<Zabur 125

[1] Lagu ziarah. Ureuëng nyang peucaya ubak TUHAN, na kheueh lagée Bukét Sion nyang kong dan kukoh hana hase teuyok-yok, dan meuteun siumu masa.

[2] Lagée gunong-gunong nyang jilindong Yerusalem, meunan kheueh TUHAN geulindong umat Gobnyan phon saátnyoe sampoe siumu masa.

[3] Ureuëng jeuhet hana siumu masa jimat kuasa ditanoh pusaka ureuëng jujoe, mangat ureuëng nyang jroh hana jiseutôt jipeubuet jeuhet.

[4] Ya TUHAN, neupeuget kheueh nyang jroh keu ureuëng nyang jroh, keu ureuëng nyang jujoe até.

[5] Teuma ureuëng nyang jipeubuet jeuhet bah kheueh teutab geuhuköm lé TUHAN meusajan ngon jeuhet jih. Seumoga umat Droeneueh seujahteura!