[1] ᒋᑫᒫ ᑭ ᓇᑕᐁᐧᔨᒥᑎᓈᐋᐧᐤ ᑭᑕ ᑭᐢᑫᔨᑕᒣᐠ ᑖᓂᔨᑯᕽ ᐁ ᐃᐧᑯᐢᑕᒫᑕᑯᐠ, ᒥᓇ ᐊᓂᑭ ᓬᐁᐋᑎᓯᔭ ᑳ ᐊᔮᒋᐠ, ᒥᓇ ᑕᐦᑐ ᐁᑳ ᑳ ᑭ ᐅᐦᒋ ᐋᐧᐸᒥᒋᐠ ᓂᑳᐧᑲᓂᕽ ᓂ ᐃᐧᔮᓯᕽ;
[2] ᑭᑕ ᒥᔪᑌᐁᐃᐦᒋᐠ, ᐁ ᒫᒪᐃᐧᐃᐦᒋᐠ ᓵᑭᐦᐃᑐᐃᐧᓂᕽ, ᒥᓇ ᒥᓯᐁᐧ ᐁ ᐁᐧᔪᒋ ᑫᒋᓈᐅᒋᐠ ᓂᓯᑐᐦᑕᒧᐃᐧᓂᕽ, ᑭᑕ ᑭᐢᑫᔨᑕᐦᑭᐠ ᑳ ᒪᒫᑕᐃᐧ ᐊᔮᔨᐟ ᑭᓭᒪᓂᑐᐊᐧ, ᙭ᐊ ᐅᑎ ᐅᐦᒋ,
[3] ᐁᐊᐧᑯ ᑳ ᑭᑭᐢᑳᑯᐟ ᐁᑳ ᐁ ᓄᑲᐧᓂᔨᑭ ᑲᐦᑭᔭᐤ ᐁ ᐃᓯ ᐁᐧᔪᑕᕽ ᐃᔨᓂᓯᐃᐧᐣ ᒥᓇ ᑭᐢᑫᔨᑕᒧᐃᐧᐣ.
[4] ᐅᒪ ᒫᑲ ᓂᐟ ᐃᑖᐧᐣ, ᐁᑳ ᐊᐃᐧᔭᐠ ᑭᑕ ᒐᒌᓯᒥᑯᔦᐠ ᓵᑯᒋᒥᐁᐧᐃᐧ ᐱᑭᐢᑫᐧᐃᐧᐣ ᐅᐦᒋ.
[5] ᒋᑫᒫ ᐋᑖ ᐁᑳ ᐁ ᐋᐧᐸᒥᑕᑯᐠ ᒥᔭᐃᐧᕽ, ᐁᔨᐁᐧᕽ ᑭ ᐃᐧᒋ ᐊᔮᒥᑎᓈᐋᐧᐤ ᐊᐦᒑᐦᑯᕽ, ᐁ ᒪᒪᐦᑖᑯᓯᔮᐣ ᐁ ᐋᐧᐸᐦᑕᒫᐣ ᑭ ᑲᐧᔭᐢᑯ ᐊᔮᐃᐧᓂᐋᐧᐤ, ᒥᓇ ᐁ ᑖᐱᑕᐃᐧ ᑖᐯᐧᔦᔨᒫᔦᐠ ᙭.
[6] ᐁ ᑭ ᒫᑲ ᐃᓯ ᐅᑎᓈᔦᐠ ᙭ ᒋᓴᐢ ᑳ ᑎᐯᔨᐦᒋᑫᐟ, ᐁᑯᓯ ᐃᓯ ᐱᒧᐦᑌᐠ ᐁ ᐃᐧᒉᐋᐧᔦᐠ,
[7] ᐁ ᐋᔮᑕᐱᔦᐠ ᒥᓇ ᐁ ᔭᑭᐃᑲᐃᐧᔦᐠ ᐃᐧᔭ ᑭᑭ, ᒥᓇ ᐁ ᑭᐢᑕᐱᔦᐠ ᑭ ᑖᐯᐧᔦᔨᑕᒧᐃᐧᓂᐋᐧᕽ, ᑖᐱᐢᑯᐨ ᑳ ᑭ ᐃᓯ ᑭᐢᑭᓄᐦᐊᒫᑲᐃᐧᔦᐠ, ᐁ ᐁᐧᔪᒋ ᓇᓈᐢᑯᒧᔦᐠ.
[8] ᐊᔮᑳᐧᒥᓯᐠ ᐁᑳ ᐊᐃᐧᔭᐠ ᑭᑕ ᐃᑖᐟ ᑭᑕ ᓂᓯᐊᐧᓈᒋᐃᑯᔦᐠ ᐅᐟ ᐃᔨᓂᓯᑳᓱᐃᐧᐣ ᐅᐦᒋ ᒥᓇ ᐱᑯᓇᑕ ᑲᑲᔦᔨᓯᐃᐧᐣ, ᑳ ᐃᑕᐢᑌᔨᑭ ᐅᐟ ᐋᒋᒧᐃᐧᓂᐋᐧᐊᐧ ᐊᔨᓯᔨᓂᐊᐧᐠ, ᒥᓇ ᑳ ᐃᑕᐢᑌᐠ ᐊᐢᑭᐃᐧ ᐃᓯᐦᒋᑫᐃᐧᐣ, ᓇᒪᐃᐧᔭ ᒫᑲ ᑳ ᐃᓯ ᑭᐢᑭᓄᑕᐃᐁᐧᐟ ᙭:
[9] ᒋᑫᒫ ᐃᐧᔭ ᑭᑭᐢᑳᐠ ᑲᐦᑭᔭᐤ ᒥᓯᐁᐧ ᐁ ᒫᒪᐁᐧᔨᑖᑲᐧᕽ ᑭᓭᒪᓂᑐᐃᐧᐃᐧᐣ,
[10] ᐁᑯᓯ ᐃᐧᔭ ᐁ ᑭᑭᐢᑳᑯᔦᐠ ᑭ ᒧᐢᑭᓇᐃᑯᐃᐧᓈᐋᐧᐤ, ᐊᓇ ᑳ ᑎᐯᔨᑕᕽ ᑲᐦᑭᔭᐤ ᑭᐢᑌᔨᑖᑯᓯᐃᐧᐣ ᒥᓇ ᑲᐢᑭᐦᐁᐃᐧᓯᐃᐧᐣ:
[11] ᐁᐊᐧᑯ ᒥᓇ ᑳ ᑭ ᐃᓯ ᓴᕒᑲᑦᓴᐃᓯᐃᐧᐃᑲᐃᐧᔦᐠ ᐊᓂᒪ ᐅᐦᒋ ᓴᕒᑲᑦᓴᐃᓯᐃᐧᐃᐧᐣ ᐁᑳ ᒥᒋᒋᔭ ᐅᐦᒋ ᑳ ᐃᑐᒋᑳᑌᐠ, ᐁ ᑫᒋᑯᐢᑲᒣᐠ ᐁ ᐃᐧᔭᐃᐧᒪᑲᕽ ᐃᐧᔮᓯᐃᐧᐃᐧᐣ, ᐅ ᓴᕒᑲᑦᓴᐃᓯᐃᐧᐃᐧᓂᕽ ᙭;
[12] ᐁ ᑭ ᑭᑭ ᓇᐃᓂᑲᐃᐧᔦᐠ ᐸᑊᑖᐧᐃᓯᐃᐧᐃᐧᓂᕽ, ᐃᑕ ᐅᐦᒋ ᒥᓇ ᑳ ᑭᑭ ᐊᐧᓂᐢᑳᓂᑲᐃᐧᔦᐠ ᐁ ᑖᐯᐧᔦᔨᑕᒣᐠ ᐅᐟ ᐃᑐᑕᒧᐃᐧᐣ ᑭᓭᒪᓂᑐ, ᑳ ᑭ ᐋᐧᓂᐢᑳᓈᐟ ᓂᐳᐃᐧᓂᕽ ᐅᐦᒋ.
[13] ᑭᔭᐋᐧᐤ ᒫᑲ, ᐁ ᓂᐱᔦᐠ ᑭ ᐊᐧᓂᐃᑎᐃᐧᓂᐋᐧᐊᐧ ᐅᐦᒋ ᒥᓇ ᐁᑳ ᐁ ᓴᕒᑲᑦᓴᐃᓯᐃᐧᔦᐠ ᑭ ᐃᐧᔮᓯᐋᐧᕽ, ᑭᔭᐋᐧᐤ, ᓂᐟ ᐃᑖᐧᐣ, ᑭ ᑭ ᐱᒫᑎᓯᐢᑳᑯᐋᐧᐤ ᑭᑭ ᐃᐧᔭ ᐁ ᑭ ᐳᓀᔨᑕᒫᑯᔭᕽ ᑲᐦᑭᔭᐤ ᑭ ᐊᐧᓂᐃᑎᐃᐧᓂᓇᐊᐧ;
[14] ᐁ ᑭ ᑳᓯᐊᕽ ᑳ ᑭ ᐃᓯ ᒪᓯᓇᐦᐃᑫᔭᕽ, ᑳ ᑭ ᓇᐢᐹᑕᐢᑲᒫᑯᔭᕽ; ᐁᑯᓯ ᑭ ᑕᐃᐧᓇᑦ, ᐁ ᓴᑲᐊᕽ ᐱᒥᑖᐢᑯᐃᑲᓂᕽ;
[15] ᐃᐧᔭ ᐅᐱᒣ ᐁ ᑭ ᐊᐢᑖᐟ ᑭᐢᑌᔨᑖᑯᓯᐃᐧᓇ ᒥᓇ ᑲᐢᑭᐦᐁᐃᐧᓯᐃᐧᓇ, ᒧᓯᐢ ᑭ ᐋᐧᐸᐦᑕᐦᐃᐁᐧᐤ ᐁ ᓵᑯᒋᑖᐟ.
[16] ᐁᑳᐃᐧᔭ ᒫᑲ ᐊᐃᐧᔭᐠ ᑭ ᑲ ᐅᔭᓱᐋᐧᑎᑯᐋᐧᐤ ᒥᒋᓱᐃᐧᓂᕽ, ᐊᐦᐳ ᒥᓂᑫᐧᐃᐧᓂᕽ, ᐊᐦᐳ ᐃᐧᐦᑯᐦᑐᐃᐧᑭᓯᑳᐤ ᐅᐦᒋ ᐊᐦᐳ ᐁ ᐅᐢᑲᑯᒋᕽ ᐱᓯᑦ ᐊᐦᐳ ᐁ ᐊᔭᒥᐦᐁᑭᓯᑳᐠ:
[17] ᐁᐊᐧᑯᓂ ᐅᐦᐃ ᐁ ᒋᑳᐢᑌᑎᑭ ᐊᓂᐦᐃ ᓂᑳᐣ ᑳ ᐊᔮᑭ; ᒫᑲ ᙭ ᑳ ᐅ ᐃᐧᔭᐃᐧᐟ.
[18] ᐁᑳᐃᐧᔭ ᐊᐃᐧᔭᐠ ᑭ ᑲ ᒪᐢᑲᒥᑯᐋᐧᐤ ᑯᑎᓯᐃᐧᓂᐋᐧᐤ ᑭᑕ ᑕᐸᑌᔨᒧᑳᓱᔦᐠ ᑭᑕ ᐊᔭᒥᐦᐁᐢᑕᐋᐧᔦᑯᐠ ᐅᑭᓯᑯᐊᐧᐠ, ᐊᓂᐦᐃ ᑳ ᑭ ᐋᐧᐸᐦᑕᕽ ᐁᐊᐧᑯᓂ ᐁ ᑭᐢᑎᓇᕽ, ᐱᑯᓇᑕ ᐁ ᑭᐢᑌᔨᒧᐃᑯᐟ ᐅ ᐃᐧᔮᓯᐃᐧ ᒫᒥᑐᓀᔨᒋᑲᐣ,
[19] ᐁᑳ ᒫᑲ ᐁ ᒥᒋᒥᓈᐟ ᐁᐧᐢᑎᑳᐧᓂᑲᑕᒥᔨᐟ, ᐃᑕ ᐅᐦᒋ ᒥᓯᐁᐧ ᒥᔭᐤ, ᐁ ᐅᐦᒋᐢᑕᒪᐋᐧᑕᒥᕽ ᒥᓇ ᐁ ᐅᐦᒋ ᒪᐢᑲᐃᐧᓯᒪᑲᕽ ᐋᓂᐢᑲᐃᐧᑲᓈᓂᕽ ᒥᓇ ᒥᒉᐢᑕᑕᔭ ᐅᐦᒋ, ᔭᑭ ᐊᔮᐤ ᐅ ᔭᑭᐃᐁᐧᐃᐧᓂᕽ ᑭᓭᒪᓂᑐ.
[20] ᑭᐢᐱᐣ ᑭ ᐃᐧᒋ ᓂᐳᒫᔦᐠ ᙭ ᐊᐢᑭᐃᐧ ᐃᓯᐦᒋᑫᐃᐧᓇ ᐅᐦᒋ, ᑖᓀᑭ, ᑖᐱᐢᑯᐨ ᐁ ᐱᒫᑎᓯᔦᐠ ᐊᐢᑭᕽ, ᑳ ᐸᑭᑎᓂᓱᔦᐠ ᑭᑕ ᑎᐯᔨᒥᑯᔦᐠ ᐃᓯᐢᑖᐃᐧᓇ,
[21] ᐁᑳᐃᐧᔭ ᐅᑎᓇᒧᐠ, ᐁᑳᐃᐧᔭ ᑯᒋᐢᑕᒧᐠ, ᐁᑳᐃᐧᔭ ᓵᒥᓇᒧᐠ
[22] (ᑲᐦᑭᔭᐤ ᐊᓂᐦᐃ ᑫ ᓂᓯᐊᐧᓈᑕᑭ ᐁ ᐋᐸᒋᑖᕽ), ᑳ ᐃᓯᐦᒋᑫᕽ ᐅ ᑲᑫᐢᑫᐧᐃᐧᓂᐋᐧᐤ ᒥᓇ ᐅ ᑭᐢᑭᓄᐦᐊᒫᑫᐃᐧᓂᐋᐧᐤ ᐊᔨᓯᔨᓂᐊᐧᐠ ᐅᐦᒋ?
[23] ᐁᐊᐧᑯᓂ ᐋᑕᐃᐧᔭ ᑳ ᐃᔨᓂᓯᐃᐧᓈᑲᐧᑭ ᐃᑌᔨᑕᒧᐃᐧ ᐊᔭᒥᐦᐋᐃᐧᓂᕽ, ᒥᓇ ᑕᐸᑌᔨᒧᐃᐧᓂᕽ, ᒥᓇ ᒥᔭᐤ ᐁ ᐋᐦᑯᓇᒪᐋᐧᑕᒥᕽ; ᒫᑲ ᐁᑳ ᓈᐣᑕᐤ ᐁ ᐃᑖᐸᑕᑭ ᑭᑕ ᓵᑯᒋᑖᕽ ᐁ ᐃᓯ ᓇᑕᐁᐧᔨᑕᒧᒪᑲᕽ ᐃᐧᔮᓯᐃᐧᐃᐧᐣ.