<1 Thessalonians ᓂᐢᑕᑦ ᑌᓴᓬᐋᓂᔭᓇ 4

[1] ᐃᐢᑳᐧᔮᐨ ᒫᑲ ᓂᒋᐋᐧᒥᑎᐠ, ᑭ ᑳᑭᓯᒧᑐᑖᑎᓇᐣ ᒥᓇ ᑭ ᓯᑭᒥᑎᓈᐣ ᑳ ᑎᐯᔨᐦᒋᑫᐟ ᒋᓴᐢ ᐃᓯ, ᐊᓂᒪ ᑳ ᑭ ᐃᓯ ᒥᔨᑖᕽ ᑭᑕ ᐃᓯ ᐱᒧᐦᑌᔦᐠ ᒥᓇ ᑭᑕ ᓇᐦᐃᔭᐁᐧᐋᔦᐠ ᑭᓭᒪᓂᑐ, ᑳ ᐃᓯ ᐱᒧᐦᑌᔦᐠ ᐃᓴ ᐱᑯ, ᐊᔨᐋᐧᐠ ᐁᑯᓯ ᑭᑕ ᐃᓯ ᐊᔮᔦᐠ.

[2] ᒋᑫᒫ ᑭ ᑭᐢᑫᔨᑌᓈᐋᐧᐤ ᑳ ᑭ ᐃᓯ ᐊᔮᑳᐧᒥᒥᑖᕽ ᑳ ᑎᐯᔨᐦᒋᑫᐟ ᒋᓴᐢ ᐅᐦᒋ

[3] ᐃᐧᔭ ᐁᐊᐧᑫᐧᔨᐤ ᐅᒪ ᐁᓯ ᓇᑕᐁᐧᔨᑕᕽ ᑭᓭᒪᓂᑐ, ᑭ ᑲᓈᒋᐅᐃᐧᓂᐋᐧᐤ, ᑭᑕ ᑲᓇᐁᐧᔨᒥᓱᔦᐠ ᐱᓯᑳᐧᑎᓯᐃᐧᐣ ᐅᐦᒋ;

[4] ᑲᐦᑭᔭᐤ ᐊᐃᐧᔭᐠ ᑳ ᐃᑕᓯᔦᐠ ᑭᑕ ᑭᐢᑫᔨᑕᕽ ᑭᑕ ᑲᓇᐁᐧᔨᑕᕽ ᐃᐧᔭᐤ ᑲᓈᑎᓯᐃᐧᓂᕽ ᒥᓇ ᑭᐢᑌᔨᑖᑯᓯᐃᐧᓂᕽ,

[5] ᓇᒪᐃᐧᔭ ᒪᒋ ᒧᐢᑕᐁᐧᔨᑕᒧᐃᐧᓂᕽ, ᑖᐱᐢᑯᐨ ᒉᐣᑕᐃᓬᐊᐠ ᐁᑳ ᑳ ᑭᐢᑫᔨᒫᒋᐠ ᑭᓭᒪᓂᑐᐊᐧ;

[6] ᐁᑳ ᐊᐃᐧᔭᐠ ᐊᔨᓯᔨᓂᐤ ᑭᑕ ᐊᐧᓂᑐᑕᕽ, ᐁᑯᓯ ᑭᑕ ᒫᔨᑐᑕᐋᐧᐟ ᐃᐧᒋ ᐊᔨᓯᔨᓂᐊᐧ ᐁᑯᑐᐃᐧᕽ: ᒋᑫᒫ ᑳ ᑎᐯᔨᐦᒋᑫᐟ ᐋᐯᐅᐁᐧᐤ ᑭᐢᐱᐣ ᐊᐃᐧᔮ ᐁᑯᓯ ᐁ ᐃᓯᐦᒋᑫᔨᐟ, ᑳ ᑭ ᐃᓯ ᓂᔮᐠ ᐊᔮᑳᐧᒥᒥᑖᕽ ᒥᓇ ᐃᐧᐦᑕᒫᑖᕽ.

[7] ᒋᑫᒫ ᑭᓭᒪᓂᑐ ᓇᒪᐃᐧᔭ ᑯᐦᒋ ᓇᑐᒥᑯᓇᐤ ᑭᑕ ᐁᑳ ᐯᑳᑎᓯᔭᕽ, ᒫᑲ ᑭᑕ ᑲᓈᑎᓯᔭᕽ.

[8] ᐁᑯᓯ ᒫᑲ ᐊᓇ ᑳ ᐋᑕᐁᐧᔨᑕᕽ, ᓇᒪᐃᐧᔭ ᐊᔨᓯᔨᓂᐊᐧ ᑳ ᐋᑕᐁᐧᔨᒫᐟ, ᒫᑲ ᑭᓭᒪᓂᑐᐊᐧ, ᑳ ᒥᔨᑯᔦᐠ ᑳ ᑲᓈᑎᓯᔨᐟ ᐅᐟ ᐊᐦᒑᐦᑲᐧ.

[9] ᒫᑲ ᐅᒪ ᑭᑕ ᓵᑭᐃᐦᒋᐠ ᐅᒋᐋᐧᒥᒫᐊᐧᐠ ᓇᒪᐃᐧᔭ ᓇᑕᐁᐧᔨᑖᑲᐧᐣ ᐊᐃᐧᔭᐠ ᑭᑕ ᒪᓯᓇᐦᐊᒫᑯᔦᐠ: ᒋᑫᒫ ᑭᔭᐋᐧᐤ ᑭ ᑭᐢᑭᓄᐦᐊᒫᑯᐋᐧᐤ ᑭᓭᒪᓂᑐ ᑭᑕ ᓵᑭᐦᐃᑐᔦᐠ;

[10] ᐁᑯᓯ ᒫᑲ ᑭᐟ ᐃᑐᑕᐋᐧᐋᐧᐊᐧᐠ ᑲᐦᑭᔭᐤ ᐅᒋᐋᐧᒥᒫᐊᐧᐠ ᒥᓯᐁᐧ ᒫᓯᑖᓂᔭᐃᕽ ᑳ ᐊᔮᒋᐠ. ᒫᑲ ᑭ ᓯᑭᒥᑎᓈᐣ ᓂᒋᐋᐧᒥᑎᐠ, ᑭᑕ ᐁᐧᔪᒋ ᐃᑐᑕᒣᐠ ᐊᐊᐧᓯᒣ ᒥᓇ ᐊᐊᐧᓯᒣ;

[11] ᐁᑯᓯ ᑭᑕ ᓇᑐᓇᒣᐠ ᑭᑕ ᑭᔮᒣᐃᐧᓯᔦᐠ, ᒥᓇ ᑭᑕ ᓈᑲᑕᐁᐧᔨᑕᒣᐠ ᐊᓂᒪ ᑭᔭᐋᐧᐤ ᐁ ᑲᓇᐋᐧᐸᒥᑯᔦᐠ, ᐁᑯᓯ ᑭᑕ ᐊᑐᐢᑫᔦᐠ ᑭᒋᐦᒋᐋᐧᐊᐧ ᐅᐦᒋ, ᑳ ᑭ ᐃᓯ ᐊᔮᑳᐧᒥᒥᑖᕽ;

[12] ᐁ ᐃᓯ ᐱᒧᐦᑌᔦᐠ ᑲᐧᔭᐢᐠ ᑭᑕ ᐋᐧᐸᐦᑕᐋᔦᑯᐠ ᐊᓂᑭ ᐊᐧᔮᐃᐧᑎᒥᕽ ᑳ ᐊᔮᒋᐠ, ᒥᓇ ᐁᑳ ᑫᑲᐧᐩ ᑭᑕ ᑭᐧᑕᒫᔦᐠ.

[13] ᒫᑲ ᓇᒪᐃᐧᔭ ᓂ ᓇᑕᐁᐧᔨᑌᐣ ᑭᑕ ᐸᑲᐧᓇᐋᐧᑖᔦᐠ ᓂᒋᐋᐧᒥᑎᐠ, ᐁᓯ ᐊᔮᒋᐠ ᐊᓂᑭ ᑳ ᓂᐹᒋᐠ; ᐁᑳ ᑭᑕ ᒥᒋᔭᐁᐧᓯᔦᐠ, ᑖᐱᐢᑯᐨ ᑯᑕᑲᐠ, ᐁᑳ ᑳ ᐅᐟ ᐊᐢᐯᔨᒧᐃᐧᓂᒋᐠ.

[14] ᒋᑫᒫ ᑭᐢᐱᐣ ᑭ ᑖᐯᐧᑌᓈᓇᐤ ᒋᓴᐢ ᐁ ᑭ ᓂᐱᐟ ᐁᑯᓯ ᒥᓇ ᐁ ᑭ ᐊᐧᓂᐢᑳᐟ, ᐁᑯᓯ ᒥᓇ ᐊᓂᑭ ᑳ ᓂᐹᒋᐠ ᒋᓴᐢ ᐃᓯ ᑭᓭᒪᓂᑐ ᑭᑕ ᑭᑭ ᐅᑎᓀᐤ.

[15] ᒋᑫᒫ ᐅᒪ ᑭ ᐃᐧᑖᒫᑎᓈᐣ ᐅᐟ ᐃᑌᐧᐃᐧᐣ ᐅᐦᒋ ᑳ ᑎᐯᔨᐦᒋᑫᐟ, ᑭᔮᓇᐤ ᑳ ᐱᒫᑎᓯᔭᕽ, ᑳ ᐃᐢᑯᔭᕽ ᐃᔨᑯᕽ ᑭᑕ ᑕᑯᓯᕽ ᑳ ᑎᐯᔨᐦᒋᑫᐟ, ᓇᒪᐃᐧᔭ ᑭ ᑲ ᓂᑳᓄᑕᐋᐧᓇᐊᐧᐠ ᐊᓂᑭ ᑳ ᓂᐹᒋᐠ.

[16] ᒋᑫᒫ ᑳ ᑎᐯᔨᐦᒋᑫᐟ ᐃᐧᔭ ᑭᑕ ᐯ ᔮᓯᐤ ᑭᐦᒋ ᑭᓯᑯᕽ ᐅᐦᒋ, ᑌᐯᐧᐃᐧᐣ ᑭᑭ, ᐁ ᑌᐯᐧᐟ ᐊᓇ ᑭᐦᒋ ᐅᑭᓯᑯ, ᒥᓇ ᑭᑭ ᐅ ᐱᐱᑲᐧᐣ ᑭᓭᒪᓂᑐ: ᐁᑯᓯ ᐅᓂᐱᐊᐧᐠ ᙭ ᐃᓯ ᓂᑳᐣ ᑭᑕ ᐊᐧᓂᐢᑳᐋᐧᐠ:

[17] ᐁᑲᐧ ᒫᑲ ᑭᔮᓇᐤ ᑳ ᐱᒫᑎᓯᔭᕽ, ᑳ ᐃᐢᑯᔭᕽ, ᑭ ᑲ ᐅᑎᓂᑲᐃᐧᓈᓇᐤ ᐋᐧᐢᑯᕽ ᑭᑭ ᐁᐊᐧᑯᓂᐠ, ᑭᑕ ᓇᑭᐢᑲᐋᐧᔭᕽ ᑳ ᑎᐯᔨᐦᒋᑫᐟ ᓇᔦᐊᐧᒋ ᑭᓯᑯᕽ: ᐁᑯᓯ ᒫᑲ ᑳᑭᑫ ᑭ ᑲ ᐃᐧᒉᐋᐧᓇᐤ ᑳ ᑎᐯᔨᐦᒋᑫᐟ.

[18] ᒥᔪᑌᐁᐃᑐᐠ ᒫᑲ ᐅᐦᐃ ᐃᑌᐧᐃᐧᓇ ᐅᐦᒋ.