<2 John ᓂᓵᐧᐤ ᒑᐣ

[1] ᐅᓂᑳᓀᔨᑖᑯᓯᐤ ᐁ ᒪᓯᓇᐦᐊᒫᐊᐧᐠ ᐅᑭᒫᐢᑫᐧᐤ ᒥᓈ ᐅᐟ ᐊᐋᐧᓯᒥᓴ ᑳ ᓵᑭᐊᑭᐠ ᑖᐯᐧᐃᐧᓂᕽ; ᓇᒪᐃᐧᔭ ᒫᑲ ᓂᔭ ᐱᑯ ᒫᑲ ᒥᓇ ᑲᐦᑭᔭᐤ ᐊᓂᑭ ᑳ ᑭᐢᑫᔨᑕᐦᑭᐠ ᑖᐯᐧᐃᐧᐣ;

[2] ᐊᓂᒪ ᐅᐦᒋ ᑖᐯᐧᐃᐧᐣ ᑳ ᑭᑭᐢᑳᑯᔭᕽ ᒥᓇ ᑳᑭᑫ ᑭ ᑲ ᐃᐧᒉᐃᐧᑯᓈᓇᐤ;

[3] ᑭᓭᐋᐧᑐᑖᑯᐃᐧᐣ ᑭᑎᒫᑭᓈᑯᐃᐧᐣ ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐃᐧᒋ ᐊᔮᒥᑯᓈᓇᐤ, ᐁ ᐅᐦᒋᐢᑕᒫᑯᔭᕽ ᑭᓭᒪᓂᑐ ᐁᐧᔪᑖᐃᐧᕽ ᒥᓇ ᒋᓴᐢ ᙭, ᐅᑯᓯᓴ ᐁᐧᔪᑖᐃᐧᕽ, ᑖᐯᐧᐃᐧᓂᕽ ᒥᓇ ᓵᑭᐦᐃᐁᐧᐃᐧᓂᕽ.

[4] ᒥᐢᑕᐦᐃ ᓂ ᒪᒪᐦᑖᑯᓯᐣ ᐁ ᑭ ᒥᐢᑲᐊᐧᑭᐠ ᑭᐟ ᐊᐋᐧᓯᒥᓴᐠ ᐁ ᐱᒧᐦᑌᒋᐠ ᑖᐯᐧᐃᐧᓂᕽ ᑖᐱᐢᑯᐨ ᑳ ᑭ ᐃᓯ ᒥᔨᑯᔭᕽ ᐅᔭᓱᐁᐧᐃᐧᐣ ᐁᐧᔪᑖᐃᐧᕽ.

[5] ᐁᑲᐧ ᒫᑲ ᑭ ᐸᑯᓭᔨᒥᑎᐣ. ᐅᑭᒫᐢᑫᐧᐤ, ᓇᒪᐃᐧᔭ ᑖᐱᐢᑯᐨ ᐅᐢᑭ ᐅᔭᓱᐁᐧᐃᐧᐣ ᐁ ᒪᓯᓇᐦᐊᒫᑖᐣ ᒫᑲ ᐊᓂᒪ ᒥᒋᒫᐨ ᐅᐦᒋ ᑳ ᑭ ᐊᔮᔭᕽ, ᑭᑕ ᓵᑭᐦᐃᑐᔭᕽ.

[6] ᐁᐊᐧᑯ ᒫᑲ ᐅᒪ ᓵᑭᐦᐃᐁᐧᐃᐧᐣ ᑭᑕ ᐱᒧᑖᑐᑕᒫᐧᔭᕽ ᐅᔭᓱᐁᐧᐃᐧᓇ. ᐁᐊᐧᑯ ᐅᒪ ᐅᔭᓱᐁᐧᐃᐧᐣ, ᑖᐱᐢᑯᐨ ᑳ ᑭ ᐃᓯ ᐯᐦᑕᒣᐠ ᒥᒋᒫᐨ ᐅᐦᒋ, ᑭᑕ ᐱᒧᑖᑐᑕᒣᐠ.

[7] ᒋᑫᒫ ᒥᐦᒉᐟ ᐅᐊᐧᔦᓯᐃᐁᐧᐊᐧᐠ ᓯᐯᐧᑌᐊᐧᐠ ᐊᐢᑭᕽ ᐊᓂᑭ ᐅᑎ ᐁᑳ ᑳ ᐋᑐᑕᑭᐠ ᒋᓴᐢ ᙭ ᐁ ᑭ ᑕᑯᓯᕽ ᐃᐧᔮᓯᕽ ᐁᐊᐧᑯ ᐊᐊᐧ ᐅᐊᐧᔦᓯᐃᐁᐧᐤ ᒥᓇ ᐋᐣᑎ᙭.

[8] ᑭᑖᐸᑕᒫᓱᐠ, ᐁᑳ ᑭᑕ ᐊᐧᓂᑖᔦᐠ ᐊᓂᐦᐃ ᑳ ᑭ ᐊᑐᐢᑳᑕᒪᕽ, ᒫᑲ ᑭᑕ ᐅᐦᑎᓇᒣᐠ ᒥᑐᓂ ᑎᐸᐦᐊᒫᑯᐃᐧᐣ.

[9] ᐊᐃᐧᔭᐠ ᑳ ᑳᓯᐢᐳ ᐃᑐᐦᑌᐟ ᐁᑳ ᒫᑲ ᑳ ᐊᔮᐟ ᐅ ᑭᐢᑭᓄᐦᐊᒫᑫᐃᐧᓂᔨᕽ ᙭ᐊ, ᓇᒪᐃᐧᔭ ᐊᔮᐁᐧᐤ ᑭᓭᒪᓂᑐᐊᐧ; ᐊᓇ ᒫᑲ ᑳ ᐊᔮᐟ ᑭᐢᑭᓄᐦᐊᒫᑫᐃᐧᓂᕽ ᐁᐊᐧᑯ ᐊᔮᐁᐧᐤ ᑖᐱᐢᑯᐨ ᐁᐧᔪᑖᐃᐧᕽ ᒥᓇ ᐅᑯᓯᓯᒫᐊᐧ.

[10] ᑭᐢᐱᐣ ᐊᐃᐧᔭᐠ ᐅᑎᐦᑎᑯᔦᑯ ᒥᓇ ᐁᑳ ᐯᑖᒋ ᐅᒪ ᑭᐢᑭᓄᐦᐊᒫᑫᐃᐧᐣ ᐁᑳᐃᐧᔭ ᐱᑐᑲᐃᕽ ᑭᑭᐋᐧᕽ ᒥᓇ ᐁᑳᐃᐧᔭ ᐊᑕᒥᐢᑳᕽ;

[11] ᒋᑫᒫ ᐊᓂᐦᐃ ᑳ ᐊᑕᒥᐢᑳᑯᐟ ᐃᐧᒋᐃᐁᐧᔨᐊᐧ ᐅ ᒪᒋ ᐃᓯᐦᒋᑫᐃᐧᓂᕽ.

[12] ᑫᔮᐱᐨ ᒥᐦᒉᐟ ᑫᑲᐧᔭ ᐁ ᐊᔮᔮᐣ ᑭᑕ ᑭ ᒪᓯᓇᐦᐊᒫᑕᑯᐠ ᓇᒪᐃᐧᔭ ᓂ ᐃᐧ ᒪᓯᓇᐁᐣ ᒪᓯᓇᐦᐃᑲᓀᑭᐣ ᒥᓇ ᒪᓯᓇᐦᐃᑲᓈᐳ ᐁ ᐋᐸᒋᑖᔮᐣ; ᒫᑲ ᓂ ᐸᑯᓭᔨᒧᐣ ᑭᑕ ᐅᑎᑎᑕᑯᐠ ᐁᑯᓯ ᑭᑕ ᐃᐧᒋ ᐱᑭᐢᑫᐧᒥᑕᑯᐠ ᐁ ᐋᐧᐸᑐᔭᕽ ᑭᑳᐧᑲᓂᓈᕽ, ᑭᑕ ᑎᐱᐸᔨᐠ ᑭ ᒪᒪᐦᑖᑯᓯᐃᐧᓂᐋᐧᐤ.

[13] ᐅᐟ ᐊᐋᐧᓯᒥᓴ ᑳ ᑭ ᓇᐋᐧᓱᓂᐦᐟ ᑭᒋᐋᐧᒥᐢᑫᐧᑦ ᑭᐟ ᐊᑕᒥᐢᑳᑯᔨᐊᐧ.