<2 Peter ᓂᓵᐧᐤ ᐱᑕᕒ 2

[1] ᒫᑲ ᑭ ᐃᐦᑖᐊᐧᐠ ᒥᓇ ᓇᐢᐹᐨ ᐅᑭᐢᑭᐁᐧᐦᐃᑫᐊᐧᐠ ᒣᑳᐧ ᐊᔨᓯᔨᓂᓈᕽ ᑖᐱᐢᑯᐨ ᑭᔭᐋᐧᐤ ᒥᓇ ᑫ ᐃᑖᒋᐠ ᓇᐢᐹᐨ ᐅᑭᐢᑭᓄᐦᐊᒫᑫᐊᐧᐠ ᑭᒧᐨ ᑫ ᐱᑐᑲᑖᒋᐠ ᐁ ᓂᓯᐊᐧᓈᒋᐦᐃᐁᐧᑭ ᓇᐢᐹᐨ ᐊᔭᒥᐦᐋᐃᐧᓇ ᐁ ᐋᓀᐧᑕᐋᐧᒋᐠ ᐊᐦᐳ ᑳ ᑎᐯᔨᐦᒋᑫᔨᐟ ᑳ ᑭ ᑭᐢᐱᓇᑎᑯᒋᐠ, ᐁ ᐅᐦᒋᑎᓴᐊᒫᓱᒋᐠ ᑭᓯᐢᑳᐨ ᓂᓯᐊᐧᓈᑎᓯᐃᐧᐣ.

[2] ᒥᐦᒉᐟ ᒫᑲ ᑭᑕ ᐱᒥᑎᓴᐦᐊᒥᔨᐊᐧ ᐅ ᐱᓯᑳᐧᑎᓯᐃᐧ ᐃᓯᐦᒋᑫᐃᐧᓂᐋᐧᐊᐧ; ᐁᑯᓯ ᐁᐊᐧᑯᓂᐠ ᐅᐦᒋ ᑖᐯᐧᐃᐧᓂ ᐃᑌᐧᐃᐧᐣ ᑭᑕ ᒫᔨ ᐋᔨᒧᒋᑳᑌᐤ.

[3] ᐁᑯᓯ ᒧᐢᑕᐃᐧᓇᒫᑫᐃᐧᓂᕽ ᐁ ᐋᐸᒋᑖᒋᐠ ᐃᑖᐧᓱᐃᐧ ᐊᔭᒥᐃᐧᓇ ᑭ ᑲ ᐅᐦᑎᓯᐋᐧᑳᑎᑯᐋᐧᐊᐧᐠ; ᐁᐊᐧᑯᓂᐠ ᐅᔭᓱᐋᐧᑎᑯᐃᐧᓂᐋᐧᐤ ᑲᔮᐢ ᑳ ᐅᐦᒋ ᐊᔮᐠ ᓇᒪᐃᐧᔭ ᐸᐯᓄᑫᓯᒪᑲᓂᔨᐤ ᒥᓇ ᐅ ᓂᓯᐊᐧᓈᑎᓯᐃᐧᓂᐋᐧᐤ ᓇᒪᐃᐧᔭ ᓂᐹᒪᑲᓂᔨᐤ.

[4] ᓇᒪᐃᐧᔭ ᒫᓇ ᒫᑲ ᑭᓭᒪᓂᑐ ᑭ ᐅᐦᒋ ᒪᓈᒋᐁᐤ ᐅᑭᓯᑯᐊᐧ ᑳ ᑭ ᐊᐧᓂᑐᑕᒥᔨᐟ ᒫᑲ ᒪᒋ ᐃᐢᑯᑌᕽ ᑭ ᐃᓯᐁᐧᐱᓀᐤ, ᒥᓇ ᐁ ᑭ ᐸᑭᑎᓈᐟ ᐊᐧᓂᑎᐱᐢᑳᐃᐧ ᐋᐧᑎᑳᓂᕽ ᑭᑕ ᐯᐦᑖᒋᐠ ᐅᔭᓱᐁᐧᐃᐧᐣ;

[5] ᒥᓇ ᐁᑳ ᐁ ᑭ ᐅᐦᒋ ᒪᓈᒋᑖᐟ ᑲᔮᐢ ᐊᐢᑭ ᒫᑲ ᐁ ᑭ ᐱᒫᒋᐦᐋᐟ ᓄᐊᐊᐧ ᐊᓯᒋ ᑌᐸᑯᑊ ᑯᑕᑲ, ᑲᐧᔭᐢᑭᑖᑎᓯᐃᐧᐣ ᐁ ᑲᑫᐢᑭᑫᒧᔨᐟ, ᐃᐢᐱ ᑳ ᔨᐢᑭᐸᑖᐋᐧᐟ ᐅᐟ ᐊᐢᑭᔨᐤ ᐁᑳ ᑳ ᐊᔭᒥᐦᐋᐋᐧᑎᓯᔨᐟ;

[6] ᒥᓇ ᐱᐦᑯᑌᐤ ᐁ ᐃᓯᓈᑯᑖᐟ ᐊᓂᐦᐃ ᐅᑌᓇᐊᐧ ᓵᑕᑦ ᒥᓇ ᑲᒫᕒᐊ ᐁ ᑭ ᐅᔭᓱᐋᐧᑖᐟ ᓂᓯᐊᐧᓈᒋᐦᐃᐁᐧᐃᐧᓂᕽ, ᐁ ᐃᑕᔮᐟ ᑭᑕ ᐋᐧᐸᑎᔨᑯᐃᐧᓯᒋᐠ ᐊᓂᑭ ᐁᑳ ᐊᔭᒥᐦᐋᐋᐧᑎᓯᐃᐧᓂᕽ ᑳ ᐱᒫᑎᓯᒋᐠ;

[7] ᐁᑯᓯ ᐁ ᑭ ᐸᐢᐱᐋᐟ ᑳ ᑲᐧᔭᐢᑳᐧᑎᓯᔨᐟ ᓬᐋᑕ, ᒥᐢᑕᐦᐃ ᐁ ᒥᑯᐢᑳᑌᔨᑕᒥᐃᑯᔨᐟ ᐅ ᐱᓯᑳᐧᒋ ᐱᒫᑎᓯᐃᐧᓂᔨᐤ ᐅᒪᒋᐱᒫᑎᓯᐊᐧ

[8] (ᒋᑫᒫ ᐊᓇ ᐁ ᑲᐧᔮᐢᑳᐧᑎᓯᐟ ᓈᐯᐤ ᐁ ᐃᐧᒋ ᐊᔮᒫᐟ ᒫᑲ ᐁ ᐋᐧᐸᒫᐟ ᒥᓇ ᐁ ᐯᑕᐋᐧᐟ, ᓇᒪᐃᐧᔭ ᑭ ᓇᐃᐢᑳᑯᔨᐊᐧ ᐅᐟ ᐊᐦᒑᐦᑲᐧ ᐃᐧᔭ ᐁ ᑲᐧᔭᐢᑳᐧᑎᓯᐟ ᐁᑳ ᐁ ᓈᑲᑐᑫᔨᐟ ᐅᔭᓱᐁᐧᐃᐧᐣ ᐁ ᐃᓯᐦᒋᑫᔨᐟ ᑕᐦᑐ ᑭᓯᑳᐤ);

[9] ᑳ ᑎᐯᔨᐦᒋᑫᐟ ᑭᐢᑫᔨᑕᑦ ᑭᑕ ᐃᓯ ᐸᐢᐱᐋᐟ ᑳ ᐊᔭᒥᐦᐋᐋᐧᑎᓯᔨᐟ ᑯᑎᔨᒥᑯᐃᐧᓂᕽ ᐅᐦᒋ ᒥᓇ ᑭᑕ ᑲᓇᐁᐧᔨᒫᐟ ᐁᑳ ᑲᐧᔭᐢᐠ ᑳ ᐃᑖᑎᓯᔨᐟ ᑭᑕ ᑲᑫᐢᑭᒧᐃᐦᒋᐠ ᐱᔨᐢ ᑭᑕ ᐅᔭᓱᐁᐧᐃᐧᑭᓯᑳᐠ;

[10] ᒫᑲ ᐅᓵᑦ ᐊᓂᑭ ᑳ ᐱᒥᑎᓴᐦᐊᐦᑭᐠ ᐃᐧᔮᓯᐃᐧᐃᐧᐣ ᐁ ᐃᐧᔨᐱᐅᒋᐠ ᒪᒋ ᒧᐢᑕᐁᐧᔨᑕᒧᐃᐧᓂᕽ, ᐁᑯᓯ ᐁ ᐱᐁᐧᔨᑕᐦᑭᐠ ᑎᐯᔨᒥᑯᐃᐧᐣ. ᐁᑳ ᑫᑲᐧᐩ ᐁ ᑯᐢᑕᑭᐠ, ᐁ ᐃᐧ ᑎᐯᔨᒥᓱᒋᐠ, ᓇᒪᐃᐧᔭ ᓵᑫᐧᔨᒧᐊᐧᐠ ᑭᑕ ᐸᐱᐃᐧᑭᓵᑕᑭᐠ ᑳ ᑭᐢᑌᔨᑖᑲᐧᑭ;

[11] ᐁᑯᓯ ᐃᐧᔭ ᐅᑭᓯᑯᐊᐧᐠ ᐋᑕ ᐊᔨᐋᐧᐠ ᐁ ᑭᐦᒑᔨᐃᐧᒋᐠ ᒥᓇ ᐁ ᒪᐢᑲᐃᐧᓯᒋᐠ, ᓇᒪᐃᐧᔭ ᐱᐃᐧᑭᓵᐧᑎᑲᐧᐠ ᐁ ᐅᔭᓱᐋᐧᑎᑯᒋᐠ ᐅᐟ ᐋᐢᑕᒥᐃᐧᓂᔨᕽ ᑳ ᑎᐯᔨᐦᒋᑫᔨᐟ.

[12] ᒫᑲ ᐅᑭ ᐃᐧᔭ ᑖᐱᐢᑯᐨ ᐅᓯᐦᒋᑲᓇᐠ ᐁᑳ ᑳ ᐅᒥᑐᓀᔨᒋᑲᓀᒋᐠ, ᐁ ᐃᓯ ᓂᐦᑖᐃᐧᑭᒋᐠ ᒥᑐᓂ ᐱᓯᐢᑭᐊᐧᐠ ᑭᑕ ᐅᑎᓂᐦᒋᐠ ᒥᓇ ᑭᑕ ᓂᓯᐊᐧᓈᒋᐃᐦᒋᐠ, ᐁ ᐱᐃᐧᑭᓴᐧᑕᑭᐠ ᐊᓂᐦᐃ ᒥᑐᓂ ᐁᑳ ᑳ ᑭᐢᑫᔨᑕᐦᑭᐠ, ᐁᑯᓯ ᐃᐧᔭᐋᐧᐤ ᐅ ᓂᓯᐊᐧᓈᒋᐦᐃᐁᐧᐃᐧᓂᐋᐧᕽ ᑭᑕ ᓂᓯᐊᐧᓈᑎᓯᐊᐧᐠ,

[13] ᐁ ᑯᑕᑭᑖᒋᐠ ᐁ ᐃᓯ ᑲᐢᑭᑕᒫᑯᒋᐠ ᐅ ᒪᒋᑐᑕᒧᐃᐧᓂᐋᐧᐤ; ᒥᔦᐧᔨᑖᑲᐧᐣ ᑳ ᐃᑕᑭᑕᑭᐠ ᑭᑕ ᑭᐢᑫᐧᑲᒥᑭᓯᒋᐠ ᐁ ᒣᑳᐧ ᑭᓯᑳᔨᐠ, ᐅᒪᓯᓈᓱᐊᐧᐠ ᒥᓇ ᐅᒫᔨᓈᑯᒋᑫᐊᐧᐠ, ᐁ ᒥᔭᐋᐧᑎᑯᑖᒋᐠ ᐅ ᑲᔦᓯᐃᐁᐧᐃᐧᓂᐋᐧᕽ ᐁ ᐃᐧᒋ ᐃᐧᑯᑫᒥᑯᔦᑯᐠ;

[14] ᐅᐢᑭᓯᑯᐋᐧᐊᐧ ᐁ ᒧᐢᑭᓀᔨᑭ ᐱᓯᑳᐧᑎᓯᐃᐧᐣ, ᒥᓇ ᐁᑳ ᐁ ᑭ ᐳᓂᑖᒋᐠ ᒪᒋᑎᐃᐧᐣ; ᐁ ᐁᐧᐱᐊᒋᐠ ᐁᑳ ᑳ ᐋᔮᑎᓯᔨᐟ ᐊᐦᒑᐦᑲᐧ; ᐅᑎᐦᐃᐋᐧᐤ ᐁ ᐊᑐᐢᑫᑖᒋᐠ ᒧᐢᑕᐃᐧᓇᒫᑫᐃᐧᓂᕽ; ᓈᓂᐳᒋᑲᓂ ᐊᐋᐧᓯᓴᐠ;

[15] ᐁ ᓇᑲᑕᐦᑭᐠ ᑲᐧᔭᐢᐠ ᒣᐢᑲᓇᐤ ᑭ ᐸᐢᑫᐊᐧᐠ ᐁ ᐱᒥᑎᓴᐦᐊᐦᑭᐠ ᐅ ᒣᐢᑲᓇᐤ ᐯᓬᐊᑦ ᐅᑯᓯᓴ ᐱᐋᕒ, ᑳ ᑭ ᓵᑭᑖᐟ ᐁ ᐅᐦᑎᓯᐟ ᐊᐧᓂᑐᑕᒧᐃᐧᐣ;

[16] ᒫᑲ ᑭ ᑭᑐᑖᐤ ᐅ ᐊᐧᓂᑐᑕᒧᐃᐧᐣ ᐅᐦᒋ; ᐁᑳ ᑳ ᓂᑖᐁᐧᐟ ᓱᓱᐃᐧ ᒥᐢᑕᑎᑦ ᐊᔨᓯᔨᓂᐊᐧ ᐅᐟ ᐃᑌᐧᐃᐧᓂᔨᐤ ᑭ ᐱᑭᐢᑳᐧᑫᐤ ᐁᑯᓯ ᑭ ᑭᐱᒋᐁᐤ ᐊᓂᐦᐃ ᐅᑭᐢᑭᐁᐧᐦᐃᑫᐊᐧ ᐅ ᑮᐢᑫᐧᐃᐧᓂᔨᕽ.

[17] ᐁᐊᐧᑯᓂᐠ ᑖᐱᐢᑯᐨ ᒧᑭᒍᐊᐧᓂᐯᑲᐧ ᐁᑳ ᐁ ᓂᐱᐊᐧᑭ, ᒥᓇ ᑲᐢᑲᐊᐧᓇᐧ ᐁ ᑭᓯᐊᐧᐹᐢᑕᑭ ᐁ ᒥᐢᑕᐦᐃ ᔪᑎᕽ; ᐁ ᐸᓴᑯ ᐊᐧᓂᑎᐱᐢᑳᐠ ᑳ ᐊᐢᑲᒫᑯᒋᐠ.

[18] ᒋᑫᒫ ᒥᐢᑕᐦᐃ ᐱᑯᓇᑕ ᐁ ᑲᑭᐦᒋᒧᒋᐠ, ᐅᒋᐁᐊᐧᐠ ᐁ ᒪᒋᒧᐢᑕᐁᐧᔨᑕᒧᒪᑲᕽ ᐃᐧᔮᓯᐃᐧᐃᐧᐣ, ᐱᓯᑳᐧᑎᓯᐃᐧᐣ ᐅᐦᒋ, ᐊᓂᐦᐃ ᐊᓄᐦᐨ ᐱᑯ ᑳ ᓇᑲᑖᒧᑐᑕᐋᐧᔨᐟ ᐊᓂᐦᐃ ᐊᐧᓂᓯᓄᐃᐧᓂᕽ ᑳ ᐱᒫᑎᓯᔨᐟ;

[19] ᐁ ᐊᓱᑕᒪᐋᐧᒋᐠ ᑎᐯᔨᒥᓱᐃᐧᐣ ᐁᑯᓯ ᐃᐧᔭᐋᐧᐤ ᐁ ᑎᐯᔨᒥᑯᒋᐠ ᓂᓯᐊᐧᓈᑎᓯᐃᐧᐣ; ᐊᔨᐢ ᐊᓂᐦᐃ ᐊᔨᓯᔨᓂᐤ ᑳ ᓵᑯᒋᐦᐃᑯᐟ ᐁᐊᐧᑯᓂ ᒥᓇ ᑳ ᑎᐯᔨᒥᑯᐟ.

[20] ᒋᑫᒫ ᑭᐢᐱᐣ ᐋᑕ ᓵᓴᐩ ᐁ ᑭ ᐸᐢᐱᒋᐠ ᑳ ᐃᓯ ᐃᐧᔨᐱᐃᐁᐧᐠ ᐅᒪ ᐊᐢᑭ ᐁ ᑭᐢᑫᔨᒫᒋᐠ ᑳ ᑎᐯᔨᐦᒋᑫᔨᐟ ᒥᓇ ᐅᐱᒫᒋᐦᐃᐁᐧᐊᐧ ᒋᓴᐢ ᙭ ᐅᐦᒋ, ᑭᑖᐧᑦ ᒥᓇ ᓇᑳᐧᑎᑲᐧᐠ ᒥᓇ ᓵᑯᒋᐃᑲᐧᐠ, ᐁᐊᐧᑫᐧᔨᐤ ᐊᐊᐧᓯᒣ ᒫᔨ ᐊᔮᐊᐧᐠ ᐃᐢᑳᐧᔭᐨ ᑳ ᐃᓯ ᐊᔮᒋᐠ ᐃᔨᑯᕽ ᐃᐧᔭ ᓂᐢᑕᑦ.

[21] ᒋᑫᒫ ᓇᐊᐧᐨ ᑭᑕ ᑭ ᒥᔮᐧᓯᓂᔨᐸᐣ ᐁᑳ ᑭᑕ ᑭᐢᑫᔨᑕᐦᑭᐠ ᑲᐧᔭᐢᑭᑖᑎᓯᐃᐧᓂ ᒣᐢᑲᓇᐤ ᐃᔨᑯᕽ ᐃᐧᔭ ᐁ ᑭ ᑭᐢᑫᔨᑕᐦᑭᐠ ᑭᑕ ᐊᑎᒥᑳᐸᐃᐧᐢᑕᑭᐠ ᑳ ᑲᓈᑕᓂᔨᐠ ᐅᔭᓱᐁᐧᐃᐧᐣ ᑳ ᑭ ᐸᑭᑎᓇᒫᐦᒋᐠ.

[22] ᑭ ᐃᐢᐸᔨᐃᑲᐧᐠ ᑳ ᐃᑌᐧᒪᑲᕽ ᐊᓂᒪ ᑳ ᑖᐯᐧᐃᐧᓂᐃᐧᐠ ᐋᐁᐧᒋᑲᐣ, ᐊᑎᑦ ᑳ ᑫᐧᐢᑭᑐᑕᕽ ᑳᐃᐧ ᒥᓇ ᐅ ᐹᐧᑯᒧᐃᐧᐣ, ᒥᓇ ᑯᐦᑯᐢ ᑳ ᑭ ᑭᒋᐢᑖᐹᐊᐧᔨᐦᐟ ᑳᐃᐧ ᒥᓇ ᑳ ᑎᐦᑎᐱᐟ ᔨᐹᒋᒉᐢᑭᐊᐧᑳᕽ.