<3 John ᓂᐢᑖᐧᐤ ᒑᐣ

[1] ᐅᓂᑳᓀᔨᑖᑯᓯᐤ ᐁ ᒪᓯᓇᐦᐊᒪᐊᐧᐠ ᑫᔭᐢ, ᑳ ᓵᑭᐦᐊᐠ ᑖᐯᐧᐃᐧᓂᕽ.

[2] ᓯᔮᑭᐃᑖᐣ, ᓂᐟ ᐃᓯ ᐊᔭᒥᐦᐋᐣ ᒥᓯᐁᐧ ᐃᓯ ᑭᑕ ᓇᓈᐃᐸᔨᔭᐣ ᒥᓇ ᑭᑕ ᒥᔪ ᐊᔮᔭᐣ ᑖᐱᐢᑯᐨ ᑭᐟ ᐊᐦᒑᕽ ᑳ ᐃᓯ ᓇᓇᐃᐸᔨᐟ.

[3] ᒋᑫᒫ ᒥᐢᑕᐦᐃ ᓂ ᑭ ᒪᒪᐦᑖᑯᓯᐣ ᐃᐢᐱ ᐅᒋᐋᐧᒥᒫᐊᐧᐠ ᐁ ᑕᑯᓯᐦᑭᐠ ᐁᑯᓯ ᐁ ᐋᑐᑕᑭᐠ ᑭ ᑖᐯᐧᐃᐧᐣ, ᑳ ᐃᓯ ᐱᒧᐦᑌᔭᐣ ᐃᓴ ᐱᑯ ᑖᐯᐧᐃᐧᓂᕽ.

[4] ᓇᒪᐃᐧᔭ ᐊᔨᐋᐧᐠ ᒪᒪᐦᑖᑯᓯᐃᐧᐣ ᓂᐟ ᐊᔮᐣ ᐃᔨᑯᕽ ᐅᒪ, ᑭᑕ ᐯᑕᒫᐣ ᓂᐟ ᐊᐋᐧᓯᒥᓴᐠ ᐁ ᐱᒧᐦᑌᒋᐠ ᑖᐯᐧᐃᐧᓂᕽ.

[5] ᓯᔮᑭᐃᑖᐣ, ᐊᔮᑳᐧᒥᓯᐃᐧ ᐊᑐᐢᑫᐃᐧᐣ ᑳ ᐃᑐᑕᒪᐣ ᐱᑯ ᑫᑲᐧᐩ ᑳ ᐃᑐᑕᒪᐣ ᐁ ᐸᒥᐊᒋᐠ ᐊᓂᑭ ᐅᒋᐋᐧᒥᒫᐊᐧᐠ ᑳ ᒫᓂᑌᐃᐧᒋᐠ ᒥᓇ;

[6] ᑳ ᑭ ᐋᑐᑕᑭᐠ ᑭ ᓵᑭᐦᐃᐁᐧᐃᐧᐣ ᐁ ᐯᑖᑯᒋᐠ ᐅᑕᔭᒥᐦᐋᐊᐧ; ᐁᐊᐧᑯᓂᐠ ᑭ ᑲ ᒥᔪ ᑐᑌᐣ ᑭᑕ ᐃᐧᒋᐊᒋᐠ ᓯᐯᐧᔪᑌᐅᑖᐧᐃᐧ ᐁ ᐃᓯ ᑌᐸᑫᔨᑕᕽ ᑭᓭᒪᓂᑐ;

[7] ᒋᑫᒫ ᐊᓂᒪ ᐃᐧᔪᐃᐧᐣ ᐅᐦᒋ ᑳ ᑭ ᓯᐯᐧᑌᒋᐠ ᐁᑳ ᑫᑲᐧᐩ ᐁ ᐅᑎᓇᑭᐠ ᒉᐣᑖᐃᓬᐊ ᐃᐧᔭ ᐅᐦᒋ.

[8] ᑭᔮᓇᐤ ᒫᑲ ᑭ ᑲ ᐱᑐᑲᐋᑖᓇᐊᐧᐠ ᐁᑯᑐᐊᐧ, ᑭᑕ ᑭ ᐃᐧᒋ ᐊᑐᐢᑫᐢᑕᒪᕽ ᑖᐯᐧᐃᐧᐣ.

[9] ᓂ ᑭ ᒪᓯᓇᐦᐊᒪᐋᐧᐊᐧᐠ ᐅᑕᔭᒥᐦᐋᐊᐧᐠ; ᒫᑲ ᑖᔮᑕᕒᐃᐱᐢ ᑳ ᓵᑭᑖᐟ ᑭᑕ ᓂᑳᓀᔨᑖᑯᓯᐟ ᐃᑕ ᐁ ᐊᔮᒋᐠ, ᓇᒪᐃᐧᔭ ᑭ ᑭ ᐅᑎᓂᑯᓇᐤ.

[10] ᐁᑯᓯ ᒫᑲ ᑭᐢᐱᐣ ᑕᑯᓱᓈᓂ, ᓂ ᑲ ᑭᐢᑭᓯᑐᑕᒫᐧᐣ ᐅᐟ ᐃᓯᐦᒋᑫᐃᐧᓇ ᑳ ᐃᑐᑕᕽ, ᒪᒋ ᐱᑭᐢᑫᐧᐃᐧᓇ ᐁ ᐅᐦᒋ ᐸᐱᐃᐧᑭᓵᑎᑯᔭᕽ; ᐁᑯᓯ ᐁᑳ ᐁᑯᔨᑯᕽ ᐁ ᐃᑌᔨᑕᕽ, ᓇᒪᐃᐧᔭ ᐱᐦᑐᑲᐦᐁᐤ ᐃᐧᔭ ᐅᒋᐋᐧᒥᒫᐊᐧ ᒥᓇ ᐊᓂᐦᐃ ᑳ ᐃᐧ ᐃᑐᑕᒥᔨᐟ ᑭᑕᐦᐊᒪᐁᐧᐤ ᒥᓇ ᐊᐧᔭᐃᐧᐁᐧᐱᓀᐤ ᐊᔭᒥᐦᐋᐃᐧᓂᕽ ᐅᐦᒋ.

[11] ᓯᔮᑭᐦᐃᑕᑯᐠ, ᐁᑳᐃᐧᔭ ᑭᐢᑭᓇᐋᐧᐸᐦᑕᒧᐠ ᐊᓂᒪ ᑳ ᒫᔮᑕᕽ ᒫᑲ ᐊᓂᒪ ᑳ ᒥᔮᐧᓯᐠ. ᐊᓇ ᑳ ᒥᔪ ᑐᑕᕽ ᑭᓭᒪᓂᑐᕽ ᐅᐦᒋᐤ; ᐊᓇ ᑳ ᒪᒋ ᑐᑕᕽ ᓇᒪᐃᐧᔭ ᐅᐦᒋ ᐋᐧᐸᒣᐤ ᑭᓭᒪᓂᑐᐊᐧ.

[12] ᑎᒥᑕᕒᐃᔭᐢ ᒥᔮᐧᒋᒥᐠ ᑲᐦᑭᔭᐤ ᐊᔨᓯᔨᓂᐊᐧ, ᒥᓇ ᑖᐯᐧᐃᐧᐣ ᒥᔮᐧᒋᒥᐠ ᐁᐦᐁ, ᓂᐢᑕᓈᐣ ᓂᐟ ᐋᒋᒫᓈᐣ; ᐁᑯᓯ ᑭ ᑭᐢᑫᔨᑌᐣ ᓂᐟ ᐋᒋᒧᐃᐧᓂᓈᐣ ᐁ ᑖᐯᐧᒪᑲᕽ.

[13] ᒥᐦᒉᐟ ᑫᑲᐧᔭ ᓂᐟ ᐊᔮᐣ ᑭᑕ ᒪᓯᓇᐦᐊᒫᑖᐣ, ᒫᑲ ᓇᒪᐃᐧᔭ ᒪᓯᓇᐦᐃᑲᓈᐳ ᒥᓇ ᒪᓯᓇᐦᐃᑲᓈᑎᐠ ᑭ ᐃᐧ ᐅᐦᒋ ᒪᓯᓇᐦᐊᒫᑎᐣ;

[14] ᒫᑲ ᓂ ᐸᑯᓭᔨᒧᐣ ᑭᔨᐸ ᑭᑕ ᐋᐧᐸᒥᑖᐣ ᐁᑯᓯ ᑭ ᑲ ᐃᐧᒋ ᐱᑭᐢᑫᐧᒥᑐᓈᓇᐤ ᐁ ᐋᐧᐸᑐᔭᕽ ᑭᑳᐧᑲᓂᓈᕽ. ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐊᔮᐣ. ᐅᑐᑌᒥᒫᐊᐧᐠ ᑭᐟ ᐊᑕᒥᐢᑳᑲᐧᐠ. ᐊᑕᒥᐢᑲᐃᐧᐠ ᐅᑐᑌᒥᒫᐊᐧᐠ ᐁ ᐋᐧᐃᐧᔭᒋᐠ.