅᐦᒋᐸᔨᐤ ᐁ ᐃᐧᑲᓯᐠ.
[13] ᐊᐁᐧᓈᓇ ᐁ ᐃᔨᓂᓯᐟ ᒥᓇ ᐁ ᐅ ᓂᓯᑐᐦᑕᒧᐃᐧᓂᐟ ᑭᔭᐋᐧᐤ ᑳ ᐃᑕᓯᔦᐟ? ᑭᔮᑦ ᑭᑕ ᐋᐧᐸᐦᑕᐦᐃᐁᐧᐤ ᐁ ᐃᓯ ᒥᔮᐧᓯᓂᔨᐠ ᐅ ᐱᒫᑎᓯᐃᐧᐣ, ᐅᐟ ᐊᑐᐢᑫᐃᐧᓇ, ᐁ ᔪᐢᑳᑎᓯᒪᑲᓂᔨᐠ ᐃᔨᓂᓯᐃᐧᐣ.
[14] ᒫᑲ ᑭᐢᐱᐣ ᐊᔮᔦᑯ ᒪᒋ ᐃᓴᐊᐧᓇᑫᔨᒧᐃᐧᐣ ᒥᓇ ᑲᑫᐧ ᐸᐢᑭᔭᑫᐃᐧᐣ ᑭᑌᐦᐃᐊᐧᕽ, ᐁᑳᐃᐧᔭ ᒪᒪᐦᑖᑯᓯᐠ ᒥᓇ ᐁᑳᐃᐧᔭ ᑭᔮᐢᑭᑲᑕᒧᐠ ᑖᐯᐧᐃᐧᐣ.
[15] ᐅᒪ ᐃᔨᓂᓯᐃᐧᐣ ᓇᒪᐃᐧᔭ ᐁᐊᐧᑯ ᐃᐢᐱᒥᕽ ᑳ ᐅᐦᒋᐸᔨᐠ ᒫᑲ ᐊᐢᑭᕽ ᐅᐦᒋᒪᑲᐣ, ᑳ ᐃᓯᐃᑯᐃᐧᓯᕽ, ᒪᒑᔨᐊᐧᐣ.
[16] ᒋᑫᒫ ᐃᑕ ᐃᓴᐋᐧᓇᑫᔨᒧᐃᐧᐣ ᒥᓇ ᑲᑫᐧ ᐸᐢᑭᔮᑐᐃᐧᐣ ᐁ ᐊᔮᐠ ᐁᑯᑕ ᐊᔮᐤ ᐊᐧᐋᐧᓀᔨᑕᒧᐃᐧᐣ ᒥᓇ ᑲᐦᑭᔭᐤ ᒪᒋ ᐃᓯᐦᒋᑫᐃᐧᐣ.
[17] ᒫᑲ ᐊᓂᒪ ᐃᔨᓂᓯᐃᐧᐣ ᐃᐢᐱᒥᕽ ᑳ ᐅᐦᒋᐸᔨᐠ ᓂᑳᐣ ᐯᑲᐣ ᐁᑲᐧ ᒥᔪ ᐃᐧᒉᑐᒪᑲᐣ, ᔪᐢᐱᓯᒪᑲᐣ, ᓴᐃᐧᑌᐦᐁᒪᑲᐣ, ᒧᐢᑭᓀᐤ ᑭᑎᒫᑭᓈᑫᐃᐧᐣ ᒥᓇ ᒥᔪ ᒥᓂᓯᐃᐧᐃᐧᐣ, ᐁᑳ ᐁ ᑲᑫᑭᓂᐁᐧᕽ, ᒥᓇ ᐁᑳ ᐁ ᐊᔮᕽ ᐊᔭᒥᐁᑳᓱᐃᐧᐣ.
[18] ᐁᑯᓯ ᐁ ᐃᓯ ᒥᓂᓯᐊᐧᕽ ᑲᐧᔭᐢᑳᐧᑎᓯᐃᐧᐣ ᑭᐢᑎᑳᑕᒪᐧᐠ ᒥᔪ ᐃᐧᒉᑐᐃᐧᓂᕽ ᐊᓂᑭ ᑳ ᐅᓯᑖᒋᐠ ᒥᔪ ᐃᐧᒉᑐᐃᐧᐣ.