<1 Thessalonians ᓂᐢᑕᑦ ᑌᓴᓬᐋᓂᔭᓇ 3

[1] ᐁᑯᓯ ᒫᑲ ᐃᐢᐱ ᐁᑳ ᐊᔨᐋᐧᐠ ᐁ ᑭ ᓯᐯᔨᑕᒫᕽ, ᒥᔮᐧᓯᐣ ᓂ ᑭ ᐃᑌᔨᑌᓈᐣ ᑭᔮᑦ ᑭᑕ ᐯᔭᑯ ᓇᑲᑎᑲᐃᐧᔮᕽ ᐋᑎᐣᓯᕽ;

[2] ᐁᑯᓯ ᓂ ᑭ ᐃᓯᑎᓴᐦᐅᐋᐧᓈᐣ ᑎᒪᑎ, ᓂᒋᐋᐧᒥᓈᐣ ᒥᓇ ᑭᓭᒪᓂᑐ ᐅ ᐸᒥᐢᑖᑲᓇ ᐅ ᒥᔮᐧᒋᒧᐃᐧᓂᕽ ᙭, ᑭᑕ ᒪᐢᑲᐃᐧᑳᐸᐃᐧᐃᑯᔦᐠ ᒥᓇ ᑭᑕ ᒥᔪᑌᐁᐃᑯᔦᐠ ᑭ ᑖᐯᐧᔦᔨᑕᒧᐃᐧᓂᐋᐧᕽ;

[3] ᐁᑳ ᐊᐃᐧᔭᐠ ᑭᑕ ᐊᐧᐢᑲᐃᐧᓂᑯᐟ ᐅᐦᐃ ᐋᔨᒥᓯᐃᐧᓇ; ᒋᑫᒫ ᑭᔭᐋᐧᐤ ᑭ ᑭᐢᑫᔨᑌᓈᐋᐧᐤ ᐁᑯᑐᐃᐧᕽ ᐁ ᐃᑕᑭᒋᑳᓱᔭᕽ.

[4] ᒋᑫᒫ ᑖᐯᐧ ᒣᑳᐧᐨ ᐁ ᐃᐧᒋ ᐊᔮᒥᑖᕽ, ᓂᔮᐠ ᑭ ᑭ ᐃᐧᐦᑕᒫᑎᓈᐣ ᐱᑯ ᑭᑕ ᐊᔮᔭᕽ ᑯᑕᑭᑖᐃᐧᐣ; ᐁᑯᓯ ᒫᑲ ᑖᐯᐧ ᑳ ᐃᑭᕽ, ᒥᓇ ᑭ ᑭᐢᑫᔨᑌᓈᐋᐧᐤ.

[5] ᐁᐊᐧᑯ ᒫᑲ ᐅᒪ ᐅᐦᒋ ᓂᔭ ᒥᓇ, ᐁᑳ ᐊᔨᐋᐧᐠ ᐁ ᑭ ᓯᐯᔨᑕᒫᐣ, ᑳ ᑭ ᐃᓯᑎᓴᐦᐅᐁᐧᔮᐣ ᑭᑕ ᑭᐢᑫᔨᑕᒫᐣ ᑭ ᑖᐯᐧᔦᔨᑕᒧᐃᐧᓂᐋᐧᐤ, ᑫᑲ ᓈᐣᑕᐤ ᐃᓯ ᐅᑲᑫᐧᒋᐃᐁᐧᐤ ᑳ ᑲᑫᐧᒋᐃᑯᐁᐧᑫᐧ, ᐁᑯᓯ ᓂᐟ ᐊᑐᐢᑫᐃᐧᓂᓈᐣ ᐱᑯᓇᑕ ᑭᑕ ᐃᑌᔨᑖᑲᐧᕽ

[6] ᒫᑲ ᐃᐢᐱ ᑎᒪᑎ ᐁᐧᑎᑎᑯᔮᕽ ᑭᔭᐋᐧᐤ ᐅᐦᒋ, ᒥᓇ ᐁ ᐯ ᒥᔮᐧᑐᑕᕽ ᑭ ᑖᐯᐧᔦᔨᑕᒧᐃᐧᓂᐋᐧᐤ ᒥᓇ ᑭ ᓵᑭᐦᐃᐁᐧᐃᐧᓂᐋᐧᐤ, ᒥᓇ ᒧᓴᐠ ᐁ ᒥᔪ ᑭᐢᑭᓯᑐᑖᐃᐧᔮᕽ, ᐁ ᓄᐦᑌ ᐋᐧᐸᒥᔮᕽ, ᑖᐱᐢᑯᐨ ᓂᔭᓈᐣ ᒥᓇ ᐁ ᐃᓯ ᓄᑌ ᐋᐧᐸᒥᑖᕽ;

[7] ᐁᐊᐧᑯ ᐅᒪ ᐅᐦᒋ, ᓂᒋᐋᐧᒥᑎᐠ, ᑭ ᑭ ᒥᔪᑌᐁᐃᓈᐣ ᑲᐦᑭᔭᐤ ᓂᐟ ᐋᔨᒥᓯᐃᐧᓂᓈᕽ ᒥᓇ ᓂ ᑯᑕᑭᑖᐃᐧᓂᓈᕽ ᑭ ᑖᐯᐧᔦᔨᑕᒧᐃᐧᓂᐋᐧᐤ ᐅᐦᒋ:

[8] ᒋᑫᒫ ᐁᑲᐧ ᓂ ᐱᒫᑎᓯᓈᐣ, ᑭᐢᐱᐣ ᑭᐟ ᐋᔮᒋᑳᐸᐃᐧᓈᐋᐧᐤ ᑳ ᑎᐯᔨᐦᒋᑫᐟ ᐃᓯ.

[9] ᒋᑫᒫ ᑖᓂᓯ ᑫ ᑭ ᐃᓯ ᓇᓈᐢᑯᒪᔮᕽ ᒥᓇ ᑭᓭᒪᓂᑐ ᑭᔭᐋᐧᐤ ᐅᐦᒋ, ᐃᔨᑯᕽ ᒪᒪᐦᑖᑯᓯᐃᐧᐣ ᑳ ᐃᓯ ᒪᒪᐦᑖᑯᐃᔮᕽ ᐁ ᐃᓯ ᐋᐧᐸᒥᑯᔭᕽ ᑭ ᑭᓭᒪᓂᑐᒥᓇᐤ;

[10] ᐁ ᑎᐱᐢᑳᐠ ᒥᓇ ᐁ ᑭᓯᑳᐠ ᓱᑭ ᐁ ᐊᔭᒥᐦᐋᔮᕽ ᑭᑕ ᐋᐧᐸᒥᑖᕽ ᒥᓇ, ᐁᑯᓯ ᒥᑐᓂ ᑭᑕ ᑭᓯᑖᔮᕽ ᐊᓂᒪ ᐃᑕ ᐁ ᓄᑌᐸᔨᐠ ᑭ ᑖᐯᐧᔦᔨᑕᒧᐃᐧᓂᐋᐧᐤ?

[11] ᐁᑲᐧ ᒫᑲ ᑭ ᑭᓭᒪᓂᑐᒥᓇᐤ ᒥᓇ ᑯᑖᐃᐧᓇᐤ ᐃᐧᔭ ᑫᐦᒋᐋᐧᐠ, ᒥᓇ ᑳ ᑎᐯᔨᒥᑯᔭᕽ ᒋᓴᐢ, ᓂ ᑲ ᐃᐧ ᐃᑕᐢᑕᒪᑯᓈᐣ ᓂ ᒣᐢᑲᓈᓈᐣ ᑭᑕ ᑭ ᐅᑎᑎᑖᕽ:

[12] ᐁᑯᓯ ᑳ ᑎᐯᔨᐦᒋᑫᐟ ᑭ ᑲ ᐃᐧ ᔭᑭᐃᑯᐋᐧᐤ ᑭᑕ ᐁᐧᔪᒋ ᓵᑭᐦᐃᑐᔦᐠ ᒥᓇ ᑲᐦᑭᔭᐤ ᐊᔨᓯᔨᓂᐤ, ᓂᔭᓈᐣ ᑳ ᐃᓯ ᓵᑭᐃᑖᕽ;

[13] ᑭᑕ ᐋᔮᑕᐢᑖᐟ ᑭᑌᐦᐃᐋᐧᐊᐧ ᐁᑳ ᑭᑕ ᐋᓀᐧᔨᑖᑯᓯᔦᐠ ᑲᓈᑎᓯᐃᐧᓂᕽ ᐁ ᐃᓯ ᐋᐧᐸᒥᑯᔦᐠ ᑭ ᑭᓭᒪᓂᑐᒥᓇᐤ ᒥᓇ ᑯᑖᐃᐧᓇᐤ, ᐃᐢᐱ ᑕᑯᓯᑭ ᑳ ᑎᐯᔨᒥᑯᔭᕽ ᒋᓴᐢ ᑭᑭ ᑲᑭᔭᐤ ᐅ ᑲᓈᑎᓯᒪ.